News Continuous Bureau | Mumbai
Mumbra Slab Collapse :થાણેના મુંબ્રામાં એક ચોંકાવનારી ઘટના સામે આવી છે. 30 વર્ષ જૂના ફ્લેટમાં સીલિંગ પ્લાસ્ટર શરીર પર પડતાં પાંચ વર્ષની બાળકીનું મોત થયું છે. માતા, પિતા અને ભાઈ ગંભીર રીતે ઘાયલ છે. આ ઘટનાને પગલે વિસ્તારમાં ચકચાર મચી ગઈ છે. તેમજ બિલ્ડીંગની ગુણવત્તાનો મુદ્દો પણ ઉઠાવવામાં આવી રહ્યો છે. આ ઘટના મુંબ્રાના જીવન બાગ વિસ્તારમાં બની હતી.
Mumbra Slab Collapse : રસોડાની છતનું પ્લાસ્ટર તૂટી પડ્યું
આ અકસ્માત સાથે, મુંબ્રા માં જૂની અને જોખમી ઇમારતોની સલામતીનો મુદ્દો ફરી એકવાર સામે આવ્યો છે. પરિવાર સૂતો હતો ત્યારે તેમના રસોડાની છતનું પ્લાસ્ટર તૂટી પડ્યું હતું. આ સમયે રસોડામાં સૂતેલા બાળકને ગંભીર ઈજાઓ પહોંચી હતી. સ્થાનિકો તેને તરત જ મુંબ્રાની હોસ્પિટલમાં લઈ ગયા, જ્યાં હોસ્પિટલના તબીબી અધિકારીઓએ તેને મૃત જાહેર કર્યું. આ સાથે અકસ્માતમાં ત્રણ લોકો ઘાયલ થયા હતા.
Mumbra Slab Collapse : રહીશો જીવના જોખમે રહે છે.
ઘટનાની માહિતી મળ્યા પછી, થાણે મ્યુનિસિપલ કોર્પોરેશનના જાહેર બાંધકામ વિભાગના એન્જિનિયર, અતિક્રમણ વિભાગનો સ્ટાફ અને મુંબ્રા પોલીસ ઘટનાસ્થળે આવી હતી. બિલ્ડીંગ C-2B (ઇમારત ખાલી કર્યા વિના રચનાત્મક સમારકામ) કેટેગરી હેઠળ આવતી હોવાથી, બિલ્ડીંગના રહેવાસીઓને અગાઉ બિલ્ડીંગ રીપેર કરવાની સલાહ આપવામાં આવી હતી. જો કે હજુ સુધી આ બિલ્ડીંગનું સમારકામ કરવામાં આવ્યું નથી. આથી અહીંના રહીશો જીવના જોખમે રહે છે.
આ સમાચાર પણ વાંચો : Surat: સુરત જિલ્લા પંચાયતની અનોખી પહેલ, મત્સ્ય ઉછેર માટે જિલ્લાના આટલાથી વધુ તળાવો ઈજારા પર અપાશે.
