News Continuous Bureau | Mumbai
Naxal Encounter : છત્તીસગઢના નારાયણપુરમાં નક્સલવાદીઓ સાથે જવાનોનું એન્કાઉન્ટર થયું છે, આ અથડામણમાં જવાનોને મોટી સફળતા મળી છે. અબુઝમાદમાં થયેલા એન્કાઉન્ટરમાં 8 નક્સલવાદીઓ માર્યા ગયા હોવાના અહેવાલ છે. જેમાં એક જવાન ઘાયલ થયાના સમાચાર છે. તમને જણાવી દઈએ કે, કુતુલ, ફરસાબેડા, કોડમેટા વિસ્તારમાં પોલીસ અને નક્સલવાદીઓ વચ્ચે આ એન્કાઉન્ટર ચાલી રહ્યું છે. નારાયણપુરના એસપી પ્રભાત કુમારે આ વાતની પુષ્ટિ કરી છે.
Naxal Encounter :નક્સલવાદને ખતમ કરવાના પ્રયાસમાં સંયુક્ત ઓપરેશન ચાલુ
અબુઝહમદમાં ચાલી રહેલા એન્કાઉન્ટરમાં ચાર જિલ્લાની પોલીસ સામેલ હોવાની સત્તાવાર માહિતી મળી છે, જે નક્સલવાદને ખતમ કરવાના પ્રયાસમાં સંયુક્ત ઓપરેશન ચલાવી રહી છે. આ એન્કાઉન્ટરમાં DRG, STF અને ITBP 53મી કોર્પ્સ ફોર્સ ઓફ નારાયણપુર-કોંડાગાંવ-કાંકેર-દંતેવાડા સામેલ છે. સુરક્ષા દળો આંતરિક વિસ્તારો અને એન્કાઉન્ટર સાઇટ્સની તપાસ કરી રહ્યા છે.
Naxal Encounter :ગત સપ્તાહે સાત નક્સલવાદીઓ માર્યા ગયા હતા
મહત્વનું છે કે 7 જૂને દંતેવાડા અને નારાયણપુર બોર્ડર પર સર્ચિંગ દરમિયાન સૈનિકો અને નક્સલવાદીઓ વચ્ચે અથડામણ થઈ હતી. આ જવાબી હુમલામાં 7 નક્સલવાદીઓ માર્યા ગયા હતા. સર્ચ દરમિયાન, સૈનિકોને માર્યા ગયેલા નક્સલવાદીઓ પાસેથી મોટી માત્રામાં દારૂગોળો અને હથિયારો પણ મળ્યા હતા. નારાયણપુર, દંતેવાડા અને કોંડાગાંવ જિલ્લાની સરહદ પર સ્થિત મુંગેડી અને ગોબેલ વિસ્તારના એક ગામમાં કેટલાક નક્સલવાદીઓ છુપાયા હોવાની માહિતી મળતાં સુરક્ષા દળોએ આ નક્સલ વિરોધી ઓપરેશન શરૂ કર્યું હતું.
આ સમાચાર પણ વાંચો : ગર્વની ક્ષણ.. દુનિયાની સૌથી ટફ ગણાતી કોમરેડ મેરેથોન, મુંબઈના 20 વર્ષીય દોડવીર આનંદ લોંધેએ પુર્ણ કરી
Naxal Encounter :અત્યાર સુધીમાં 120થી વધુ નક્સલવાદીઓ માર્યા ગયા
જણાવી દઈએ કે છેલ્લા કેટલાક સમયથી છત્તીસગઢમાં પોલીસ અને સુરક્ષા દળોની સંયુક્ત ટીમ સતત નક્સલ વિરોધી અભિયાન ચલાવી રહી છે, જેમાં આ વર્ષે અત્યાર સુધીમાં 120થી વધુ નક્સલવાદીઓ માર્યા ગયા છે. ગયા મહિને મે મહિનામાં બીજાપુર જિલ્લામાં સુરક્ષા દળો દ્વારા મોટી સંખ્યામાં નક્સલવાદીઓ માર્યા ગયા હતા.
