News Continuous Bureau | Mumbai 

Maratha Reservation: મરાઠા આરક્ષણને લઈને સૂત્રોના હવાલાથી મોટા સમાચાર સામે આવ્યા છે. 16 ફેબ્રુઆરીએ રાજ્ય સરકાર ( State Govt )  મહારાષ્ટ્ર વિધાનસભાનું વિશેષ સત્ર બોલાવશે. આ સત્રમાં મરાઠા આરક્ષણને લઈને પ્રસ્તાવ આવશે. અગાઉ કેબિનેટની બેઠકમાં OBC કમિશનના સમગ્ર અહેવાલને મંજૂરી મળ્યા બાદ રાજ્ય સરકાર આ અંગે વિધાનસભામાં કાયદો બનાવશે.

એક અહેવાલ મુજબ, મરાઠા આરક્ષણ કાર્યકર્તા મનોજ જરાંગેએ ( Manoj Jarange ) કુણબી મરાઠાઓના ‘લોહીના સંબંધીઓ’ સંબંધિત ડ્રાફ્ટ સૂચનાને કાયદામાં ફેરવવા માટે મહારાષ્ટ્ર વિધાનસભાના ( Maharashtra Assembly ) વિશેષ સત્રની ( Special Session ) માંગણી સાથે તેમના અનિશ્ચિત ઉપવાસ ચાલુ રાખવાના નિર્ણયની પુષ્ટિ કરી છે. ઉલ્લેખનીય છે કે, જરાંગેએ શનિવારથી જાલના જિલ્લાના પોતાના વતન ગામ અંતરવાલી સરતીમાં પોતાનું આ આંદોલન શરૂ કર્યું હતું.

આ સમાચાર પણ વાંચો : Ashok Chavan: મહારાષ્ટ્રમાં કોંગ્રેસને લાગ્યો વધુ એક મોટો ઝટકો! હવે આ દિગ્ગજ નેતાએ આપ્યું રાજીનામું.. ભાજપમાં જોડાવવાની શક્યતા..  

 સરકારે એવા 57 લાખ OBC લોકોને જાતિના પ્રમાણપત્રો આપવા જોઈએ જેમની પાસે કુણબી હોવાનો રેકોર્ડ છે: મનોજ જરાંગે..

નોંધનીય છે કે, એક વર્ષથી ઓછા સમયમાં આ ચોથી વખત છે કે, જ્યારે તેઓ મરાઠા સમુદાયને OBC (અન્ય પછાત વર્ગ) જૂથ હેઠળ સમાવવાની માંગ સાથે ભૂખ હડતાળ પર છે. જરાંગેએ શનિવારે એક નિવેદન આપતા કહ્યું હતું કે, સરકારે બે દિવસમાં રાજ્ય વિધાનસભાનું વિશેષ સત્ર બોલાવવું જોઈએ અને મરાઠા આરક્ષણ અંગે કાયદાને અમલમાં લાવવા વિશે ચર્ચા કરવી જોઈએ. તેમ જ સરકારે એવા 57 લાખ લોકોને (OBC) જાતિના પ્રમાણપત્રો આપવા જોઈએ જેમની પાસે કુણબી ( Kunbi Marathas ) હોવાનો રેકોર્ડ છે.