ન્યૂઝ કન્ટીન્યુઝ બ્યૂરો
મુંબઈ
28 જુલાઈ 2020
કોરોના વાયરસનો કહેર દિનપ્રતિદિન વધી રહ્યો છે. મુંબઇ અને મહારાષ્ટ્રમાં હજી પણ લોકડાઉન 2.0 નો અમલ ચાલુ છે. જે મુજબ કારણ વગર ઘરની બહાર નિકળવા પર પ્રતિબંધ છે. આમ છતાં ઘણા લોકો નાની નાની વાતે વાહન લઈને ઘરની બહાર ફરવા નીકળી પડતા હોય છે. એવા અંદાજે 32 હજાર થી વધુ લોકોની પોલીસે ધરપકડ કરી છે. તેમજ ટ્રાફિક પોલીસે પણ કડક કાર્યવાહી અંતર્ગત આશરે એક લાખ જેટલા વાહનો જપ્ત કર્યા છે. આમ તાળાબંદીમાં ગેરજરૂરી રીતે વાહનો લઇ નીકળી પડતા લોકો પર કાર્યવાહી કરી, ચાલાન દ્વારા જ પોલીસને 16 કરોડ 18 લાખ 43 હજાર, 804 રૂપિયાની કમાણી થઇ છે.
અંદાજે 85 હજારથી એક લાખ જેટલા વાહનો પોલીસ સ્ટેશનમાં પડી રહ્યા છે. છેલ્લા 24 કલાકમાં જ પોલીસે 3800 થી વધુ વાહનો જપ્ત કર્યા છે. હાલ લૉકડાઉનનો ભંગ કરવા બદલ જપ્ત કરવામાં આવેલા વાહનો જે તે વિસ્તારના પોલીસ સ્ટેશનમાં મૂકી રાખવામાં આવે છે. અત્યાર સુધી આ વાહનો આરટીઓ દ્વારા જ છોડી શકાય તેવા નિયમને કારણે વાહનના માલિકો વાહન છોડાવવા પોલીસ સ્ટેશન અને આરટીઓ તંત્ર વચ્ચે દોડધામ કરતા હતા. જોકે આ વાહનો રાખવા માટે પોલીસ સ્ટેશનોમાં પણ હવે જગ્યા નહીં હોવાથી કેટલાક પાર્ટીપ્લોટ તો કેટલાક હોલમાં વાહનો મૂકવાની વ્યવસ્થા કરવામાં આવી છે…
નોંધનીય છે કે લોકડાઉન ને ગયા માર્ચ મહિનાના છેલ્લા અઠવાડિયામાં લાગુ કરવામાં આવ્યું હતું. ત્યારથી લઈ આજ સુધી ઇમર્જન્સી અને જીવન આવશ્યક ચીજો માટે છૂટ આપવામાં આવી છે. આમ છતાં લોકો કારણ વગર બહાર ન નીકળવાના નિયમને માનવા તૈયાર નથી. આવા કામ વગર વાહન લઇને બહાર નીકળી પડતા તમામ લોકો પર પોલીસની સખત કાર્યવાહી આગામી દિવસોમાં પણ ચાલુ જ રહેશે એમ એક અધિકારીએ જણાવ્યું હતું..
ગુજરાતી બ્રેકિંગ ન્યૂઝ માટે વોટ્સઅપ ગ્રુપ માં નીચે આપેલી લિંક દબાવીને જોડાઓ…
News Continuous (ન્યૂઝ કંટીન્યૂઝ)
YouTube : https://www.youtube.com/NewsContinuous
Twitter : https://twitter.com/NewsContinuous
Facebook : https://www.facebook.com/newscontinuous
Instagram : https://www.instagram.com/newscontinuous/
Email : TheNewsContinuous@gmail.com
