News Continuous Bureau | Mumbai
Pangolin in school : ઉત્તર પ્રદેશના મિર્ઝાપુરમાં એક દુર્લભ પ્રાણી જોવા મળ્યું છે. રાજગઢની ઈન્ટરનેશનલ સ્કૂલમાં દુર્લભ પ્રજાતિના પેંગોલિન જોવા મળ્યું છે. આ લુપ્ત થતા આ વન્યજીવને જોવા માટે મોટી સંખ્યામાં ગ્રામજનો ઉમટી પડ્યા હતા. સ્કૂલ મેનેજમેન્ટ દ્વારા પોલીસ અને વન વિભાગને જાણ કરવામાં આવી હતી, ત્યારબાદ ટીમ ઘટનાસ્થળે પહોંચી હતી અને ઘણી જહેમત બાદ પેંગોલિનને સુરક્ષિત રીતે બહાર કાઢીને જંગલમાં છોડી દીધું હતું. આ પ્રજાતિના પ્રાણીઓ આ વિસ્તારમાં જોવા મળતા ન હોવાથી લોકોમાં કુતૂહલ હતું.
Pangolin in school : જુઓ વિડીયો
मिर्जापुर के राजगढ़ इलाके के स्कूल में पैंगोलिन,वन विभाग की टीम ने कड़ी मशक्कत के बाद पैंगोलिन का किया रेस्क्यू pic.twitter.com/ESFdwNGMCE
— princy sahu (@princysahujst7) September 24, 2024
Pangolin in school : પેંગોલિન બચાવ કામગીરી
રાજગઢ પોલીસ સ્ટેશન વિસ્તારના ઈન્દિરા નગરમાં આવેલી ઈન્ટરનેશનલ સ્કૂલના વિદ્યાર્થીઓ અને સ્ટાફને અચાનક પેંગોલિન દેખાયું. આ દુર્લભ વન્યજીવ એ શાળાના કેમ્પસમાં હલચલ મચાવી દીધી હતી. વન વિભાગની ટીમે ઘટનાસ્થળે પહોંચી પેંગોલિનને પાંજરામાં બંધ કરી સલામત સ્થળે લઈ જઈને જંગલમાં છોડી દીધું હતું.
ફોરેસ્ટ રેન્જર રાકેશ કુમાર સિંહે જણાવ્યું કે પેંગોલિન શરમાળ અને શાંત પ્રાણી છે, જે મોટાભાગે રાત્રે સક્રિય રહે છે અને ઉધઈ અને કીડીઓ ખાય છે. પેંગોલિનની આ પ્રજાતિ નેપાળ, ભૂતાન, શ્રીલંકા અને ભારતના પર્વતીય વિસ્તારોમાં જોવા મળે છે.
Pangolin in school : પેંગોલિનના નખ છે ખૂબ મૂલ્યવાન
મિર્ઝાપુરના ડીએફઓ અરવિંદ રાજ મિશ્રાએ જણાવ્યું હતું કે પકડાયેલા પેંગોલિનનું વજન લગભગ 5 કિલો હતું અને તેની લંબાઈ 1 થી 2 મીટરની વચ્ચે હતી. આંતરરાષ્ટ્રીય બજારમાં તેના નખની ભારે માંગ છે, જ્યાં તેની કિંમત કરોડો રૂપિયા સુધી પહોંચે છે. પેંગોલિનના શરીર પર કેરાટિન ભીંગડા હોય છે, જે તેને સુરક્ષિત રાખે છે. ડીએફઓએ કહ્યું કે કમનસીબે આ પ્રજાતિ અંધશ્રદ્ધા અને તસ્કરીના કારણે લુપ્ત થવાના આરે છે. વન વિભાગની ટીમે આ દુર્લભ પ્રજાતિના સંરક્ષણ માટે અપીલ કરી છે અને સામાન્ય જનતાને કોઈપણ વન્યજીવને સુરક્ષિત રાખવામાં સહકાર આપવા વિનંતી કરી છે.
(News Continuous brings you all the latest breaking news, viral trends and information from social media world, including Twitter, Instagram and Youtube. The above post is embeded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
