News Continuous Bureau | Mumbai
ગત 11 ડિસેમ્બરના રોજ વડાપ્રધાન નરેન્દ્ર મોદીએ મહારાષ્ટ્રમાં સમૃદ્ધિ હાઈવેનું ઉદ્ઘાટન કર્યું હતું. આ પછી સમૃદ્ધિ હાઈવે ( Samruddhi Expressway ) પર અકસ્માતો થવાનો સિલસિલો ચાલુ થઇ ગયો હતો. દરમિયાન આ હાઈવે પર થતા અકસ્માતોને ( avoid accidents ) લઈને વહીવટીતંત્ર ( transport department ) દ્વારા વિશેષ પગલાં લેવામાં આવી રહ્યા છે. 1 જાન્યુઆરીથી સમૃદ્ધિ હાઈવે પર સ્પીડ ગન લગાવવામાં આવશે.
પરિવહન વિભાગનો મોટો નિર્ણય!
મળતી માહિતી મુજબ, છેલ્લા 18 દિવસમાં સમૃદ્ધિ હાઈવે પર 40 થી વધુ અકસ્માતો થયા છે, જેમાં 7 લોકોના મોત થયા છે અને 33 લોકો ઘાયલ થયા છે. આ પૃષ્ઠભૂમિમાં, પરિવહન વિભાગે હવે સ્પીડ ગન લગાવવાનો નિર્ણય લીધો છે. દરમિયાન, પરિવહન વિભાગે સ્પીડ ગન લગાવવાનો નિર્ણય લીધો છે. વાહનોની ઝડપ મર્યાદા 120 કિમી પ્રતિ કલાક નક્કી કરવામાં આવી છે.
પરિવહન કમિશનર વિવેક ભીમનવરે આજે પ્રાદેશિક પરિવહન કાર્યાલય (RTO) નાગપુર ખાતે સમૃદ્ધિ પર અકસ્માતોને રોકવા માટેના પગલાં પર વિચારણા કરવા માટે એક બેઠક બોલાવી હતી.
આ સમાચાર પણ વાંચો: પી એમ મોદીના માતા નાં નિધન ને લઈ વડનગર શોકમય બન્યું, વડનગર શહેરના બજારો સંપૂર્ણ થયા બંધ, 3 દિવસ રહેશે બંધ
સ્પીડ ગન શું છે?
સ્પીડ ગન કેમેરા સિસ્ટમ એ એક એવી સિસ્ટમ છે જે કેમેરા દ્વારા સ્પીડિંગ વાહનના લાયસન્સ પ્લેટ નંબરને કેપ્ચર કરે છે અને તેની માહિતી ટ્રાફિક સિસ્ટમને આપે છે. ઝડપ મર્યાદાનો ભંગ કરનાર કારના વાહન નંબરને ટ્રાફિક પોલીસ દ્વારા લગાવવામાં આવેલા લેસર કેમેરા દ્વારા પકડવામાં આવે છે અને તમામ માહિતી આપોઆપ સિસ્ટમમાં રેકોર્ડ થઈ જાય છે. આ પછી દંડનો મેસેજ સીધા વાહન ચાલકોને તેમના મોબાઈલ પર મોકલવામાં આવે છે.
