મહારાષ્ટ્રના સિંધુદુર્ગ જિલ્લામાં આવેલ વેંગુરલા તાલુકાના વાયંગાણી બીચ પર આગામી 25 અને 26 માર્ચ દરમિયાન ‘ટર્ટલ ફેસ્ટિવલ વાયંગાણી 2023’નું આયોજન કરવામાં આવ્યું છે. આ મહોત્સવના ઉદઘાટન પ્રસંગે કલેકટર કે. મંજુલક્ષ્મી, જિલ્લા પોલીસ અધિક્ષક સૌરભ અગ્રવાલ, મુખ્ય કાર્યકારી અધિકારી પ્રજીત નાયર, સાવંતવાડી વન સંરક્ષક નવકિશોર રેડ્ડી, સિધુદુર્ગ ના માનદ વન્યજીવ સંરક્ષક નાગેશ દપ્તરદાર ઉપસ્થિત રહેશે.

25 માર્ચનો કાર્યક્રમ

25 માર્ચે સવારે 7.45 કલાકે નવજાત દરિયાઈ કાચબાના બચ્ચાઓને મહાનુભાવો દ્વારા કુદરતી આવાસમાં છોડવામાં આવશે, સવારે 8.30 કલાકે ઉદ્ઘાટન, 9.45 કલાકે કાંદલવન સફર, 11 કલાકે કાચબા સંરક્ષણ અંગે માર્ગદર્શન, 12.30 કલાકે કાચબા સંરક્ષણમાં ઉત્કૃષ્ટ કામગીરી કરનારનું સન્માન, સાંજે 5 કલાકે કાચબા સંરક્ષણ પર માર્ગદર્શિત ફિલ્મ, 5.30 કલાકે કાંડલ વન સંરક્ષક દ્વારા માર્ગદર્શન સર્કલ, 7.30 કલાકે ‘કુર્મ અવતાર’ એક પૌરાણિક નાટક દર્શાવવામાં આવશે.

આ સમાચાર પણ વાંચો :   પાકિસ્તાન હાથ ઘસતું રહી ગયું, શ્રીલંકા બાજી મારી ગયું! IMF એ 3 બિલિયન ડોલરની લોન મંજૂર કરી

26 માર્ચનો કાર્યક્રમ

26 માર્ચે સવારે 7.30 કલાકે નવજાત દરિયાઈ કાચબાના બચ્ચાઓને કુદરતી વસવાટમાં છોડવા, સવારે 8.30 કલાકે વાયંગાણી બીચ ક્લીનઅપ મિશન, સવારે 9.30 કલાકે કોન્ડુરા હિલ પર નેચર ટ્રેલ, સવારે 11 કલાકે કાર્યક્રમનું સમાપન થશે. કુડાલ ફોરેસ્ટ રેન્જ ઓફિસર અમૃત શિંદે, મઠ ફોરેસ્ટર સાવલા કાંબલે, મઠ ફોરેસ્ટ ગાર્ડ સૂર્યકાંત સાવંતે આ પ્રસંગે ઉપસ્થિત રહેવા અપીલ કરી છે.