News Continuous Bureau | Mumbai
બિહારના ભાગલપુરમાં સુલતાનગંજ-અગુવાની ગંગા નદી પર નિર્માણાધીન ફોર-લેન બ્રિજ ફરી એકવાર જમીનદોસ્ત થઈ ગયો છે. આ અકસ્માતનો એક ભયાનક વીડિયો સામે આવ્યો છે. બ્રિજના પિયર નંબર 10, 11, 12 ઉપરનું આખું સુપર સ્ટ્રક્ચર અગવાણી બાજુથી તૂટી ગયું છે, જે લગભગ 200 મીટરનો ભાગ હશે. જો કે અકસ્માતનું કારણ હજુ સ્પષ્ટ થયું નથી.
#Bihar a portion of under construction bridge over Ganga river collapsed today. The Aguanhighat Sultanganj bridge will connect Khagaria and Bhagalpur districts. pic.twitter.com/7DLTQszso7
— All India Radio News (@airnewsalerts) June 4, 2023
ખાગરિયા-અગુવાની-સુલતાનગંજ વચ્ચે નિર્માણાધીન પુલ તૂટી પડવાનો વીડિયો સામે આવ્યો છે. વીડિયોમાં નિર્માણાધીન બ્રિજનો ઉપરનો ભાગ ધરાશાયી થતો જોવા મળી રહ્યો છે. પુલ તૂટી પડ્યા બાદ આખો પુલ ગંગા નદીમાં ગરકાવ થઈ ગયો હતો. આશ્ચર્યની વાત એ છે કે બે વર્ષ પહેલા પણ આ પુલનો એક ભાગ ધરાશાયી થયો હતો. મુખ્યમંત્રી નીતિશ કુમારે ચાર વર્ષ પહેલા આ પુલનો શિલાન્યાસ કર્યો હતો. આ પુલના અકસ્માતે બાંધકામની ગુણવત્તા સામે સવાલો ઉભા કર્યા છે. તો સત્તાધારી વિપક્ષોમાં આક્ષેપ-પ્રતિઆક્ષેપનો દોર શરૂ થયો છે.
આ સમાચાર પણ વાંચો : Water Crisis : મુંબઈકરો પાણીનો વપરાશ સંભાળીને કરજો, શહેરમાં પાણી પૂરું પાડતાં જળાશયોમાં માત્ર આટલા ટકા જ જથ્થો બચ્યો..
સદનસીબે પ્રાથમિક માહિતી મુજબ આ અકસ્માતમાં કોઈ જાનહાનિ થઈ નથી. આ પુલ તૂટી પડતાં ઘટનાસ્થળે અને વિસ્તારમાં લોકોમાં ભયનો માહોલ ફેલાયો હતો. મુખ્યમંત્રી નીતિશ કુમારે ઘટનાની તપાસના આદેશ આપ્યા છે.
