Tag:

agra

Railway News: Partial change in timing of Asarwa-Agra Cantt Special train; Know the reason..
રાજ્ય

Railway News : રેલયાત્રીઓ ને થશે હેરાનગતિ, અસારવા-આગ્રા કેન્ટ સ્પેશિયલ ટ્રેન ના સમયમાં આંશિક ફેરફાર; જાણો શું છે કારણ..

by kalpana Verat
written by kalpana Verat

News Continuous Bureau | Mumbai

Railway News : રેલ્વે પ્રશાસન દ્વારા ઓપરેશનલ કારણોસર 12 જૂન 2025 થી ટ્રેન નંબર 01920 અસારવા-આગ્રા કેન્ટ સ્પેશિયલના સમયમાં આંશિક ફેરફાર કરવાનો નિર્ણય લીધો છે: જેની વિગતો નીચે મુજબ છે:

ટ્રેન નંબર 01920 અસારવા-આગ્રા કેન્ટ સ્પેશિયલ 12 જૂન 2025 થી અસારવાથી 18.00 કલાકને બદલે 17.50 કલાકે ઉપડશે અને આગમન-પ્રસ્થાનનો સમય હિંમતનગર સ્ટેશન પર 19.10/19.12 કલાકે, ડુંગરપુર સ્ટેશન પર 20.35/20.40 કલાકે, અને જાવર સ્ટેશન પર 21.40/21.42 કલાક રહેશે અને અન્ય સ્ટેશનો પર આગમન-પ્રસ્થાનનો સમય યથાવત રહેશે.

આ સમાચાર પણ વાંચો :  TATA company Dividend :રોકાણકારો રાજીરાજી! ટાટા ગ્રુપની આ કંપની આપશે ડિવિડન્ડ, પ્રતિ શેર 75 રૂપિયાનો નફો, જાણો રેકોર્ડ ડેટ

ટ્રેનોના રોકાણ, સમય અને સંરચના સંબંધિત વિગતવાર માહિતી માટે યાત્રી કૃપા કરીને www.enquiry.indianrail.gov.in પર જઈને અવલોકન કરી શકે છે.

Disclaimer : Except for the headline, this story has not been edited by News Continuous staff and is published from a syndicated feed.

0 comment
0 FacebookTwitterPinterestEmail
IAF MiG-29 jet crash MiG-29 fighter jet crashes near Agra, pilot ejects to safety
દેશMain PostTop Post

IAF MiG-29 jet crash : વાયુસેનાનું એરક્રાફ્ટ થયું ક્રેશ, હવામાં જ પ્લેનમાં આગ લાગ્યા બાદ ખેતરમાં પડ્યું.. જુઓ વીડિયો

by kalpana Verat
written by kalpana Verat

News Continuous Bureau | Mumbai

IAF MiG-29 jet crash :   આગ્રામાં સેનાનું મિગ-29 ફાઈટર પ્લેન ક્રેશ થયું છે. વિમાન જમીન પર પડતાની સાથે જ આગ લાગી ગઈ હતી. પાયલોટ સહિત બે લોકોએ કૂદીને પોતાનો જીવ બચાવ્યો હતો. આ વિમાન કાગરૌલ-સોનીગા ગામ પાસેના ખાલી ખેતરોમાં પડ્યું હતું. મળતી માહિતી મુજબ, દુર્ઘટના સમયે પાયલોટ અને તેના સાથી પ્લેનથી લગભગ બે કિલોમીટર દૂર પડ્યા હતા.

IAF MiG-29 jet crash : પ્લેન જમીન પર પડ્યા બાદ આગ લાગી

મળતી માહિતી મુજબ, પ્લેન જમીન પર પડ્યા બાદ તેમાં આગ લાગી હતી. જો કે હજુ સુધી એ સ્પષ્ટ નથી થયું કે આ અકસ્માત કેવી રીતે થયો? વિમાનમાં કોઈ ટેકનિકલ ખામી હતી કે પછી અકસ્માત પાછળ કોઈ અન્ય કારણ હતું. આ વિમાન પંજાબના આદમપુરથી ટેકઓફ થયું હતું અને પ્રેક્ટિસ માટે આગ્રા જઈ રહ્યું હતું, ત્યારે આ દુર્ઘટના ઘટી હતી. સંરક્ષણ અધિકારીએ કહ્યું કે આ ઘટનામાં કોર્ટ ઓફ ઈન્ક્વાયરીનો આદેશ આપવામાં આવશે.

 

દુર્ઘટનાની માહિતી મળ્યા બાદ આગ્રા કેન્ટોનમેન્ટના સેનાના અધિકારીઓ ઘટનાસ્થળે પહોંચી ગયા છે. આગને કારણે પ્લેન સંપૂર્ણપણે બળીને રાખ થઈ ગયું હતું. ઘણા પ્રસંગોએ મિગ-29 એરક્રાફ્ટ ભારત માટે અવિશ્વસનીય સાબિત થયા છે. આ ફાઇટર પ્લેનને ઔપચારિક રીતે 1987માં ભારતીય સેનામાં સામેલ કરવામાં આવ્યા હતા. વર્ષ 2022 સુધીમાં ભારતમાં લગભગ 115 મિગ-29 એરક્રાફ્ટ સેવામાં હતા. જો કે, આમાંના ઘણા ક્રેશ પણ થયા છે.

IAF MiG-29 jet crash : વસાહતથી દૂર ખેતરમાં પડ્યો

રાહતની વાત એ છે કે પ્લેન આગરાના રહેણાંક વિસ્તારમાં પડ્યું ન હતું, નહીં તો મોટી દુર્ઘટના થઈ હોત. પ્લેન એક ખેતરમાં પડ્યું, ત્યારબાદ તેમાં આગ લાગી. મિગ-29 ફાઈટર પ્લેન ઘણા વર્ષોથી સેનામાં સેવા આપી રહ્યા છે. સરકાર આ વિમાનોને પણ ધીરે ધીરે નિવૃત્ત કરી રહી છે.

આ સમાચાર પણ વાંચો : Maharashtra Assembly Election 2024 : મહારાષ્ટ્રમાં 288 બેઠકો, 8 હજાર ઉમેદવારો.. આ છે રાજ્યની હોટ સીટ, જ્યાં જોવા મળશે કાંટે કી ટક્કર..

IAF MiG-29 jet crash :  મિગ-29 સપ્ટેમ્બરમાં બાડમેરમાં ક્રેશ થયું હતું

આ વર્ષે સપ્ટેમ્બરમાં રાજસ્થાનના બાડમેરમાં સેનાનું મિગ-29 ફાઈટર પ્લેન પણ ક્રેશ થયું હતું. આ અકસ્માતમાં પણ પાયલોટ પોતાને બચાવવામાં સફળ રહ્યો હતો. પ્લેનમાં ટેક્નિકલ ખામીના કારણે આ દુર્ઘટના બની હતી. આ ઘટનાની કોર્ટ ઓફ ઈન્ક્વાયરીના આદેશ પણ આપવામાં આવ્યા છે. રાહતની વાત એ છે કે આ દુર્ઘટના પણ એક નિર્જન વિસ્તારમાં બની હતી જ્યાં નજીકમાં કોઈ વસાહત ન હતી.

 

 

0 comment
0 FacebookTwitterPinterestEmail
Taj Mahal Shah Jahan built the Taj Mahal on the site of this Hindu king, what was the real name of the Taj Mahal
રાજ્યઇતિહાસ

Taj Mahal: શાહજહાંએ આ હિન્દુ રાજાની જગ્યા પર તાજમહેલ બનાવ્યો હતો, તાજમહેલનું સાચું નામ શું હતું?.. જાણો વિગતે..

by Bipin Mewada
written by Bipin Mewada

News Continuous Bureau | Mumbai

Taj Mahal: ઉત્તર પ્રદેશના આગ્રા ( Agra ) શહેરમાં બનેલ તાજમહેલ વિશ્વ ધરોહર સ્મારકમાંનું એક છે. તાજમહેલ દરેક ભારતીય અને વિશ્વભરના પ્રવાસીઓ માટે ખાસ આકર્ષણનું કેન્દ્ર છે. તાજમહેલનું નામ યુનેસ્કોની વર્લ્ડ હેરિટેજ સાઇટ્સની યાદીમાં પણ સામેલ છે. મુઘલ સમ્રાટ શાહજહાંએ 17મી સદીમાં પોતાની પત્ની મુમતાઝની યાદમાં આ મહેલ બનાવ્યો હતો. આ ઈમારતમાં વિવિધ પ્રકારના 28 પથ્થરોનો ઉપયોગ કરવામાં આવ્યો હતો. ઉસ્તાદ અહમદ લાહૌરીના માર્ગદર્શન હેઠળ, તાજમહેલ ( World Heritage Monuments ) બનાવવા માટે 20,000 થી વધુ મજૂરોએ દિવસ-રાત કામ કર્યું હતું. તે સમયે આ મહેલ બનાવવા માટે 3.2 કરોડ રૂપિયાનો ખર્ચ કરવામાં આવ્યો હતો. આટલું જ નહીં તાજમહેલને બનાવવામાં લગભગ 22 વર્ષનો સમય લાગ્યો હતો. પરંતુ જે જમીન પર શાહજહાંએ તાજમહેલ બનાવ્યો હતો તે જમીન મૂળ કોની હતી? એ જ રીતે, તાજમહેલનું સાચું નામ શું હતું? ઈતિહાસ શું કહે છે? ચાલો જાણીએ અહીં.. 

ઈતિહાસકારોના મતે ઈ.સ. 1631માં શાહજહાં ( Shah Jahan ) તેની પ્રિય પત્ની મુમતાઝ  ( Mumtaz ) સાથે બુરહાનપુર આવ્યા હતા. બુરહાનપુરની આ તેમની બીજી મુલાકાત હતી. તે સમયે મુમતાઝ ગર્ભવતી હતી. 17 જૂન 1631ના રોજ મુમતાઝે એક પુત્રને જન્મ આપ્યો. પરંતુ, મુમતાઝે અંતિમ શ્વાસ લીધા. મુમતાઝના બીજા દિવસે ઝૈનાબાદના આહુખાન્યા (શિકારના મેદાન)ના બગીચામાં અંતિમ સંસ્કાર કરવામાં આવ્યા હતા. જ્યાં મુમતાઝનો મૃતદેહ રાખવામાં આવ્યો હતો તેની ચારેય દીવાલોમાં અંદરથી લાઇટિંગ માટે માળખાં હતાં. 40 દિવસ સુધી ત્યાં સતત દીવા પ્રગટાવવામાં આવ્યા.

Taj Mahal: શાહજહાં તાપી નદી પાસે તાજમહેન બનાવવા માંગતા હતા..

એક દિવસ શાહજહાંએ મુમતાઝની કબર પર હાથ મૂકીને કહ્યું, ‘તારી યાદમાં હું એવી ઈમારત બનાવીશ જેની બરોબરી દુનિયામાં નહીં થાય!’ આ રીતે શપથ લીધા. તે મુમતાઝની યાદમાં તાપી નદીના કિનારે આવું ભવ્ય માળખું બાંધવા માગતા હતા. પરંતુ, તાપી નદીની જમીનનું નિરીક્ષણ કર્યા પછી, કારીગરોએ ત્યાં મહેલ બનાવવાનો ઇનકાર કર્યો હતો.

આ સમાચાર પણ વાંચો :  Tamil Nadu:લોકોથી ખચાખચ ભરાયેલી બસમાંથી નીચે પડ્યો વિધાર્થી, વિડીયો જોઈ તમારો શ્વાસ થઈ જશે અધ્ધર.. 

કારીગરોએ ના પાડ્યા પછી, શાહજહાં આગ્રા ચાલ્યા ગયા. તે સમયે તેની નજર યમુના નદી સાથેના એક મહેલ પર પડી. આ મહેલ રાજા માનસિંહનો ( Raja Mansingh ) હતો. રાજા માનસિંહ જયપુરના સામંત હતા. બાદશાહ અકબરના દરબારમાં તેમનું ખૂબ સન્માન કરવામાં આવતું હતું. તેમના મૃત્યુ પછી, આ મહેલ તેમના પૌત્ર મિર્ઝારાજા જયસિંહની માલિકીનો હતો. મિર્ઝારાજા જય સિંહ એ જ હતા જેમને ઔરંગઝેબને છત્રપતિ શિવાજી મહારાજને હરાવવા દક્ષિણમાં મોકલ્યા હતા.

Taj Mahal: શાહજહાં દ્વારા લેવામાં આવેલી જગ્યા આગ્રામાં જયપુર હાઉસ તરીકે જાણીતી હતી….

શાહજહાં દ્વારા લેવામાં આવેલી જગ્યા આગ્રામાં જયપુર હાઉસ તરીકે જાણીતી હતી. શાહજહાંએ મુમતાઝની કબર બનાવવા માટે મિર્ઝારાજ જયસિંહ પાસેથી તે મહેલ લીધો હતો. બદલામાં શાહજહાંએ જયસિંહને ચાર હવેલીઓ આપી. આગ્રા ખાતે તાજમહેલ બનાવવાનો ઈ.સ. 1631 માં બાંધકામ શરૂ થયું અને ઈ.સ. 1653 માં પૂર્ણ થયું.

જો કે તાજમહેલ આગ્રામાં બાંધવામાં આવ્યો હતો, મુમતાઝના મૃત્યુ પછી, તેમનો મૃતદેહ છ મહિના સુધી ઝૈનાબાદના આહુખાન્યા (શિકાર સ્થળ)ના બગીચામાં રહ્યો હતો. તેના અવશેષો બાદમાં આગ્રા લઈ જવામાં આવ્યા હતા. જ્યારે મુમતાઝને કબરમાં દફનાવવામાં આવી ત્યારે બાદશાહ શાહજહાંએ સફેદ આરસપહાણથી બનેલી આ સુંદર ઇમારતનું નામ ‘રૌજા-એ-મુનવ્વરા’ રાખ્યું હતું. જોકે, થોડા સમય પછી તેનું નામ બદલીને તાજમહેલ કરી દેવામાં આવ્યું. તાજમહેલ આગરામાં લગભગ 60 વીઘા વિસ્તારમાં ફેલાયેલો છે.

આ સમાચાર પણ વાંચો : PM Narendra Modi: પ્રધાનમંત્રીએ નોબેલ પારિતોષિક વિજેતા શ્રી એન્ટોન ઝીલિંગર સાથે મુલાકાત કરી

0 comment
0 FacebookTwitterPinterestEmail
IT Raid Income Tax department raids at boots traders' homes in Uttar Pradesh, Rs. Benami assets worth 40 crores seized, counting of notes still going on..
રાજ્યMain PostTop Postદેશ

IT Raid: ઉત્તર પ્રદેશમાં બુટ ચંપલના ત્રણ વેપારીઓના ઘરે આવકવેરા વિભાગના દરોડા, રુ. 40 કરોડની બેનામી સંપત્તિ જપ્ત, હજુ પણ નોટોની ગણતરી ચાલુ..

by Hiral Meria
written by Hiral Meria

News Continuous Bureau | Mumbai 

IT Raid: ઉત્તર પ્રદેશના ( Uttar Pradesh ) આગ્રામાં આવકવેરા વિભાગે મોટી કાર્યવાહી કરી હતી. અહીં બુટ- ચંપલના ત્રણ વેપારીઓના ઘર પર છાપો મારવામાં આવ્યો હતો, જેમાં બિનહિસાબી સંપત્તિ મળી આવી હતી. સત્તાવાર સૂત્રોનું કહેવું છે કે અત્યાર સુધીમાં આમાં કુલ 40 કરોડ રૂપિયાની રોકડ મળી આવી હતી, બાકીની રોકડની ગણતરી હજુ ચાલી રહી છે. 

મળતી માહિતી મુજબ, દરોડા દરમિયાન બુટ- ચંપલના વેપારીના ( shoe traders ) ઘરેથી નોટોનો ઢગલો મળી આવ્યો હતો, જેમાં 500 રૂપિયાની નોટોના બંડલો મળી આવ્યા હતા. તેમજ હજુ કેટલી રોકડ છે તેની ગણતરી હાલ ચાલી રહી છે. આવકવેરા વિભાગે નોટોની ગણતરીની જવાબદારી બેંક અધિકારીઓ અને કર્મચારીઓને સોંપી છે.

  IT Raid: અત્યાર સુધીમાં 40 કરોડ રૂપિયાની ગણતરી થઈ ચૂકી છે. જેનો કોઈ યોગ્ય હિસાબ રાખવામાં આવ્યો નથી…

અત્યાર સુધીમાં 40 કરોડ રૂપિયાની ગણતરી થઈ ચૂકી છે. જેનો કોઈ યોગ્ય હિસાબ રાખવામાં આવ્યો નથી. બાકીની રકમની હાલ ગણતરી ચાલી રહી છે. આટલી મોટી રકમની નોટો ગણતા હાલ અધિકારીઓ અને કર્મચારીઓ પણ થાકી ગયા હતા.

આ મામલામાં આવકવેરા વિભાગને ( Income Tax Department ) બુટ- ચંપલના ત્રણે વેપારી પર કરચોરી અને અપ્રમાણસર સંપત્તિ હોવાની શંકા હતી. જ્યારે વિભાગને આ અંગેની માહિતી મળી, ત્યારે ટીમે આ ત્રણેય વેપારીઓના પરિસરમાં છાપો માર્યો હતો. જોકે વિભાગીય અધિકારીઓ હજુ પણ આ મામલે કંઈ પણ બોલવાનું ટાળી રહ્યા છે.

આ સમાચાર પણ વાંચો:  Mumbai Weather: મુંબઈમાં આકરી ગરમીમાં આગામી બે દિવસમાં હજુ થશે વધારો, તાપમાન કરશે 36 ડિગ્રીને પાર, હવામાન વિભાગની આગાહી..

  IT Raid: આ પહેલા આવકવેરા વિભાગે યુપીના કાનપુરમાં મોટાપાયે દરોડા પાડ્યા હતા..

આ પહેલા આવકવેરા વિભાગે યુપીના કાનપુરમાં મોટાપાયે દરોડા પાડ્યા હતા. વિભાગે અહીં બંશીધર ટોબેકો કંપની પર દરોડો પાડ્યો હતો. આ કંપનીએ કાનપુર ઉપરાંત મુંબઈ, દિલ્હી અને ગુજરાતમાં પણ પોતાનો બિઝનેસ વિસ્તાર્યો હતો. આ અંગેની માહિતી મળ્યા બાદ 20 જેટલા સ્થળોએ દરોડા પાડવામાં આવ્યા હતા.

મિડીયા રિપોર્ટ અનુસાર, આ તમાકુ કંપનીએ કાગળ પર તેનું ટર્નઓવર 20 થી 25 કરોડ રૂપિયા જેટલું બતાવ્યું હતું, પરંતુ જ્યારે તપાસ કરવામાં આવી ત્યારે જાણવા મળ્યું કે કંપનીનું ટર્નઓવર લગભગ 100-150 કરોડ રૂપિયા હતું.

તેથી વિભાગે આ મામલે 29 ફેબ્રુઆરી 2024ના રોજ આ દરોડા પાડ્યા હતા. જેમાં કંપનીના માલિકે દિલ્હીમાં પણ ઘર બનાવ્યું હતું. જ્યારે આવકવેરા અધિકારીઓ દિલ્હી પહોંચ્યા ત્યારે ત્યાંથી પણ 60 કરોડ રૂપિયાથી વધુની કારો મળી આવી હતી. જેમાં 16 કરોડની કિંમતની રોલ્સ રોયસ ફેન્ટમનો પણ સમાવેશ થાય છે.

0 comment
0 FacebookTwitterPinterestEmail
Radha Soami Samadhi As the new white marble mausoleum opens in Agra, it rivals the beauty of the Taj Mahal.
દેશ

Radha Soami Samadhi: આગ્રામાં નવા સફેદ માર્બલ દ્વારા તૈયાર આ સમાધિ ખુલતાની સાથે જ, તાજમહેલની સુંદરતાને પણ આપી રહ્યું છે ટક્કર..

by Bipin Mewada
written by Bipin Mewada

News Continuous Bureau | Mumbai

Radha Soami Samadhi: લોકો તાજમહેલને તેના સુંદર મુઘલ સ્થાપત્ય અને ભારતના સમૃદ્ધ વારસાનું પ્રતીક હોવાને કારણે પ્રેમ કરે છે. આ સદીઓ જૂના સૌંદર્યને સ્પર્ધા આપવા માટે, આગ્રામાં સફેદ આરસની (  white marble ) નવી રચના પ્રવાસીઓને હાલ આકર્ષી રહી છે. 

મીડિયા અહેવાલો અનુસાર, તાજમહેલથી લગભગ 12 કિમી દૂર આવેલા સોમી બાગમાં રાધાસોમી સંપ્રદાયના સ્થાપકની નવી બનેલી સમાધિને બનાવવામાં 104 વર્ષ લાગ્યાં હતા. આગ્રાની ( Agra ) મુલાકાત લેતા પ્રવાસીઓ માટે આ નિષ્કલંક સફેદ આરસનું માળખું એક લોકપ્રિય આકર્ષણનું કેન્દ્ર બની ગયું છે. 

ઘણા લોકો આ સમાધિની ભવ્યતાથી આશ્ચર્યચકિત થઈ જાય છે અને તેને તાજમહેલનો લાયક પ્રતિસ્પર્ધી માને છે, જે તેના મુઘલ યુગના સ્મારકો માટે જાણીતા શહેરની સ્થાપત્ય સમૃદ્ધિમાં વધારો કરે છે.

Radha Soami Samadhi: સોમી બાગની સમાધિનું બાંધકામ એક સદીથી વધુ સમય સુધી ચાલ્યું હતું…

સોમી બાગની સમાધિનું બાંધકામ એક સદીથી વધુ સમય સુધી ચાલ્યું હતું. 193 ફૂટ ઊંચું મંદિર રાજસ્થાનના મકરાણાના સફેદ માર્બલથી બનેલા 52 કૂવાના પાયા પર છે.

આ સમાધિ રાધા સોમી ધર્મના સ્થાપક પરમ પુરૂષ પૂરણ ધની સ્વામીજી મહારાજને ( Param Purush Puran Dhani Soamiji Maharaj ) સમર્પિત છે. આગ્રાના દયાલબાગ વિસ્તારમાં સોમી બાગ કોલોનીમાં ભવ્ય સમાધિ આવેલી છે. દરરોજ બસો ભરેલા પ્રવાસીઓ સમાધિની મુલાકાત લે છે અને પ્રદર્શનમાં ઉત્કૃષ્ટ કારીગરી પર તેમની પ્રશંસા અને ધાક વ્યક્ત કરે છે. અહીં પ્રવેશ મફત છે જ્યારે ફોટોગ્રાફીની પરવાનગી નથી.

આ સમાચાર પણ વાંચો :  Cibil Score: નબળા CIBIL સ્કોર સાથે પણ તમે સરળતાથી મેળવી શકો છો લોન, જાણો આ ત્રણ રીત..

Radha Soami Samadhi: રાધા સોમી ધર્મના સ્થાપક પરમ પુરૂષ પૂરણ ધની સ્વામીજી મહારાજને સમર્પિત છે.

રાધા સોમી ધર્મના ( Radha Soami ) સ્થાપક પરમ પુરૂષ પૂરણ ધની સ્વામીજી મહારાજને સમર્પિત,  સમાધિ આગ્રાના દયાલબાગ વિસ્તારમાં સોમી બાગ કોલોનીમાં આવેલી છે.  સોમી બાગની સમાધિ રાધા સોમી આસ્થાના અનુયાયીઓની વસાહતની વચ્ચે છે. ઉત્તર પ્રદેશ, પંજાબ અને કર્ણાટક જેવા રાજ્યો તેમજ વિદેશોમાં પણ શ્રદ્ધાના લાખો અનુયાયીઓ છે .

મૂળ સમાધિ સફેદ રેતીના પથ્થરની સાદી રચના હતી. પરંતુ 1904 માં, અલ્હાબાદના એક આર્કિટેક્ટ દ્વારા નવી ડિઝાઇન પર કામ શરૂ થયું. જેમાં કામ થોડા વર્ષો સુધી રોકાયેલું હતું, પરંતુ 1922 થી આજદિન સુધી પુરુષો મોટાભાગે હાથ વડે, પ્રચંડ, અત્યંત સુશોભિત બાંધકામમાં મહેનત કરી રહ્યા છે.

બિલ્ડિંગની આર્કિટેક્ચરલ ડિઝાઈન કોઈ ચોક્કસ શૈલી, આધુનિક કે પરંપરાગતને અનુરૂપ નથી, જો કે કલ્પનામાં તે આવશ્યકપણે પ્રાચ્ય છે. વિવિધ પ્રકારની શૈલીઓને સુમેળમાં ભેળવવાનો પ્રયાસ કરવામાં આવ્યો છે. સમાધિ માટેના મોટા ભાગનો આરસ રાજસ્થાનના મકરાણા અને જોધપુરની ખાણોમાંથી આવ્યો છે. વિવિધરંગી મોઝેક પથ્થર પાકિસ્તાનના નૌશેરાનો છે. તો જડતરના કામ માટે અર્ધ-કિંમતી પથ્થરો મધ્ય અને દક્ષિણ ભારતમાં નદીના પટમાંથી મેળવવામાં આવ્યા છે.

આ સમાચાર પણ વાંચો :  Dyson Spheres in Universe: એલિયન્સ તારાઓની ઊર્જાનો ઉપયોગ કરે છે?! વૈજ્ઞાનિકોને આકાશગંગામાં 7 જગ્યાએ અદ્યતન સભ્યતાના પુરાવા મળ્યા

0 comment
0 FacebookTwitterPinterestEmail
Ramotsav In Agra On the occasion of the inauguration of the Ram temple in Ayodhya, the Muslim community in this part of the country also celebrated Deepotsav.
દેશરાજ્ય

Ramotsav In Agra: અયોધ્યામાં રામ મંદિરના ઉદ્ઘાટન પ્રસંગે, દેશના આ વિસ્તારમાં મુસ્લિમ સમુદાયએ પણ ઉજવ્યો દિપોત્સવ.. કહ્યું – વર્ષો જુનો વિવાદ આજે…

by Bipin Mewada
written by Bipin Mewada

News Continuous Bureau | Mumbai 

Ramotsav In Agra: અયોધ્યામાં ભવ્ય સમારોહ સાથે રામલલા તેમના મંદિરમાં બિરાજમાન થયા છે. વડા પ્રધાન નરેન્દ્ર મોદીના હસ્તે રામ લલાનું અભિષેક પૂર્ણ થઈ ગયુ છે, આ મહોત્સવમાં દેશભરમાંથી પ્રખ્યાત હસ્તીઓ હાજર રહ્યા હતા. રામલલાના અભિષેક ( Ram Mandir prana-pratishtha ) સાથે દેશભરમાં ઉત્સવનો માહોલ છે. કોઈ તહેવાર ન હોવા છતાં, પણ સમગ્ર તરફ દિવાળીથી ઓછુ પણ નહતું. રામલલા પ્રાણ પ્રતિષ્ઠા નિમિત્તે દેશભરમાં દિવાળી જેવી ખૂબ જ જોરદાર ઉજવણી થઈ રહી છે, વિવિધ સ્થળોએ ( Deepotsav ) દીપોત્સવનું આયોજન કરવામાં આવી રહ્યું છે, રોશનીથી ઘરો શણગારવામાં આવ્યા છે અને આ ઐતિહાસિક ક્ષણને અવિસ્મરણીય બનાવવામાં આવી રહ્યું છે.

રામલાલના પ્રાણ પ્રતિષ્ઠાનો ( Ram Mandir Inauguration ) કાર્યક્રમ અયોધ્યામાં થયો હતો, આ જ પૂષ્ઠભૂમિમાં આગ્રાના ( Agra ) જગદીશપુરામાં આવેલી દરગાહ હઝરત શાહ શૌકત અલીશાહ રહેમતુલ્લાહ આલે દરગાહ/મસ્જિદમાં મુસ્લિમ સમુદાયના ( Muslim community )   લોકોએ દીવા પ્રગટાવીને ખુશી વ્યક્ત કરી હતી અને કહ્યું હતું કે આ વર્ષે 500 જૂના વિવાદનો આજે અંત આવ્યો છે. આ પ્રસંગે ઉત્તર પ્રદેશ લઘુમતી આયોગના અધ્યક્ષ અશફાક સૈફી પણ હાજર હતા. ઉત્તર પ્રદેશ લઘુમતી આયોગના અધ્યક્ષ અશફાક સૈફીની હાજરીમાં દીપોત્સવનું આયોજન કરવામાં આવ્યું હતું. ભગવાન રામલલા તેમના ભવ્ય અને દિવ્ય મંદિરમાં બિરાજમાન થયા હોવાથી, મુસ્લિમ સમાજ પણ રામલલાના મૂર્તિના અભિષેકથી ખુશ છે અને દીપોત્સવની ઉજવણી કરી રહ્યો છે.

વર્ષો જૂનો વિવાદ હતો જે આજે સમાપ્ત થયો છે.

અયોધ્યામાં રામલલા પ્રાણ પ્રતિષ્ઠાને કારણે સમગ્ર દેશમાં આનંદ, ઉત્સાહ અને ઉમંગનું વાતાવરણ છે, દરેક જગ્યાએ દીપોત્સવની ઉજવણી કરવામાં આવી રહી છે, આ દિવસને દિવાળીના તહેવારની જેમ ઉજવામાં આવી રહ્યો છે. આગ્રામાં પણ ઉત્તર પ્રદેશ અલ્પસંખ્યક આયોગના અધ્યક્ષે દીપોત્સવ ઉજવ્યો હતો. જે દરમિયાન મુસ્લિમ સમુદાયના લોકોએ કહ્યું હતું કે, વર્ષો જૂનો વિવાદ આજે સમાપ્ત થયો છે. ભગવાન શ્રી રામ અયોધ્યામાં બિરાજમાન છે, ભગવાન શ્રી રામ તંબુમાંથી બહાર નીકળીને હવે તેમના ભવ્ય મંદિરમાં પધાર્યા છે. જેના કારણે લઘુમતી સમાજમાં ખુશીનો માહોલ છે.

આ સમાચાર પણ વાંચો : PM Modi Speech In Ayodhya : હવે રામલલ્લા ટેન્ટમાં નહીં રહે… – પ્રાણ પ્રતિષ્ઠા પછી વડા પ્રધાન નરેન્દ્ર મોદીનું સંબોધન..

મુસ્લિમ સમુદાયના લોકોએ વધુમાં કહ્યું હતું કે, મે જોયું છે કે ઘણી જગ્યાએ લઘુમતી સમાજ ભંડારાનું આયોજન કરે છે અને અહીં મુસ્લિમ સમાજ દ્વારા પણ દીપોત્સવનું આયોજન કરવામાં આવી રહ્યું છે. એમ કહી શકાય કે અયોધ્યામાં રામલલાના તેના ભવ્ય મંદિરમાં બિરાજમાન થઈને ખુશ અને ઉત્સાહિત છે, આજે દરેક જગ્યાએ દિવાળી જેવો માહોલ છે, ઘરોમાં દીવા પ્રગટાવવામાં આવી રહ્યા છે, મંદિરોમાં દીપોત્સવનું આયોજન થઈ રહ્યું છે, જાણે દિવાળી આવી ગઈ હોય. અયોધ્યામાં ઉજવણી બાદ હવે આખો દેશ રામલલા પ્રાણ પ્રતિષ્ઠાની ઉજવણી કરી રહ્યો છે અને હું કહીશ કે વર્ષો જૂનો વિવાદ હતો જે આજે સમાપ્ત થયો છે.

0 comment
0 FacebookTwitterPinterestEmail
Army officer's weeping mother made to pose with UP minister; video goes viral
રાજ્ય

Martyr Captain Shubham Gupta : હદ થઈ ગઈ… રડતી રહી શહીદ જવાનની મા, ચેક લઈને ફોટો પડાવતા રહ્યાં કેબિનેટ મંત્રીઓ, જુઓ વિડીયો..

by kalpana Verat
written by kalpana Verat

News Continuous Bureau | Mumbai

Martyr Captain Shubham Gupta :જમ્મુ-કાશ્મીર (Jammu Kashmir) ના રાજૌરીમાં આગરા (Agra) નિવાસી કેપ્ટન શુભમ ગુપ્તા (Shubham Gupta) ના શહીદ થયાના સમાચાર જ્યારે તેમના ઘરે પહોંચતા શોકનું મોજુ ફરી વળ્યું હતું. શુભમના સ્વજનો ઉપરાંત જનપ્રતિનિધિઓની ભીડ એકઠી થવા લાગી. બધા શુભમના પરિવારને સાંત્વના આપવામાં વ્યસ્ત હતા. શુક્રવારે પણ આવી જ સ્થિતિ રહી હતી.

જુઓ વીડિયો

મારો લાલ મને પાછો અપાવો – શુભમની માતા

સીએમ યોગીની જાહેરાત બાદ કેબિનેટ મંત્રી યોગેન્દ્ર ઉપાધ્યાય (Yogendra Upadhyay) શહીદ શુભમના પરિવારને 50 લાખ રૂપિયાનો ચેક આપવા પહોંચ્યા હતા. મંત્રીને જોઈને શહીદ શુભમની માતા રડવા લાગી અને કહ્યું, દેખાડો ન કરો, મને મારો દીકરો પરત આપો.. શુભમની માતા પોતાના પુત્રને ગુમાવવાના દુખથી અસ્વસ્થ હતી, પરંતુ મંત્રીઓ અને જનપ્રતિનિધિઓ ફોટોગ્રાફ્સ ક્લિક કરવામાં વ્યસ્ત હતા. મંત્રી શુભમની માતાને સરકાર દ્વારા મોકલવામાં આવેલ રૂ. 50 લાખનો ચેક આપી રહ્યા હતા પરંતુ તેમના પુત્રની શહીદીના દુખને કારણે તેમણે ચેકને હાથ પણ ન લગાવ્યો.  તે સતત રડી રહી હતી. રડતે સ્વરે તે માત્ર એક જ વાત બોલી રહી હતી- મારો લાલ મને પાછો અપાવો.

આ સમાચાર પણ વાંચોઃ  Train Route Changed : ભોપાલ ડિવિઝનમાં બ્લોકને કારણે સોમનાથ-જબલપુર એક્સપ્રેસ ટ્રેન આ તારીખ સુધી ડાયવર્ટ કરાયેલા રૂટ પર દોડશે..

તે લાડુ શુભમ કેવી રીતે ખાશે

કેપ્ટન શુભમની શહાદતના સમાચાર ફેલાતા જ તેના ઘરે સગા-સંબંધીઓ ઉમટી પડ્યા હતા. માતા પુષ્પા દેવી સ્વજનોને જોઈને રડવા લાગી. દરમિયાન, તે તેના પુત્ર શુભમને યાદ કરે છે અને કહે છે કે તેને મગફળીના લાડુ ખૂબ પસંદ હતા. મેં તેના માટે પણ બનાવ્યા છે, પણ હવે તે લાડુ શુભમ કેવી રીતે ખાશે. તેની માતાની દયનીય હાલત જોઈને ત્યાં હાજર દરેકની આંખો ભીની થઈ ગઈ. ગુરુવારે શહીદ કેપ્ટનના કાકાના પુત્ર નીતિને જણાવ્યું કે શુભમ મારાથી નાનો હતો. તે છ મહિના પહેલા રજા પર આગ્રા આવ્યો હતો. હવે અહીં તેના લગ્નની તૈયારીઓ ચાલી રહી હતી. દિવાળી પર વીડિયો કોલ દરમિયાન તેણે જલ્દી આગ્રા આવવાની વાત કરી હતી. 

જણાવી દઈએ કે જમ્મુના રાજૌરીમાં સુરક્ષાદળો અને આતંકવાદીઓ વચ્ચેની અથડામણમાં ચાર અધિકારીઓ અને સેનાના બે જવાન શહીદ થયા હતા. જેમાં આગરાના પુત્ર કેપ્ટન શુભમ ગુપ્તાનો પણ સમાવેશ થાય છે. શુભમ વર્ષ 2015માં સેનામાં જોડાયો હતો. તેને વર્ષ 2018માં કમિશન મળ્યું હતું. શુભમનું પ્રથમ પોસ્ટિંગ ઉધમપુરમાં થયું હતું.

0 comment
0 FacebookTwitterPinterestEmail
Agra Fight over Rasgulla in marriage... 6 injured including a woman.. Know details..
દેશ

Agra: લગ્નમાં રસગુલ્લાને લઈને મારામારી…એક મહિલા સહિત 6 ઘાયલ.. જાણો વિગતે..

by Bipin Mewada
written by Bipin Mewada

News Continuous Bureau | Mumbai

Agra: તમે અવારનવાર લગ્નો ( Marriage ) માં ડીજે અને ડાન્સને લઈને ઝઘડા થતા સાંભળ્યા હશે, પરંતુ યુપી ( Uttar Pradesh ) ના આગ્રા ( Agra ) માંથી એક ચોંકાવનારો કિસ્સો સામે આવ્યો છે. અહીં એક લગ્ન સમારંભમાં રસગુલ્લા ( Rasgulla ) ને લઈને બે પક્ષો વચ્ચે ઝઘડો ( fight ) થયો હતો. પોલીસે જણાવ્યું કે આગરાના શમસાબાદ પોલીસ સ્ટેશન વિસ્તારમાં રવિવારે (20 નવેમ્બર) મોડી રાત્રે એક લગ્ન સમારંભમાં ( wedding ceremony )  રસગુલ્લાને લઈને કથિત રીતે બે પક્ષો વચ્ચે અથડામણ થઈ હતી. જેમાં એક મહિલા સહિત છ લોકો ઘાયલ થયા હતા.

પોલીસ સ્ટેશનના પ્રભારી અનિલ શર્માએ જણાવ્યું કે શમસાબાદ શહેરના નયાબંસ રોડ પર સ્થિત સંતોષી માતાના મંદિર પાસે એક લગ્ન સમારોહમાં તહેવાર ચાલી રહ્યો હતો, તે દરમિયાન રસગુલ્લાના ખાવાને લઈને બે પક્ષો વચ્ચે ઝઘડો થયો હતો, જે લડાઈમાં ફેરવાઈ ગયો હતો.

તમામ ઘાયલોને મેડિકલ સારવાર માટે હોસ્પિટલમાં મોકલ્યા…

શર્માએ કહ્યું કે પોલીસે તમામ ઘાયલોને મેડિકલ સારવાર માટે હોસ્પિટલમાં મોકલ્યા છે. શર્માએ જણાવ્યું કે પાર્ટીના મહેમાન ગૌરીશંકર શર્મા વતી પાર્ટી હોસ્ટ કરનાર વિરુદ્ધ કેસ દાખલ કરવામાં આવ્યો છે. તેમણે કહ્યું કે આ મામલાની તપાસ કરવામાં આવી રહી છે. તેણે જણાવ્યું કે રવિવારે બ્રીજભાન કુશવાહાના ઘરે લગ્ન સમારોહ હતો.

આ સમાચાર પણ વાંચો :  Covid Vaccine Death: શું હાર્ટ એટેક વધવા પાછળનું કારણ છે કોવિડ વેક્સિન? ICMRએ કર્યો આ ચોંકાવનારો ખુલાસો.. જાણો શું છે આ સંપુર્ણ અહેવાલ..

આ દરમિયાન એક વ્યક્તિએ રસગુલ્લાની અછત અંગે ટિપ્પણી કરી હતી. શર્માએ કહ્યું કે આ પછી બંને પક્ષો વચ્ચે લડાઈ શરૂ થઈ હતી. આ ઘટનામાં ભગવાન દેવી, યોગેશ, મનોજ, કૈલાશ, ધર્મેન્દ્ર અને પવન ઘાયલ થયા છે. તમામને સારવાર માટે હોસ્પિટલ લઈ જવામાં આવ્યા હતા. તમને જણાવી દઈએ કે ગયા વર્ષે ઓક્ટોબરમાં એતમાદપુરમાં એક લગ્નમાં મીઠાઈની અછતને લઈને ઝઘડો થયો હતો. જેમાં એક વ્યક્તિનું મોત થયું હતું.

0 comment
0 FacebookTwitterPinterestEmail
October Best Destinations
પર્યટન

October Best Destinations: આ મહિનામાં ફરવા જવાનું વિચારી રહ્યા છો તો આ જગ્યાઓએ જરુરથી જાઓ

by NewsContinuous Bureau
written by NewsContinuous Bureau

News Continuous Bureau | Mumbai

Best destinations in india: ગરમીઓનો અંત અને શિયાળાના આગમન વચ્ચેની ઋતુ મુસાફરી માટે બેસ્ટ માનવામાં આવે છે. આવા સમયમાં, મુસાફરી કરવાનો આ યોગ્ય સમય છે. ઑક્ટોબર મહિનો ચાલી રહ્યો છે, મુસાફરીની દૃષ્ટિએ તે સારું છે (October Best Destinations), આ મહિનામાં શનિવાર અને રવિવાર પછી રામ નવમી અને દશેરા આવી રહ્યા છે, જેથી નોકરી કરતા લોકોને લાંબી રજાઓ માણવાની તક ( Long Weekends) મળી રહી છે.

જો તમે એક કે બે દિવસની રજા લઇ રહ્યા છો, તો તમે સારી મુસાફરીનું આયોજન કરી શકો છો. જો તમે આ રજાઓનો આનંદ માણવા માંગો છો, તો આવો તમને ઓક્ટોબરમાં ફરવા માટેના 5 બેસ્ટ સ્થળો (Places To Visit) વિશે જણાવીએ….

1. આગ્રા

Agra - Wikipedia
ઉત્તર પ્રદેશના આગ્રા(Agra)ની સફર તમારા માટે બેસ્ટ ઓપ્શન છે. અહીં ફરવા માટે ઘણી બધી જગ્યાઓ છે. આગ્રામાં આગ્રાનો કિલ્લો, જામા મસ્જિદ, અકબરનો મકબરો અને ફતેહપુર સીકરી ફરી શકાય છે. વિશ્વની 7 અજાયબીઓમાં સામેલ તાજમહેલ પણ આગ્રામાં છે.

2. કોલકત્તા

Go for Guided Historical Walks | Kolkata - What to Expect | Timings | Tips - Trip Ideas by MakeMyTrip
તમે ઓક્ટોબરમાં કોલકાતા(kolkata) જવાનો પ્લાન પણ બનાવી શકો છો. અહીં તમે કાલીઘાટ, કાલકા મંદિર સહિત અનેક સ્થળોની મુલાકાત લઈ શકો છો. તમે ઓક્ટોબર મહિનામાં કોલકાતામાં યોજાનારી દુર્ગા પૂજામાં પણ ભાગ લઈ શકો છો.

3. ઋષિકેશ

Rishikesh Tourism, India: Places, Best Time & Travel Guides 2023
તમે ઓક્ટોબરમાં ઋષિકેશ(Rushikesh) જવાની યોજના બનાવી શકો છો. ઋષિકેશમાં નીલકંઠ મહાદેવ મંદિર, રામ ઝુલા, લક્ષ્મણ ઝુલા સૌથી પ્રખ્યાત છે. અહીં તમે પર્વતો અને નદીઓનો સુંદર નજારો પણ જોઈ શકો છો.

4. હમ્પી

Hampi - Wikipedia
કર્ણાટકનું હમ્પી(Hampi) શહેર પ્રાચીન ઈમારતો માટે પ્રખ્યાત છે. પ્રાચીન પ્રાકૃતિક વસ્તુઓથી ભરપૂર આ શહેર યુનેસ્કો વર્લ્ડ હેરિટેજમાં પણ સામેલ છે. તમે અહીં મુલાકાત લેવાનું પણ પ્લાન કરી શકો છો. હમ્પીમાં ઘણા મંદિરો છે જ્યાં તમે મુલાકાત લઈ શકો છો.

5. જયપુર

City Palace Jaipur - City Palace Jaipur Timings History Entry Fee
રાજસ્થાનના પિંક સિટી જયપુર(jaipur)માં ફરવા માટેના ઘણા સ્થળો છે. તમે સિટી પેલેસ, હવા મહેલ, આમેર ફોર્ટ, નાહરગઢ કિલ્લો, જયગઢ કિલ્લો, જલ મહેલ જેવા આ સ્થળોની મુલાકાત લઈ શકો છો.

આ સમાચાર પણ વાંચોઃ Amartya Sen death News: અમર્ત્ય સેનની મૃત્યુના સમાચાર સાચા કે ખોટા? Fact Check અહીં

0 comment
0 FacebookTwitterPinterestEmail
પર્યટન

Monsoon trip: ચોમાસામાં મિત્રો સાથે ફરવા માટે બેસ્ટ છે આ રોડ ટ્રિપ્સ, બમણી થઈ જશે ટ્રિપની મજા

by kalpana Verat
written by kalpana Verat

News Continuous Bureau | Mumbai 

Monsoon trip: મુસાફરીની ખરી મજા તો ચોમાસામાં જ આવે છે. વરસાદમાં રોડ ટ્રીપ અને મિત્રોની સંગત તમારા માટે હંમેશા સારો અનુભવ રહેશે. આવી સ્થિતિમાં, જો તમે ચોમાસામાં કોઈપણ રોડ ટ્રિપનું આયોજન કરી રહ્યાં છો, તો અમે તમને મિત્રો સાથે ફરવા માટે શ્રેષ્ઠ રોડ ટ્રિપ્સ વિશે જણાવવા જઈ રહ્યા છીએ. ચોમાસાની ઋતુમાં આ સ્થળોની મુલાકાત લેવાથી, રોડ ટ્રિપથી લઈને સ્થળની મુલાકાત લેવા સુધીનો તમારો અનુભવ અદ્ભુત હશે. તો ચાલો અમે તમને આવી જ શાનદાર રોડ ટ્રિપ્સ વિશે જણાવીએ જ્યાં તમે મિત્રો સાથે ખૂબ જ મસ્તી કરી શકો.

મુંબઈથી ગોવા રોડ ટ્રીપ

મુંબઈથી ગોવાની રોડ ટ્રીપ તમારા મિત્રો માટે ફરવા જવાનો સારો અનુભવ હશે. આ રસ્તો ખૂબ જ સુંદર છે, અહીં તમે ધોધની સાથે નાના-નાના પહાડોનો નજારો પણ માણી શકો છો.

મનાલીથી લેહ રોડ ટ્રીપ

રોડ ટ્રીપની વાત આવે તો મનાલીનું નામ ચોક્કસ લેવામાં આવે છે. મનાલીમાં તમે સુંદર નજારાનો આનંદ માણી શકો છો. ભારતમાં આ સ્થળ મનપસંદ અને એડવેન્ચર ટુરિઝમ તરીકે પ્રખ્યાત છે. મનાલીથી લેહ સુધીનો રસ્તો 400 કિલોમીટરથી વધુ લાંબો છે. તમે બાઇક અથવા કાર દ્વારા મિત્રો સાથે આ પ્રવાસનું આયોજન કરી શકો છો.

આ સમાચાર પણ વાંચો :  Ghee: વજન ઘટાડવા માટે પણ ફાયદાકારક છે ઘી, જાણો કેવી રીતે અને કેટલી માત્રામાં તેનો ઉપયોગ કરવો

શિમલાથી કાઝા રોડ ટ્રીપ

શિમલાથી કાઝી સુધીની 400 કિલોમીટરની સફરમાં તમે રસ્તામાં નદીઓ અને પહાડોના નજારા સાથે સફરનો આનંદ માણી શકો છો. શિમલા ભારતના સુંદર શહેરોમાંનું એક છે, જ્યારે તમે અહીં જશો ત્યારે તમે નિરાશ નહીં થશો.

ભુજથી ધોળાવીરા રોડ ટ્રીપ

તમે મિત્રો સાથે ફરવા માટે લગભગ 130 કિલોમીટરની આ સફરનું આયોજન કરી શકો છો. ભુજથી ધોળાવીરા જતા રસ્તે મિત્રો સાથે મજા માણી શકો છો. અહીં જવા માટે, તમે કચ્છ જઈ શકો છો અને આ પ્રવાસ માટે નીકળી શકો છો.

દિલ્હીથી આગ્રા રોડ ટ્રીપ

મિત્રો સાથે ફરવા માટે દિલ્હીથી આગ્રા સુધીની સફર શ્રેષ્ઠ છે. આ રોડ ટ્રીપ લગભગ 230 કિલોમીટરની છે. અહીં તમે રોડ ટ્રીપની મજા સાથે આગ્રામાં તાજમહેલ, મથુરા-વૃંદાવનની મુલાકાત પણ લઈ શકો છો.

0 comment
0 FacebookTwitterPinterestEmail
Newer Posts
Older Posts