News Continuous Bureau | Mumbai
Mumbai Best Bus Accident : બોરીવલી વિસ્તારમાં મંગળવારે વહેલી સવારે એક ચોંકાવનારી ઘટના બની હતી. એક ઝડપી બેસ્ટ બસે ( BEST Bus ) ટુ-વ્હીલરને ટક્કર મારી હતી. આ અકસ્માતમાં બાઇક પર સવાર 5 વર્ષના બાળકનું ઘટનાસ્થળે જ મોત નીપજ્યું હતું. તો બાઈક સવાર દાદા ગંભીર રીતે ઘાયલ થયા હતા. આ બાદ તેને સારવાર માટે હોસ્પિટલમાં દાખલ કરવામાં આવ્યા હતા. પોલીસે આ મામલે બસ ચાલક સામે ગુનો નોંધ્યો હતો.
મુંબઈમાં છેલ્લા કેટલાક દિવસોથી અકસ્માતોમાં ( Road Accident ) ભારે વધારો થયો છે. નાના-મોટા તેમજ ગંભીર અકસ્માતો દિનપ્રતિદિન બની રહ્યા છે. પ્રાપ્ત માહિતી અનુસાર, મંગળવારે વહેલી સવારે બેસ્ટની બસ સાથે અથડાતા 5 વર્ષના બાળકનું મોત થયું હતું. મૃતક બાળક તેના દાદા સાથે બાઇક પર સવાર હતો.
Mumbai Best Bus Accident : બસ ચાલક સામે કેસ દાખલ..
જ્યારે ટુ-વ્હીલર બોરીવલી ( Borivali ) રોડ પર શિમ્પોલી રોડ ( Shimpoli ) ઇટોપિયા ટાવર પાસે પહોંચ્યું ત્યારે પાછળથી આવતી બેસ્ટની બસે બાઇકને જોરદાર ટક્કર મારી હતી. બસે બાઇકને અડફેટે લેતા. માથામાં ઈજાના કારણે 5 વર્ષના બાળકનું ઘટનાસ્થળે જ મોત થયું હતું.
આ સમાચાર પણ વાંચો : Surat: ભણતર અને ગણતરની સાથે વિદ્યાર્થીઓના ઉજ્જવળ ભાવિનું ચણતર કરતી કામરેજ તાલુકાની નવી પારડી ‘સ્માર્ટ’ પ્રાથમિક શાળા
અકસ્માતને પગલે સ્થાનિક લોકો તાત્કાલિક ઘટનાસ્થળે પહોંચી ગયા હતા. આ ઘટનાની માહિતી મળતા જ પોલીસ પણ તાત્કાલિક ઘટનાસ્થળે દોડી જઈને ટ્રાફિક સરળ બનાવ્યો હતો. આ અકસ્માતમાં બાળકના દાદા ઘાયલ થયા હતા અને તેઓ હાલ હોસ્પિટલમાં સારવાર હેઠળ છે. આ મામલે પોલીસે બેસ્ટ બસના ચાલક સાગર તુલસીદાસ કોલી (ઉંમર 37) સામે કેસ નોંધ્યો હતો અને આ મામલે વધુ તપાસ હાથ ધરી હતી.