News Continuous Bureau | Mumbai 

Farmers Protest: યુનાઈટેડ કિસાન મોરચાએ તેની ‘દિલ્હી ચલો’ માર્ચ ( Delhi Chalo March ) 29 ફેબ્રુઆરી સુધી સ્થગિત કરી દીધી છે. ખેડૂત સંગઠનના નેતા સરબન સિંહ પંઢેરે જણાવ્યું હતું કે, આંદોલન અંગે આગળનું પગલું 29 ફેબ્રુઆરીએ નક્કી કરવામાં આવશે. તેમણે જાહેરાત કરી કે શનિવારે ‘કેન્ડલ માર્ચ’ કાઢવામાં આવશે અને બે દિવસ પછી અમે WTOનું પૂતળું બાળીશું. માત્ર WTO ( વિશ્વ વેપાર સંગઠન ) જ નહીં, અમે કોર્પોરેટ અને સરકારના મંત્રીઓના ( Central Ministers ) પૂતળા પણ બાળીશું. અમારા યુવા ખેડૂતના અવસાનથી અમે ખુબ દુઃખી છીએ.

યુનાઇટેડ કિસાન મોરચા (બિન-રાજકીય) અને કિસાન મઝદૂર મોરચા ( KMM ) એ શુક્રવારે આ નિર્ણય લીધો છે. બંને સંગઠનો પાક માટે લઘુત્તમ ટેકાના ભાવ ( MSP ) ની કાયદેસર ગેરંટી સહિત વિવિધ માંગણીઓ પર ખેડૂતોના આંદોલનનું નેતૃત્વ કરી રહ્યા છે. તેમના કહેવા પર હરિયાણા અને પંજાબ વચ્ચે શંભુ અને ખનૌરી બોર્ડર પર મોટી સંખ્યામાં ખેડૂતો પડાવ નાખી રહ્યા છે.

 હજારો ખેડૂતો ખનૌરી અને શંભુ સરહદે ટ્રેક્ટર-ટ્રોલીઓ અને ટ્રકો સાથે ઉભા છે…

KMM નેતાએ ખનૌરી બોર્ડર ( Khanauri Border ) મિડીયા સાથે વાત કરતા જણાવ્યું હતું કે, ‘આંદોલન અંતર્ગત આગામી પગલાની જાહેરાત 29 ફેબ્રુઆરીએ કરવામાં આવશે. અમે 24 ફેબ્રુઆરીએ ‘કેન્ડલ માર્ચ’ કાઢીશું અને 26 ફેબ્રુઆરીએ કેન્દ્રનું પૂતળું બાળીશું. ખનૌરીમાં અથડામણમાં એક પ્રદર્શનકારીના મૃત્યુ અને લગભગ 12 પોલીસ કર્મચારીઓના ઘાયલ થયા બાદ બુધવારે ખેડૂત નેતાઓએ ‘દિલ્હી ચલો’ આંદોલનને બે દિવસ માટે બંધ કરી દીધું હતું. ખેડૂતોએ બેરિકેડ તોડીને આગળ વધવાનો પ્રયાસ કરતાં ઉપરોક્ત ઘટના બની હતી.

આ સમાચાર પણ વાંચો : Manoj Jarange: મરાઠા આરક્ષણને લઈને મનોજ જરાંગે આજથી હવે શરુ કરશે રસ્તા રોકો આંદોલન, જાણો શું છે આ નવી રણનીતિ..

હજારો ખેડૂતો ખનૌરી અને શંભુ સરહદે ટ્રેક્ટર-ટ્રોલીઓ અને ટ્રકો સાથે ઉભા છે અને પાક માટે MSPની કાયદેસર ગેરંટી અને કૃષિ લોન માફી સહિતની તેમની વિવિધ માંગણીઓ માટે દબાણ કરી રહ્યા છે.

આમાં પંજાબ અને હરિયાણાના ખેડૂતો સ્વામીનાથન કમિશનની કાયદો લાગુ કરવા, ખેડૂતો અને ખેત મજૂરો માટે પેન્શન, વીજળીના દરમાં વધારો નહીં, નોંધાયેલા પોલીસ કેસ પાછા ખેંચવા, 2021 લખીમપુર ખેરી હિંસા પીડિતોને ન્યાય, જમીન સંપાદન, એક્ટ 2013 અને 2020-21ના આંદોલન દરમિયાન માર્યા ગયેલા ખેડૂતોના પરિવારોને વળતર વગેરે જેવી માંગો કરી રહ્યા છે.