News Continuous Bureau | Mumbai
Coal India Limited: કોલસા મંત્રાલય હેઠળ કોલ ઈન્ડિયા લિમિટેડ (CIL) ગઈકાલે કોલકાતામાં CIL હેડક્વાર્ટર ખાતે તેનો 50મો સ્થાપના દિવસ ઉજવ્યો. આ ઉજવણીમાં મુખ્ય મહેમાન તરીકે કેન્દ્રીય કોલસા અને ખાણ મંત્રી જી. કિશન રેડ્ડી અને કોલસા મંત્રાલયના સચિવ શ્રી વિક્રમ દેવ દત્ત સન્માનિત અતિથિ તરીકે ઉપસ્થિત રહ્યા હતા. આ મહત્વપૂર્ણ કાર્યક્રમમાં છેલ્લાં પાંચ દાયકાઓમાં દેશના ઉર્જા ક્ષેત્રે CILના નોંધપાત્ર યોગદાનની માત્ર ઉજવણી જ નહીં પરંતુ તેની ભાવિ પહેલો અને વ્યૂહાત્મક દિશા માટે પાયો પણ નાખ્યો.
આ મહત્વપૂર્ણ અવસર પર, કેન્દ્રીય મંત્રી જી કિશન રેડ્ડીએ ( G. Kishan Reddy ) , સુવર્ણ જયંતિનો લોગો લોન્ચ કર્યો અને માસ્કોટ “અંગારા” નું અનાવરણ કર્યું. લોગો ભારતના ઉર્જા ક્ષેત્રની કરોડરજ્જુ તરીકે CILની મુખ્ય ભૂમિકાનું પ્રતીક છે, જે નવીનતા, પ્રગતિ અને ટકાઉપણું માટે કંપનીની પ્રતિબદ્ધતાને પ્રતિબિંબિત કરે છે. માસ્કોટ કોલસાના ખાણિયાઓની તાકાત અને સ્થિતિસ્થાપકતાને મૂર્ત બનાવે છે, જે તેમના સાહસ અને સમર્પણને દર્શાવે છે. માસ્કોટ રોયલ બંગાળ ટાઇગરથી પ્રેરિત છે.
પોતાના સંબોધન દરમિયાન, જી. કિશન રેડ્ડીએ કોલ ઈન્ડિયા લિમિટેડ (CIL) ( Coal India Limited ) ના અધિકારીઓ, કર્મચારીઓ અને કામદારોને 50 વર્ષની કામગીરીના સીમાચિહ્ન સુધી પહોંચવા બદલ હૃદયપૂર્વક અભિનંદન આપ્યા હતા અને ભાર મૂક્યો હતો કે કોલસાનું ઉત્પાદન વધારવું અને આયાત ઘટાડવા પુરવઠો વધારવો CILની અગ્રણી પ્રાથમિકતાઓ હોવી જોઈએ. તેમણે ખાણકામદારોના કલ્યાણ અને ખાણ બંધ થવાથી અસરગ્રસ્ત સમુદાયોના પુનર્વસનના મહત્વ પર ભાર મૂક્યો હતો. તેમણે જણાવ્યું, “કોલ ઈન્ડિયાના આઉટપુટમાં કોન્ટ્રાક્ટ આધારિત કામદારો મહત્વની ભૂમિકા ભજવે છે, અને હું નાણાકીય વર્ષ 2023-24થી અસરકારક તેમના માટે પર્ફોર્મન્સ લિંક્ડ ઈન્સેન્ટિવ્સ લાગુ કરવાના મેનેજમેન્ટના નિર્ણયને બિરદાવું છું.”
મંત્રીએ ધ્યાન દોર્યું કે પ્રધાનમંત્રી નરેન્દ્ર મોદીના દૂરંદેશી નેતૃત્વ હેઠળ, કોલસાની ખાણોની ( Coal Mines ) પારદર્શક ફાળવણી દ્વારા હરાજી દ્વારા કોલસાના ઉત્પાદનમાં વધારો કરવા માટે 2015માં કોલ માઈન્સ સ્પેશિયલ પ્રોવિઝન (CMSP) એક્ટ ઘડવામાં આવ્યો હતો. સ્ટીલ, સિમેન્ટ અને પાવર યુટિલિટી જેવા ક્ષેત્રો માટે કોલસાની ઉપલબ્ધતા સુનિશ્ચિત કરવામાં આ પહેલ મહત્ત્વપૂર્ણ રહી છે. તેમણે વધુમાં જણાવ્યું હતું કે 2020માં કોમર્શિયલ કોલ માઇનિંગની શરૂઆતથી પારદર્શિતા, વેપાર કરવામાં સરળતા અને રોકાણની તકો મળી, કોલસા ક્ષેત્રને ખોલવામાં મદદ મળી. CILમાં વિશ્વાસ વ્યક્ત કરતાં તેમણે જણાવ્યું હતું કે વર્તમાન ઓપન માર્કેટ પરિદ્રશ્યમાં સ્પર્ધા કરવા માટે કંપની પાસે યોગ્યતા અને પ્રતિબદ્ધતા છે.
આ સમાચાર પણ વાંચો : Seed The Earth Gujarat: ગુજરાતમાં પર્યાવરણ ક્ષેત્રે અનોખી પહેલ.. ૫ હજાર લોકોએ માત્ર ૬૦ મિનિટમાં ૨ લાખથી વધુ સીડબોલ બનાવી રચ્યો વર્લ્ડ રેકોર્ડ.
શ્રી રેડ્ડીએ પુનરોચ્ચાર કર્યો હતો કે કોલસો આવતા દાયકાઓ સુધી ભારતના ઉર્જા લેન્ડસ્કેપનું કેન્દ્રિય ઘટક બની રહેશે, રાષ્ટ્ર પણ નવીનીકરણીય ઉર્જામાં ભારે રોકાણ કરી રહ્યું છે અને જળવાયુ પરિવર્તનને સંબોધિત કરી રહ્યું છે. તેમણે સીઆઈએલના વૈવિધ્યકરણના પ્રયાસોની પ્રશંસા કરી, જેમાં થર્મલ પાવર પ્લાન્ટની સ્થાપના અને મહત્વપૂર્ણ ખનિજ સંપાદનનો સમાવેશ થાય છે. વિકસિત ભારત પહેલમાં, કોલ ઈન્ડિયાની મહત્વની ભૂમિકા છે અને તેણે આ જવાબદારી નિભાવવાની જરૂર છે.
Unveiled the women leadership programme ‘Jyoti: Rising Together, Leading the Way’ during the 50th Foundation Day of CIL today in Kolkata. This five-month programme is designed to foster gender equality, diversity, and leadership excellence, equipping our women executives for… pic.twitter.com/IhIwJ2s0lr
— G Kishan Reddy (@kishanreddybjp) November 3, 2024
કાર્યક્રમને સંબોધિત કરતા, કોલસા સચિવ શ્રી વિક્રમ દેવ દત્તે તે બાબત પર પ્રકાશ ફેંક્યો કે CIL ભારતીય ગ્રાહકોને આયાતી કોલસાની તુલનામાં સ્પર્ધાત્મક દરે કોલસો પૂરો પાડે છે. તેમણે વધુમાં જણાવ્યું હતું કે પાવર પ્લાન્ટ્સ પર કોલસાનો સ્ટોક 28 ઓક્ટોબર, 2024ના રોજ 31.6 મેટ્રિક ટન પર પહોંચ્યો હતો, જે ગયા વર્ષના સમાન સમયગાળાના 18.8 MTsની સરખામણીએ 68%ની વૃદ્ધિ સાથે હતો, જે મોટાભાગે CILના યોગદાનને આભારી છે. કોલસા સચિવે એમ પણ કહ્યું કે, કોલ ઈન્ડિયાએ બદલાતી બિઝનેસ ડાયનેમિક્સ અનુસાર તેની પ્રક્રિયાઓ, ઓપરેશનલ અને ખર્ચ કાર્યક્ષમતાનું પુનઃનિર્ધારિત કરવું જોઈએ.
શ્રી કિશન રેડ્ડીએ કોલસો અને લિગ્નાઈટ એક્સપ્લોરેશન પર વ્યૂહરચના અહેવાલ પણ બહાર પાડ્યો, માઈન ક્લોઝર પોર્ટલનું ઉદ્ઘાટન કર્યું, અને નોર્ધન કોલફિલ્ડ્સ લિમિટેડના નિગાહી પ્રોજેક્ટમાં 50 મેગાવોટના સોલાર પાવર પ્લાન્ટના વિકાસની જાહેરાત કરી, જેમાં ₹250 કરોડના રોકાણનો સમાવેશ થાય છે. આ સૌર પહેલથી 49 મિલિયન યુનિટ વીજળી ઉત્પન્ન થવાની ધારણા છે. મંત્રીએ CILની સફળતામાં તેમના નોંધપાત્ર યોગદાનને ઓળખીને સંસ્થાકીય અને વ્યક્તિગત એમ બંને શ્રેણીઓમાં ઉત્કૃષ્ટ પ્રદર્શન કરનારાઓને પુરસ્કારો અર્પણ કરીને સમારંભનું સમાપન કર્યું.
કોલ ઈન્ડિયા લિમિટેડ આ મહત્વપૂર્ણ સીમાચિહ્નની ઉજવણી કરે છે, સંસ્થા રાષ્ટ્ર માટે સતત વૃદ્ધિ અને ઉર્જા સુરક્ષા ચલાવવાની તેની પ્રતિબદ્ધતાને પુનઃપુષ્ટિ કરે છે. ભવિષ્યને ધ્યાનમાં રાખીને, CIL ( Coal India ) ભારતના ઉર્જા ક્ષેત્રના પાયાના પથ્થર તરીકે તેના વારસાને જાળવી રાખીને નવા પડકારો અને તકોને સ્વીકારવા માટે તૈયાર છે.
Disclaimer : Except for the headline, this story has not been edited by News Continuous staff and is published from a syndicated feed.
આ સમાચાર પણ વાંચો : GeM Seed Categories: ગવર્નમેન્ટ ઇ માર્કેટપ્લેસ (GeM)એ 170 સીડ કેટેગરીઝ કરી લોન્ચ, નવી શ્રેણીઓમાં છે આટલી બિયારણની જાતો.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
