News Continuous Bureau | Mumbai
મુંબઈગરાની સેવામાં બહુ જલદી એરકંડિશન્ડ ઇલેક્ટ્રિક ડબલડેકર બસ(Air-conditioned electric double decker bus) દાખલ થવાની છે. ઓગસ્ટના પહેલા અઠવાડિયામાં બેસ્ટના(BEST) કાફલામાં આ એર કન્ડિશન્ડ ઈ-ડબલ ડેકર બસ દાખલ થવાની છે.
સાત ઓગસ્ટના બેસ્ટ ઉપક્રમનો સ્થાપના દિવસ(Foundation Day) છે.આ અવસર રૂપે બેસ્ટ ઉપક્રમ પોતાના કાફલામાં પહેલી ડબલડેકર એસી બસનો(Doubledecker AC bus) સમાવેશ કરવાની છે.
હાલ બેસ્ટની બસમાં પ્રતિદિન 31 લાખ લોકો પ્રવાસ કરે છે. બહુ જલદી તેમાં વધુ એકથી બે લાખ પ્રવાસીઓનો(Commuters) સમાવેશ થઈ જવાનો છે. ડબલ ડેકર બસમાં પ્રવાસીઓને સમાવવાની જગ્યા વધુ હોય છે. એક ડબલડેકર બસમાં લગભગ 78થી 90 લોકો પ્રવાસ કરી શકે છે.
તાજેતરમાં જ બેસ્ટ ઉપક્રમે 900 ઇલેક્ટ્રિક ડબલ ડેકર બસનો કોન્ટ્રેક્ટ(Contract) મંજૂર થયો છે. પહેલા તબક્કામાં 225 ડબલ ડેકર બસ આ વર્ષના અંત સુધીમાં મળશે.
આ સમાચાર પણ વાંચો : મુંબઈ ટ્રાફિક પોલીસ પર પસ્તાળ પડી- લોકોએ હેલમેટ વગરના પોલીસકર્મીઓના ફોટો વાયરલ કર્યા તો પોલીસે લીધા આ પગલા-હવે લોકોએ આ માંગણી કરી-જાણો રસપ્રદ કિસ્સો
આ બસમાં આગળ અને પાછળ એમ બે જગ્યાએ ચઢ-ઉતર કરવા સીડી હશે, તેનાથી પ્રવાસીઓને ધક્કામુક્કીનો સામનો કરવો પડશે નહી. આ બસ જરા પણ અવાજ કરશે નહીં અને એસી બસ હોવાથી મુંબઈગરાનો પ્રવાસ ઠંડો રહેશે.
હાલ મુંબઈમાં 48 ડબલ ડેકર નોન એસી બસ 16 રૂટ પર દોડે છે.