News Continuous Bureau | Mumbai

Pakistan: એક વરિષ્ઠ પોલીસ અધિકારીએ જણાવ્યું હતું કે, પાકિસ્તાન (Pakistan) માં કાયદેસર રીતે મુસાફરી કરનાર બે બાળકોની ભારતીય માતા અંજુએ મંગળવારે ઇસ્લામ અંગીકાર કર્યા બાદ તેના પાકિસ્તાની ફેસબુક મિત્ર સાથે લગ્ન કર્યા હતા. 34 વર્ષીય અંજુ (Anju) તેના 29 વર્ષીય પાકિસ્તાની મિત્ર નસરુલ્લાહ (Nasarullah) ના ઘરે રહેતી હતી. તેઓ 2019માં ફેસબુક પર મિત્રો બન્યા હતા.આ દંપતીએ જિલ્લા અને સેશન્સ જજની સ્થાનિક કોર્ટમાં લગ્ન કર્યા હતા.

“નસરુલ્લાહ અને અંજુના લગ્ન વિધિપૂર્વક કરવામાં આવ્યા હતા અને અંજુએ ઇસ્લામ સ્વીકાર્યા પછી વિધિપુર્વક નિકાહ કરવામાં આવ્યા હતા,” અપર દિર જિલ્લાના મોહરર સિટી પોલીસ સ્ટેશનના વરિષ્ઠ અધિકારી મુહમ્મદ વહાબે જણાવ્યું હતું. પોલીસે જણાવ્યું હતું કે, બંને નસરુલ્લાહના પરિવારના સભ્યો, પોલીસ કર્મચારીઓ અને વકીલોની હાજરીમાં ડીર બાલાની જિલ્લા અદાલતમાં હાજર થયા હતા.

આ સમાચાર પણ વાંચો : Goa Beach: ગોવાના આ 5 બીચો દરિયારમાં ડુબવાની આરે… જાણો કેમ થઈ રહ્યુ છે આવુ.. વાંચો અહીંયા..

ઇસ્લામમાં પરિવર્તન પછી તેનું નામ ફાતિમા રાખવામાં આવ્યું છે

મલાકંદ ડિવિઝનના ડેપ્યુટી ઇન્સ્પેક્ટર જનરલ નાસિર મેહમૂદ સત્તીએ અંજુ અને નસરુલ્લાના નિક્કાની પુષ્ટિ કરી હતી અને કહ્યું હતું કે ભારતીય મહિલાના ઇસ્લામમાં પરિવર્તન પછી તેનું નામ ફાતિમા (Fatima) રાખવામાં આવ્યું છે. તેમણે વધુમાં જણાવ્યું કે ભારતીય મહિલાને પોલીસ સુરક્ષા હેઠળ કોર્ટમાંથી ઘરે ખસેડવામાં આવી છે. આ પહેલા સોમવારે નસરુલ્લા અને અંજુ બંને કડક સુરક્ષા વચ્ચે ફરવા માટે ગયા હતા. તેઓએ દિર અપર ડિસ્ટ્રિક્ટને ચિત્રાલ જિલ્લા સાથે જોડતી લવારી ટનલ (Lawari Tunnel) ની મુલાકાત લીધી..
મનોહર પર્યટન સ્થળોની મુલાકાતની તસવીરોમાં અંજુ અને નસરુલ્લા લીલાછમ બગીચામાં હાથ પકડીને બેઠાં હતાં. ઉત્તર પ્રદેશ (Uttar Pradesh) ના કૈલોર ગામમાં જન્મેલી અને રાજસ્થાનના અલવર જિલ્લામાં રહેતી અંજુએ એક નાનો વીડિયો શેર કર્યો છે જેમાં તેણી કહે છે કે તે પાકિસ્તાનમાં “અહીં સુરક્ષિત અનુભવુ છું”,. “હું બધાને આ સંદેશ આપવા માંગુ છું કે હું અહીં કાયદેસર રીતે અને આયોજન સાથે આવી છું, એમ નથી કે હું ચાલો બે દિવસ છે ફરીને આવુ.. એમ હું અચાનક અહીં નથી આવી, અને હું અહીં સુરક્ષિત છું,” તેણીએ વીડિયોમાં કહ્યું.
“હું તમામ મીડિયાકર્મીઓને મારા સંબંધીઓ અને બાળકોને હેરાન ન કરવા વિનંતી કરું છું,” એમ અંજુએ કહ્યું. અંજુના લગ્ન રાજસ્થાનમાં રહેતા અરવિંદ સાથે થયા છે. તેમને 15 વર્ષની પુત્રી અને છ વર્ષનો પુત્ર છે. અંજુ ભારતથી વાઘા-અટારી બોર્ડર થઈને કાયદેસર રીતે પાકિસ્તાન ગઈ છે. નવી દિલ્હીમાં પાકિસ્તાનના હાઈ કમિશનને મોકલવામાં આવેલા ગૃહ મંત્રાલયના સત્તાવાર દસ્તાવેજ અનુસાર, ચાન્સરીને જાણ કરવામાં આવી હતી કે અંજુને 30-દિવસનો વિઝા આપવાનો નિર્ણય લેવામાં આવ્યો છે, જે ફક્ત અપર ડીર માટે માન્ય છે. 

A pretty girl Anju from india in pakistan and says Pakistan is Beautiful Country ❤ pic.twitter.com/zre8a6G2LM

— Beautiful Pakistan🇵🇰 ( Holiday Travels Pakistan) (@LandofPakistan) July 25, 2023

અંજુને નસરુલ્લા સાથે રહેવાની મંજૂરી આપવામાં આવી છે

શેરિંગલની યુનિવર્સિટીમાંથી વિજ્ઞાન સ્નાતક થયેલા નસરુલ્લા પાંચ ભાઈઓમાં સૌથી નાના છે. તેણે સ્થાનિક સત્તાવાળાઓને સોગંદનામું આપ્યું છે, જેમાં જણાવ્યું છે કે તેમની મિત્રતામાં કોઈ પ્રેમ કોણ નથી, અને અંજુ 20 ઓગસ્ટે ભારત પરત ફરશે. પ્રદેશના એક વરિષ્ઠ પોલીસ અધિકારીના જણાવ્યા અનુસાર, ભારતીય મહિલાના પ્રવાસ દસ્તાવેજો વ્યવસ્થિત હોવાનું જાણવા મળ્યું છે અને અંજુને નસરુલ્લા સાથે રહેવાની મંજૂરી આપવામાં આવી છે, જેમને તેની સંભાળ રાખવાની સૂચના આપવામાં આવી છે. અપર ડીર ડિસ્ટ્રિક્ટ પોલીસ ઓફિસર (DPO) મુસ્તાક ખાને સોમવારે જણાવ્યું હતું કે, “અંજુ એક મહિનાના વિઝિટ વિઝા પર પાકિસ્તાન ગઈ હતી અને તેના તમામ પ્રવાસ દસ્તાવેજો માન્ય અને સંપૂર્ણ છે.”
“અંજુ પ્રેમ ખાતર નવી દિલ્હી (New Delhi) થી પાકિસ્તાન આવી છે અને અહીં ખુશીથી રહે છે, અંજુના પતિ અરવિંદે રાજસ્થાનના ભીવાડીમાં મીડિયાને જણાવ્યું કે, તે ગુરુવારે જયપુર જવાના બહાને ઘરેથી નીકળી હતી. પરંતુ બાદમાં પરિવારને ખબર પડી કે તે પાકિસ્તાનમાં છે. અરવિંદે કહ્યું કે તેને આશા છે કે તે ઘરે પરત ફરશે. અંજુની ઘટના સીમા ગુલામ હૈદરના કેસ જેવી જ છે. સીમા, ચાર બાળકોની પાકિસ્તાની માતા, 2019 માં PUBG રમતી વખતે સચિન મીના, એક હિંદુ વ્યક્તિ સાથે રહેવા માટે ભારતમાં ઘૂસી ગઈ હતી.
આ સમાચાર પણ વાંચો : President Droupadi Murmu : રાષ્ટ્રપતિ મુર્મુએ કાર્યાલયમાં એક વર્ષ પૂર્ણ કર્યું, રાષ્ટ્રપતિ ભવન ખાતે વિવિધ પ્રોજેક્ટનું ઉદ્ઘાટન કર્યું રાષ્ટ્રપતિ પદના એક વર્ષ પર ઈ-બુકનું લોકાર્પણ