News Continuous Bureau | Mumbai

Allu Arjun Arrest: હાલના દિવસોમાં સાઉથનો સુપરસ્ટાર અલ્લુ અર્જુન તેની તાજેતરમાં રિલીઝ થયેલી ફિલ્મ ‘પુષ્પા 2: ધ રૂલ’ની સફળતાનો આનંદ માણી રહ્યો હતો ત્યારે આજે હૈદરાબાદ પોલીસે તેની ધરપકડ કરી લીધી છે. આ મામલો અભિનેતાની ફિલ્મના પ્રીમિયર સાથે જોડાયેલી છે. વાસ્તવમાં,ગત 4 ડિસેમ્બરે હૈદરાબાદમાં પ્રીમિયરમાં એક મહિલાના મૃત્યુના કેસમાં સુપરસ્ટારની ધરપકડ કરી છે. 

Allu Arjun Arrest: ધરપકડ સમયે પત્ની ભાવુક 

આ ઘટનાનો વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયોમાં અલ્લુ અર્જુન તેના ઘરની બહાર લોકોની ભીડથી ઘેરાયેલો જોવા મળે છે. તેની આસપાસ પરિવારના સભ્યો અને નજીકના મિત્રો જોવા મળે છે. આ દરમિયાન અભિનેતા સફેદ રંગની હૂડી અને લોઅરમાં ચા પીતા જોવા મળે છે. આ પછી તે પોતાની પત્ની સ્નેહા રેડ્ડી સાથે વાત કરતો અને સમજાવતો જોવા મળે છે, જે થોડી લાગણીશીલ દેખાઈ રહી છે. આ વીડિયોએ દરેકને ભાવુક કરી દીધા હતા. આ અંગે ચાહકો પોતપોતાની પ્રતિક્રિયા આપી રહ્યા છે.

Allu Arjun Arrest: જુઓ વિડીયો 

#AlluArjun taken in custody for the enquiry of #Pushpa2TheRule incident happened in Sandhya theatre😲🚨pic.twitter.com/Aug6gCk2RO

— AmuthaBharathi (@CinemaWithAB) December 13, 2024

વીડિયોમાં જોઈ શકાય છે કે ધરપકડ સમયે અલ્લુ અર્જુનના ચહેરા પર સ્મિત દેખાઈ રહ્યું છે અને તે બહાર નીકળતી વખતે તેની પત્ની સ્નેહા રેડ્ડીને કિસ પણ કરે છે. આ ક્ષણ તેના અને તેના ચાહકો માટે લાગણીઓથી ભરેલી હતી. વીડિયોમાં હૈદરાબાદ પોલીસ તેને પોતાની સાથે લઈ જતી જોવા મળે છે. આ પહેલા, 12 ડિસેમ્બર, ગુરુવારે અલ્લુ અર્જુને આ મામલે તેલંગાણા હાઈકોર્ટનો સંપર્ક કર્યો હતો અને આ મામલે આગળની કોઈપણ કાર્યવાહી રોકવાની વિનંતી કરતી અરજી દાખલ કરી હતી.

આ સમાચાર પણ વાંચો : Village Wedding Video: લ્યો બોલો… લગ્નમાં ઢોસા માટે મચી લૂંટ, લોકો તવા પરથી જ ગરમ ઢોસા લઈ ભાગ્યા.. જુઓ વિડીયો..

Allu Arjun Arrest: શું છે સમગ્ર મામલો?

મહત્વનું છે કે ‘પુષ્પા 2’નું પ્રીમિયર 4 ડિસેમ્બરે હૈદરાબાદના સંધ્યા થિયેટરમાં યોજાયું હતું, જ્યાં ચાહકો મોટી સંખ્યામાં પહોંચ્યા હતા. આ દરમિયાન સુપરસ્ટાર અલ્લુ અર્જુન અને રશ્મિકા મંદન્ના કોઈપણ માહિતી વગર ત્યાં પહોંચી ગયા હતા. તેને જોવા માટે મોટી સંખ્યામાં લોકો એકઠા થયા હતા. આ ભીડમાં એક મહિલાનું શ્વાસ રૂંધાવાથી મોત થયું હતું, જ્યારે તેના 8 વર્ષના પુત્રને હોસ્પિટલમાં દાખલ કરવામાં આવ્યો હતો. આ ઘટના બાદ અલ્લુ અર્જુન વિરુદ્ધ ફરિયાદ દાખલ કરવામાં આવી હતી. તપાસ બાદ પોલીસે થિયેટરની નીચેની બાલ્કનીના સહ-માલિક, મેનેજર અને ઈન્ચાર્જની ધરપકડ કરી હતી.

(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)