Tag:

Gram Panchayats

Gandhinagar Chief Minister to allocate grants worth over Rs 35 crore to 761 Samaras Gram Panchayats
ગાંધીનગર

Gandhinagar :4 જુલાઇના રોજ ગાંધીનગરમાં અભિવાદન સમારોહ: મુખ્યમંત્રીશ્રીના હસ્તે 761 સમરસ ગ્રામ પંચાયતોને ₹35 કરોડથી વધુની ગ્રાન્ટની ફાળવણી થશે

by kalpana Verat
written by kalpana Verat

News Continuous Bureau | Mumbai

Gandhinagar :

  • રાજ્યમાં કુલ 56 મહિલા સમરસ ગ્રામ પંચાયત જાહેર, નવા ચૂંટાયેલા 4876 સરપંચશ્રી તેમજ મહિલા સમરસ ગ્રામ પંચાયતના 600 સભ્યો જોડાશે

4 જુલાઇ, 2025ના રોજ ગાંધીનગરમાં નવા ચૂંટાયેલા સરપંચશ્રી તથા સદસ્યોના અભિવાદન સમારોહનું આયોજન કરવામાં આવ્યું છે. બપોરે 3 વાગ્યે આ કાર્યક્રમ ગાંધીનગરના મહાત્મા મંદિર ખાતે યોજાશે. આ કાર્યક્રમમાં નવા ચૂંટાયેલા 4876 સરપંચશ્રી તેમજ મહિલા સમરસ ગ્રામ પંચાયતોના સભ્યો સામેલ થશે. તાજેતરમાં યોજાયેલી ગ્રામ પંચાયતની ચૂંટણીમાં 56 મહિલા સમરસ ગ્રામ પંચાયત જાહેર કરવામાં આવી છે. આ કાર્યક્રમમાં મુખ્યમંત્રીશ્રીના હસ્તે 761 સમરસ ગ્રામ પંચાયતોને ₹35 કરોડથી વધુની ગ્રાન્ટ વર્ચ્યુઅલી ફાળવવામાં આવશે.

મુખ્યમંત્રીશ્રી દ્વારા આ કાર્યક્રમ અંતર્ગત સમરસ ગ્રામ પંચાયતોને ગ્રાન્ટની ફાળવણી સિવાય પંચાયત એડવાન્સમેન્ટ ઇન્ડેક્સ અંતર્ગત નવ થીમ દીઠ પ્રથમ ક્રમાંક ધરાવતી ગ્રામ પંચાયતોના સરપંચશ્રીઓને સર્ટિફિકેટનું વિતરણ કરવામાં આવશે. તે સિવાય યોજનાકીય ગ્રાન્ટની જાહેરાત પણ કરવામાં આવશે. પ્રોત્સાહક અને વિવિધ યોજનાઓની ગ્રાન્ટ અંતર્ગત કુલ ₹1236 કરોડથી વધુની જોગવાઇ કરવામાં આવી છે. આ કાર્યક્રમમાં કેન્દ્રીય જળશક્તિ મંત્રીશ્રી સી.આર.પાટીલ પણ સામેલ થઇને પ્રેરક ઉદ્બોધન આપશે.

Gandhinagar : થીમ આધારિત પ્રથમ ક્રમાંક ધરાવતી ગ્રામ પંચાયતોની યાદી

ગુજરાતના વિવિધ જિલ્લાઓમાં અસાધારણ કામગીરી બદલ અમુક ગ્રામ પંચાયતોને પંચાયત એડવાન્સમેન્ટ ઇન્ડેક્સ અંતર્ગત નવ થીમ દીઠ પ્રથમ ક્રમાંક આપવામા આવ્યો છે. દેવભૂમિ દ્વારકા જિલ્લાના કલ્યાણપુર તાલુકાના જવાનપર ગામને “ગરીબી મુક્ત અને ઉન્નત આજીવિકા ધરાવતી પંચાયત” તરીકે પસંદ કરાયું છે. ગીર સોમનાથના વેરાવળ તાલુકામાં આવેલ નાખડા ગામની “સ્વસ્થ પંચાયત” તરીકે પસંદગી થઇ છે. “બાળ મૈત્રીપૂર્ણ પંચાયત” તરીકે અમદાવાદના દસ્ક્રોઇ તાલુકાના કણિયાલ ગામની પસંદગી કરવામાં આવી છે. આણંદ તાલુકાના રાસનોલ ગામને “પર્યાપ્ત પાણી ધરાવતી પંચાયત” થીમમાં પ્રથમ ક્રમ મળ્યો છે.

પંચમહાલ જિલ્લાના શહેરા તાલુકાના નવા ભુણીંદ્રા ગામની “સ્વચ્છ અને હરિયાળી પંચાયત” તરીકે પસંદગી કરવામાં આવી છે. આણંદના સોજિત્રા તાલુકાની ત્રંબોવાડ ગ્રામ પંચાયતે “માળખાગત સુવિધા ધરાવતી પંચાયત” થીમમાં પ્રથમ સ્થાન મેળવ્યું છે. પંચમહાલ જિલ્લાના ઘોઘંબા તાલુકાની દાંતોલ ગ્રામ પંચાયતે “સામાજિક રીતે ન્યાયી અને સામાજિક રીતે સુરક્ષિત પંચાયત” થીમમાં શીર્ષ સ્થાન પ્રાપ્ત કર્યું છે. વડોદરાના સાવલી તાલુકાના નરપુરા ગામને “સુશાસિત પંચાયત”ની થીમમાં સ્થાન પ્રાપ્ત થયું છે અને પંચમહાલના શહેરા તાલુકાના છોગાળા ગામને “મહિલા મૈત્રીપૂર્ણ પંચાયત”ની થીમમાં પ્રથમ સ્થાન પ્રાપ્ત થયું છે.

આ સમાચાર પણ વાંચો :  Shala Praveshotsav-2025 : ગાંધીનગરના સમર્પણ મૂકબધિર શિશુ વિદ્યામંદિરમાં દિવ્યાંગ બાળકોનો શાળા પ્રવેશોત્સવ યોજાયો

Gandhinagar :સૌથી વધારે સમરસ ગ્રામ પંચાયત ભાવનગરમાં, મહિલા સમરસ ગ્રામ પંચયતોમાં મહેસાણા ટોચ પર

આ વર્ષે યોજાયેલી ગ્રામ પંચાયતની ચૂંટણીમાં સૌથી વધારે સમરસ ગ્રામ પંચાયતોની સંખ્યા 103 છે, જે ભાવનગર જિલ્લામાં છે. મહિલા સમરસ ગ્રામ પંચાયતોની વાત કરીએ તો સૌથી વધારે 9 ગ્રામ પંચાયત મહેસાણા જિલ્લામાં જાહેર કરવામાં આવી છે. ટોપ 5 સમરસ ગ્રામ પંચાયતોમાં ભાવનગર બાદ મહેસાણા (90), પાટણ (70), બનાસકાંઠા (59) અને જામનગર (59)નો સમાવેશ થાય છે. મહિલા સમરસ ગ્રામ પંચાયતોની ટોપ-5 યાદીમાં મહેસાણા (9), પાટણ (7), ભાવનગર (6), બનાસકાંઠા (6) અને વડોદરા (4) સામેલ છે.

Disclaimer : Except for the headline, this story has not been edited by News Continuous staff and is published from a syndicated feed.

 

0 comment
0 FacebookTwitterPinterestEmail
Digital SevaSetu More than 61 lakh people from Gram Panchayats took advantage of government services in 2 years
રાજ્ય

Digital SevaSetu : ડિજિટલ સેવાસેતુ: ગુજરાતના ગ્રામ્ય વિસ્તારોમાં ડિજિટલ ક્રાંતિની દિશામાં મહત્વનું પગલું, 2 વર્ષમાં ગ્રામ પંચાયતોમાંથી 61 લાખથી વધુ લોકોએ સરકારી સેવાઓનો લાભ લીધો

by kalpana Verat
written by kalpana Verat

 News Continuous Bureau | Mumbai 

Digital SevaSetu :

  • ડિજિટલ સેવા સેતુ પોર્ટલ દ્વારા છેલ્લાં 2 વર્ષમાં ગ્રામ પંચાયતોમાંથી 61 લાખથી વધુ લોકોએ સરકારી સેવાઓનો લાભ લીધો
  • ઇ-ગ્રામ સેવા મારફતે હવે ગ્રામ પંચાયતો ₹20ની ફી સાથે 14 જેટલાં પ્રમાણપત્રો જારી કરી શકશે; આવકનો દાખલો, રાશન કાર્ડમાં સુધારો થઈ જશે
  • હાલમાં ડિજિટલ સેવાસેતુના માધ્યમથી 14 હજારથી વધુ ગ્રામ પંચાયતોમાં મળે છે 321 જેટલી નાગરિક કેન્દ્રિત સેવાઓ
  • વડાપ્રધાન શ્રી નરેન્દ્ર મોદીના ડિજિટલ ઇન્ડિયાના વિઝનને સાકાર કરવાની દિશામાં ગુજરાત અગ્રેસર

ગાંધીનગર, 16 એપ્રિલ, 2025: વડાપ્રધાન શ્રી નરેન્દ્ર મોદીના દૂરંદેશી નેતૃત્વમાં ભારત ડિજિટલ કનેક્ટિવિટીમાં સતત આગળ વધી રહ્યું છે. ટેક્નોલૉજીના મહત્તમ ઉપયોગ દ્વારા જનસુખાકારી અને ‘ઇઝ ઑફ લિવિંગ’ વધારવાના ઉદ્દેશ સાથે વડાપ્રધાનશ્રીએ જે ‘ડિજિટલ ઇન્ડિયા’ મિશનની શરૂઆત કરી હતી, તેને ગુજરાત મુખ્યમંત્રી શ્રી ભૂપેન્દ્ર પટેલના માર્ગદર્શન હેઠળ ‘ડિજિટલ ગુજરાત’ના મંત્ર સાથે આગળ વધારી રહ્યું છે. આજે ગુજરાત સરકારની ડિજિટલ સેવા સેતુ પહેલના કારણે રાજ્યના અંતરિયાળ ગામડામાં રહેતી વ્યક્તિને પણ નાગરિક-કેન્દ્રિત સેવાઓ ઓનલાઈન મળી રહી છે. ડિજિટલ સેવાસેતુ એ ગુજરાત સરકાર દ્વારા સમગ્ર રાજ્યમાં એક મજબૂત ઓપ્ટિકલ ફાઈબર નેટવર્ક ઊભું કરીને ગ્રામ્ય સ્તરે સરકારી સેવાઓ પૂરી પાડવા માટેની પહેલ છે. હાલમાં ડિજિટલ સેવા સેતુ પોર્ટલ પર 321 પ્રકારના પ્રમાણપત્રો/સેવાઓ ઉપલબ્ધ છે, જેનો લાભ છેલ્લાં 2 વર્ષમાં 61 લાખથી વધુ લોકોએ લીધો છે.

Digital SevaSetu : ડિજિટલ સેવાસેતુ: ગુજરાતના ગ્રામ્ય વિસ્તારોમાં ડિજિટલ ક્રાંતિની દિશામાં મહત્વનું પગલું

રાજ્યના અંતરિયાળ વિસ્તારોમાં રહેતા લોકોને સરકારી સેવાઓ મેળવવામાં મુશ્કેલી ન પડે તે સુનિશ્ચિત કરવા માટે રાજ્ય સરકાર દ્વારા ઑક્ટોબર 2020માં ડિજિટલ સેવા સેતુ પોર્ટલ લૉન્ચ કરવામાં આવ્યું હતું. આ પોર્ટલ દ્વારા તાલુકા અને જિલ્લા કક્ષાના સેવા કેન્દ્રો પર ઉપલબ્ધ સેવાઓ ગ્રામ્ય સ્તરે સામાન્ય નાગરિકોને તેમની સુવિધા અનુસાર અને ગ્રામ પંચાયતમાંથી જ સામાન્ય ફી પર પૂરી પાડવાની વ્યવસ્થા કરવામાં આવી છે. ડિજિટલ સેવાસેતુના કારણે ગ્રામ્ય વિસ્તારોમાં નાગરિકોને સરકારી સેવાઓ વધુ પારદર્શી રીતે, સરળતાથી અને ઝડપથી ઉપલબ્ધ થઈ છે જે તેને ડિજિટલ ક્રાંતિની દિશામાં મહત્વની પહેલ બનાવે છે.

Digital SevaSetu : ડિજિટલ પરિવર્તનની પહેલમાં ભારતનેટ પ્રોજેક્ટની ભૂમિકા મહત્વપૂર્ણ

વડાપ્રધાન શ્રી નરેન્દ્ર મોદીના નેતૃત્વ હેઠળ ભારત સરકાર દ્વારા દેશની તમામ ગ્રામપંચાયતોને બ્રોડબેન્ડ કનેક્ટિવિટી પ્રદાન કરવાના ઉદ્દેશથી ભારતનેટ પ્રોજેક્ટ અમલમાં મૂકવામાં આવ્યો છે. ગુજરાતના સુશાસનમાં નવતર પ્રયાસ તરીકે રાજ્યના વિજ્ઞાન અને ટેક્નોલૉજી વિભાગે ભારત નેટ પ્રોજેક્ટ હેઠળ ગ્રામ પંચાયતોને ફાઇબર નેટવર્ક સાથે જોડીને ડિજિટલ સેવા સેતુનો નવો અભિગમ શરૂ કર્યો હતો. ભારત નેટ પ્રોજેક્ટ હેઠળ ઓપ્ટિકલ ફાઇબર નેટવર્ક દ્વારા રાજ્યના 8000થી વધુ ગામડાઓમાં 100 Mbps હાઇ સ્પીડ ઇન્ટરનેટની સુવિધા મળી છે જેથી તાલુકા અને જિલ્લા કક્ષાના સેવા કેન્દ્રો પર ઉપલબ્ધ સેવાઓ ગ્રામ પંચાયતમાં જ સામાન્ય ફી પર પૂરી પાડવામાં આવે છે. આ અંતર્ગત, નામ ઉમેરવા, નામ દૂર કરવા અથવા રાશનકાર્ડમાં સુધારો કરવા અથવા ડુપ્લિકેટ રેશનકાર્ડ, આવક પ્રમાણપત્ર, વરિષ્ઠ નાગરિક પ્રમાણપત્ર, ક્રીમી લેયર પ્રમાણપત્ર, જાતિ પ્રમાણપત્ર વગેરે જેવી સેવાઓ ગ્રામ પંચાયત કચેરીમાંથી જ ડિજિટલ સેવા સેતુ દ્વારા માત્ર 20 રૂપિયાની ફી ચૂકવીને ઉપલબ્ધ બને છે.

આ સમાચાર પણ વાંચો : BJP National President : નડ્ડાનું સ્થાન કોણ લેશે? પીએમ નિવાસસ્થાને યોજાઈ મહત્વપૂર્ણ બેઠક; ભાજપના રાષ્ટ્રીય અધ્યક્ષ પદ માટે આ 8 નેતા છે પ્રબળ દાવેદાર

નોંધનીય છે કે, મુખ્યમંત્રી શ્રી ભૂપેન્દ્ર પટેલના નેતૃત્વમાં ભારતનેટ ફેઝ-2 નેટવર્કનો ઉપયોગ કરીને ડિજિટલ સેવા સેતુ પ્લેટફૉર્મે લગભગ 1.57 કરોડ ગ્રામીણ રહેવાસીઓને 321 સેવાઓનો લાભ આપ્યો છે.

Digital SevaSetu : છેલ્લાં 2 વર્ષમાં ગ્રામ પંચાયતોમાંથી 61 લાખથી વધુ લોકોએ વિવિધ સેવાઓનો લાભ લીધો

તાજેતરમાં ગુજરાતમાં ગ્રામ પંચાયતોને ₹20ની ફી સાથે 14 પ્રકારના પ્રમાણપત્રો જારી કરવાની સત્તા આપવામાં આવી છે જેમાં આવકનો દાખલો, રાશન કાર્ડમાં ફેરફાર વગેરેનો સમાવેશ થાય છે. આ પહેલથી ગ્રામીણ વિસ્તારોના નાગરિકોને પ્રમાણપત્રો, દસ્તાવેજો વગેરે જેવી રોજિંદી સેવાઓ માટે તાલુકા કે જિલ્લા કચેરીઓમાં જવાની જરૂર નહીં પડે અને સાથે તેમનો સમય અને મુસાફરી ભાડું પણ બચશે. આ પહેલ હેઠળ 248 તાલુકાની 14112 ગ્રામ પંચાયતોને આવરી લેવામાં આવી છે.

ડિજિટલ સેવા સેતુની સફળતા આંકડામાં જોઈએ તો, 2023-24માં કુલ 27,13,079 લોકો અને 2024-25માં કુલ 34,99,261 લોકોએ ગ્રામ પંચાયતોમાંથી વિવિધ સરકારી સેવાઓનો લાભ લીધો છે. હાલમાં ડિજિટલ સેવા સેતુ પોર્ટલ પર 321 પ્રકારના પ્રમાણપત્રો/સેવાઓ ઉપલબ્ધ છે. આ ઉપરાંત, SJED (સામાજિક ન્યાય અને અધિકારીતા વિભાગ)ના 18 પ્રમાણપત્રો કે સેવાઓ ટૂંક સમયમાં શરૂ કરવામાં આવશે. ડિજિટલ સેવા સેતુના અમલીકરણથી સમય, નાણાં અને કાગળની બચત થઈ છે અને VCE (ગ્રામ્ય કમ્પ્યુટર ઉદ્યોગસાહસિકો) દ્વારા રોજગારીનું સર્જન થયું છે.

Disclaimer : Except for the headline, this story has not been edited by News Continuous staff and is published from a syndicated feed.

 

0 comment
0 FacebookTwitterPinterestEmail
Tax collection The Minister Felicitated The Gram Panchayats Of Mandvi Taluka For Collecting 80 To 100 Percent Tax.
સુરત

Tax collection : ૮૦ થી ૧૦૦ ટકા વેરા વસુલાત કરનાર માંડવી તાલુકાની ગ્રામ પંચાયતોનું આદિજાતિ, ગ્રામ વિકાસ રાજ્ય મંત્રી કુંવરજીભાઈ હળપતિના હસ્તે સન્માન

by kalpana Verat
written by kalpana Verat

News Continuous Bureau | Mumbai

Tax collection : વર્ષ-૨૦૨૪-૨૫ દરમિયાન માંડવી તાલુકા પંચાયતની કુલ-૯૪ ગ્રામ પંચાયતો પૈકી ૨૯ ગ્રામ પંચાયતોએ વેરા વસુલાતમાં ૮૦% થી ૧૦૦% સિધ્ધી હાંસલ કરી છે. જેમાં લાખગામ, વેગી, વરેલી, ચોરાંબા અને ફળી ગ્રામ પંચાયતોએ ૧૦૦% વેરા વસુલાત કરી છે,

Tax collection The Minister Felicitated The Gram Panchayats Of Mandvi Taluka For Collecting 80 To 100 Percent Tax.

 ત્યારે વેરા વસૂલાતની શ્રેષ્ઠ કામગીરી કરનાર ગ્રામ પંચાયતોનું માંડવી ખાતે આદિજાતિ વિકાસ, શ્રમ રોજગાર અને ગ્રામ વિકાસ રાજ્ય મંત્રી કુંવરજીભાઈ હળપતિના હસ્તે સન્માન કરવામાં આવ્યું હતું. ૮૦ થી ૧૦૦ ટકા વેરા વસુલાત કામગીરીમાં મહત્વની ભૂમિકા ભજવનાર સરપંચ અને તલાટી-કમ-મંત્રીઓને સન્માન પત્ર, શિલ્ડ અને પ્રોત્સાહિત રાશિ રૂ. ૫૦૦૦/-ની ભેટ આપવામાં આવી હતી.

Tax collection The Minister Felicitated The Gram Panchayats Of Mandvi Taluka For Collecting 80 To 100 Percent Tax.

તાલુકા પંચાયત, માંડવી આયોજિત સન્માન સમારંભમાં મંત્રીશ્રીએ ચાલુ વર્ષ-૨૦૨૫-૨૬ માં પણ જે ગ્રામ પંચાયતો ૧૦૦% વેરા વસુલાતની કામગીરી ક૨શે તેમને મંત્રીશ્રી તરફથી પ્રોત્સાહન રૂપે રૂ.૫૦૦૦/- આપવાની જાહેરાત કરી હતી.

Tax collection The Minister Felicitated The Gram Panchayats Of Mandvi Taluka For Collecting 80 To 100 Percent Tax.

 

આ સમાચાર પણ વાંચો :  Padma Awards 2026: પદ્મ પુરસ્કારો-2026 માટે નામાંકન 31 જુલાઈ, 2025 સુધી ખુલ્લું રહેશે

નોંધનીય છે કે, માંડવી તાલુકાનું વેરા વસુલાતનું કુલ માંગણું રૂ.૬,૬૨,૮૩, ૨૩૪/- હતું, તે પૈકી કુલ વસુલાત રૂ.૪,૧૮,૦૫,૮૧૬/- વસુલ ક૨વામાં આવી એટલે ક ૬૩.૦૭% ટકા કામગીરી થઈ છે. જેના થકી માંડવી તાલુકાની ગામ- તાલુકા-જિલ્લા પંચાયતના સ્વ-ભંડોળમાં વધારો થયો છે. જેથી ગ્રામ્ય કક્ષાએ વિકાસકામો, ભૌતિક સુવિધાઓ ઉભી થવાથી ગ્રામજનોની સુખાકારીમાં વધારો થશે. વેરા વસુલાત માટે જિ.વિકાસ અધિકારી શિવાની ગોયલના માર્ગદર્શન હેઠળ ગ્રામ્ય કક્ષાએ રાત્રી કેમ્પ, જાહેર રજાના દિવસોમાં પણ કામગીરી કરાઈ હતી, જેના થકી માંડવી તાલુકામાં ગત વર્ષ-૨૦૨૩-૨૪ ક૨તા વર્ષ-૨૦૨૪-૨૫ની વેરા વસૂલાતમાં ૭% નો વધારો થયો છે.

Tax collection The Minister Felicitated The Gram Panchayats Of Mandvi Taluka For Collecting 80 To 100 Percent Tax.

આ પ્રસંગે તા.પં. પ્રમુખ, કારોબારી અધ્યક્ષ, સામાજિક ન્યાય સમિતી અધ્યક્ષ, સંગઠનના હોદ્દેદારો, તા.વિકાસ અધિકારી, સરપંચો, તલાટીઓ ઉપસ્થિત રહ્યા હતા.

Tax collection The Minister Felicitated The Gram Panchayats Of Mandvi Taluka For Collecting 80 To 100 Percent Tax.

 

Disclaimer : Except for the headline, this story has not been edited by News Continuous staff and is published from a syndicated feed.

 

0 comment
0 FacebookTwitterPinterestEmail
Gujarat Gram Panchayat : Gujarat's Gram Panchayats are doing well across the country, Gujarat tops the Panchayat Advancement Index
રાજ્ય

Gujarat Gram Panchayat : ગુજરાતની ગ્રામપંચાયતોનો સમગ્ર દેશમાં ડંકો, પંચાયત એડવાન્સમેન્ટ ઇન્ડેક્સ (PAI)માં ગુજરાત ટોચ પર

by kalpana Verat
written by kalpana Verat

News Continuous Bureau | Mumbai

Gujarat Gram Panchayat : ભારતના પ્રથમ પંચાયત એડવાન્સમેન્ટ ઇન્ડેક્સમાં ગુજરાતની 340થી વધુ ગ્રામપંચાયતો ‘ફ્રન્ટ રનર’ કેટેગરીમાં સ્થાન પામી

વડાપ્રધાન શ્રી નરેન્દ્ર મોદીએ હંમેશાં દેશના ગ્રામ્ય વિસ્તારોના વિકાસ પર ભાર મૂક્યો છે. દેશના તમામ ગામડાંઓ સ્વચ્છ અને આધુનિક બને અને છેવાડાના માનવી સુધી વિકાસના લાભો પહોંચે તે દિશામાં તેમના પ્રયાસો રહ્યા છે, જેની શરૂઆત તેમણે ગુજરાતના મુખ્યમંત્રી તરીકે કરી હતી. મુખ્યમંત્રી તરીકેના શ્રી નરેન્દ્ર મોદીના કાર્યકાળ દરમિયાન ગુજરાતના ગામડાઓના વિકાસની યાત્રા શરૂ થઈ હતી અને આજે મુખ્યમંત્રી શ્રી ભૂપેન્દ્ર પટેલના નેતૃત્વ હેઠળ ગુજરાતે ફરી એકવાર ગ્રામીણ સ્તરે વિકાસ અને ટકાઉ શાસન પ્રત્યેની પોતાની પ્રતિબદ્ધતા સાબિત કરી છે. 

ભારત સરકારના પંચાયતી રાજ મંત્રાલય દ્વારા જાહેર કરવામાં આવેલા પ્રથમ પંચાયત એડવાન્સમેન્ટ ઇન્ડેક્સ (PAI) 2022-23માં ગુજરાત ફરી એકવાર ટોચના રાજ્ય તરીકે ઉભરી આવ્યું છે. ઉલ્લેખનીય છે કે, મંત્રાલય દ્વારા જાહેર કરવામાં આવેલ આ ઇન્ડેક્સ હેઠળ, દેશના 29 રાજ્યોની 2.16 લાખ ગ્રામપંચાયતોનું મૂલ્યાંકન કરવામાં આવ્યું છે, જેમાં ગુજરાતની 346 ગ્રામપંચાયતોને ‘ફ્રન્ટ રનર’ કેટેગરીમાં સ્થાન આપવામાં આવ્યું છે, જે દેશમાં સૌથી વધુ છે.

આ સિદ્ધિ સાથે ગુજરાત દેશના અન્ય રાજ્યો માટે એક રાષ્ટ્રીય માપદંડ સ્થાપિત કરે છે અને મુખ્યમંત્રી શ્રી ભૂપેન્દ્ર પટેલના દૂરંદેશી નેતૃત્વ હેઠળ ગ્રામીણ પરિવર્તન પ્રત્યેની રાજ્યની મજબૂત પ્રતિબદ્ધતાને પ્રતિબિંબિત કરે છે.

પંચાયત એડવાન્સમેન્ટ ઇન્ડેક્સ (PAI) એ ભારત સરકાર દ્વારા ડેટા-આધારિત શાસન સંચાલિત કરવા તેમજ ગ્રામ્ય સ્તરે 17 સસ્ટેનેબલ ડેવલપમેન્ટ ગોલ્સ (SDGs) એટલે કે ટકાઉ વિકાસ લક્ષ્યાંકો હાંસલ કરવાને પ્રોત્સાહન આપવા માટેની એક સીમાચિહ્નરૂપ પહેલ છે. આ ઇન્ડેક્સ હેઠળ મૂલ્યાંકન માટે, ગરીબીમાં ઘટાડો, આરોગ્ય, શિક્ષણ, પર્યાપ્ત પાણી પુરવઠો, સ્વચ્છ પર્યાવરણ, માળખાગત સુવિધા, સામાજિક ન્યાય, શાસન અને મહિલા સશક્તિકરણ જેવા નવ મહત્વપૂર્ણ થીમોમાં 435 જેટલા યુનિક સ્થાનિક સૂચકાંકોનો ઉપયોગ કરવામાં આવે છે. 

આ સમાચાર પણ વાંચો : Navkar Mahamantra : મુખ્યમંત્રી ભૂપેન્દ્ર પટેલે ‘વિશ્વ નવકાર મહામંત્ર દિવસ’ પર વિશેષ ફિલાટેલિક ટપાલ કવરનું વિમોચન કર્યું

PAI માં ગુજરાતનું શાનદાર પ્રદર્શન રાજ્યના સમાવિષ્ટ અને ટકાઉ ગ્રામીણ વિકાસના મોડેલને ઉજાગર કરે છે, જેમાં ગ્રામ પંચાયતોને આત્મનિર્ભર અને ભવિષ્ય માટે તૈયાર કરવા પર ધ્યાન કેન્દ્રિત કરવામાં આવ્યું છે. ટોચનું પ્રદર્શન કરનાર રાજ્યોની યાદીમાં ગુજરાત પછી તેલંગણા (270 ગ્રામપંચાયતો) બીજા સ્થાને અને ત્રિપુરા (42 ગ્રામપંચાયતો) ત્રીજા સ્થાને છે. 

Gujarat Gram Panchayat : મૂલ્યાંકન કરવામાં આવેલ કુલ 2.16 લાખ ગ્રામપંચાયતોમાં, 

  • 699 ગ્રામપંચાયતોને ‘ફ્રન્ટ રનર’ તરીકે સ્થાન આપવામાં આવ્યું (સ્કોર 75-90)
  • 77,298 ગ્રામપંચાયતોને પર્ફોર્મર તરીકે સ્થાન આપવામાં આવ્યું (સ્કોર 60-75)
  • 1,32,392 ગ્રામપંચાયતોને મહત્વાકાંક્ષી તરીકે સ્થાન આપવામાં આવ્યું (સ્કોર 40-60)
  • 5896 ગ્રામપંચાયતોને શિખાઉ તરીકે સ્થાન આપવામાં આવ્યું (સ્કોર 40 થી ઓછો)

Gujarat Gram Panchayat :  SDG ને સુસંગત નવ  થીમોમાં નીચેનાનો સમાવેશ થાય છે:

  1. ગરીબીમુક્ત અને આજીવિકામાં વધારો કરનારી પંચાયત 
  2. સ્વસ્થ અને તંદુરસ્ત પંચાયત
  3. બાળકોને અનુકૂળ પંચાયત
  4. પર્યાપ્ત પાણી પુરવઠો ધરાવતી પંચાયત
  5. સ્વત્છ અને હરિત પંચાયત
  6. સ્વ-નિર્ભર માળખાગત સુવિધાઓ ધરાવતી પંચાયત
  7. સામાજિક ન્યાય અને સામાજિક સુરક્ષા સાથેની પંચાયત
  8. સુશાસન ધરાવતી પંચાયત
  9. મહિલાઓને અનુકૂળ પંચાયત

પંચાયત એડવાન્સમેન્ટ ઇન્ડેક્સ પાયાના સ્તરે વિકાસલક્ષી અંતરોની ઓળખ કરવા અને દરેક પંચાયત પુરાવા-આધારિત, લક્ષિત નીતિગત હસ્તક્ષેપો દ્વારા ટકાઉ વિકાસ લક્ષ્યાંકો પ્રાપ્ત કરવાની દિશામાં આગળ વધે તે સુનિશ્ચિત કરવા માટે એક મહત્વપૂર્ણ સાધન બનશે તેવી અપેક્ષા છે.

Disclaimer : Except for the headline, this story has not been edited by News Continuous staff and is published from a syndicated feed.

 

0 comment
0 FacebookTwitterPinterestEmail
Tax collection of 31 Gram Panchayats of Surat district 100% completed
સુરત

Surat : સુરત જિલ્લાની ૩૧ ગ્રામ પંચાયતોની વેરા વસુલાત ૧૦૦% પુર્ણ થઈ

by kalpana Verat
written by kalpana Verat

 News Continuous Bureau | Mumbai

Surat : 

  • તા.૦૧ માર્ચ સુધીમાં સુરત જિલ્લાની ૧૪૫ ગ્રામ પંચાયતોમાં ૮૦% થી વધુ વેરા વસુલાત વસુલાત પૂર્ણ થઈ: આ ગ્રામ પંચાયતો પ્રોત્સાહક સહાયને પાત્ર થશે
  • જિલ્લા વિકાસ અધિકારી શિવાની ગોયલના અધ્યક્ષસ્થાને વેરા વસુલાતની થઈ રહેલી કામગીરીની સમીક્ષા બેઠક યોજાઈ

  સુરત જિલ્લા પંચાયત દ્વારા પંચાયત વેરા વસુલાત વધારવાના હેતુથી તા. ૨૨-૨૩ ફેબ્રુઆરીએ ખાસ ઝુંબેશ દિવસ તેમજ હાલ પણ આ ઝુંબેશ શરૂ છે, જેના કારણે જિલ્લાની ૩૧ ગ્રામ પંચાયતોની વેરા વસુલાત ૧૦૦% પુર્ણ થઈ છે. વેરા વસુલાતની થઈ રહેલ કામગીરીની સમીક્ષા બાબતે જિલ્લા વિકાસ અધિકારી શ્રીમતી શિવાની ગોયલે જિલ્લા કક્ષાએથી ઝુંબેશના ભાગરૂપે નિમાયેલા વર્ગ-૧ અને ૨ કક્ષાના અધિકારી તથા તાલુકા વિકાસ અધિકારીશ્રીની બેઠક યોજી હતી.

બેઠકમાં જિલ્લા વિકાસ અધિકારીશ્રીએ જણાવ્યું હતું કે, સુરત જિલ્લાની ૩૧ ગ્રામ પંચાયતોની વેરા વસુલાત ૧૦૦% પુર્ણ થઈ છે. તા.૦૧/૦૩/૨૦૨૫ સુધીમાં સુરત જિલ્લાની ૧૪૫ ગ્રામ પંચાયત વેરા વસુલાત ૮૦% થી વધુ વસુલાત પુર્ણ થઈ છે, જેથી આ ૧૪૫ ગ્રામ પંચાયતોને પ્રોત્સાહક સહાય મળવાપાત્ર થઈ ગઈ છે. વધુમાં નાણાકીય વર્ષને એક માસ જેટલો સમયગાળો બાકી છે. મહત્તમ ગ્રામ પંચાયતને પ્રોત્સાહક સહાય મળે તેવા વહીવટીતંત્રના પ્રયાસો રહ્યા છે. જેથી પ્રોત્સાહક સહાય મળવાપાત્ર ગ્રામ પંચાયતની આ સંખ્યામાં વધારો થશે.

આ સમાચાર પણ વાંચો :  SARAS Mela : સુરતના અડાજણ ખાતે યોજાશે ઉદ્દેશ્યથી ‘સરસ મેળો-૨૦૨૫’, કેન્દ્રીય જળશક્તિ મંત્રીશ્રી સી.આર.પાટિલ મૂકશે ખૂલ્લો

નોંધનીય છે કે, સરકારની પ્રોત્સાહક સહાય યોજના હેઠળ જે ગ્રામ પંચાયતોએ ઉઘરાવેલો ઘરવેરો, પાણીવેરો, દિવાબત્તીવેરો(સફાઈવેરો સિવાય) ચાલુ વર્ષના કુલ માંગણા સામે ૮૦% થી વધુ વસુલાત કરેલ હોય તે ગ્રામ પંચાયતોને પ્રોત્સાહક સહાય ગ્રાંટ આપવામાં આવે છે.

 

0 comment
0 FacebookTwitterPinterestEmail
National Panchayati Raj Day is celebrated on 24th April every year in India. It was celebrated for the first time in this year.
ઇતિહાસ

National Panchayati Raj Day : ભારતમાં દર વર્ષે 24 એપ્રિલે રાષ્ટ્રીય પંચાયતી રાજ દિવસ ઉજવવામાં આવે છે. ‘આ’ વર્ષમાં થઇ હતી પ્રથમ વખત ઉજવણી..

by Hiral Meria
written by Hiral Meria

News Continuous Bureau | Mumbai

National Panchayati Raj Day :   ભારતમાં દર વર્ષે 24 એપ્રિલે રાષ્ટ્રીય પંચાયતી રાજ દિવસ ઉજવવામાં આવે છે.  2010માં પ્રથમ રાષ્ટ્રીય પંચાયતી રાજ દિવસ ઉજવવામાં આવ્યો હતો. આ દિવસ 1992માં બંધારણના 73મા સુધારાના અમલને ચિહ્નિત કરે છે. આ નો ઉદ્દેશ્ય પંચાયતો ( Panchayats ) અને ગ્રામ સભાઓ વિશે જાગૃતિ લાવવાનો તેમજ પંચાયતો અને ગ્રામ સભાઓની ( Gram Panchayats ) ભૂમિકાઓ, જવાબદારીઓ, સિદ્ધિઓ, ચિંતાઓ અને ઠરાવોને પ્રકાશિત કરવાનો તેમ જ ગ્રામીણ વિકાસ તરફના તેમના પ્રયાસો ચાલુ રાખવા માટે પ્રેરિત કરવાનો છે. ભારત સરકારે રાજ્યો સાથે ચર્ચા કરીને 24મી એપ્રિલના રોજ રાષ્ટ્રીય પંચાયતી રાજ દિવસ તરીકે ઉજવવાનું નક્કી કર્યું હતું. 

આ  પણ વાંચો : Pandita Ramabai : 23 એપ્રિલ 1858 ના જન્મેલા, પંડિતા રમાબાઈ સરસ્વતી ભારતીય સમાજ સુધારક હતા. આ ઉપાધિ પ્રાપ્ત કરનાર તેઓ પ્રથમ મહિલા હતી..

0 comment
0 FacebookTwitterPinterestEmail
Waghodia will become a new municipality, another public interest decision of Chief Minister Shri Bhupendra Patel.
વડોદરા

Bhupendra Patel: વાઘોડિયા બનશે નવી નગરપાલિકા, મુખ્યમંત્રી શ્રી ભૂપેન્દ્ર પટેલનો વધુ એક જન હિતકારી નિર્ણય.

by Hiral Meria
written by Hiral Meria

News Continuous Bureau | Mumbai

Bhupendra Patel: મુખ્યમંત્રી શ્રી ભૂપેન્દ્ર પટેલે વડોદરા ( Vadodara ) જિલ્લાના વાઘોડિયાને ( Waghodia  ) નવી નગરપાલિકા ( Municipality )  બનાવવાની મંજૂરી આપવાનો મહત્વપૂર્ણ નિર્ણય કર્યો છે.  

વડોદરા મ્યુનિસિપલ કોર્પોરેશનની ( Vadodara Municipal Corporation ) નજીકના વિસ્તારમાં આવેલી વાઘોડિયા ઉપરાંત માડોધર અને ટીંબી ગ્રામ પંચાયતોને એકત્રિત કરી આ નવી વાઘોડિયા નગરપાલિકા બનાવવામાં આવશે.

વાઘોડિયા, માડોધર ( madodhar ) અને ટીંબી ( timbi ) ગ્રામ પંચાયતો ( Gram Panchayats ) વડોદરા મહાનગરપાલિકાના વિકસિત ગણાતા વાઘોડિયા રોડથી નજીકની ગ્રામ પંચાયતો છે. એટલું જ નહીં, આ ગ્રામ પંચાયતોના વિસ્તારમાં મોટા ઉદ્યોગો, GIDC અને શૈક્ષણિક સંસ્થાઓ પણ આવેલી છે.

મુખ્યમંત્રી શ્રી ભૂપેન્દ્ર પટેલે વિકાસની આ ગતિને ધ્યાને લઈને શહેરી વિકાસ વિભાગ દ્વારા વાઘોડિયાને નગરપાલિકા બનાવવા કરેલી દરખાસ્તને અનુમોદન આપ્યું છે. 

અત્રે નિર્દેશ કરવો જરૂરી છે કે, બંધારણની જોગવાઈઓ અનુસાર જે તે વિસ્તારની વસ્તી, વસ્તીની ઘનતા અને સ્થાનિક વિસ્તારની આવક અને ભૌગોલિક પરિબળોને ધ્યાનમાં લઈ ગ્રામ પંચાયતો તથા આઉટગ્રોથ વિસ્તારોને નગરપાલિકામાં ભેળવવાની રાજ્ય સરકારને સત્તા મળેલી છે.

આ સમાચાર પણ વાંચો :  Kutch: કચ્છ રણોત્સવમાં એક વધુ મોરપીંછ ઉમેરાયું, મુખ્યમંત્રીશ્રી ભૂપેન્દ્ર પટેલએ કરાવ્યો ‘લાઈટ એન્ડ સાઉન્ડ શો’ નો શુભારંભ…

આ સંદર્ભમાં રાજ્યના શહેરી વિકાસ અને શહેરી ગૃહ નિર્માણ વિભાગે રિજીયોનલ કમિશનર ઓફ મ્યુનિસિપાલિટીઝ-વડોદરા ઝોન, વડોદરા જિલ્લા કલેક્ટર અને વડોદરા મ્યુનિસિપલ કમિશનરના સકારાત્મક અભિપ્રાય  સાથે મળેલી દરખાસ્ત મુખ્યમંત્રીશ્રી સમક્ષ રજૂ કરી હતી.

મુખ્યમંત્રી શ્રી ભૂપેન્દ્ર પટેલે વાઘોડિયાને નવી નગરપાલિકા બનાવવાની દરખાસ્ત મંજૂર કરતાં હવે આ વિસ્તારને શહેરી સુખાકારી સુવિધાના વ્યાપક લાભ મળશે અને ઈઝ ઓફ લિવિંગમાં પણ વૃદ્ધિ થશે.

Disclaimer : Except for the headline, this story has not been edited by News Continuous staff and is published from a syndicated feed.

 

0 comment
0 FacebookTwitterPinterestEmail
Viksit Bharat Sankalp Yatra crossed 1 crore participants
દેશ

Viksit Bharat Sankalp Yatra: વિકસિત ભારત સંકલ્પ યાત્રાએ 1 કરોડ સહભાગીઓની સંખ્યા પાર કરી

by Hiral Meria
written by Hiral Meria

News Continuous Bureau | Mumbai

Viksit Bharat Sankalp Yatra: MEITY દ્વારા વિકસિત કસ્ટમાઇઝ્ડ પોર્ટલ ( Viksit customized portal ) પર મેળવેલા ડેટા મુજબ, 7 ડિસેમ્બર, 2023 સુધીમાં, યાત્રા 36,000થી વધુ ગ્રામ પંચાયતો ( Gram Panchayats ) સુધી પહોંચી છે અને 1 કરોડથી વધુ નાગરિકોની ( citizens )  ભાગીદારી જોવા મળી છે. ભારતનું સૌથી વધુ વસ્તી ધરાવતું રાજ્ય ઉત્તર પ્રદેશ 37 લાખથી વધુ લોકોએ ભાગ લીધો છે, ત્યારબાદ મહારાષ્ટ્ર 12.07 લાખ અને ગુજરાત 11.58 લાખ છે. જમ્મુ અને કાશ્મીરમાં પણ આ યાત્રાને પ્રોત્સાહક આવકાર મળ્યો છે, જેમાં અત્યાર સુધીમાં 9 લાખથી વધુ લોકોએ ભાગ લીધો છે.

Viksit Bharat Sankalp Yatra crossed 1 crore participants

Viksit Bharat Sankalp Yatra crossed 1 crore participants

લોકોની ભાગીદારી ( partnership ) દરેક પસાર થતા દિવસ સાથે વધુ વેગ મેળવે છે. જ્યારે સંકલ્પ યાત્રાના પ્રથમ સપ્તાહમાં 500,000 નાગરિકોએ ભાગ લીધો હતો, છેલ્લા 10 દિવસ દરમિયાન દેશભરના 77 લાખથી વધુ લોકોએ યાત્રામાં ભાગ લીધો હતો. ટૂંકા ગાળામાં, યાત્રાનો શહેરી વિભાગ 700થી વધુ સ્થળોએ પહોંચી ગયો છે અને કુલ 79 લાખ વ્યક્તિઓએ 2047 સુધીમાં ભારતને એક વિકસિત રાષ્ટ્ર બનાવવાનો પ્રયાસ કરવાની પ્રતિજ્ઞા લીધી છે.

Viksit Bharat Sankalp Yatra crossed 1 crore participants

Viksit Bharat Sankalp Yatra crossed 1 crore participants

અભૂતપૂર્વ આઉટરીચ પ્રયાસમાં, યાત્રા માહિતી, શિક્ષણ અને સંચાર (IEC) વાનનો ઉપયોગ કરીને 2.60થી વધુ ગ્રામ પંચાયતો અને 3600+ શહેરી સ્થાનિક સંસ્થાઓને આવરી લેવાનો પ્રયત્ન કરે છે જે લોકોને તેમના લાભ માટે સરકારી યોજનાઓનો ઉપયોગ કરવા માટે આહ્વાન કરે છે.

Viksit Bharat Sankalp Yatra crossed 1 crore participants

Viksit Bharat Sankalp Yatra crossed 1 crore participants

યાત્રાનું કેન્દ્રબિંદુ મહિલા-કેન્દ્રિત યોજનાઓ વિશે જાગૃતિ ફેલાવી રહ્યું છે, જેના કારણે 46,000થી વધુ લાભાર્થીઓ પીએમ ઉજ્જવલા યોજના માટે નોંધણી કરાવે છે. હેલ્થ કેમ્પ પણ એક મોટો ડ્રો સાબિત થયો છે અને અત્યાર સુધીમાં 22 લાખ વ્યક્તિઓની તપાસ કરવામાં આવી છે.

આ સમાચાર પણ વાંચો :  Amit Shah: કેન્દ્રીય ગૃહ મંત્રી શ્રી અમિત શાહ રવિવાર, 10મી ડિસેમ્બરે બિહારના પટનામાં ઈસ્ટર્ન ઝોનલ કાઉન્સિલની 26મી બેઠકની અધ્યક્ષતા કરશે

વિકાસ ભારત સંકલ્પ યાત્રાના ભાગ રૂપે ખેડૂતો માટે પ્રદર્શિત કરાયેલ ડ્રોન પ્રદર્શને ભારે ઉત્સુકતા આકર્ષી છે. ‘ડ્રોન દીદી સ્કીમ’ની શરૂઆત સાથે, 15,000 મહિલા સ્વ-સહાય જૂથોને ડ્રોન પ્રદાન કરવામાં આવશે, સાથે જ મહિલાઓના બે સભ્યોને જરૂરી તાલીમ આપવામાં આવશે, મોટી સંખ્યામાં મહિલાઓ પણ ડ્રોન ફ્લાઇટના સાક્ષી બનવા માટે આગળ આવી રહી છે. SHGs ફી માટે ડ્રોન સેવાઓ ભાડે આપશે, જે સ્વસહાય જૂથના સભ્યો માટે આવકના અન્ય પ્રવાહ તરીકે સેવા આપશે.

Viksit Bharat Sankalp Yatra crossed 1 crore participants

Viksit Bharat Sankalp Yatra crossed 1 crore participants

વધુ માહિતી અને તસવીરો www.viksitbharatsankalp.gov.in પર પ્રાપ્ત થશે

Disclaimer : Except for the headline, this story has not been edited by News Continuous staff and is published from a syndicated feed.

 

0 comment
0 FacebookTwitterPinterestEmail