News Continuous Bureau | Mumbai

 Israel Hezbollah War : ઈઝરાયેલ હાલમાં હમાસ, હિઝબુલ્લાહ અને ઈરાન સાથે સીધુ યુદ્ધ લડી રહ્યું છે.  મંગળવારે મોડી સાંજથી બંને તરફથી હવાઈ હુમલા ચાલુ છે. તેની અસર સમગ્ર વિશ્વમાં પણ જોવા મળી રહી છે. ખાસ કરીને મધ્ય પૂર્વના દેશોમાં તણાવની સ્થિતિ છે.

 Israel Hezbollah War :  હાશેમ સફીદ્દીનને મારવાનો પ્રયાસ 

દરમિયાન અહેવાલ છે કે હિઝબુલ્લાના ચીફ હસન નસરાલ્લાહ( Hezbollah leader hassan nasrallah ) ની હત્યા બાદ હવે ઇઝરાયેલે હાશિમ સફીદ્દીન ( Hashem Safieddine ) ને નિશાન બનાવ્યો છે. જેને તેના સંભવિત અનુગામી માનવામાં આવતા હતા. લેબનીઝ અહેવાલોને ટાંકીને, ઇઝરાયેલી મીડિયાએ દાવો કર્યો છે કે IDFએ કથિત રીતે બેરૂતના દહેહ ઉપનગરમાં હાશેમ સફીદ્દીનને મારવાનો પ્રયાસ કર્યો હતો. રિપોર્ટમાં કહેવામાં આવ્યું છે કે નસરાલ્લાહ માર્યા ગયેલા હુમલા કરતા ઈઝરાયેલનો હુમલો ઘણો મોટો હતો.

 Israel Hezbollah War :  ગુરુવારે મધ્યરાત્રિએ બેરુત પર મોટા પ્રમાણમાં હવાઈ હુમલા

અહેવાલો અનુસાર, ઈઝરાયેલે ગુરુવારે મધ્યરાત્રિએ બેરુત પર મોટા પ્રમાણમાં હવાઈ હુમલા કર્યા હતા. કહેવામાં આવી રહ્યું છે કે તે સમયે સફીઉદ્દીન એક અંડરગ્રાઉન્ડ બંકરમાં હિઝબુલ્લાહના વરિષ્ઠ અધિકારીઓ સાથે મુલાકાત કરી રહ્યો હતો. ઇઝરાયેલે નસરાલ્લાહની હત્યા કર્યા પછી આ પ્રદેશમાં થયેલો સૌથી ભયંકર બોમ્બ વિસ્ફોટ હતો.  ( Israel Hezbollah war Updates ) સ્ટ્રાઇકમાં સફિદ્દીન સહિત મુખ્ય હિઝબુલ્લા નેતાઓની બેઠકને નિશાન બનાવવામાં આવી હતી. જો કે, આ અંગે ઇઝરાયેલી ડિફેન્સ ફોર્સિસ ( IDF ) અથવા લેબનોનમાં હિઝબુલ્લા તરફથી કોઈ સત્તાવાર નિવેદન આવ્યું નથી.

આ સમાચાર પણ વાંચો : Israel Hamas War: ઈઝરાયેલની સેનાને મળી મોટી સફળતા, ગાઝાના હમાસ ચીફનું મોત; ઇઝરાયલી સેનાએ મિસાઇલો વડે ઉડાવી દીધો..

Israel Hezbollah War : હિઝબુલ્લાહમાં સફીદ્દીનની ભૂમિકા

હાશિમ સફીદ્દીન હિઝબુલ્લાહના રાજકીય અને લશ્કરી મામલામાં મહત્વની ભૂમિકા ભજવી રહ્યો છે. હાશિમ સફીદીનને અમેરિકાએ 2017માં આતંકવાદી જાહેર કર્યો હતો. સફીદ્દીન હિઝબુલ્લાહની જેહાદ કાઉન્સિલના અધ્યક્ષ પણ હતા, જે સંગઠન માટે તમામ લશ્કરી કામગીરીની યોજના બનાવે છે. તે હિઝબુલ્લાહની એક્ઝિક્યુટિવ કાઉન્સિલનું પણ નેતૃત્વ કરે છે.