News Continuous Bureau | Mumbai
Jammu Kashmir: કેન્દ્રશાસિત પ્રદેશ જમ્મુ-કાશ્મીરમાં નવી સરકારની રચના બાદ આજે વિધાનસભાની પ્રથમ બેઠક શરૂ થઈ હતી. પરંતુ, પીડીપી ધારાસભ્યના રાષ્ટ્ર વિરોધી કૃત્યથી ખળભળાટ મચી ગયો હતો. PDP ધારાસભ્ય વહીદ-ઉર-રહેમાને જમ્મુ-કાશ્મીરમાં કલમ 370ને ફરીથી લાગુ કરવા અને રાજ્યનો વિશેષ દરજ્જો પુનઃસ્થાપિત કરવા માટે ગૃહમાં ઠરાવ રજૂ કર્યો હતો. વિધાનસભા ચૂંટણી દરમિયાન, પીડીપીએ જમ્મુ અને કાશ્મીરને પૂર્ણ રાજ્યનો દરજ્જો અને કલમ 370 પુનઃસ્થાપિત કરવાનું વચન આપ્યું હતું. વહીદના આ પ્રસ્તાવ પર ગૃહમાં હોબાળો થયો હતો. ભાજપના સભ્યોએ ભારે હોબાળો મચાવ્યો હતો.
Kashmiri politicians should know it well that 370 is gone for ever and no force on earth can restore it. They should stop misleading people and playing to cameras #Kashmir pic.twitter.com/mvcMOZGsu1
— Maj Gen Raju Chauhan, VSM (veteran)🇮🇳 (@SoldierNationF1) November 4, 2024
Jammu Kashmir:પીડીપી સુપ્રીમો મહેબૂબા મુફ્તીએ વહીદના પગલાને સમર્થન આપ્યું
પીડીપી સુપ્રીમો મહેબૂબા મુફ્તીએ વહીદના પગલાને સમર્થન આપતા ટ્વિટ કર્યું હતું. તેમણે કહ્યું કે પાર્ટીને તમારા પગલા પર ગર્વ છે. અલ્લાહ તમને આશીર્વાદ આપે…
આ સમાચાર પણ વાંચો : Stock Market updates : દિવાળી પૂર્વે શેરબજારમાં મંદી ને લાગી બ્રેક, સેન્સેક્સ 251 અંક ઉછળ્યો.. આ શેર કરાવી રહ્યા છે કમાણી..
દરમિયાન, સોમવારે ગૃહમાં તેના સ્પીકરની ચૂંટણી યોજાઈ હતી. ધારાસભ્ય અબ્દુલ રહીમ રાથેર ગૃહના સ્પીકર તરીકે ચૂંટાયા. આ પ્રસંગે મુખ્યમંત્રી ઓમર અબ્દુલ્લાએ તેમને અભિનંદન પાઠવ્યા હતા. તેમણે કહ્યું કે તેઓ સમગ્ર ગૃહ વતી રાથેર ને અભિનંદન પાઠવે છે. તમે સ્પીકર પદના સ્વાભાવિક દાવેદાર હતા. એક પણ સભ્યએ તમારો વિરોધ કર્યો નથી. હવે તમે આ ગૃહના રખેવાળ છો.
Jammu Kashmir:વર્ષ 2019 માં રાજ્યને વિશેષ દરજ્જો આપતી કલમ 370 નાબૂદ કરવામાં આવી
મહત્વનું છે કે વર્ષ 2019 માં, ભારત સરકારે જમ્મુ અને કાશ્મીરને બે કેન્દ્રશાસિત પ્રદેશ લદ્દાખ અને જમ્મુ અને કાશ્મીરમાં વિભાજિત કર્યું. ઉપરાંત, રાજ્યને વિશેષ દરજ્જો આપતી કલમ 370 નાબૂદ કરવામાં આવી હતી. આ પછી, રાજ્યમાં પાંચ વર્ષથી વધુ સમય સુધી રાષ્ટ્રપતિ શાસન લાગુ રહ્યું. આ જ સપ્ટેમ્બર-ઓક્ટોબરમાં ત્યાં વિધાનસભાની ચૂંટણી યોજાઈ અને ઓમર અબ્દુલ્લાના નેતૃત્વમાં નેશનલ કોન્ફરન્સની સરકાર રચાઈ.