Tag: kidnapping

  • Mumbai: રૂપિયા માટે ખૂની ખેલ: લારી ચાલક હત્યાના ગુનામાં તેના ત્રણ મિત્રોની મુંબઈમાં ધરપકડ

    Mumbai: રૂપિયા માટે ખૂની ખેલ: લારી ચાલક હત્યાના ગુનામાં તેના ત્રણ મિત્રોની મુંબઈમાં ધરપકડ

    News Continuous Bureau | Mumbai
    મુંબઈના અંધેરી સ્થિત સાકીનાકા વિસ્તારમાં પૈસાના વિવાદમાં એક લારી ચાલક નું અપહરણ કરીને હત્યા કરવાના આઘાતજનક કિસ્સામાં પોલીસે ત્રણ મિત્રોની ધરપકડ કરી છે. મૃતક લારી ચાલક 47 વર્ષ નો હોવાનું બહાર આવ્યું છે.

    અપહરણ અને હત્યાની ઘટના

    લારી ચાલક તેના ભાઈ સાથે સાકીનાકાના ખૈરાની રોડ પર આવેલા અલ્વિન ડિસોઝા કમ્પાઉન્ડમાં રહેતો હતો અને સ્થાનિક કોન્ટ્રાક્ટ હેઠળ હાથલારી ચલાવતો હતો. 7 સપ્ટેમ્બરના રોજ લારી ચાલક અચાનક ગુમ થઈ ગયો હતો. તેના ભાઈએ સાકીનાકા પોલીસ સ્ટેશનમાં ગુમ થવાની ફરિયાદ નોંધાવી હતી. તેના બીજા જ દિવસે લારી ચાલક નો મૃતદેહ ઘાટકોપરના ચેડા નગર વિસ્તારમાંથી મળી આવ્યો હતો. આ પછી સાકીનાકા પોલીસે અપહરણ અને હત્યાનો ગુનો નોંધીને તપાસ શરૂ કરી હતી.

    આ સમાચાર પણ વાંચો: Anil Ambani: ઉદ્યોગપતિ અનિલ અંબાણી પર CBI નો ગાળિયો,CBI ના ખુલાસાથી ઉદ્યોગ જગતમાં ખળભળાટ

    આરોપીઓની ધરપકડ

    પોલીસ તપાસ દરમિયાન જાણવા મળ્યું કે 7 સપ્ટેમ્બરના રોજ ખૈરાની રોડ પરની મદીના હોટેલ પાસે લારી ચાલક નો ત્રણ વ્યક્તિઓ સાથે કોન્ટ્રાક્ટના પૈસાને લઈને ઝઘડો થયો હતો. પોલીસે આ ત્રણેયનો પીછો કરીને શુક્રવારે તેમની અટકાયત કરી હતી. પૂછપરછ દરમિયાન, આરોપીઓએ ગુનાની કબૂલાત કરી હતી, જેના પગલે પોલીસે ત્રણેય વિરુદ્ધ અપહરણ અને હત્યાનો ગુનો નોંધીને તેમની ધરપકડ કરી છે.

  • Sunil Pal Kidnapping Case: ન હતું થયું કોઈ અપહરણ, એ બધું નાટક હતું! સુનીલ પાલે પોતે ઘડ્યું હતું કાવતરું…

     News Continuous Bureau | Mumbai 

     Sunil Pal Kidnapping Case:  દેશના પ્રખ્યાત કોમેડિયનોમાંના એક સુનીલ પાલનું તાજેતરમાં અપહરણ કરવામાં આવ્યું હતું. આ સમાચારે બધાને ચોંકાવી દીધા હતા. તેમના શુભચિંતકો અને ચાહકો પણ આ સમાચારથી ચિંતિત છે. અપહરણકર્તાઓએ સુનીલ પાલ પાસેથી 20 લાખ રૂપિયાની ખંડણી માંગી હતી પરંતુ 7.5 લાખ રૂપિયા ચૂકવ્યા બાદ તેને છોડી દેવામાં આવ્યો હતો. પોલીસે આ મામલે તપાસ હાથ ધરી હતી. આ કેસના તાર યુપીના મેરઠ સાથે જોડાયેલા હતા. પરંતુ હવે આ મામલે પોલીસે ચોંકાવનારો ખુલાસો કર્યો છે. પોલીસના જણાવ્યા મુજબ સુનીલ પાલના અપહરણ થયું ન હતું અને તેણે પોતે જ પોતાનું અપહરણ કરવાનું કાવતરું ઘડ્યું હતું.

    Sunil Pal Kidnapping Case:  પોલીસે આ મામલે તપાસ હાથ ધરી 

    આ બાબતે લેટેસ્ટ અપડેટ આપતાં મેરઠ પોલીસે કહ્યું કે કોઈ અપહરણ થયું નથી, આ બધું નાટક હતું! કોમેડિયન સુનીલ પાલે પોતે જ તેના અપહરણની યોજના બનાવી હતી. તેમના ફોન કોલનો ઓડિયો પણ વાયરલ થઈ રહ્યો છે. હવે યુપી પોલીસ ગમે ત્યારે મુંબઈ પોલીસ સાથે વાત કરીને આ બાબતનો ખુલાસો કરી શકે છે. સુનીલ પાલનો ઓડિયો સામે આવ્યો છે. સાંભળવામાં આવી રહ્યું છે કે મીડિયા અને સાયબર ક્રાઈમના લોકોએ મને પકડ્યો છે, મેં હજુ સુધી કોઈ પોલીસ ફરિયાદ નોંધાવી નથી.

    Sunil Pal Kidnapping Case: 6 લાખથી વધુની કિંમતના ઘરેણાં ખરીદ્યા

    મામલો ત્યારે વેગ પકડ્યો જ્યારે મેરઠના બે બુલિયન વેપારીઓએ પોલીસને જાણ કરી કે મુંબઈ પોલીસે ટ્રાન્ઝેક્શનના સંબંધમાં તેમના ખાતા ફ્રીઝ કરી દીધા છે. જ્યારે તપાસ કરવામાં આવી ત્યારે જાણવા મળ્યું કે અપહરણકારોએ ખંડણીની રકમથી રૂ. 6 લાખના દાગીના ખરીદ્યા હતા. અપહરણ દિલ્હીથી કરવામાં આવ્યું હતું અને 20 લાખ રૂપિયાની ખંડણી માંગવામાં આવી હતી. અપહરણકારોએ સુનીલ પાલને આપેલા પૈસાથી ઘરેણાં ખરીદ્યા હતા. હવે આ મામલામાં એક અલગ એન્ગલ ઉમેરાયો છે. સુનીલ પાલ અને અપહરણકારો વચ્ચેની વાતચીત પણ સામે આવી છે. આ વાતચીતમાં બધું સાફ થઇ ગયું છે.

    આ સમાચાર પણ વાંચો  :  India Alliance : INDIA બ્લોકમાં તિરાડ, રાહુલ ગાંધી નહીં આ નેતાને કમાન સોંપાવાની ઉઠી માંગ.. એલાયન્સની સૌથી મોટી પાર્ટી બેકફૂટ પર…
     

    Sunil Pal Kidnapping Case: અપહરણનો મામલો ઉકેલાવાની ખૂબ નજીક

    દરમિયાન હવે મેરઠ પોલીસ હવે આ ઓડિયો ક્લિપની તપાસ કરી રહી છે. તેમજ મેરઠ પોલીસ પાસે આવા ઘણા પ્રશ્નો છે જે હજુ વણઉકેલ્યા છે. આ એવા પ્રશ્નો છે જે આ અપહરણ કેસને નકલી સાબિત કરી રહ્યા છે. જો કે એસએસપી મેરઠ વિપિન ટાડા હજુ તપાસની વાત કરી રહ્યા છે. પોલીસ અધિકારીના જણાવ્યા અનુસાર અપહરણનો મામલો ઉકેલાવાની ખૂબ નજીક છે. મેરઠ પોલીસે આ મામલામાં ઘણા લોકોની અટકાયત કરી છે. અનેક જગ્યાએ દરોડા પણ પાડવામાં આવ્યા છે.

     

  • Sunil Pal kidnapping: કોમેડિયન સુનીલ પાલે નોંધાવી અપહરણની ફરિયાદ, અપહરણકારોએ આઠ લાખ રૂપિયા વસૂલ્યા; મુંબઈ પોલીસ તપાસમાં લાગી

      News Continuous Bureau | Mumbai

    Sunil Pal kidnapping: જાણીતા કોમેડિયન સુનીલ પાલની ફરિયાદ પર મુંબઈ પોલીસે અજાણ્યા લોકો વિરુદ્ધ અપહરણ અને ખંડણીનો કેસ નોંધ્યો છે. સુનીલ પાલની ફરિયાદ પર મુંબઈના સાંતાક્રુઝ પોલીસ સ્ટેશનમાં કેસ નોંધવામાં આવ્યો છે અને વધુ તપાસ માટે આ કેસને ઉત્તર પ્રદેશના મેરઠ શહેરમાં સ્થિત લાલકુર્તી પોલીસ સ્ટેશનમાં ટ્રાન્સફર કરવામાં આવ્યો છે. આ FIR ભારતીય ન્યાય સંહિતાની કલમ 138, 140(2), 308(2), 308(5) હેઠળ પાંચ-છ અજાણ્યા લોકો સામે નોંધવામાં આવી છે.

    Sunil Pal kidnapping: સુનીલ પાલે ફરિયાદમાં આ દાવો કર્યો 

    સુનીલ પાલની ફરિયાદ અનુસાર, આ ઘટના 2 ડિસેમ્બરની સાંજે 6.30 વાગ્યાથી 3 ડિસેમ્બરની રાત્રે 8 વાગ્યાની વચ્ચે બની હતી. કોમેડિયને પોતાની ફરિયાદમાં એવો પણ દાવો કર્યો છે કે જ્યારે તે કોમેડી શો માટે મેરઠ પહોંચ્યો હતો ત્યારે પાંચ-છ લોકોએ તેનું અપહરણ કર્યું હતું. અપહરણકારોએ તેને અને તેના પરિવારને જાનથી મારી નાખવાની ધમકી આપીને 8 લાખ રૂપિયા પડાવી લીધા હતા.

    મહત્વનું છે કે સુનીલ પાલની પત્ની સરિતાએ મંગળવારે (3 ડિસેમ્બર) મુંબઈ પોલીસમાં ગુમ થયાની ફરિયાદ નોંધાવી હતી, પરંતુ થોડા કલાકો પછી તેઓએ જાહેરાત કરી હતી કે તે સુરક્ષિત છે અને ઘરે પહોંચી ગયો છે. સુનીલ પાલે સોશિયલ મીડિયા પર એક પોસ્ટ શેર કરી હતી જેમાં જણાવ્યું હતું કે તે સુરક્ષિત રીતે ઘરે પરત ફર્યો છે.

    Sunil Pal kidnapping:અપહરણ દિલ્હીમાં મેરઠની સરહદ પર થયું 

    સોશિયલ મીડિયા પરના એક વીડિયોમાં પાલે કહ્યું હતું કે 2 ડિસેમ્બરે મારું અપહરણ કરવામાં આવ્યું હતું, પરંતુ હવે હું સુરક્ષિત રીતે ઘરે પાછો આવી ગયો છું. મેં પોલીસને મારું નિવેદન આપ્યું છે. પોલીસ પ્રક્રિયા પૂર્ણ થયા પછી, હું વધુ વિગતો શેર કરીશ. તેમણે કહ્યું કે અપહરણ દિલ્હીમાં મેરઠની સરહદ પર થયું હતું. તેણે તેના ચાહકોના પ્રેમ બદલ આભાર વ્યક્ત કર્યો અને તેમના માટે પ્રાર્થના કરવાની અપીલ કરી.

    આ સમાચાર પણ વાંચો: Sunil Pal: ગાયબ થયા બાદ ઘરે પરત ફર્યો સુનિલ પાલ, કોમેડિયન એ પોલીસ ને જણાવી હકીકત

    જો આપણે સુનીલ પાલની કારકિર્દી પર નજર કરીએ, તો તે વર્ષ 2005માં ‘ગ્રેટ ઈન્ડિયન લાફ્ટર ચેલેન્જ’માં ભાગ લઈને અને જીત્યા બાદ પ્રખ્યાત થયો હતો. આ પછી, પાલે ‘ગ્રેટ ઈન્ડિયન કોમેડી શો’ જેવા શો હોસ્ટ કર્યા અને ‘કોમેડી ચેમ્પિયન્સ’, ‘કોમેડી સર્કસ કે સુપરસ્ટાર્સ’નો પણ ભાગ હતો. પાલે ‘બોમ્બે ટુ ગોવા’, ‘ભાવનાઓ કો સમજો’, ‘મની બેક ગેરંટી’, ‘કિક’, ‘ક્રેઝી 4’, ‘ફિર હેરા ફેરી’, ‘અપના સપના મની મની’ જેવી ફિલ્મોમાં પણ કામ કર્યું છે.

     

     

  • Mumbai: મુંબઈમાંથી ગુજરાતી વેપારીના અપહરણ બાદ પોલીસે આટલા જ કલાકમાં વેપારીને પુણેથી બચાવી લીધો, ત્રણની ધરપકડ.. જાણો વિગતે..

    Mumbai: મુંબઈમાંથી ગુજરાતી વેપારીના અપહરણ બાદ પોલીસે આટલા જ કલાકમાં વેપારીને પુણેથી બચાવી લીધો, ત્રણની ધરપકડ.. જાણો વિગતે..

     News Continuous Bureau | Mumbai

    Mumbai: મુંબઈ પોલીસે ( Mumbai Police ) અપહરણના 24 કલાકમાં જ કાપડના વેપારીને અપહરણકર્તાઓથી સુરક્ષિત રીતે બચાવી લીધો હતો અને આ કેસમાં ત્રણ લોકોની ધરપકડ પણ કરી હતી. વાસ્તવમાં 30 વર્ષીય કાપડ વેપારીનું ( Businessman) 22 જુલાઈના રોજ ત્રણ લોકોએ મળીને અપહરણ કર્યું હતું. પોલીસે આ કેસમાં કપુરમ ઘાંચી, પ્રકાશ પવાર અને ગણેશ પાત્રા ની ધરપકડ કરી હતી

    એલટી માર્ગ પોલીસના જણાવ્યા અનુસાર ધંધાકીય વિવાદને કારણે આ અપહરણ ( Kidnapping ) કરવામાં આવ્યુ હતું. આરોપીએ પીડીત સાથે મળીને કાપડનો વ્યવસાય શરૂ કર્યો હતો. આરોપી અમદાવાદથી પીડીતને કાપડ સપ્લાય કરતો હતો અને આ બાદ વેપારી પૂણેમાં ( Pune ) તેને સપ્લાય કરતો હતો. પીડીત અને મુખ્ય આરોપી કપુરી રામ ઘાંચી, બંને રાજસ્થાનના સિરોહીના રહેવાસી હતા અને સમય જતાં એકબીજાના મિત્ર બની ગયા હતા.

    Mumbai: કાપડનો ઓર્ડર સમયસર ન પહોંચડાતા આ બનાવ બન્યો…

    ઘાંચીની પુણેના કોંધવામાં બે દુકાનો છે, એક રેડીમેડ કપડાંની અને બીજી ડ્રેસ મટિરિયલની. કોવિડ દરમિયાન, પીડીતનો વ્યવસાય નિષ્ફળ ગયો હતો અને તે વચન મુજબ કાપડના ઓર્ડરની ડિલિવરી કરી શક્યો ન હતો. આ બાદ આરોપીએ જ્યારે પીડીતને આ અંગે કોલ કર્યા ત્યારે વેપારીએ ( Mumbai Businessman Kidnapping ) તેનો ફોન સ્વીચ ઓફ કરી દીધો હતો અને તેને જવાબ આપવાનું ટાળ્યું હતું.

    આ ગુનામાં અન્ય ચાર સંડોવાયેલા હતા અને ઘાંચીને પીડીત મુંબઈમાં હોવાની જાણ થઈ હતી અને તેણે પૂણેના અન્ય મિત્રો સાથે મળીને પીડીતનું અપહરણ કરવાનો પ્લાન બનાવ્યો હતો. 21 જુલાઈની સવારે, પીડીત તેના મિત્રો સાથે કાલબાદેવીના એક બારમાંથી પરત ઘરે માટે રસ્તા પર ચાલી રહ્યો હતો, ત્યારે તેને બળજબરીથી કાર બેસાડીને પુણે લઈ જવામાં આવ્યો હતો. 

    આ સમાચાર પણ વાંચો  :  Mumbai: લ્યો બોલો, એક રેઈનકોટના કારણે થંભી ગયો પશ્ચિમ રેલ્વેનો વાહનવ્યવહાર; જાણો ચર્ચગેટ સ્ટેશન પર ખરેખર શું થયું?.. જુઓ વિડીયો.

     Mumbai:  24 કલાકમાં આરોપીની ધરપકડ કરવામાં આવી હતી…

    આરોપીઓએ વેપારીને રસ્તામાં માર પણ માર્યો હતો. આ બાદ પીડિતના મિત્રોએ પોલીસ કંટ્રોલ રૂમની હેલ્પલાઈન પર સંપર્ક કરીને પોલીસને આ અંગે જાણ કરી હતી. ફરિયાદના આધારે પોલીસ તપાસ કરતા પોલીસે તે વિસ્તારના સીસીટીવી ફુટેજ ચેક કર્યા હતા.તેમાં પોલીસને કારની નંબર પ્લેટ જોવા મળી હતી. જેથી પોલીસને ખબર પડી હતી કે તે પુણેની કાર છે. માલિક વિશે માહિતી એકત્ર કર્યા પછી, પોલીસ પુણે તરફ રવાના થયા. આ ઘટના બપોરે 1.50 વાગ્યે બની હોવાથી, અમે તરત જ તમામ પોલીસ ચેકપોઇન્ટને કારને રોકવા માટે એલર્ટ કર્યા હતા, પરંતુ કમનસીબે તેઓ કાર આ તમામ ચેક પોઈન્ટ ઓળંગી ગઈ હતી. તેથી પોલીસે આરોપીના ફોનનું લોકેશન પુણેના કોંધવા ખાતેની તેની દુકાનના પરિસરમાં ટ્રેસ કર્યું હતું. આ પછી 24 કલાકમાં આરોપીની ધરપકડ કરવામાં આવી હતી. આ મામલામાં પોલીસે અપહરણ માટે ઉપયોગ લેવામાં આવેલી કાર પણ જપ્ત કરી હતી.

    તો વેપારીને અપહરકર્તાના કબજામાંથી સુરક્ષિત રીતે બચાવી લેવામાં આવ્યો હતો. જો કે, મારના કારણે વેપારીના ચહેરા પર ઘણી ઈજાઓ થઈ હતી. પોલીસે આ મામલે અન્ય બે આરોપીઓની પણ ધરપકડ કરી હતી. તો આ કેસમાં અન્ય બે આરોપીઓ હાલ ફરાર છે. હાલ આ ત્રણેય આરોપીને પોલીસ કસ્ટડીમાં મોકલવામાં આવ્યા છે અને મહારાષ્ટ્ર પોલીસ એક્ટ હેઠળ અપહરણ, નુકસાન પહોંચાડવા અને BNSની કલમો હેઠળ કેસ નોંધવામાં આવ્યો હતો. 

     

  • Rajasthan High Court: હાઈકોર્ટનો ચુકાદો.. લગ્ન બાદ પત્ની બીજા પુરુષ સાથે સંબંધ બાંધે એ ગુનો નથી.. પતિની અરજી ફગાવી; જાણો શું સમગ્ર મામલો

    Rajasthan High Court: હાઈકોર્ટનો ચુકાદો.. લગ્ન બાદ પત્ની બીજા પુરુષ સાથે સંબંધ બાંધે એ ગુનો નથી.. પતિની અરજી ફગાવી; જાણો શું સમગ્ર મામલો

    News Continuous Bureau | Mumbai 

    Rajasthan High Court: રાજસ્થાનમાં પતિએ પત્નીના અપહરણનો કેસ નોંધાવ્યો હતો. પરંતુ જ્યારે મામલો કોર્ટમાં પહોંચ્યો ત્યારે પત્નીએ કહ્યું કે તેનું અપહરણ થયું નથી. તેના બદલે, તે સ્વેચ્છાએ તે વ્યક્તિ સાથે લિવ-ઇન રિલેશનશિપમાં રહે છે જેની સામે તેના પતિએ કેસ દાખલ કર્યો છે. તેના પર હાઈકોર્ટે કહ્યું કે આ કાયદાકીય ગુનો નથી. 

    હાઈકોર્ટે કહ્યું કે જ્યારે બે પુખ્ત વયના લોકો લગ્નની ( Marriage ) બહાર સહમતિથી સંબંધ બાંધે છે તો તે કાનૂની અપરાધ નથી. રાજસ્થાન હાઈકોર્ટે પતિ ( Husband Wife ) દ્વારા દાખલ કરવામાં આવેલી અરજીને ફગાવી દેતા કહ્યું હતું કે, વ્યભિચાર એ IPCની કલમ 497 હેઠળ અપવાદ છે, જે પહેલાથી જ રદ કરવામાં આવી છે. જસ્ટિસ બિરેન્દ્ર કુમારે કહ્યું કે આઈપીસી સેક્શન 494 (બિગમેમી) હેઠળ કેસ કરવામાં આવતો નથી. કારણ કે બંનેમાંથી કોઈએ પણ જીવનસાથીના જીવનકાળ દરમિયાન બીજી વખત લગ્ન કર્યા નથી. જ્યાં સુધી લગ્ન સાબિત ન થાય ત્યાં સુધી લિવ-ઈન રિલેશનશિપ ( Live-in relationship ) જેવા લગ્ન જેવા સંબંધ કલમ 494 હેઠળ આવતા નથી

     શું છે આ મામલો..

    વાસ્તવમાં, અરજદારે કેસ દાખલ કર્યો હતો જેમાં આરોપ લગાવ્યો હતો કે તેની પત્નીનું કોઈ વ્યક્તિ દ્વારા અપહરણ ( Kidnapping ) કરવામાં આવ્યું છે. જે બાદ તેની પત્ની એફિડેવિટ સાથે કોર્ટમાં હાજર થઈ હતી. ત્યાં તેણે કહ્યું કે કોઈએ તેનું અપહરણ કર્યું નથી, પરંતુ તે પોતાની મરજીથી આરોપી યુવક સાથે લિવ-ઈન રિલેશનશિપમાં હતી. આના પર કોર્ટે કહ્યું કે આઈપીસીની કલમ 366 હેઠળ કોઈ ગુનો કરવામાં આવ્યો નથી અને એફઆઈઆર રદ કરવામાં આવે છે.

    આ સમાચાર પણ વાંચો : Lokayukta Raid: કર્ણાટકમાં મોટી કાર્યવાહી, લોકાયુક્ત અધિકારીઓએ એક સાથે 60 જગ્યાએ દરોડા પાડ્યા.. આટલો મુદ્દામાલ જપ્ત કર્યો..

    સુનાવણી દરમિયાન, અરજદારના વકીલે દલીલ કરી હતી કે મહિલાએ સ્વીકાર્યું છે કે તેણી અન્ય યુવક સાથે લગ્નેત્તર સંબંધ ધરાવે છે, તેથી તે IPCની કલમ 494 અને 497 હેઠળ ગુનો બને છે. વકીલે કોર્ટને સામાજિક નૈતિકતાના રક્ષણ માટે અધિકારક્ષેત્રનો ઉપયોગ કરવાની અપીલ કરી હતી. સુપ્રીમ કોર્ટના આદેશને ટાંકીને સિંગલ બેન્ચે કહ્યું, ‘આ સાચું છે કે આપણા સમાજમાં મુખ્ય ધારાનો મત એ છે કે શારીરિક સંબંધો ફક્ત પરિણીત યુગલ વચ્ચે જ હોવા જોઈએ, પરંતુ જ્યારે બે પુખ્ત વયના લોકો લગ્નની બહાર સહમતિથી સંબંધ ધરાવતા હોય તો આ ગુનો નથી.

    કોર્ટે કહ્યું કે વિજાતીય બે પુખ્ત વયના લોકો (વ્યભિચારના અપવાદ સિવાય) વચ્ચે સહમતિથી સેક્સ કરવું ગુનો નથી. જો કે, આ અનૈતિક માનવામાં આવે છે. કોર્ટે કહ્યું, ‘એક પુખ્ત મહિલા જેની સાથે ઇચ્છે તેની સાથે લગ્ન કરી શકે છે અને જેની સાથે તે ઇચ્છે તેની સાથે રહી શકે છે.’ બેન્ચે કહ્યું, અરજદારની પત્નીએ એક આરોપી વ્યક્તિ સાથે સંયુક્ત રીતે જવાબ દાખલ કર્યો છે જેમાં જણાવ્યું છે કે તેણે પોતાની મરજીથી ઘર છોડ્યું છે અને તે યુવક સાથે સંબંધમાં છે.

  • INS Sumitra : ભારતીય નૌકાદળની ચાંચિયાઓ સામે મોટી કાર્યવાહી, માછીમારોને બચાવવા માટે મોકલવામાં આવ્યું આ શક્તિશાળી યુદ્ધ જહાજ..

    INS Sumitra : ભારતીય નૌકાદળની ચાંચિયાઓ સામે મોટી કાર્યવાહી, માછીમારોને બચાવવા માટે મોકલવામાં આવ્યું આ શક્તિશાળી યુદ્ધ જહાજ..

    News Continuous Bureau | Mumbai

    INS Sumitra : ભારતીય નૌકાદળે ( Indian Navy ) સોમાલિયન ચાંચિયાઓ દ્વારા અપહરણ ( Kidnapping ) કરાયેલા માછીમારોને બચાવવાનું કામ શરૂ કરી દીધું છે. ભારતીય નૌકાદળના યુદ્ધ જહાજ INS સુમિત્રાને ચાંચિયાઓ સામે લડવા માટે અરબી સમુદ્રમાં મોકલવામાં આવ્યું છે.

    મીડિયામાં પ્રકાશિત અહેવાલો અનુસાર, કોચીથી લગભગ 700 નોટિકલ માઈલ પશ્ચિમમાં સોમાલિયાના ચાંચિયાઓનો ( Somali pirates ) સામનો કરવા માટે નૌકાદળનું યુદ્ધ જહાજ મોકલવામાં આવ્યું છે. અધિકારીઓના જણાવ્યા અનુસાર, ઈરાની માછીમારી જહાજ એમવી ઈમાનને સોમાલી ચાંચિયાઓએ હાઇજેક કરી લીધું હતું. જહાજના કેપ્ટન સહિત 17 ક્રૂ મેમ્બર સવાર છે.

    ભારતે દરિયામાં દેખરેખ વધારી છે

    ભારતીય નૌકાદળે ભારત જતી વેપારી જહાજો ( merchant ships ) પર તાજેતરના હુમલાને પગલે અશાંત પ્રદેશમાં દેખરેખમાં નોંધપાત્ર વધારો કર્યો છે. ભારતીય નૌકાદળે દેખરેખ માટે લગભગ 10 યુદ્ધ જહાજોના ટાસ્ક જૂથો તૈનાત કર્યા છે. તાજેતરમાં, ઈરાન સમર્થિત યમનની હુથી મિલિશિયા 7 ઓક્ટોબરે ઈઝરાયેલ-હમાસ સંઘર્ષ શરૂ થયા બાદથી લાલ સમુદ્રમાં મિસાઈલ અને ડ્રોન વડે વેપારી જહાજોને નિશાન બનાવી રહી છે. હુથી બળવાખોરોએ હમાસને સમર્થન જાહેર કર્યું છે. હુમલાઓને પગલે ઘણી શિપિંગ કંપનીઓએ લાલ સમુદ્રમાં કામગીરી સ્થગિત કરી દીધી છે, જેના કારણે ખલાસીઓને આફ્રિકાના દક્ષિણ છેડાની આસપાસ લાંબા માર્ગો વાળવા અને લાંબા માર્ગો લેવાની ફરજ પડી છે.

    શ્રીલંકાને પણ આપ્યું હતું મદદનું વચન

    ભારતે અગાઉ પણ ચાંચિયાઓ સામે કાર્યવાહી કરવાનું વચન આપ્યું છે. ભારતે સોમાલી ચાંચિયાઓ દ્વારા બંધક બનેલા શ્રીલંકાના માછીમારોને ( fishermen ) બચાવવામાં મદદ કરવાનું વચન આપ્યું હતું. શ્રીલંકન નેવીએ રવિવારે આ માહિતી આપી હતી. લોરેન્ઝો પુથા-4 બોટ 16 જાન્યુઆરીના રોજ શ્રીલંકાના ડિકોવિટા બંદરેથી બહુ-દિવસીય માછીમારીની યાત્રા પર રવાના થઈ હતી.

    આ સમાચાર પણ વાંચો :  Krishna janmabhoomi : કૃષ્ણ જન્મભૂમિ-શાહી ઈદગાહ વિવાદમાં હિન્દુ પક્ષને ઝટકો, SCમાં આ મહિના સુધી સુનાવણી સ્થગિત, સર્વે પર રોક યથાવત.

    શ્રીલંકાના નૌકાદળના પ્રવક્તા ગાયન વિક્રમસૂર્યાએ આપી આ માહિતી

    શ્રીલંકાના નૌકાદળના પ્રવક્તા ગાયન વિક્રમસૂર્યાએ જણાવ્યું હતું કે, શ્રીલંકાએ શનિવારે યુએન સેન્ટ્રલ મેરીટાઇમ કમાન્ડને મોગાદિશુથી 840 નોટિકલ માઇલ દક્ષિણપૂર્વમાં સોમાલી ચાંચિયાઓ દ્વારા છ માછીમારો અને તેમની બોટને પકડવાની માહિતી આપી હતી. તેમણે કહ્યું કે ભારતે આ માછીમારોને મુક્ત કરવામાં શ્રીલંકાને મદદ કરવાનું વચન આપ્યું છે. શ્રીલંકાના મત્સ્યોદ્યોગ રાજ્ય મંત્રી પિયાલ નિશાંતાએ પત્રકારોને જણાવ્યું હતું કે ચાંચિયાઓએ પકડાયેલા માછીમારોને મત્સ્ય મંત્રાલય સાથે વાત કરવાની મંજૂરી આપી છે.

  • Voice-Cloning Scam: મુંબઈમાં હોલિવુડની ફિલ્મી સ્ટાઈલમાં કરાઈ હાઈટેક છેતરપિંડી.. આટલા લાખની થઈ ઠગાઈ..

    Voice-Cloning Scam: મુંબઈમાં હોલિવુડની ફિલ્મી સ્ટાઈલમાં કરાઈ હાઈટેક છેતરપિંડી.. આટલા લાખની થઈ ઠગાઈ..

    News Continuous Bureau | Mumbai

    Voice-Cloning Scam: મુંબઈના અંધેરીમાંથી ( Andheri ) એક હાઈટેક લૂંટનો કિસ્સો પ્રકાશમાં આવ્યો છે. જ્યાં 69 વર્ષીય વ્યક્તિએ અજાણ્યા વ્યક્તિ વિરુદ્ધ પોલીસમાં છેતરપિંડીની ફરિયાદ નોંધાવી છે. છેતરપિંડીની ( high-tech robbery ) આ ઘટના ફિલ્મ મિશન ઈમ્પોસિબલની તર્જ પર કરવામાં આવી હતી. છેતરપિંડી કરનારે સોફ્ટવેર એપ્લિકેશનનો  ઉપયોગ કરીને પીડિતાના ભત્રીજા ( Nephew )  (વોઈસ ક્લોનિંગ) ના અવાજમાં વાત કરી હતી. જેમાં આરોપીએ ફોન કરીને ભત્રીજાના અવાજમાં ફરિયાદીને કહ્યું હતું કે મારુ અપહરણ ( Kidnapping ) થયુ છે. તેથી મને છોડવા માટે ખંડણી તરીકે 3.70 લાખ રુપિયા ચુકવો. જે બાદ 3.70 લાખની રકમ ખંડણી તરીકે છેતરપિંડી કરનારના ખાતામાં મોકલવામાં આવી હતી. પરંતુ પાછળથી જાણવા મળ્યું કે તેના ભત્રીજાએ તેને આ ફોન કર્યો જ ન હતો. 

    અંધેરી પોલીસે અજાણ્યા વ્યક્તિ વિરુદ્ધ ( fraud ) છેતરપિંડીનો કેસ નોંધીને તપાસ શરૂ કરી છે. પોલીસના જણાવ્યા અનુસાર, ફરિયાદી કોન્ટ્રાક્ટર છે. જે અંધેરી વિસ્તારમાં તેની પત્ની સાથે રહે છે. પોલીસ ફરિયાદ મુજબ 15 જાન્યુઆરીની સવારે તેને એક અજાણ્યા નંબર પરથી વોટ્સએપ કોલ આવ્યો હતો. જેમાં ફરીયાદીને લાગ્યુ હતું કેે તેના પર તેના મોટા ભાઈના પુત્રનો ફોન આવ્યો છે, જે વિદેશમાં રહે છે. વોઈસ ક્લોનિંગ એપ ( Voice cloning app ) દ્વાર અવાજ બદલીને આરોપીએ ભત્રીજાના અવાજમાં ફરિયાદી સાથે વાત કરી હતી. ભત્રીજાએ આ કોલમાં ફરિયાદીને જણાવ્યું હતું કે તે 22 જાન્યુઆરીએ બિઝનેસ સંબંધિત કામ માટે તે ભારત પરત ફરી રહ્યો છે. તેથી તેણે તેના કાકા (ફરિયાદી) ના ખાતામાં 10 લાખ રૂપિયા મોકલવા જઈ રહ્યો છે. તેણે ફરિયાદીને તેના પિતાને આ વાત ન કહેવા વિનંતી પણ કરી હતી.

     જગમોહનના મિત્ર કરણના ખાતામાં સૂચના મુજબ રૂ.3.70 લાખ જમા કરાવામાં આવ્યા હતા…

    ફરિયાદીને કહ્યું કે તેણે પૈસા ખાતામાં મોકલી દીધા છે અને તે આગામી 24 કલાકમાં તેના ખાતામાં જમા થઈ જશે. બાદમાં જ્યારે ફરિયાદી દક્ષિણ મુંબઈ ગયો ત્યારે તેના ભત્રીજાએ તેને ફરીથી ફોન કર્યો અને જાણ કરી કે જગમોહન નામના વ્યક્તિએ તેનું અપહરણ કર્યું છે. ભત્રીજાએ ફરિયાદીને તેના દ્વારા મોકલેલા પૈસામાંથી આ વ્યક્તિને ખંડણીની રકમ ચૂકવવા જણાવ્યું હતું. અન્યથા જગમોહન તેનો પાસપોર્ટ નષ્ટ કરી દેશે એવી ધમકીનું પણ વર્ણન કર્યું હતું. ગભરાયેલા ફરિયાદીએ તેના ભત્રીજાએ જે કહ્યું તે તરત કરી દીધું હતું.

    આ સમાચાર પણ વાંચો :  Mumbai: ભાજપના પૂર્વ જિલ્લા પ્રમુખે મીરા – ભાયંદરમાં સફાઈ કોન્ટ્રાક્ટમાં આટલા કરોડના કૌભાંડનો કર્યો આક્ષેપ..

    જગમોહનના મિત્ર કરણના ખાતામાં સૂચના મુજબ રૂ.3.70 લાખ જમા કરાવામાં આવ્યા હતા. ચુકવણી બાદ ફરિયાદીએ તેના ભત્રીજાને ફોન કરીને જાણ કરી હતી કે તેણે ખંડણીની રકમ જમા કરાવી દીધી છે. પણ આ વખતે તેના ભત્રીજાનો અવાજ જુદો હતો. જેના કારણે ફરિયાદીનું માનવું હતું કે કંઈક ખોટું થઈ રહ્યું છે. આ પછી તેણે તેના ભત્રીજાના નિયમિત નંબર પર ચૂકવણીની પહોંચની રસીદ મોકલી. જેના પર તેના ભત્રીજાએ જવાબ આપ્યો અને પૂછ્યું કે તે શેના માટે છે. પછી ફરિયાદીએ તેમને સમગ્ર ઘટના જણાવી, જેમાં ભત્રીજાએ જવાબ આપ્યો કે હુ ઓફિસમાં મારી મિટીંગમાં જ છું, હુ ભારતમાં નથી. જે બાદ પીડિતાએ તાત્કાલિક પોલીસનો સંપર્ક કર્યો અને એફઆઈઆર નોંધાવી હતી. હાલ આ મામલે વધુ તપાસ ચાલી રહી છે.

  • Mumbai: કાંદિવલીમાં એક વંધ્યત્વ મહિલાએ લોકોના ટોણાથી કંટાળી, કર્યું 20 દિવસના બાળકનું અપહરણ.. પછી આ રીતે ભાંડો ફૂટ્યો..

    Mumbai: કાંદિવલીમાં એક વંધ્યત્વ મહિલાએ લોકોના ટોણાથી કંટાળી, કર્યું 20 દિવસના બાળકનું અપહરણ.. પછી આ રીતે ભાંડો ફૂટ્યો..

    News Continuous Bureau | Mumbai

    Mumbai: કાંદિવલી વેસ્ટ ડૉ. બાબાસાહેબ આંબેડકર (શતાબ્દી) હોસ્પિટલમાંથી અપહરણ ( Kidnapping) કરાયેલ 20 દિવસના બાળકને સફળતાપૂર્વક બચાવી લેવામાં આવ્યું હતું. ( Kandivali West ) કાંદિવલી પોલીસે થોડા કલાકોમાં જ આ મામલાની તપાસ કરી અને બાળકને ( baby ) તેના માતા-પિતાને સોંપી દીધું હતું. પોલીસે આ કેસમાં એક 21 વર્ષીય મહિલાની ધરપકડ કરી છે. આરોપી મહિલાને બાળક ન હોવાથી લોકો તેને ટોણા મારતા હતા. જે બાદ તેણે કંટાળીને આ પગલુ ભર્યું હોવાનું કબૂલાત કરી છે. 

    પ્રાપ્ત માહિતી મુજબ, આરોપી મહિલા પરિણીત છે, પરંતુ તેને સંતાન થતુ ન હતું. તેથી આસપાસના લોકો તેને ટોણો મારતા હતા. લોકોના ટોણાથી હતાશ થઈને તેણે આ 20 દિવસીય નવજાત બાળકનું અપહરણ ( Child abduction ) કરવાનું કાવતરું ઘડ્યું હતું. તેથી ગુરુવારે બપોરે આરોપી કાંદિવલીની ડો.બાબા સાહેબ આંબેડકર હોસ્પિટલમાં ( shatabdi hospital ) ગઈ હતી. ત્યાં તેણીને ફરિયાદી મહિલા દ્વારા 20 દિવસના બાળકને જન્મ આપ્યો હતો. ફરિયાદી મહિલા એકલી હોવાનો ફાયદો ઉઠાવીને આરોપી મહિલાએ તેની સાથે અનૌપચારિક વાતચીત કરી હતી.

    શું છે આ મામલો..

    વાત કરતી વખતે તેને ખબર પડી કે ફરીયાદી મહિલાનો પતિ હોસ્પિટલના જરુરી કાગળો બનાવવા માટે બહાર ગયો છે. પરિસ્થિતિનો ફાયદો ઉઠાવીને આરોપી મહિલાએ ફરીયાદીને ફ્રેશ થવા માટે જવાની સલાહ આપી અને કહ્યું કે ત્યાં સુધી હું બાળકની સંભાળ રાખીશ. ફરીયાદી, આરોપી મહિલાની વાતોમાં ફસાઈ ગઈ અને બાળકને સોંપીને બાથરૂમમાં ગઈ હતી. જેનો ફાયદો ઉઠાવીને આરોપી મહિલા બાળકને લઈને ફરાર થઈ ગઈ હતી. જ્યારે ફરીયાદીને ખબર પડી કે બાળક ચોરાઈ ગયું છે, ત્યારે તે ચોંકી ગઈ હતી અને પછી તેણે કાંદિવલી પોલીસ સ્ટેશનમાં ફરિયાદ નોંધાવી હતી.

    આ સમાચાર પણ વાંચો : Multibagger Stock: આ મલ્ટીબેગર સ્ટોકે રોકાણકારોને કર્યા માલામાન… છેલ્લા એક મહિનામાં આપ્યું આટલા ટક્કાનું જબદસ્ત વળતર…

    કેસ નોંધાયા પછી, કાંદિવલી પોલીસ સ્ટેશનના વરિષ્ઠ પોલીસ નિરીક્ષક બાળકની શોધ માટે ત્રણ ટીમો બનાવી અને તપાસ શરૂ કરી હતી. જ્યારે પોલીસે શતાબ્દી હોસ્પિટલના સીસીટીવી ચેક કર્યા તો એક બુરખાધારી મહિલા બાળકને લાલ ધાબળા નીચે લઈ જતી જોવા મળી હતી. જે બાદ પોલીસે આરોપી મહિલાને શોધવા માટે લગભગ 200 સીસીટીવી ચેક કર્યા હતા.

    જે બાદ એક સીસીટીવીમાં ( CCTV ) આરોપી મહિલા માલવણીમાં રિક્ષામાંથી નીચે ઉતરતી જોવા મળી હતી. જ્યારે બાળક રડવા લાગ્યું, ત્યારે આરોપી મહિલા ડરી ગઈ હતી અને તેણે બાળકને રસ્તાની બાજુમાં મળી હોવાનો દાવો કરીને વનરાઈ પોલીસ સ્ટેશન પાસે બાળકને સોપવા પહોંચી હતી. પરંતુ પોલીસ તપાસમાં તેણીના વર્ણનમાં વિસંગતતા જોવા મળી હતી. જેથી પોલીસે તેણીની વધુ પુછપરછ કરતા તેણીએ ગુનો કબુલી લીધો હતો. જે બાદ પોલીસે આરોપી મહિલાની ધરપકડ કરી હતી અને બાળકીને તેના માતા-પિતાને સોંપી દીધું હતું.

  • Cyber Kidnapping: વર્ચુઅલ ધાક-ધમકી બાદ, વર્ચુઅલ ધમકી થી અપહરણ, જાણો અમેરિકાનો આ ચોંકાવનારો કેસ…

    Cyber Kidnapping: વર્ચુઅલ ધાક-ધમકી બાદ, વર્ચુઅલ ધમકી થી અપહરણ, જાણો અમેરિકાનો આ ચોંકાવનારો કેસ…

    News Continuous Bureau | Mumbai

    Cyber Kidnapping: અમેરિકાના ( USA ) ઉટાહ ( Utah ) શહેરમાંથી સાઈબર કિડનેપિંગનો ( cyber kidnapping ) એક ચોંકાવનારો કિસ્સો સામે આવ્યો છે. અહીં એક ચીની વિદ્યાર્થીનું ( Chinese student ) વર્ચ્યુઅલ રીતે અપહરણ ( Kidnapping ) કરવામાં આવ્યું હતું અને તેના પરિવાર પાસેથી 66.62 લાખ રૂપિયા (80 હજાર ડોલર) ની ખંડણી માગવામાં આવી હતી. 

    વિગત મુજબ 17 વર્ષીય કાઈ ઝુઆંગ 20 ડિસેમ્બરથી ગુમ હતો. શોધખોળ બાદ તે બર્ફીલા પહાડો પરથી મળી આવ્યો છે. પોલીસે તેની સત્તાવાર વેબસાઈટમાં આ અંગે જણાવ્યું હતું કે કાઈ ઝુઆંગનું વાસ્તવમાં અપહરણ થયું ન હતું. તેણે અપહરણકારોના કહેવાથી પોતાને ઓઈસોલેટ કરી લીધો હતો. વર્ચ્યુઅલ અપહરણકારોની ધમકીથી તે પહાડોમાં રહેવા ચાલ્યો ગયો હતો.

    પ્રાપ્ત માહિતી મુજબ, સાઈબર કિડનેપર્સનો ( cyber kidnappers ) કાઈ ઝુઆંગનો સંપર્ક સ્કાઈપ જેવા ઓનલાઈન પ્લેટફોર્મ પર થયો હતો. જેમાં માતા-પિતાનો જીવ જોખમાં હોવાનું કહી વર્ચ્યુઅલ્સ કિડનેપર્સે તેને ખાતરી આપી હતી કે જો તારે તારાં માતા-પિતાને બચાવવા હોય તો અમે જે કહીએ તેમ કરતો રહે. આ પછી અપહરણકર્તાઓએ કાઈ ઝુઆંગ પાસે એવા ફોટોગ્રાફ્સ માંગ્યા હતા. જેમાં તેના હાથ-પગ બાંધેલા હોય અને તે એકાંત જગ્યાએ હોય. અપહરણકર્તાઓએ આ તસવીરો કાઈ ઝુઆંગના પરિવારને મોકલી હતી અને માતા પિતા પાસેથી ખંડણી માંગી હતી.

    અન્ય ઓનલાઈન ફોરમની જેમ સાયબર કિડનેપીંગનો પણ ટ્રેન્ડ હવે ઝડપથી વધી રહ્યો છે…

    જોકે, રિવરડેલ પોલીસે કાઈ ઝુઆંગને બચાવી લીધો હતો. તમને જણાવી દઈએ કે અમેરિકામાં સાયબર કિડનેપિંગના મામલા હાલ વધી ગયા છે.

    આ સમાચાર પણ વાંચો :  Divya Kala Shakti: અસાધારણ પ્રતિભાનું અનાવરણ – “દિવ્ય કલા શક્તિ” સાંસ્કૃતિક કાર્યક્રમથી દિવ્યાંગ વ્યક્તિઓ પ્રોત્સાહિત

    એક અહેવાલ મુજબ, અન્ય ઓનલાઈન ફોરમની જેમ સાયબર કિડનેપીંગનો પણ ટ્રેન્ડ હવે ઝડપથી વધી રહ્યો છે. ડિજિટલ અપરાધની દુનિયામાં આ એક નવા ચહેરા તરીકે ઉભરી રહ્યો છે, જેમાં ઓનલાઈન અપહરણકર્તાઓ લોકોને નિશાન બનાવે છે અને તેઓને તેઓ જાણતા લોકોથી દૂર રહેવા દબાણ કરે છે. જ્યારે પીડિતા તેના પરિવારના સભ્યો સાથે સંપર્કમાં રહેતી નથી, ત્યારે તેઓ પીડિતાના પરિવારને કહે છે કે તેના સંબંધીનું અપહરણ કરવામાં આવ્યું છે. સ્કેમર્સ વિડિયો ચેટ દ્વારા પીડિતાના સતત સંપર્કમાં રહે છે અને તેનો ફોટો તેના પરિવારના સભ્યો સાથે શેર કરે છે, તેમને અપહરણ અને ખંડણીની માંગણી વિશે માહિતી આપે છે. એટલું જ નહીં, હવે કેટલાક સ્કેમર્સ આર્ટિફિશિયલ ઈન્ટેલિજન્સ દ્વારા પીડિતાના અવાજની નકલ પણ કરે છે અને પરિવારને ખાતરી આપે છે કે, તેમના સંબંધીનું અપહરણ કરવામાં આવ્યું છે. ફોરેન એક્સચેન્જ પ્રોગ્રામ હેઠળ અમેરિકામાં ચીનના વિદ્યાર્થીઓને મોટા પાયે નિશાન બનાવવામાં આવી રહ્યા છે.-

  • અપહરણ અને મારપીટ ના આરોપો વચ્ચે હની સિંહે તોડ્યું મૌન, કર્યો આ ખુલાસો

    અપહરણ અને મારપીટ ના આરોપો વચ્ચે હની સિંહે તોડ્યું મૌન, કર્યો આ ખુલાસો

    News Continuous Bureau | Mumbai

    બોલિવૂડનો ફેમસ રેપર હની સિંહ આ દિવસોમાં ખૂબ જ ચર્ચામાં છે. રેપર સિંગર્સ તેના ગીતો, અંગત જીવન અને વ્યવસાયિક જીવન માટે ઘણીવાર હેડલાઇન્સમાં રહે છે. હની સિંહને વિવાદો સાથે જૂનો સંબંધ છે. ફરી એકવાર તે મુશ્કેલીમાં ફસાયેલો જોવા મળી રહ્યો છે. હકીકતમાં, હાલમાં જ એક ઈવેન્ટ ઓર્ગેનાઈઝરે હની સિંહ અને તેની ટીમ પર અપહરણ અને મારપીટનો આરોપ લગાવ્યો હતો. આ સાથે એક ફરિયાદ પણ દાખલ કરવામાં આવી હતી, જે બાદ હવે આ મામલે હની સિંહનું નિવેદન સામે આવ્યું છે. 

     

    હની સિંહે શેર કરી પોસ્ટ

    હાલમાં જ હની સિંહે તેના ઈન્સ્ટાગ્રામ પર એક પોસ્ટ શેર કરી છે, જેમાં તેણે તેના પર લાગેલા આરોપો અંગે સ્પષ્ટતા કરી છે. તેણે આ પોસ્ટમાં લખ્યું છે – ‘મારા પર લગાવવામાં આવેલી ફરિયાદ અને આરોપો પાયાવિહોણા છે. મારો અને મારી કંપનીનો આ બાબત સાથે કોઈ સંબંધ નથી, જેના સમાચાર સવારથી મીડિયામાં બતાવવામાં આવી રહ્યા છે. હું મુંબઈ સ્થિત કંપની ટ્રાઈબ વાઈબમાં પરફોર્મ કરવા ગયો હતો, જે એક જાણીતી કંપની બુક માય શોની સિસ્ટર કંપની છે. આ ઈવેન્ટમાં મને પરફોર્મ કરવા માટે જેટલો સમય આપવામાં આવ્યો હતો તેટલું મેં પરફોર્મ કર્યું છે. આ સિવાય જે પણ અફવાઓ ફેલાવવામાં આવી રહી છે તે મારી ઈમેજને બગાડવાના ઈરાદાથી છે. જેણે પણ આ કર્યું છે, મારી કાનૂની ટીમ તેની સામે માનહાનિનો કેસ દાખલ કરવાની તૈયારી કરી રહી છે.

     

    View this post on Instagram

     

    A post shared by Yo Yo Honey Singh (@yoyohoneysingh)

    પોલીસ કરી રહી છે કેસની તપાસ

    તમને જણાવી દઈએ કે એક ઈવેન્ટ કંપનીના માલિકે  હની સિંહ અને તેની ટીમ પર અપહરણ અને મારપીટનો આરોપ લગાવ્યો છે. આ સાથે તેની સામે ફરિયાદ પણ દાખલ કરવામાં આવી છે. જોકે પોલીસ આ મામલે તપાસ કરી રહી છે.