Tag: lending rates

  • SBI MCLR Hikes : જાહેર ક્ષેત્રની આ બેંક એ ગ્રાહકોને આપ્યો ઝટકો, લોનના વ્યાજદરમાં કર્યો વધારો; વધશે કાર લોન, હોમ લોનની EMI

    SBI MCLR Hikes : જાહેર ક્ષેત્રની આ બેંક એ ગ્રાહકોને આપ્યો ઝટકો, લોનના વ્યાજદરમાં કર્યો વધારો; વધશે કાર લોન, હોમ લોનની EMI

     News Continuous Bureau | Mumbai

    SBI MCLR Hikes : દેશની સૌથી મોટી જાહેર ક્ષેત્રની બેંક સ્ટેટ બેંક ઓફ ઈન્ડિયા (SBI)એ કરોડો ગ્રાહકોને ઝટકો આપ્યો છે. SBIએ આજે ​​15મી જુલાઈથી લોનના દરમાં ફેરફાર કર્યો છે. બેંકે તેના સીમાંત ખર્ચની ફંડ-આધારિત ધિરાણ દર (MCLR) ને પસંદગીના સમયગાળા પર 10 બેસિસ પોઈન્ટ્સ (bps) સુધી વધાર્યા છે. SBIની વેબસાઈટ અનુસાર, સુધારેલા દરો 15 જુલાઈ, 2024થી લાગુ થશે. અગાઉ જૂન 2024માં, બેંકે પસંદગીના સમયગાળા પર લોનના દર (MCLR)માં 10 bpsનો વધારો કર્યો હતો. આ વધારાને કારણે હોમ લોન, કાર લોન સહિત તમામ પ્રકારની લોન મોંઘી થઈ ગઈ છે.

    SBI MCLR Hikes : SBI ના નવા વ્યાજ દરો

    સ્ટેટ બેંકે ઓવર નાઈટ MLCR 8.10 ટકા જાળવી રાખ્યો છે. એક મહિનાનો MLCR 8.30 ટકાથી વધારીને 8.35 ટકા કરવામાં આવ્યો છે. આ ઉપરાંત ત્રણ મહિનાનો MLCR 8.30 ટકાથી વધારીને 8.40 ટકા, છ મહિનાનો MLCR 8.65 ટકાથી વધારીને 8.75 ટકા, એક વર્ષનો MLCR 0.10 ટકાથી વધારીને 8.85 ટકા કરવામાં આવ્યો છે. બીજી તરફ, બે અને ત્રણ વર્ષનો MLCR પણ અનુક્રમે 8.85 ટકાથી 8.95 ટકા અને 8.95 ટકાથી 9 ટકા કરવામાં આવ્યો છે.

    આ સમાચાર પણ વાંચો : India WPI Inflation :મોંઘવારીએ તોડ્યો 16 મહિનાનો રેકોર્ડ, આ વસ્તુના ભાવે સામાન્ય માણસની મુશ્કેલી વધારી. જાણો આંકડા

    જણાવી દઈએ  કે MCLR તમારા ઘર અને કાર લોન EMI પર સીધી અસર કરે છે. જેમ જેમ MCLR દરો વધે છે તેમ તેમ નવી લોન પણ મોંઘી થતી જાય છે. તમારા ઘર અને કાર લોનની EMI પણ વધે છે.

    SBI MCLR Hikes : MCLR શું છે?

    ભંડોળ આધારિત ધિરાણ દર (MCLR) એ લઘુત્તમ ધિરાણ દર છે જેની નીચે બેંકને લોન આપવાની મંજૂરી નથી. ઋણ લેનારાઓએ ઊંચા વ્યાજ દરોમાં કોઈપણ ઘટાડા માટે વધુ રાહ જોવી પડશે, કારણ કે ભારતીય રિઝર્વ બેંકે તેની તાજેતરની મીટિંગમાં રેપો રેટને 6.5% પર યથાવત રાખવાનો નિર્ણય કર્યો છે. આ સતત નવમી બેઠક છે જેમાં મધ્યસ્થ બેંકે વર્તમાન દર જાળવી રાખ્યો છે. નિષ્ણાતો આગામી બેઠકમાં રેટ કટની અપેક્ષા રાખતા નથી.

    (ડિસ્ક્લેમરઃ અહીં રજૂ કરવામાં આવેલી માહિતી અન્ય મિડીયા પ્રેલટફોર્મ પર પણ ઉપલબ્ધ છે તેમજ તેની સત્યતા સંદર્ભે અમે કોઈ દાવો કરતા નથી. કોઈપણ રોકાણ કરતા પહેલા ફાઈનાન્શિયલ એડવાઈઝરની સલાહ ચોક્કસ લો.)

  • ફટકો / PNB અને બેંક ઓફ બરોડાએ આપ્યો ઝાટકો, વિચારવા પર મજબૂર થઈ જશો તમે

    ફટકો / PNB અને બેંક ઓફ બરોડાએ આપ્યો ઝાટકો, વિચારવા પર મજબૂર થઈ જશો તમે

    News Continuous Bureau | Mumbai

    Interest Rate Hike: રિઝર્વ બેંક ઓફ ઈન્ડિયા (RBI) દ્વારા રેપો રેટમાં 25 બેસિસ પોઈન્ટનો વધારો કર્યા બાદ બેંકો દ્વારા વ્યાજ દરમાં વધારો કરવામાં આવી રહ્યો છે. RBI એ રેપો રેટમાં વધારો કરતા હવે બેંકો પણ વ્યાજ દર વધારવાની શરૂઆત કરી દેશે. જેનાથી લોન લેનારાઓના ખિસ્સા પર તેની અસર પડશે. એચડીએફસી બેંકે રેપો રેટમાં વધારો કર્યા બાદ તરત જ વ્યાજ દર વધારવાની જાહેરાત કરી હતી. હવે મોટી જાહેર ક્ષેત્રની બેંકો પંજાબ નેશનલ બેંક (PNB) અને બેંક ઓફ બરોડા (BoB) એ લોન પરના વ્યાજમાં 0.25 ટકા સુધીનો વધારો કર્યો છે. પીએનબી અને બેંક ઓફ બરોડાએ રિઝર્વ બેંક તરફથી રેપો રેટમાં 0.25 ટકાનો વધારો કર્યા બાદ આ પગલું લેવામાં આવ્યું છે.

    નવા દર 9 ફેબ્રુઆરીથી લાગૂ થયા

    PNB દ્વારા શેર બજારને આપવામાં આવેલી માહિતીમાં કહેવામાં આવ્યું છે કે, રેપો રેટ આધારિત વ્યાજ દર (RLLR) 8.75 ટકાથી 0.25 ટકા વધારીને 9.0 ટકા કરવામાં આવ્યો છે. નવા દરો 9 ફેબ્રુઆરીથી લાગુ થઈ ગયા છે. ફુગાવાને કાબૂમાં રાખવા માટે આરબીઆઈએ બુધવારે રેપો રેટમાં 0.25 ટકાનો વધારો કરીને 6.5 ટકા કર્યો હતો. BoB એ ફંડના સીમાંત ખર્ચ આધારિત વ્યાજ દર (MCLR) માં 0.05 ટકાનો વધારો કર્યો છે. બેંક ઓફ બરોડા (BoB) એ શેર બજારને જાણ કરી હતી કે નવા દર 12 ફેબ્રુઆરીથી અમલમાં આવશે.

    આ સમાચાર પણ વાંચો :  મુંબઈ મેટ્રોની ટિકિટ હવે મળશે મોબાઈલ પર. કાગળની ટિકિટ સાચવવાની કડાકૂડથી થશે છૂટકારો. જાણો કેવી રીતે 

    આ રહ્યા નવા દરો

    તાજેતરના વધારા સાથે, રાતોરાત લોન માટે MCLR 7.85 ટકાથી વધારીને 7.90 ટકા કરવામાં આવ્યો છે. એક મહિના માટે MCLR 8.15 ટકાથી વધારીને 8.20 ટકા કરવામાં આવ્યો છે. BoBએ ત્રણ મહિનાના સમયગાળા માટે લોન પર MCLR 8.25 ટકાથી વધારીને 8.30 ટકા કર્યો છે. તે જ સમયે, એક વર્ષના સમયગાળા માટે લોન પર વ્યાજ હવે 8.50 ટકાને બદલે 8.55 ટકા કરવામાં આવ્યું છે.

  • આમ જનતાને ઝટકે પે ઝટકા- દેશની ખાનગી સેક્ટરની સૌથી મોટી બેંકે ફરી હોમ લોન મોંઘી કરી- આટલા ટકાનો કર્યો વધારો

    આમ જનતાને ઝટકે પે ઝટકા- દેશની ખાનગી સેક્ટરની સૌથી મોટી બેંકે ફરી હોમ લોન મોંઘી કરી- આટલા ટકાનો કર્યો વધારો

    News Continuous Bureau | Mumbai

    દેશની સૌથી મોટી ખાનગી બેંકે HDFC બેંકે તેના ગ્રાહકોને આંચકો આપ્યો છે અને હાઉસિંગ લોનના રિટેલ પ્રાઇમ લેન્ડિંગ રેટ (RPLR)માં 0.25 ટકાનો વધારો કર્યો છે. 

    નવા વ્યાજ દરો 9મી ઓગસ્ટ એટલે કે આજથી લાગુ થઈ ગયા છે.

    આ વધારા બાદ HDFCની હોમ લોનનો વ્યાજ દર 7.70 ટકાથી વધીને 7.95 ટકા થઈ ગયો છે. 

    રિઝર્વ બેંક દ્વારા રેપો રેટમાં 50 બેસિસ પોઈન્ટ્સના વધારાની જાહેરાત બાદ બેંકે આ નિર્ણય લીધો છે.  

     આ સમાચાર પણ વાંચો : અમુક દિવસોમાં જો કોંગ્રેસી ધારાસભ્ય અસલમ શેખ જેલના સળિયા પાછળ હશે- મીડિયામાં આવા સમાચાર વહેતા થયા