News Continuous Bureau | Mumbai
Rule Changing from 1 August 2024: જુલાઈ મહિનો હવે પૂરો થવા આવ્યો છે અને ઓગસ્ટ મહિનો શરૂ થશે. આ સાથે જ મહિનાના પહેલા દિવસથી કેટલાક નાણાકીય નિયમોમાં ફેરફાર ( Rule Change ) થવા જઈ રહ્યા છે. જેની સીધી અસર સામાન્ય માણસના ખિસ્સા પર પડશે. પૈસાના નિયમો દર મહિને બદલાય છે અને ઓગસ્ટ તેનો અપવાદ નથી. દેશની સૌથી મોટી ખાનગી બેંક એચડીએફસી તેના ક્રેડિટ કાર્ડના નિયમોમાં ફેરફાર કરશે અને એલપીજી ગેસ સિલિન્ડરના ભાવમાં પણ મહિનાની પ્રથમ તારીખે સુધારો કરવામાં આવશે.
HDFC Bank Credit Card: જો તમારી પાસે HDFC બેંકનું ક્રેડિટ કાર્ડ છે , તો તમને જણાવી દઈએ કે HDFC બેંક ક્રેડિટ કાર્ડના નિયમો 1 ઓગસ્ટથી બદલાઈ રહ્યા છે. નવા નિયમ અનુસાર, જો યુઝર્સ થર્ડ પાર્ટી પેમેન્ટ એપ (જેમ કે CRED, PayTM, Cheq, MobiKwik અને Freecharge) દ્વારા ક્રેડિટ કાર્ડનો ઉપયોગ કરે છે, તો તેમણે 1 ટકા ચાર્જ ચૂકવવો પડશે.
તો 50,000 રૂપિયાથી વધુના યુટિલિટી ટ્રાન્ઝેક્શન પર અને 15,000 રૂપિયાથી વધુના ફ્યુઅલ ટ્રાન્ઝેક્શન પર 1 ટકા ચાર્જ ચૂકવવો પડશે. તે જ સમયે, રિવોર્ડ પોઈન્ટને રિડીમ કરવા માટે, 50 રૂપિયાનો ચાર્જ ચૂકવવો પડશે. આવી સ્થિતિમાં, રિડીમ પોઈન્ટ્સ પરના ચાર્જથી બચવા માટે, તમારે 1 ઓગસ્ટ પહેલા રિવોર્ડ પોઈન્ટ રિડીમ કરવા પડશે.
આ સમાચાર પણ વાંચો : Indian Passport: વિશ્વના સૌથી શક્તિશાળી પાસપોર્ટની યાદી જારી, ભારતીયો હવે આ દેશોમાં વિઝા વગર જઈ શકે છે… જાણો વિગતે.
Google Map: ગૂગલ મેપના નિયમો પણ 1 ઓગસ્ટ, 2024થી બદલાઈ રહ્યા છે. ગૂગલે ભારતમાં તેના સર્વિસ ચાર્જમાં ( Google Map service charge ) 70 ટકાનો ઘટાડો કરવાની જાહેરાત કરી છે. આ સિવાય હવે ચાર્જિસ ડોલરને બદલે રૂપિયામાં ચૂકવવામાં આવશે. આનાથી સામાન્ય વપરાશકર્તાઓને અસર થશે નહીં, તેમની પાસેથી કોઈ વધારાનો ચાર્જ લેવામાં આવશે નહીં.
LPG ગેસ સિલિન્ડરની કિંમત: એલપીજી ગેસ સિલિન્ડરની કિંમતો ( LPG Gas Cylinder Price ) દર મહિનાની પહેલી તારીખે નક્કી કરવામાં આવે છે. પહેલી જુલાઈના રોજ, સરકારે કોમર્શિયલ સિલિન્ડરના ભાવમાં ( Commercial cylinder price ) 19 કિલોનો ઘટાડો કર્યો હતો જ્યારે ઘરેલું ગેસના ભાવ સ્થિર રાખવામાં આવ્યા હતા અને સરકાર આ વખતે પણ સિલિન્ડરના ભાવમાં ઘટાડો કરે તેવી અપેક્ષા છે.
