News Continuous Bureau | Mumbai

Shani Chandra Grahan: સામાન્ય રીતે ઘણી વખત ચંદ્ર વાદળોની પાછળ સંતાઈ જાય છે. ચંદ્રનું વાદળમાં સંતાઈ જવા પર અનેક ગીતો અને કવિતાઓ બનાવવામાં આવી છે. પરંતુ આ વખતે કંઈક આશ્ચર્યજનક બનવાનું છે, જ્યારે વાદળોમાં છુપાતો ચંદ્ર તેના આવરણમાં શનિને ( Shani ) છુપાવવાનો છે. આ દુર્લભ ખગોળીય ઘટના ભારતમાં 18 વર્ષ પછી બનશે. 

આ સમય દરમિયાન, કંઈક એવું બનશે જ્યારે શનિ ( Saturn ) ચંદ્રની પાછળ છુપાઈ જશે અને ચંદ્રની કિનારા પર તેના વલયની જેમ દેખાશે. આ ઘટના વિશ્વભરના ખગોળશાસ્ત્રીઓ માટે તેના અભ્યાસ માટે મહત્વપૂર્ણ બની રહેશે.

Shani Chandra Grahan: આ દુર્લભ ઘટના 24-25 જુલાઈની મધ્યરાત્રિએ યોજાવાની છે….

આ દુર્લભ ઘટના 24-25 જુલાઈની મધ્યરાત્રિએ યોજાવાની છે. વૈજ્ઞાનિકોના મતે આ સમયે તે રાત્રે કેટલાક કલાકો સુધી આકાશમાં જોવા મળશે.તમને જણાવી દઈએ કે શનિનું ચંદ્રગ્રહણ ( Saturn lunar eclipse ) ત્યારે થાય છે જ્યારે ચંદ્ર શનિને પોતાના આવરણમાં છુપાવે છે. ચંદ્રની પાછળ છુપાયેલા રહેવાને કારણે શનિ ચંદ્રની કિનારે તેના વલય કે રિંગની જેમ દેખાશે. વૈજ્ઞાનિકોએ તેને લુનર ઓક્યુલ્ટેશન ઓફ સેટર્ન ( Lunar Occultation of Saturn ) નામ આપ્યું છે.

જાણકારી અનુસાર આ દુર્લભ નજારો ભારતમાં 24 જુલાઈના રોજ મધ્યરાત્રીએ  લગભગ 1:30 વાગ્યાથી શરૂ થઈને ધીમે ધીમે વધશે અને 15 મિનિટમાં ચંદ્ર પોતાના આવરણથી શનિને પૂરી રીતે ઢાંકી દેશે. ત્યાર બાદ રાત્રે લગભગ 2:25 વાગ્યે શનિ ચંદ્રની પાછળથી બહાર નીકળતો પણ જોવા મળશે. એટલે કે, મધ્યરાત્રીએ 1:30 વાગ્યાથી મધ્યરાત્રી 2:25 વાગ્યા સુધી આકાશમાં આ ઘટના ચાલુ રહેશે.

આ સમાચાર પણ વાંચો  : Economic Survey 2023-24: નાણાકીય વર્ષ 23-24માં 1 લાખને પાર મંજૂર કરાયેલ પેટન્ટની સંખ્યા:આર્થિક સર્વે 2023-24

Shani Chandra Grahan:  શનિ ચંદ્ર ગ્રહણનો નજારો ભારતની સાથે સાથે અન્ય પાડોશી દેશોમાં પણ જોવા મળશે….

શનિ ચંદ્ર ગ્રહણનો નજારો ભારતની સાથે સાથે અન્ય પાડોશી દેશોમાં પણ જોવા મળશે. જો કે અલગ-અલગ દેશો મુજબ સમયમાં થોડો ફરક જોવા મળશે. શનિ ચંદ્રગ્રહણની ( lunar eclipse ) ઘટના શ્રીલંકા, મ્યાનમાર, ચીન અને જાપાન જેવા દેશોમાં પણ જોઇ શકાય છે. આ ઘટનાને તમે નરી આંખે પણ જોઈ શકો છો. જો કે, તમારે શનિના વલય અથવા રીંગ જોવા માટે દૂરબીનની જરૂર પડી શકે છે.

ત્રણ મહિના બાદ ફરી એકવાર 14 ઓક્ટોબર 2024ના રોજ શનિ ચંદ્ર ગ્રહણની ઘટના આકાશમાં જોવા મળશે. જો તમે 24-25 જુલાઈ 2024 ની મધ્યરાત્રિએ વાદળછાયા આકાશને કારણે અથવા કોઈ અન્ય કારણોસર આ ઘટનાને જોઈ શકતા નથી, તો તમારે નિરાશ થવાની જરૂર નથી. ઓક્ટોબરમાં આ ઘટના ફરી જોઈ શકશો.