Tag:

luxury cars

Mercedes Benz: જીએસટીમાં ઘટાડાની બમ્પર અસર! આ કંપનીએ કારની કિંમતોમાં કર્યો 11 લાખ સુધીનો ઘટાડો કર્યો, જુઓ કઈ કાર પર કેટલી છૂટ મળી

by Dr. Mayur Parikh September 8, 2025

written by Dr. Mayur Parikh

Mercedes Benz કેન્દ્ર સરકાર દ્વારા જીએસટી સ્લેબમાં ફેરફારની જાહેરાત બાદ જર્મનીની લક્ઝરી કાર ઉત્પાદક કંપની મર્સિડીઝ બેન્ઝે તેના વાહનોના ભાવમાં મોટો ઘટાડો કરવાની જાહેરાત કરી છે. કંપનીએ તેની વિવિધ કારોની કિંમતોમાં ₹11 લાખ સુધીનો ઘટાડો કર્યો છે. મર્સિડીઝ-બેન્ઝ ઇન્ડિયાએ સ્પષ્ટતા કરી છે કે સરકાર દ્વારા કરવામાં આવેલી નવી જીએસટી કપાતનો સંપૂર્ણ લાભ સીધા ગ્રાહકો સુધી પહોંચાડવામાં આવશે. નવા નિયમો અનુસાર, 22 સપ્ટેમ્બર 2025થી મર્સિડીઝ-બેન્ઝની તમામ કાર પર સંશોધિત જીએસટી દર 40% લાગુ થશે.

આ કાર પર લાગુ થશે નવો જીએસટી દર

એ-ક્લાસ લિમોઝિન સેડાન- નવા જીએસટી સ્લેબ બાદ મર્સિડીઝ-બેન્ઝની એ-ક્લાસ લિમોઝિન સેડાનની કિંમતમાં ₹2.60 લાખનો ઘટાડો કરવામાં આવ્યો છે. આ કારની કિંમત ₹48.55 લાખથી ઘટીને ₹45.95 લાખ થઈ ગઈ છે.
સી-ક્લાસ 300 એએમજી લાઇન- સી-ક્લાસ 300 એએમજી લાઇન ની કિંમતમાં ₹3.70 લાખનો ઘટાડો કરવામાં આવ્યો છે. પહેલાં તેની કિંમત ₹68 લાખથી શરૂ થતી હતી, જે જીએસટી પછી ₹64.30 લાખ થશે.
જીએલએ 220 ડી મોડેલ- કંપનીની લોકપ્રિય એસયુવી જીએલએ સીરીઝના 220 ડી મોડેલની કિંમતમાં ₹3.80 લાખનો ઘટાડો કરવામાં આવ્યો છે. પહેલાં તેની કિંમત ₹56.50 લાખ હતી, જે હવે ₹52.70 લાખથી શરૂ થશે.

આ સમાચાર પણ વાંચો : Nepal: નેપાળમાં સોશિયલ મીડિયા પર પ્રતિબંધથી બબાલ; પ્રદર્શનકારીઓ સંસદમાં ઘૂસ્યા, ગોળીબારમાં એકનું મોત અને આટલા લોકો થયા ઘાયલ

જીએલસી 300 એસયુવી- મર્સિડીઝ-બેન્ઝની સૌથી વધુ વેચાતી એસયુવીમાંથી એક, જીએલસી 300 ની કિંમતમાં ₹5.30 લાખનો ઘટાડો કરવામાં આવ્યો છે. તેની કિંમત ₹79.25 લાખથી ઘટાડીને ₹73.95 લાખ કરી દેવામાં આવી છે.
ઇ-ક્લાસ લોંગ વ્હીલ બેઝ- મર્સિડીઝ બેન્ઝે તેની લોકપ્રિય એસયુવી ઇ-ક્લાસ લોંગ વ્હીલ બેઝની કિંમતમાં ₹6 લાખનો ઘટાડો કર્યો છે. પહેલાં તેની કિંમત ₹97 લાખથી શરૂ થતી હતી, જે હવે ₹91 લાખ થઈ ગઈ છે.
જીએલઇ 450- મર્સિડીઝ-બેન્ઝની માઇલ્ડ હાઇબ્રિડ એસયુવી રેન્જ જીએલઇ 450 ની કિંમતમાં ₹8 લાખનો ઘટાડો થયો છે. તેની કિંમત ₹1.15 કરોડથી ઘટાડીને ₹1.07 કરોડ કરી દેવામાં આવી છે.
જીએલએસ 450 ડી- 5 મીટરથી વધુ લાંબી આ શક્તિશાળી એસયુવીની કિંમતમાં ₹10 લાખનો ઘટાડો થયો છે. પહેલાં તેની કિંમત ₹1.44 કરોડ હતી, જે નવા જીએસટી સ્લેબ પછી ₹1.34 કરોડ થઈ જશે.
એસ-ક્લાસ લક્ઝરી સેડાન -કંપનીએ ₹11 લાખનો સૌથી મોટો ઘટાડો એસ-ક્લાસ લક્ઝરી સેડાનમાં કર્યો છે. પહેલાં તેની કિંમત ₹1.99 કરોડ હતી, જે જીએસટી પછી ₹1.88 કરોડ થઈ જશે.

September 8, 2025 0 comment

Kajol birthday special know actress networth

મનોરંજન

Kajol birthday special: કાજોલ 51 વર્ષે જીવી રહી છે વૈભવી જીવનશૈલી, જાણો અભિનેત્રી ની નેટવર્થ વિશે

by Zalak Parikh August 5, 2025

written by Zalak Parikh

News Continuous Bureau | Mumbai

Kajol birthday special: હિન્દી ફિલ્મ ઈન્ડસ્ટ્રીમાં ત્રણ દાયકાથી વધુ સમયથી કાર્યરત કાજોલ આજે ભારતની સૌથી સફળ અને બહુમુખી અભિનેત્રીઓમાં ગણાય છે. 2023માં તેણે “ધ ટ્રાયલ” થી OTT ડેબ્યુ કર્યું. મીડિયા રિપોર્ટ મુજબ, કાજોલની કુલ સંપત્તિ 240 કરોડ જેટલી છે.

આ સમાચાર પણ વાંચો : War 2: ‘વોર 2’ ના એડવાન્સ બુકિંગ માં નિરાશાજનક પ્રતિસાદ, અમેરિકામાં દર્શકોનો અભાવ

રિયલ એસ્ટેટ પોર્ટફોલિયો અને વિદેશી મિલકતો

કાજોલ તેના પતિ અજય દેવગન અને બાળકો સાથે મુંબઈના “શિવ શક્તિ” બંગલામાં રહે છે. રિપોર્ટ મુજબ પવઈમાં એક હાઈ-રાઈઝ એપાર્ટમેન્ટ, જુહૂમાં 12 કરોડના બે ફ્લેટ અને16.5 કરોડની એક અલગ મિલકત ખરીદી છે. 2023માં તેણે અંધેરીમાં7.64 કરોડમાં ઓફિસ સ્પેસ પણ ખરીદી હતી. લંડનના પાર્ક લેન વિસ્તારમાં 54 કરોડની એક વિલાસિતાભરી મિલકત પણ તેના નામે છે, જે શાહરુખ ખાનના ઘરના નજીક છે.

View this post on Instagram

A post shared by Kajol Devgan (@kajol)

કાજોલના ગેરેજમાં ઘણી લક્ઝરી ગાડીઓ છે. તે બ્રાન્ડ એન્ડોર્સમેન્ટ અને સોશિયલ મીડિયા (Social Media) પોસ્ટ્સથી પણ સારી કમાણી કરે છે.કાજોલ “Pratham” અને “Shiksha” જેવી સંસ્થાઓ સાથે જોડાઈને બાળકો અને મહિલાઓના કલ્યાણ માટે કામ કરે છે. તેઓ Cancer Patients Aid Association માટે ફંડ રેઈઝિંગ કાર્યક્રમો પણ આયોજિત કરે છે.

(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)

August 5, 2025 0 comment

મનોરંજન

Vicky Kaushal Birthday: મુંબઈ ની ચાલ માં એક રૂમ માં રહેનાર વિકી કૌશલ આજે છે કરોડો ની સંપત્તિ નો માલિક, જાણો અભિનેતા ની નેટવર્થ વિશે

by Zalak Parikh May 16, 2025

written by Zalak Parikh

News Continuous Bureau | Mumbai

Vicky Kaushal Birthday: વિકી કૌશલ આજે તેનો 37 મો જન્મદિવસ ઉજવી રહ્યો છે એક સમય હતો જ્યારે તેઓ મુંબઈ ની એક ચાલ માં રહેતા હતા અને આજે તેઓ ઇન્ડસ્ટ્રીના ટોચના અભિનેતાઓમાં શામેલ છે. તેના પિતા શ્યામ કૌશલ બોલીવૂડના જાણીતા એક્શન ડિરેક્ટર છે, છતાં વિકી એ પોતાની ઓળખ પોતાની મહેનતથી બનાવી છે. વિકી કૌશલએ પોતાના કરિયરની શરૂઆત “ગેંગ્સ ઑફ વાસેપુર”માં આસિસ્ટન્ટ ડિરેક્ટર તરીકે કરી હતી. 2015માં આવેલી ફિલ્મ “મસાન”થી તેને એક્ટિંગમાં બ્રેક મળ્યો

આ સમાચાર પણ વાંચો: Yeh Rishta Kya Kehlata Hai: શું યે રિશ્તા ક્યા કહેલાતા હૈ ને અલવિદા ક્હેવા જઈ રહી છે આ અભિનેત્રી? એક્ટ્રેસ ની પોસ્ટ જોઈ ચાહકો મુંઝવણ માં મુકાયા

વિકી કૌશલ ની નેટવર્થ

મીડિયા રિપોર્ટ મુજબ વિકી કૌશલ ની નેટ વર્થ 140 કરોડથી વધુ છે. વિકી દરેક ફિલ્મ માટે લગભગ 10-12 કરોડ ચાર્જ કરે છે. “છાવા” માટે તેણે 10 કરોડ લીધા હતા. એડવર્ટાઇઝમેન્ટ અને બ્રાન્ડ એન્ડોર્સમેન્ટ માટે વિકી 2-3 કરોડ લે છે. વિકી પાસે મર્સિડીઝ-બેન્ઝ GLE, રેન્જ રોવર ઓટોબાયોગ્રાફી, BMW 5GT અને રોયલ એનફિલ્ડ જેવી લક્ઝરી કાર્સ છે. એવા અહેવાલો છે કે વિકીએ પોતાના પૈસા પ્રોપર્ટીમાં પણ રોક્યા છે.

View this post on Instagram

A post shared by Vicky Kaushal (@vickykaushal09)

2019માં આવેલી “ઉરી: ધ સર્જિકલ સ્ટ્રાઈક” ફિલ્મે વિકી ને સુપરસ્ટાર બનાવી દીધો. 2025માં આવેલી “છાવા”ફિલ્મ પણ બ્લોકબસ્ટર સાબિત થઈ છે. વિકી ની પર્સનલ લાઈફ વિશે વાત કરીએ તો 2021માં વિકી કૌશલએ બોલીવૂડની સુપરસ્ટાર કેટરિના કૈફ સાથે લગ્ન કર્યા. બંનેની જોડી સોશિયલ મીડિયા પર ખૂબ લોકપ્રિય છે અને ફેન્સ તેમને “પાવર કપલ” તરીકે ઓળખે છે.

May 16, 2025 0 comment

IT Raid in Kanpur IT raids at a tobacconist's house in Kanpur.. Cars worth more than 60 crores, bundles of notes all around, raids going on for 15 hours.

રાજ્ય

IT Raid in Kanpur: કાનપુરમાં તંબાકુુ વેપારીના ઘરે ITના દરોડો.. 60 કરોડથી વધુની કાર, ચારેબાજુ નોટોના બંડલ, 15 કલાકથી દરોડા ચાલુ..

by Bipin Mewada March 2, 2024

written by Bipin Mewada

News Continuous Bureau | Mumbai

IT Raid in Kanpur: આવકવેરા વિભાગની ટીમે ગુરુવારે (29 ફેબ્રુઆરી) સાંજે કાનપુર ( Kanpur ) સ્થિત બંસીધર ટોબેકો પ્રાઇવેટ લિમિટેડ પર દરોડા પાડ્યા હતા. એકંદરે, 15 થી 20 ટીમોએ ગુજરાત, આંધ્રપ્રદેશ અને દિલ્હી સહિત પાંચ રાજ્યોમાં કંપની સાથે સંકળાયેલા લોકોના સ્થળો પર સમાન કાર્યવાહી હાથ ધરી હતી. આવકવેરાના દરોડા ત્રીજા દિવસે એટલે કે આજે પણ ચાલુ રહ્યા હતા.

આવકવેરા વિભાગનો આરોપ છે કે, તમાકુ કંપનીએ ( Bansidhar Tobacco Private Limited ) અન્ય કંપનીઓને કાચો માલ સપ્લાય કરતી વખતે મોટા પાયે ટેક્સ અને GST ચૂકવવામાં ચોરી કરી હતી. આવકવેરાની ટીમે દરોડા પાડીને આ તમામ જગ્યાએથી રોકડ, લક્ઝરી કાર અને ઘણા મહત્વપૂર્ણ દસ્તાવેજો જપ્ત કર્યા છે. આ સ્થળોએથી ઝડપાયેલા સામાનને લઈને ઈન્કમ ટેક્સ ( Income Tax ) તરફથી અનેક પ્રકારની ચર્ચાઓ ચાલી રહી છે.

તમાકુના વેપારીના દિલ્હીના ( Delhi ) ઘરે દરોડા પાડીને 60 કરોડ રૂપિયાથી વધુની કિંમતની અનેક લક્ઝરી કાર રિકવર કરી છે…

જણાવવામાં આવી રહ્યું છે કે આવકવેરા વિભાગની ટીમે તમાકુના વેપારીના દિલ્હીના ઘરે દરોડા પાડીને 60 કરોડ રૂપિયાથી વધુની કિંમતની અનેક લક્ઝરી કાર ( Luxury cars ) રિકવર કરી છે. જેમાં રોલ્સ રોયસ ફેન્ટમ, મેકલેરેન, લેમ્બોર્ગિની અને ફેરારી જેવી કારનો સમાવેશ થાય છે.

આ સમાચાર પણ વાંચો : Lok Sabha Election: રાજકીય પક્ષોએ જાતિ, ધર્મ અને ભાષાના આધારે વોટ ન માંગવો જોઈએઃ ચૂંટણી પંચ.. જાણો બીજું શું કહ્યું ચુંટણી પંચે..

દરમિયાન, આવકવેરા વિભાગની ટીમે ગુરુવાર અને શુક્રવારે તમાકુ વેપારીના દિલ્હીના ઘરમાંથી ઘણી મોંઘી ઘડિયાળો પણ જપ્ત કરી હતી. આમાંની મોટાભાગની ઘડિયાળો આયાત કરવામાં આવે છે. તેમની કિંમત 3-4 કરોડ રૂપિયાની આસપાસ હોવાનું કહેવાય છે. આ ઘડિયાળોની સાચી કિંમત નક્કી કરવા માટે હાલ નિષ્ણાતોની મદદ લેવામાં આવી રહી છે. બીજી તરફ, શનિવારે ટીમે 2.5 કરોડની કિંમતની ડાયમંડ ઘડિયાળ સહિત 5 વધુ મોંઘી ઘડિયાળો જપ્ત કરી હતી.

આ ઉપરાંત ટીમે તેમના અલગ-અલગ સ્થળોએથી ભારત અને વિદેશમાં કરોડોની કિંમતની બેનામી સંપત્તિના દસ્તાવેજો અને 5 કરોડ રૂપિયાની રોકડ રકમ પણ રિકવર કરી હતી. તેમજ આવકવેરા વિભાગે 7 કરોડ રૂપિયાની જ્વેલરી અને રોકડ પણ જપ્ત કરી હતી. હાલ વેપારીની પૂછપરછ કરવામાં આવી રહી છે. આવકવેરા વિભાગે બંશીધર ટોબેકો કંપનીની ઓફિસનો પણ કબજો લઈ લીધો હતો.

સૂત્રોએ જણાવ્યું કે કંપની રૂ. 20 થી 25 કરોડનું ટર્નઓવર બતાવી રહી હતી, જ્યારે તેનું ટર્નઓવર રૂ. 100-150 કરોડ છે. તેમજ આ કંપની તેના અન્ય મોટા પાન મસાલા હાઉસમાં પ્રોડક્ટ સપ્લાય કરતી વખતે, તેના ખાતામાં દર્શાવેલ કંપનીને નકલી ચેક પણ જારી કરતી હતી.

March 2, 2024 0 comment

rashmika mandanna net worth know about actress salary income luxury house and cars

મનોરંજન

બર્થડે સ્પેશિયલ: ફિલ્મ ‘પુષ્પા’ માં ગરીબ છોકરી નો રોલ ભજવનાર રશ્મિકા અસલ જિંદગી માં જીવે છે રાજકુમારી જેવી જિંદગી, જાણો અભિનેત્રી ની નેટવર્થ વિશે

by Zalak Parikh April 5, 2023

written by Zalak Parikh

News Continuous Bureau | Mumbai

નેશનલ ક્રશ રશ્મિકા મંદન્ના ની ફેન ફોલોઈંગ માત્ર દક્ષિણમાં જ નહીં પરંતુ ઉત્તરમાં પણ છે. રશ્મિકા જેટલી સુંદર છે તેટલી જ પ્રતિભાશાળી અભિનેત્રી છે. રશ્મિકાએ પોતાના કરિયરમાં ઘણી શાનદાર અને હિટ ફિલ્મો આપી છે. તેના જબરદસ્ત અભિનયને કારણે, રશ્મિકાને ઘણી મોટી ફિલ્મોની ઑફર્સ મળે છે અને આ જ કારણ છે કે તે ખૂબ સારી કમાણી કરે છે. આજે તેના જન્મદિવસ પર અમે તમને અભિનેત્રીની સંપત્તિ વિશે જણાવવા જઈ રહ્યા છીએ.

રશ્મિકા ની કુલ સંપત્તિ

મીડિયારિપોર્ટ અનુસાર, રશ્મિકા મંદન્નાની નેટવર્થ 45 કરોડથી વધુ છે. તેનો માસિક પગાર 40 લાખથી વધુ છે અને તેનો વાર્ષિક પગાર 5 કરોડથી વધુ છે. રશ્મિકા આ ફિલ્મ માટે 4 કરોડ રૂપિયા ચાર્જ કરે છે. રશ્મિકા એક્ટિંગ, પરફોર્મન્સ, મોડલિંગ અને જાહેરાતો દ્વારા પણ કમાણી કરે છે.રશ્મિકાનું કર્ણાટકમાં એક ઘર છે જ્યાં તે તેના પરિવાર સાથે રહે છે. આ ઘર ખૂબ જ લક્ઝરી છે. આ સિવાય રશ્મિકાએ મુંબઈમાં પણ એક ઘર ખરીદ્યું છે, પરંતુ તેની કિંમત વિશે કોઈ માહિતી નથી.આ ઉપરાંત રશ્મિકા પાસે મર્સિડીઝ સી ક્લાસ, ઓડી ક્યૂ3 અને રેન્જ રોવર જેવી મોંઘી ગાડીઓ ધરાવે છે.

રશ્મિકા નું ફિલ્મી કરિયર

રશ્મિકાએ પોતાના કરિયરની શરૂઆત ફિલ્મ ‘ક્રિક પાર્ટી’ થી કરી હતી. આ ફિલ્મ દ્વારા રશ્મિકાએ કન્નડ ઈન્ડસ્ટ્રીમાં ડેબ્યુ કર્યું હતું. આ પછી રશ્મિકાએ ઘણી હિટ કન્નડ ફિલ્મોમાં કામ કર્યું. આ પછી રશ્મિકાએ તેલુગુ ઈન્ડસ્ટ્રીમાં ‘ચલો’ ફિલ્મથી ડેબ્યૂ કર્યું હતું. રશ્મિકા એ ફિલ્મ ‘મિશન મજનૂ’ થી બોલિવૂડમાં ડેબ્યૂ કર્યું હતું.તેના આગામી પ્રોજેક્ટ વિશે વાત કરીએ તો, અભિનેત્રી ટૂંક સમયમાં રણબીર કપૂર સાથે ‘એનિમલ’માં સ્ક્રીન સ્પેસ શેર કરતી જોવા મળશે.તેમજ લોકો તેની ફિલ્મ ‘પુષ્પા 2’ ની આતુરતાથી રાહ જોઈ રહ્યા છે.

April 5, 2023 0 comment