Tag: Mumbai BMC

  • BMC Budget 2025 : મુંબઈવાસીઓ માટે પાલિકાએ રજૂ કર્યુ અધધ આટલા કરોડનું બજેટ, જાણો શહેરના વિકાસ માટે કયા વિભાગને કેટલા કરોડ?

    BMC Budget 2025 : મુંબઈવાસીઓ માટે પાલિકાએ રજૂ કર્યુ અધધ આટલા કરોડનું બજેટ, જાણો શહેરના વિકાસ માટે કયા વિભાગને કેટલા કરોડ?

    News Continuous Bureau | Mumbai 

    BMC Budget 2025 : દેશની સૌથી મોટી સંસ્થા એટલે કે મુંબઈ મહાનગરપાલિકા (BMC)નું બજેટ 2025-26  આજે રજૂ કરવામાં આવ્યું. ચૂંટણી મુલતવી રાખવાને કારણે, પ્રશાસકે BMCના ઇતિહાસમાં સતત ત્રીજી વખત બજેટ રજૂ કર્યું. કમિશનર ભૂષણ ગગરાણીએ 2025-26 માટે 74,366 કરોડ રૂપિયાનું બજેટ રજૂ કર્યું છે. આ બજેટમાં, મુંબઈ કોસ્ટલ રોડ, ગોરેગાંવ-મુલુંડ લિંક રોડ અને ગટર શુદ્ધિકરણ પ્લાન્ટ જેવા મહત્વપૂર્ણ પ્રોજેક્ટ્સ પૂર્ણ કરવા પર ધ્યાન કેન્દ્રિત કરવામાં આવ્યું. તેમાં બેસ્ટને રૂ. 1000 કરોડની નાણાકીય સહાયનો પ્રસ્તાવ છે. આ દરખાસ્તમાં મુંબઈના ઝૂંપડપટ્ટી વિસ્તારોમાં વ્યવસાયો પર કર લાદવાનો પણ સમાવેશ થાય છે.

    BMC Budget 2025 :બીએમસીનું બજેટ રૂ.74,366 કરોડ

    મુંબઈ મહાનગરપાલિકા કોઈ નવો મોટો પ્રોજેક્ટ શરૂ કરશે નહીં કારણ કે BMC પર 2 લાખ કરોડ રૂપિયાથી વધુનું દેવું છે. બીએમસી વર્સોવા-ભાયંદર કોસ્ટલ રોડ, ગોરેગાંવ-મુલુંડ લિંક રોડ અને નવા સીવેજ ટ્રીટમેન્ટ પ્લાન્ટ જેવા ચાલુ પ્રોજેક્ટ્સને પૂર્ણ કરવા પર ધ્યાન કેન્દ્રિત કરશે. બીએમસીનું બજેટ રૂ.74,366  કરોડ છે, જેમાંથી રૂ. ૪૩,૧૬૨ કરોડ વિકાસ પ્રોજેક્ટ્સ માટે રાખવામાં આવ્યા છે. કમિશનર ભૂષણ ગગરાણીએ જણાવ્યું હતું કે ગયા વર્ષે મુંબઈકરોએ 1181 સૂચનો આપ્યા હતા, આ વખતે 2703 સૂચનો મળ્યા છે. પર્યાવરણ વિભાગ માટે 113 કરોડ રૂપિયા રાખવામાં આવ્યા છે. સંજય ગાંધી રાષ્ટ્રીય ઉદ્યાનની નીચે GMLR ટનલમાં વાઘનું સ્મારક બનાવવામાં આવશે. આ બજેટ ગયા વર્ષ કરતા 14.19 ટકા વધુ છે. ડિસેમ્બર 2024 સુધીમાં, BMC ની આવક રૂ. 28,308 કરોડ હતી, જે મિલકત વળતર, વિકાસ ચાર્જ અને મિલકત કરમાંથી પ્રાપ્ત થઈ હતી.

    BMC Budget 2025 : બીએમસીને હવે 50 ટકા હિસ્સો મળશે

    પાલિકાએ રાજ્ય સરકાર પાસે વધારાના FSI ના પ્રીમિયમને 25:75 ના ગુણોત્તરમાં વિભાજીત કરવાની માંગ કરી હતી, પરંતુ 14 ઓક્ટોબર, 2024 ના રોજ જારી કરાયેલા નોટિફિકેશન અનુસાર, BMC ને હવે 50 ટકા હિસ્સો મળશે. આના કારણે મહાનગરપાલિકાને વધારાના 70 કરોડ રૂપિયા મળ્યા છે. ગગરાણીના મતે, 2025-26માં આનાથી 300 કરોડ રૂપિયાની આવક થવાની ધારણા છે. FSI એટલે ફ્લોર સ્પેસ ઇન્ડેક્સ. મતલબ, કેટલી જમીન પર કેટલું બાંધકામ થઈ શકે છે. જો તમે વધુ બાંધકામ કરવા માંગતા હો, તો તમારે વધારાનું પ્રીમિયમ ચૂકવવું પડશે.

    BMC Budget 2025 : બેસ્ટને નાણાકીય સહાય માટે બજેટમાં જોગવાઈ

    શહેરની પરિવહન સેવા બેસ્ટને નાણાકીય સહાય માટે બજેટમાં જોગવાઈ કરવામાં આવી છે. કમિશનરે જણાવ્યું હતું કે 2012-13 થી જાન્યુઆરી 2025 સુધી, BMC એ BEST ને 11,304.59 કરોડ રૂપિયાની સહાય આપી છે. નોંધનીય છે કે પોતાના પ્રોજેક્ટ્સ માટે પૈસાની જરૂર હોવા છતાં, BMC એ BEST ને 1,000 કરોડ રૂપિયા આપવાનો પ્રસ્તાવ મૂક્યો છે. તમને જણાવી દઈએ કે બૃહન્મુંબઈ ઇલેક્ટ્રિક સપ્લાય એન્ડ ટ્રાન્સપોર્ટ સર્વિસ મુંબઈમાં બસ સેવા ચલાવે છે.

    આ સમાચાર પણ વાંચો : Gujarat UCC : ઉત્તરાખંડ બાદ હવે આ રાજ્યમાં પણ લાગુ કરવામાં આવશે UCC, ડ્રાફ્ટ તૈયાર કરવા માટે સમિતિની કરાઈ રચના..

    BMC Budget 2025 : શાળાઓમાં નવા ડેસ્ક અને બેન્ચ લગાવવામાં આવશે

    BMC શાળાઓમાં રમતો દ્વારા અભ્યાસને પ્રોત્સાહન આપી રહી છે. અગાઉ આ યોજના 19,401 ટેબલેટ દ્વારા ચાલી રહી હતી. હવે 32,659 વિદ્યાર્થીઓને તેનો લાભ મળશે. આ યોજના ધોરણ 8 અને 9 ના બાળકો માટે છે. આનાથી બાળકો રમતા રમતા અભ્યાસ કરી શકશે. મુંબઈની શાળાઓમાં નવા ડેસ્ક અને બેન્ચ લગાવવામાં આવશે. આ માટે 12 કરોડ રૂપિયાનું ટેન્ડર બહાર પાડવામાં આવ્યું છે. કુલ 24,170 ડેસ્ક અને 39,178 બેન્ચ જૂના ફર્નિચરને બદલશે.

    BMC Budget 2025 : પરિવહન અને વાણિજ્યિક કેન્દ્ર બનાવવામાં આવશે

    દહિસર ચેકપોસ્ટ પર પરિવહન અને વાણિજ્યિક કેન્દ્ર વિકસાવવામાં આવશે. આ વેસ્ટર્ન એક્સપ્રેસ હાઇવે પર હશે. અન્ય રાજ્યોથી આવતા મુસાફરો માટે અહીં રહેવાની સુવિધા હશે. અહીં વાણિજ્યિક કચેરીઓ, પાર્કિંગ અને અન્ય સુવિધાઓ પણ હશે. એક સ્ટાર હોટેલ પણ બનાવવામાં આવશે, જેમાં 131 રૂમ હશે. 456 બસો અને 1,424 વાહનો માટે પાર્કિંગની પણ વ્યવસ્થા હશે. આ પ્રોજેક્ટ હાઇવે અને મેટ્રો સ્ટેશન સાથે જોડાયેલ હશે. આનાથી મુસાફરોને વધુ મુસાફરી કરવામાં સરળતા રહેશે અને ટ્રાફિક ઓછો થશે. આ પ્રોજેક્ટ માટે પૈસા અને જાળવણી ખર્ચ પ્રોજેક્ટમાંથી જ આવશે. બીએમસી પર કોઈ વધારાનો બોજ નહીં પડે, તેના બદલે તે આવક પેદા કરશે.

    BMC Budget 2025 : 50 હજાર ઝૂંપડપટ્ટીઓ પર મિલકત વેરો લાદવામાં આવશે

    મુંબઈમાં અંદાજે 2.5 લાખ ઝૂંપડપટ્ટીઓ છે. આમાંથી, લગભગ 50,000 ઝૂંપડપટ્ટીઓનો ઉપયોગ દુકાનો, વેરહાઉસ, હોટલ અને નાના ઉદ્યોગો જેવા વ્યાપારી હેતુઓ માટે થાય છે. બીએમસી પણ આ ઝૂંપડપટ્ટીઓને સુવિધાઓ પૂરી પાડે છે, તેથી તેમના પર મિલકત વેરો લાદવો જરૂરી છે. આનાથી આશરે રૂ. 350 કરોડની આવક થશે. આ પૈસાથી ઝૂંપડપટ્ટીવાસીઓને વધુ સારી સુવિધાઓ પૂરી પાડી શકાય છે. BMC તેની જમીનનું મુદ્રીકરણ કરવા માટે વર્લીમાં એક પ્લોટની હરાજી કરશે. આ પ્લોટ ડામર પ્લાન્ટમાં છે. તે ખાનગી વિકાસકર્તાઓને ભાડે આપવામાં આવશે. આનાથી BMCને સારી આવક થશે. આ હરાજી સો ટકા વાર્ષિક દર નિવેદન (ASR) પર આધારિત હશે.

  • Pothole Free Road : મુંબઈમાં રસ્તાઓ પરના ખાડાઓ પુરવા માટે પાલિકાની મોટી કાર્યવાહી, હવે 43 કરોડનો ખર્ચ કરવામાં આવશે..

    Pothole Free Road : મુંબઈમાં રસ્તાઓ પરના ખાડાઓ પુરવા માટે પાલિકાની મોટી કાર્યવાહી, હવે 43 કરોડનો ખર્ચ કરવામાં આવશે..

    News Continuous Bureau | Mumbai

    Pothole Free Road : મુંબઈના રસ્તાઓ પરના ખાડા પૂરવા માટે મહાનગરપાલિકા ( BMC ) દ્વારા સર્કલ વાઇઝ કોન્ટ્રાક્ટરોની હવે પસંદગી કરવામાં આવી છે. મુંબઈના દરેક સર્કલમાં 9 મીટરથી વધુ પહોળા અને 9 મીટરથી ઓછા પહોળા રસ્તાઓ માટે સ્વતંત્ર કોન્ટ્રાક્ટરોની હવે પસંદગી કરવામાં આવી છે. જેમાં માત્ર શહેરમાં જ ચોમાસા દરમિયાન ખાડાઓ ભરવા માટે હવે અંદાજે રુ. 43 કરોડનો ખર્ચ કરવામાં આવી રહ્યો છે. 

    દર વર્ષે ચોમાસાની ઋતુમાં, મુંબઈ મહાનગરપાલિકા હદમાં નાના-મોટા રસ્તાઓ પરના ખાડાઓ ( Potholes )  ભરવાનું કામ કરે છે. ચોમાસા ( Mumbai Monsoon ) દરમિયાન ખાડાઓની સંખ્યા ઘટાડવા માટે, ચોમાસા પહેલા, દરમિયાન અને પછી રક્ષણાત્મક પગલા તરીકે ખાડાઓ ભરવાની કામગીરી હાથ ધરવામાં આવે છે. જેમાં કોલાબાથી ભાયખલા, ગ્રેટર રોડ મુંબઈ સેન્ટ્રલ, સર્કલ વન અને મહાલક્ષ્મી, લાલબાગથી ધારાવી, સર્કલ બેથી શિવ સુધીના મહાપાલિકાના નાના-મોટા રસ્તાઓ પરના ખાડાઓ ભરવા માટે હાલ કોન્ટ્રાક્ટરોની પસંદગી કરવામાં આવી છે. આ વર્ષે, આ ખાડાઓ ભરવા માટે મસ્ટિક ડામર ટેકનોલોજીનો ઉપયોગ કરવામાં આવી રહ્યો છે અને 9 મીટરથી વધુ પહોળા રસ્તાઓ ( Mumbai Roads ) પરના ખાડાઓ ભરવાની જવાબદારી માર્ગ વિભાગની છે અને તેનાથી નીચેના નાના રસ્તાઓ પર ખાડાઓ ભરવાની જવાબદારી પણ માર્ગ વિભાગની જ રહેશે છે.

    Pothole Free Road : બે સર્કલના નાના-મોટા રોડ પરના ખાડાઓ પુરવા માટે ચાર કંપનીઓની હાલ પસંદગી કરવામાં આવી છે..

    આથી શહેરના બે સર્કલના નાના-મોટા રોડ પરના ખાડાઓ પુરવા માટે ચાર કંપનીઓની હાલ પસંદગી કરવામાં આવી છે અને આ માટે કુલ 43 કરોડનો ખર્ચ કરવામાં આવશે. મુંબઈમાં રસ્તાઓને ખાડામુક્ત બનાવવા માટે સિમેન્ટ કોંક્રીટનું કામ હવે શરૂ કરવામાં આવ્યું છે અને તેના પ્રથમ તબક્કાના 400 કિલોમીટરના રસ્તાના કામો માટે નિયુક્ત કરાયેલા કોન્ટ્રાક્ટર સામે કાર્યવાહી કરવામાં આવી હોવાથી. આ રસ્તાના કામો માટે હવે નવા ટેન્ડર બહાર પાડવામાં આવી રહ્યા છે. આ ઉપરાંત બીજા તબક્કામાં લગભગ 400 કિલોમીટર લંબાઈના રોડના કામ માટે ટેન્ડર પ્રક્રિયા પણ ચાલી રહી છે. જો કે, શહેરના રસ્તાઓ માટે હજુ કોન્ટ્રાક્ટરોની નિમણૂક કરવામાં આવી ન હોવાથી આ રસ્તાઓ પરના ખાડાઓની જવાબદારી હવે મહાનગરપાલિકાની રહેશે. તેથી શહેરના માર્ગો પરના ખાડાઓ પુરવા માટે અંદાજે 43 કરોડ રૂપિયાનો ખર્ચ કરવામાં આવશે તેમ જણાવવામાં આવી રહ્યું છે.

    આ સમાચાર પણ વાંચો:  PM Narendra Modi: પીએમએ હોદ્દો સંભાળવા પર નેધરલેન્ડના પ્રધાનમંત્રીને અભિનંદન આપ્યા

    9 મીટરથી વધુ પહોળા રસ્તા

    સર્કલ 1: કોન્ટ્રાક્ટર: પ્રીતિ કન્સ્ટ્રક્શન (રૂ. 13.19 કરોડ)

    સર્કલ 2: કોન્ટ્રાક્ટર: ગ્યાન કન્સ્ટ્રક્શન (રૂ. 13.15 કરોડ)

    9 મીટર કરતા ઓછા પહોળા રસ્તા

    સર્કલ 1: કોન્ટ્રાક્ટર: વરુણ કન્સ્ટ્રક્શન (રૂ. 09.90 કરોડ)

    સર્કલ 2: કોન્ટ્રાક્ટર: ગ્યાન કન્સ્ટ્રક્શન (રૂ. 07.92 કરોડ)

     

  • Maharashtra Politics: મુંબઈ મહાનગરપાલિકામાં પાલક મંત્રીનું કાર્યાલય હટાવો…વિપક્ષોની માંગ…વર્ષા ગાયકવાડનો વિરોધ પ્રદર્શન …જાણો શું છે આ મુદ્દો…

    Maharashtra Politics: મુંબઈ મહાનગરપાલિકામાં પાલક મંત્રીનું કાર્યાલય હટાવો…વિપક્ષોની માંગ…વર્ષા ગાયકવાડનો વિરોધ પ્રદર્શન …જાણો શું છે આ મુદ્દો…

    News Continuous Bureau | Mumbai

    Maharashtra Politics: ‘પાલકમંત્રી (Guardian Minister) તે જિલ્લાના સંયોજક છે. જે તે જિલ્લાની જવાબદારી તેમના પર રહે છે. કલેક્ટર કચેરીના બિલ્ડીંગમાં પાલક મંત્રીની ઓફિસ પણ આવેલી છે. તેથી, જો મુંબઈ મ્યુનિસિપલ કોર્પોરેશન (BMC) માં પાલક મંત્રીનું કાર્યાલય હોય, તો તેમાં કંઈ ખોટું નથી,” રાજ્યના મહેસૂલ પ્રધાન રાધાકૃષ્ણ વિખે-પાટીલે બુધવારે વિધાનસભા (Vidhan Sabha) માં સ્પષ્ટ કર્યું. તેમણે આ મામલે રાજકારણ ન રમવાની પણ અપીલ કરી હતી. મહેસૂલ મંત્રીના જવાબથી અસંતુષ્ટ કોંગ્રેસ (Congress) ના ધારાસભ્યોએ આ મુદ્દે નારાજગી વ્યક્ત કરી હતી અને ગૃહની બહાર નીકળીને પોતાનો વિરોધ દર્શાવ્યો હતો. ‘કોંગ્રેસના ધારાસભ્ય વર્ષા ગાયકવાડે મુંબઈ મહાનગરપાલિકામાં મુંબઈ ઉપનગરીય પાલક પ્રધાન મંગલપ્રભાત લોઢા (Mangal prabhat Lodha) ના હૉલના ઉદ્ઘાટનને લઈને વિધાનસભામાં મુદ્દો ઉઠાવ્યો હતો. ‘પાલકમિનિસ્ટરે ઓફિસ પર કબજો કર્યો. તે કચેરીમાં પૂર્વ કોર્પોરેટર બેસવાના હતા. આ સ્વાયત્ત સંસ્થા પર કબ્જો છે. મુંબઈ મહાનગરપાલિકા એક સ્વાયત્ત સંસ્થા છે, તેવો આક્ષેપ ગાયકવાડે આ સમયે કર્યો હતો.

    આ સમાચાર પણ વાંચો : Monsoon Session 2023: ‘INDIA’ ગઠબંધને સંસદમાં મોદી સરકાર સામે બનાવી ખાસ રણનીતિ … મોદી સરકાર વિરુદ્ધ વિપક્ષોની એકતા….. જાણો અહીંયા વિપક્ષોની સંપુર્ણ વ્યુહરચના શું છે….

    પાલક મંત્રીની ઓફિસ હટાવો

    પાલક મંત્રી મંગલપ્રભાત લોઢાએ મુંબઈ મહાનગરપાલિકામાં ઓફિસની સ્થાપના કરી છે. પાલક મંત્રીની આ ઓફિસ તાત્કાલિક બંધ કરવી જોઈએ. મુંબઈ મહાનગરપાલિકામાં પાલક મંત્રીનું કાર્યાલય શરૂ કરીને ભાજપે (BJP) નવી પરંપરા શરૂ કરી છે, તે ખોટું છે. કોંગ્રેસ વતી એવી માંગ પણ કરવામાં આવી હતી કે મહાનગરપાલિકા સ્વાયત્ત સંસ્થા છે અને ભાજપ ત્યાં રાજનીતિ રમે છે.