Tag: oil prices

  • Israel-Iran tensions: જો ઇરાને બંધ કર્યો હોર્મુઝ સ્ટ્રેટ તો દુનિયામાં મચી જશે હાહાકાર, ભારત પણ થશે પ્રભાવિત, જાણો કેન્દ્ર સરકાર કયા દેશોમાંથી આયાત કરે છે ક્રૂડ ઓઇલ

    Israel-Iran tensions: જો ઇરાને બંધ કર્યો હોર્મુઝ સ્ટ્રેટ તો દુનિયામાં મચી જશે હાહાકાર, ભારત પણ થશે પ્રભાવિત, જાણો કેન્દ્ર સરકાર કયા દેશોમાંથી આયાત કરે છે ક્રૂડ ઓઇલ

    News Continuous Bureau | Mumbai

     Israel-Iran tensions: ઈરાન-ઈઝરાયલ યુદ્ધ દિવસેને દિવસે વધુ ગંભીર બની રહ્યું છે. મધ્ય પૂર્વમાં તણાવ શરૂ થયાને દસ દિવસથી વધુ સમય થઈ ગયો છે. પરંતુ કોઈ પણ દેશ પીછેહઠ કરવા તૈયાર નથી. અમેરિકા પણ આ યુદ્ધમાં કૂદી પડ્યું છે. અમેરિકાએ શનિવાર અને રવિવારની રાત્રે ઈરાનના ત્રણ પરમાણુ પ્રોજેક્ટ પર બોમ્બમારો કર્યો. તેણે હજારો કિલોગ્રામ વજનના બોમ્બ ફેંકીને પરમાણુ થાણાઓનો નાશ કર્યો. આના કારણે ઈરાન ગુસ્સે છે

     Israel-Iran tensions:  ઈરાની સંસદે હોર્મુઝ સ્ટ્રેટ બંધ કરવાનો નિર્ણય લીધો

    ઈરાની સંસદે હોર્મુઝ સ્ટ્રેટ બંધ કરવાનો નિર્ણય લીધો છે. તેને હજુ સુધી અંતિમ મંજૂરી મળી નથી. જો આ ખાડી માર્ગ બંધ થાય છે, તો સૌથી મોટું નુકસાન ભારતને નહીં પણ ચીનને થશે. હોર્મુઝ સ્ટ્રેટ ચીનની જીવનરેખા છે. જો આ જળમાર્ગ બંધ થાય છે, તો ચીનને શા માટે અને કેટલું નુકસાન થશે?

     Israel-Iran tensions:ભારતમાં હાલમાં પૂરતો તેલનો સ્ટોક ઉપલબ્ધ છે

    કેન્દ્રીય મંત્રી હરદીપ સિંહ પુરીએ કહ્યું, જ્યાં સુધી આજે વૈશ્વિક પરિસ્થિતિનો સંબંધ છે, મધ્ય પૂર્વમાં તણાવ વધવો એ સંપૂર્ણપણે અણધાર્યો નહોતો. અમને આની અપેક્ષા હતી. પ્રધાનમંત્રીના નેતૃત્વ હેઠળની સરકાર સતત પરિસ્થિતિની સમીક્ષા કરી રહી છે, જેમાં હોર્મુઝ સ્ટ્રેટ બંધ કરવાની શક્યતાનો પણ સમાવેશ થાય છે. અમે પુરવઠાના સ્ત્રોતોને વૈવિધ્યીકૃત કર્યા છે. ભારતમાં દરરોજ વપરાશમાં લેવાતા 55 લાખ બેરલ ક્રૂડ ઓઇલમાંથી, લગભગ 15 થી 20 લાખ બેરલ હોર્મુઝ સ્ટ્રેટ દ્વારા આવે છે. અમે અન્ય માર્ગો દ્વારા લગભગ 40 લાખ બેરલ આયાત કરીએ છીએ. અમારી તેલ માર્કેટિંગ કંપનીઓ પાસે પૂરતો સ્ટોક છે. મોટાભાગની તેલ કંપનીઓ પાસે 3 અઠવાડિયા સુધીનો સ્ટોક છે, જ્યારે એક કંપની પાસે 25 દિવસનો સ્ટોક છે.

     Israel-Iran tensions:ચીનને સૌથી વધુ નુકસાન કેમ થયું?

    જો આ ગલ્ફ રૂટ બંધ થાય છે, તો તે ચીન જેવા મોટા અર્થતંત્ર ધરાવતા દેશને અસર કરશે. ક્રૂડ ઓઇલના ભાવ વધવાની શક્યતા છે. અહેવાલો અનુસાર, ભારતને આ ગલ્ફ રૂટથી દરરોજ 20 લાખ બેરલ ક્રૂડ ઓઇલ મળે છે. આ ભારતીય તેલ બજારને અસર કરી શકે છે. કેન્દ્રીય મંત્રી હરદીપ સિંહ પુરીએ કહ્યું, હોર્મુઝ બંધ થવાથી દેશને કોઈ નુકસાન થશે નહીં. ભારતે આગામી કેટલાક અઠવાડિયા સુધી ચાલે તેટલું તેલ સંગ્રહિત કર્યું છે.

    યુએસ એનર્જી ઇન્ફર્મેશન એડમિનિસ્ટ્રેશન અનુસાર, 2024 માં, ચીન દરરોજ 4.3 મિલિયન બેરલ ક્રૂડ ઓઇલનું ઉત્પાદન કરી રહ્યું હતું અને 11.1 મિલિયન બેરલ આયાત કરશે.

    આ સમાચાર પણ વાંચો : Share Market Crash : ઈરાન-ઈઝરાયલ યુદ્ધ વચ્ચે ભારતીય બજાર ક્રેશ થયું, ગણતરીની મિનિટોમાં રોકાણકારોએ ગુમાવ્યા અધધ આટલા લાખ કરોડ..

     Israel-Iran tensions:અમેરિકા ચીન સાથે વાત કરશે

    ચીનની કુલ તેલ આયાતનો 45 ટકા હિસ્સો હોર્મુઝ સ્ટ્રેટમાંથી આવે છે. જો આ ગલ્ફ રૂટ બંધ થશે, તો ચીનને સૌથી વધુ નુકસાન થશે. ઈરાની સંસદે હોર્મુઝ સ્ટ્રેટ બંધ કરવાનો નિર્ણય લીધો છે. યુએસ સેક્રેટરી ઓફ સ્ટેટ માર્કો રુબિયોએ ચીન વિશે નિવેદન આપ્યું છે. તેમણે કહ્યું કે અમે હોર્મુઝ સ્ટ્રેટ વિશે ચીન સાથે વાત કરીશું. કારણ કે આ દેશ મોટાભાગે ગલ્ફ રૂટ પર નિર્ભર છે.

    ઈરાન-ઈઝરાયલ યુદ્ધ અને ઈરાનના પરમાણુ સ્થળો પર અમેરિકાના હુમલા અને હોર્મુઝ અંગે વધતી જતી અનિશ્ચિતતાને કારણે, સોમવારે ટ્રેડિંગ દરમિયાન આંતરરાષ્ટ્રીય તેલ બજારમાં ક્રૂડ ઓઈલનો ભાવ એક સમયે 81.40 યુએસ ડોલર પ્રતિ બેરલ સુધી વધી ગયો હતો, જોકે હવે તે ઘટીને 78 યુએસ ડોલરથી 79 યુએસ ડોલર પ્રતિ બેરલ વચ્ચે સ્થિર થઈ ગયો છે. ભારત વિવિધ વિદેશી બજારોમાંથી તેની ક્રૂડ ઓઈલની જરૂરિયાતના 80 થી 85 ટકા આયાત કરે છે. આવી સ્થિતિમાં, ક્રૂડ ઓઈલની કિંમત ભારતના આયાત બિલ પર સીધી અસર કરી શકે છે. 

     

     

  • Edible Oil Prices : તહેવારોની સિઝન નજીક આવતા ખાદ્યતેલોમાં આગ ઝરતી તેજી, કપાસિયા અને સિંગતેલના ભાવ વધ્યા ; જાણો લેટેસ્ટ રેટ..

    Edible Oil Prices : તહેવારોની સિઝન નજીક આવતા ખાદ્યતેલોમાં આગ ઝરતી તેજી, કપાસિયા અને સિંગતેલના ભાવ વધ્યા ; જાણો લેટેસ્ટ રેટ..

    News Continuous Bureau | Mumbai 

    Edible Oil Prices : તહેવારોની સિઝન નજીક આવી રહી છે ત્યારે દેશમાં ખાદ્યતેલના ભાવમાં વધારો થવાની સંભાવના છે. હવે છેલ્લા મહિનામાં સરસવના તેલના ભાવમાં 9.10 ટકા અને પામ તેલના ભાવમાં 14.16 ટકાનો વધારો થયો છે. છૂટક બજારો અને ઓનલાઈન ગ્રોસરી કંપનીઓના પોર્ટલમાં સરસવના તેલના ભાવમાં 26 ટકાનો વધારો થયો છે.

    Edible Oil Prices : એક મહિનામાં કિંમતોમાં 26.61 ટકાનો વધારો 

    મીડિયા રિપોર્ટ મુજબ એક મહિના પહેલા ઓનલાઈન ગ્રોસરી પોર્ટલ પર સરસવનું તેલ 239 રૂપિયા પ્રતિ કિલોના ભાવે ઉપલબ્ધ હતું. હાલમાં આ તેલની કિંમત 176 રૂપિયા પ્રતિ કિલોએ પહોંચી ગઈ છે. એટલે કે છેલ્લા એક મહિનામાં કિંમતોમાં 26.61 ટકાનો વધારો થયો છે. સરસવનું તેલ દેશમાં સૌથી વધુ ઉપયોગમાં લેવાતું ખાદ્ય તેલ છે. સરકારી આંકડાઓ અનુસાર ખાદ્યતેલના ભાવમાં પણ વધારો થયો છે. ઉપભોક્તા બાબતોના વિભાગના ભાવ નિયંત્રણ વિભાગના જણાવ્યા અનુસાર, સરસવનું તેલ, જે એક મહિના પહેલા 139.19 રૂપિયા પ્રતિ કિલોના ભાવે મળતું હતું, તે હવે 151.85 રૂપિયા પ્રતિ કિલોના ભાવે ઉપલબ્ધ છે. સરસવનું તેલ મુંબઈમાં 183 રૂપિયા, દિલ્હીમાં 165 રૂપિયા, કોલકાતામાં 181 રૂપિયા, ચેન્નાઈમાં 167 રૂપિયા અને રાંચીમાં 163 રૂપિયામાં ઉપલબ્ધ છે.

    Edible Oil Prices :  અન્ય ખાદ્યતેલોના ભાવમાં પણ થયો વધારો 

    સરસવના તેલ ઉપરાંત અન્ય ખાદ્યતેલોના ભાવમાં પણ વધારો થયો છે. એક મહિના પહેલા સૂર્યમુખી તેલ 119.38 રૂપિયા પ્રતિ કિલોના ભાવે મળતું હતું, હવે તે 129.88 રૂપિયા પ્રતિ કિલોના ભાવે ઉપલબ્ધ છે. એક મહિના પહેલા પામ ઓઈલ 98.28 રૂપિયા પ્રતિ કિલોના ભાવે મળતું હતું, પરંતુ હવે તે 112.2 રૂપિયા પ્રતિ કિલોના ભાવે મળે છે. સોયા તેલની કિંમત પણ એક મહિનામાં 117.45 રૂપિયાથી વધીને 127.62 રૂપિયા પ્રતિ કિલો થઈ ગઈ છે.

    આ સમાચાર પણ વાંચો : Edible Oil Rate: તહેવારો દરમિયાન ખાદ્યતેલના ભાવમાં થશે વધારો? મોદી સરકારે કરી છે આ ખાસ વ્યવસ્થા..

    Edible Oil Prices : ખાદ્યતેલની આયાત ડ્યુટીમાં વધારો 

    ખાદ્યતેલની આયાત ડ્યુટીમાં વધારો કરવામાં આવ્યો છે, જેના કારણે ખાદ્યતેલની આયાત મોંઘી થઈ છે. જેના કારણે દરમાં વધારો થયો છે. સરકારે ક્રૂડ સોયાબીન ઓઈલ, ક્રૂડ પામ ઓઈલ અને ક્રૂડ સનફ્લાવર ઓઈલ પર ઈમ્પોર્ટ ડ્યૂટી શૂન્યથી વધારીને 20 ટકા અને ખાદ્ય તેલ પર ઈમ્પોર્ટ ડ્યૂટી 12.5 ટકાથી વધારીને 32.5 ટકા કરી છે. સરકારના આ નિર્ણયને કારણે પામ ઓઈલથી લઈને સોયા, સરસવ સુધીના તમામ પ્રકારના ખાદ્યતેલ મોંઘા થઈ ગયા છે. સ્થાનિક ખેડૂતોના હિતોના રક્ષણ માટે સરકારે ખાદ્યતેલ પરની આયાત ડ્યૂટીમાં વધારો કર્યો છે. આ દરમિયાન દેશમાં તહેવારોની સિઝન શરૂ થઈ ગઈ છે. આ સમયગાળા દરમિયાન જ ખાદ્યતેલના ભાવમાં વધારો થયો છે.

  • Windfall Tax: ઓઈલ કંપનીઓને સરકાર દ્વારા ફરી મોટો ઝટકો, ક્રૂડ ઓઈલ પર વિન્ડફોલ ટેક્સ વધ્યો, કોને થશે અસર, જાણો સંપુર્ણ વિગતો વિગતવાર અહીં..

    Windfall Tax: ઓઈલ કંપનીઓને સરકાર દ્વારા ફરી મોટો ઝટકો, ક્રૂડ ઓઈલ પર વિન્ડફોલ ટેક્સ વધ્યો, કોને થશે અસર, જાણો સંપુર્ણ વિગતો વિગતવાર અહીં..

    News Continuous Bureau | Mumbai 

     Windfall Tax: કેન્દ્ર સરકારે (Central Government) શુક્રવારે તેલ કંપનીઓ (Oil Company) ને મોટો ઝટકો આપતાં સ્થાનિક ક્રૂડ ઓઈલ (Crude Oil) ઉત્પાદન પર વિન્ડફોલ ટેક્સ (Windfall Tax) વધારવાનો નિર્ણય લીધો છે. હવે તે 10,000 રૂપિયા પ્રતિ ટનથી વધીને 12,000 રૂપિયા પ્રતિ ટન થઈ ગયો છે. નવા દરો 30 સપ્ટેમ્બર, 2023 એટલે કે શનિવારથી અમલમાં આવ્યા છે.

    તે જ સમયે, સરકારે ડીઝલની નિકાસ પર વિન્ડફોલ ટેક્સ ઘટાડવાનો નિર્ણય કર્યો છે અને તે 5.50 રૂપિયાથી ઘટીને 5 રૂપિયા પ્રતિ લિટર થઈ ગયો છે. આ સિવાય એવિએશન ટર્બાઇન ફ્યુઅલ (ATF) પર વિન્ડફોલ ટેક્સ ઘટાડ્યો છે અને તે 3.50 રૂપિયાથી ઘટીને 2.50 રૂપિયા થઈ ગયો છે. નાણા મંત્રાલયે માહિતી આપી છે કે પેટ્રોલ પર કોઈ વિન્ડફોલ ટેક્સ લાદવામાં આવશે નહીં.

    આ સમાચાર પણ વાંચો : Pune: પુણે શહેરમાં હત્યાનો રોમાંચ, ગણેશ વિસર્જન પર નિવૃત્ત પોલીસકર્મીના પુત્રની હત્યાના કેસમાં પોલીસ એક્શન મોડ પર..

    દર 15 દિવસે વિન્ડફોલ ટેક્સની સમીક્ષા…

    અગાઉ, કેન્દ્ર સરકારે 15 સપ્ટેમ્બર, 2023 ના રોજ વિન્ડફોલ ટેક્સની સમીક્ષા કરી હતી. જેમાં સરકારે ક્રૂડ ઓઈલ પર વિન્ડફોલ ટેક્સ 6,700 રૂપિયા પ્રતિ ટનથી વધારીને 10,000 રૂપિયા પ્રતિ ટન કર્યો હતો. તે જ સમયે, ડીઝલ પર નિકાસ ડ્યુટી 6 રૂપિયાથી ઘટાડીને 5.50 રૂપિયા કરવામાં આવી હતી. એવિએશન ટર્બાઇન ઇંધણ પરનો ટેક્સ 4 રૂપિયા પ્રતિ લિટરથી ઘટાડીને 3.50 રૂપિયા પ્રતિ લિટર કરવામાં આવ્યો છે.

    પહેલીવાર 1 જુલાઈ, 2022ના રોજ કેન્દ્ર સરકારે પેટ્રોલ અને એટીએફ પર 6 રૂપિયા પ્રતિ લિટર અને ડીઝલની(diesel) નિકાસ પર 13 રૂપિયા પ્રતિ લિટરની નિકાસ ડ્યૂટી લાદી હતી. તે જ સમયે, સ્થાનિક કાચા તેલના વેચાણ પર પ્રતિ ટન રૂ. 23,250નો વિન્ડફોલ ટેક્સ લાદવાનો નિર્ણય લેવામાં આવ્યો હતો. ધ્યાનમાં રાખો કે સરકાર ઓઇલ કંપનીઓ દ્વારા કરાયેલા નફા પર વિન્ડફોલ ટેક્સ લાદે છે. આ કારણે, વધુ નફો મેળવવા માટે, તેલ કંપનીઓ ભારતમાં તેલ વેચવાનું ટાળે છે. સરકાર સામાન્ય રીતે દર 15 દિવસે વિન્ડફોલ ટેક્સની સમીક્ષા કરે છે.

  • મોંધવારીની ચક્કીમાં પીસાતા નાગરિકોને મળશે રાહત-ઈંડોનેશિયાએ પામ તેલના એક્સપોર્ટને લઈને લીધો આ નિર્ણય-જાણો વિગત

    મોંધવારીની ચક્કીમાં પીસાતા નાગરિકોને મળશે રાહત-ઈંડોનેશિયાએ પામ તેલના એક્સપોર્ટને લઈને લીધો આ નિર્ણય-જાણો વિગત

     News Continuous Bureau | Mumbai

    દેશમાં લાંબા સમયથી તેલના ભાવ(Oil prices) આસમાને પહોંચેલા છે. સામાન્ય નાગરિકો મોંઘવારીના(inflation) ચક્કરમાં પીસાઈ રહ્યા છે ત્યારે આગામી દિવસમાં તેલના ભાવમાં ઘટાડો થવાના સંકેત છે. ઈન્ડોનેશિયાની સરકારે(Government of Indonesia) પામ ઓઈલની(palm oil) નિકાસ(Export) વધારવા માટે નિકાસ જકાત ઘટાડવાની જાહેરાત કરી છે. ભારતમાં મોટાભાગનું પામ ઓઈલની ઈન્ડોનેશિયાથી આયાત થાય છે. તેથી ઈન્ડોનેશિયાના નિર્ણયની અસર ભારતીય બજારમાં(Indian market) જોવા મળી શકે છે.

    ઈન્ડોનેશિયાએ 23 મેના રોજ તેલની નિકાસ પરનો પ્રતિબંધ ઉઠાવી લીધો હતો. વિશ્વના સૌથી મોટા પામ ઓઈલ ઉત્પાદક(Palm oil manufacturer) ઈન્ડોનેશિયાએ પામ ઓઈલની નિકાસ પર ટેક્સ(TAX) ઘટાડવાની જાહેરાત કરી છે.આનાથી ભારતીય ગ્રાહકોને(Indian consumers) થોડી રાહત મળવાની અપેક્ષા છે. કારણ કે ભારત મોટાભાગનું પામ ઓઈલ અહીંથી આયાત કરે  છે. ઈન્ડોનેશિયાના વેપાર પ્રધાન મુહમ્મદ લુત્ફીએ(Trade Minister Muhammad Lutfi) જણાવ્યું હતું કે સરકાર નિકાસને પ્રોત્સાહિત કરવા માટે તેની મહત્તમ ક્રૂડ પામ ઓઈલની નિકાસ અને વસૂલાત દર 575 ડોલર પ્રતિ ટનથી ઘટાડીને 488 ડોલર કરશે.

    આ સમાચાર પણ વાંચો : શેરબજારમાં મંદીનો માહોલ- સતત ત્રીજા ટ્રેડિંગ દિવસે લાલ નિશાન પર બંધ થયું માર્કેટ- આટલા પોઇન્ટ ગગડ્યા સેન્સેક્સ નિફ્ટી

    કોન્ફેડરેશન ઓફ ઓલ ઈન્ડિયા ટ્રેડર્સ (CAIT) મેટ્રોપોલિટન મુંબઈ પ્રાંતના પ્રમુખ શંકર ઠક્કરે જણાવ્યું હતું કે ઈન્ડોનેશિયા દ્વારા નિકાસ કર ઘટાડવામાં આવ્યો છે, તે ભારત માટે એક સારું પગલું ગણવામાં આવશે. આંતરરાષ્ટ્રીય બજારોમાં પામ ઓઈલના ભાવ નીચા રહેશે જેના કારણે પામ ઓઈલમાંથી બનેલી વસ્તુઓની કિંમતો નીચે આવી શકે છે. જેનો સીધો ફાયદો ભારતના સામાન્ય લોકોને થશે.
    ઈન્ડોનેશિયાએ ત્રણ સપ્તાહના પ્રતિબંધ બાદ પામ ઓઈલની નિકાસ ફરી શરૂ કરવાની મંજૂરી આપી છે. પરંતુ  હજી સુધી તે ધીમી ગતિએ ચાલી રહ્યું છે. અહીં ઉલ્લેખનીય છે કે ઈન્ડોનેશિયાએ પામ ઓઈલની સ્થાનિક કિંમતો ઘટાડવા માટે 28 એપ્રિલે તેલની નિકાસ પર પ્રતિબંધ લાદી દીધો હતો. પરંતુ ખેડૂતો અને વેપારી સંગઠનોના વિરોધને કારણે 23 મેના રોજ ફરીથી નિકાસ શરૂ કરવામાં આવી હતી. હવે ટેક્સ ઘટાડવાથી તેની નિકાસ વધશે અને તેનો ફાયદો અંતમાં ગ્રાહકો સુધી પહોંચશે તો બીજી તરફ ઈન્ડોનેશિયાના ખેડૂતોને પણ આ નિર્ણયથી ફાયદો થશે.
     

  • ભારત માટે રાહતના સમાચાર : હવે ખાદ્યતેલોના ભાવ ઘટશે, આ દેશે પામ ઓઈલની નિકાસ પરનો પ્રતિબંધ પાછો ખેંચવાની કરી જાહેરાત..  

    ભારત માટે રાહતના સમાચાર : હવે ખાદ્યતેલોના ભાવ ઘટશે, આ દેશે પામ ઓઈલની નિકાસ પરનો પ્રતિબંધ પાછો ખેંચવાની કરી જાહેરાત..  

    News Continuous Bureau | Mumbai

    ખાદ્યતેલોના(Food oil) ઉંચા ભાવની(Oil prices) સમસ્યાનો સામનો કરી રહેલા ભારતીયો(Indians) માટે રાહતજનક સમાચાર છે. 

    ઈન્ડોનેશિયાએ(Indonesia)પામ ઓઈલની(Palm oil) નિકાસ(Export) પર પ્રતિબંધનો નિર્ણય પાછો ખેંચવાની જાહેરાત કરી છે. 

    પામ ઓઈલની નિકાસ પર લાદવામાં આવેલો પ્રતિબંધ(Restriction) 23 મેથી હટાવવામાં આવશે.

    ઈન્ડોનેશિયાએ પામ ઓઈલ સેક્ટરમાં કામ કરતા 17 મિલિયન લોકોના હિતોને ધ્યાનમાં રાખીને આ નિર્ણય લીધો છે.

    ઈન્ડોનેશિયાના રાષ્ટ્રપતિ જોકો વિડોડોએ(President Joko Widodo) આની જાહેરાત કરી છે. 

    ઉલ્લેખનીય છે કે ગત 28 એપ્રિલથી ઈન્ડોનેશિયાએ પામ ઓઈલની નિકાસ પર પ્રતિબંધ લગાવવાનો નિર્ણય લીધો હતો. જેના કારણે પામ ઓઈલના ભાવમાં ભારે ઉછાળો જોવા મળ્યો હતો.

    આ સમાચાર પણ વાંચો : આજે ફરી તૂટ્યું માર્કેટ.. 1,267 પોઈન્ટ તૂટ્યો સેન્સેક્સ; નિફ્ટી 15,900 થી નીચે.. રોકાણકારોને થયું અધધ આટલા લાખ કરોડનું થયું નુકસાન 

  • તેલ અને તેલીબિયાં ની સ્ટોક લિમિટને લઈને કેન્દ્ર સરકારે લીધો આ નિર્ણય, વેપારી વર્ગ નારાજ; જાણો વિગતે

    તેલ અને તેલીબિયાં ની સ્ટોક લિમિટને લઈને કેન્દ્ર સરકારે લીધો આ નિર્ણય, વેપારી વર્ગ નારાજ; જાણો વિગતે

    News Continuous Bureau | Mumbai 

    યુક્રેન અને રશિયા વચ્ચેના યુદ્ધને કારણે ખાદ્યતેલોના ભાવમાં થયેલા વધારાને ધ્યાનમાં રાખીને કેન્દ્ર સરકારે તેલ અને તેલીબિયાં પરની 30 જૂન 2022 સુધીની સ્ટોક મર્યાદાને 30 ડિસેમ્બર 2022 સુધી લંબાવી દીધી છે. જોકે સરકારના આ નિર્ણયથી વેપારી વર્ગ નારાજ થઈ ગયો હોવાનું જાણવા મળ્યું છે.

    અખિલ ભારતીય ખાદ્ય ટ્રેડર્સ ફેડરેશનના રાષ્ટ્રીય અધ્યક્ષ અને કોન્ફેડરેશન ઓફ ઓલ ઈન્ડિયા ટ્રેડર્સ (CAIT)ના મેટ્રોપોલિટન મુંબઈ પ્રાંતના પ્રમુખ શંકર ઠક્કરે કહ્યું હતું કે જે દિવસથી તેલ અને તેલિબિયા સ્ટોક લિમિટ લાગુ કરી છે, ત્યારથી જ ભાવ ઘટવા જોઈતા હતા. તેને બદલે લગભગ દોઢ મહિના સુધી તેલના ભાવમાં સતત વધારો થયો છે. એટલે કે સરકારનો ઈરાદો સ્ટોક મર્યાદિત કરીને તેલના ભાવ ઘટાડવાનો હતો પરંતુ આ વાત તદ્દન ખોટી સાબિત થઈ છે, તેમ છતાં સરકારે ઉતાવળે તેલ અને તેલિબિયાની સ્ટોક લિમિટની મુદત વધારી દીધી છે, જેના કારણે ખેડૂતો ઉત્પાદન વેચતી વખતે મુશ્કેલીનો સામનો કરવો પડશે અને આવતા વર્ષે ફરી ઓછો પાક આવવાની સંભાવના છે.

    આ સમાચાર પણ વાંચો : મોદીનું નારાયણ-નારાયણ. લઘુ ઉદ્યોગ ખાતા માટે આટલા કરોડ રૂપિયા કર્યા મંજૂર.. જાણો વિગતે

    CAIT દ્વારા બહાર પાડવામાં આવેલી પ્રેસ રિલિઝ મુજબ યુક્રેન અને રશિયા વચ્ચેના યુદ્ધને કારણે ખાદ્યતેલોના ભાવમાં થયેલા વધારાને ધ્યાનમાં રાખીને કેન્દ્ર સરકારે 3 ફેબ્રુઆરી 2022ના રોજ એક આદેશ જારી કરીને તેલ અને તેલીબિયાં પર સ્ટોક મર્યાદા લાદી હતી, જેનો સમયગાળો 30 જૂન 2022 સુધીનો હતો.  હવે આ સમયગાળો  ડિસેમ્બર, 2022 સુધી વધારવામાં આવ્યો છે. સરકાર દ્વારા બહાર પાડવામાં આવેલા નવા આદેશમાં બે ફેરફારો પણ કરવામાં આવ્યા છે, જેમાં ઉત્પાદકોને જૂના ઓર્ડરમાં 90 દિવસની સ્ટોરેજ ક્ષમતા જેટલો સ્ટોક રાખવાની મંજૂરી આપવામાં આવી હતી, જેને બદલીને 90 દિવસની ઉત્પાદન ક્ષમતામાં રાખવાની મંજૂરી આપવામાં આવી છે. તેલીબિયાં પરની સ્ટોક મર્યાદા દૂર કરવામાં આવી છે પરંતુ આયાતી ક્રૂડ તેલમાંથી તૈયાર કરાયેલા અથવા તેલીબિયાંમાંથી બનેલા તેલ અંગે સ્પષ્ટતા આપવામાં આવી નથી.

    CAITની પ્રેલ રિલીઝમાં કહેવામાં આવ્યા મુજબ સરકારે અગાઉના અને હાલના બંને આદેશોમાં ભેદભાવની નીતિ અપનાવી છે, મલ્ટી ચેઈન સ્ટોર્સના ડેપો માટે 100 ટનની મર્યાદા છે, જ્યારે જથ્થાબંધ વિક્રેતાઓ જેમની પાસે લગભગ 10 પ્રકારનું તેલ હોય છે અને એક ટેન્કર ઓછામાં ઓછું 25 ટન લઈને આવે છે. આવી સ્થિતિમાં, જથ્થાબંધ વેપારી માટે 50 ટનની સ્ટોક મર્યાદા લાદવી, તે સંપૂર્ણપણે ભેદભાવપૂર્ણ નિર્ણય છે.

    CAITના પદાધિકારીના કહેવા મુજબ કેન્દ્ર સરકારના વરિષ્ઠ અધિકારીઓને સ્ટોક લિમિટ લાદવાથી વેપારીઓ અને ખેડૂતોને નુકસાન થવાનું છે. ભૂતકાળમાં સ્ટોક લિમિટ સંબંધિત દાવા લગભગ 10 વર્ષથી પેન્ડિંગ છે. અને હજુ સુધી આ અંગે નિર્ણય આવ્યો નથી, જેના કારણે વેપારીઓ અને દેશને કરોડો રૂપિયાનું નુકસાન વેઠવું પડી રહ્યું છે, તેથી સરકારે સ્ટોક લિમિટ સમાપ્ત થયા બાદ ફરીથી તેને ફરીથી લંબાવી જોઈએ નહીં.

  • દેશમાં સતત પાંચમાં દિવસે વધ્યા પેટ્રોલ-ડિઝલના ભાવ,ચૂંટણી પછી કેમ વધી રહ્યા છે પેટ્રોલ-ડીઝલના ભાવ? કેન્દ્રીય મંત્રી નીતિન ગડકરીએ આપ્યું આ કારણ

    દેશમાં સતત પાંચમાં દિવસે વધ્યા પેટ્રોલ-ડિઝલના ભાવ,ચૂંટણી પછી કેમ વધી રહ્યા છે પેટ્રોલ-ડીઝલના ભાવ? કેન્દ્રીય મંત્રી નીતિન ગડકરીએ આપ્યું આ કારણ

    News Continuous Bureau | Mumbai

    ઈંધણના ભાવ દિવસેને દિવસે નિયંત્રણની બહાર થઈ રહ્યા છે. 

    વધતા જતા ભાવનું કારણ જણાવતા કેન્દ્રીય મંત્રી નીતિન ગડકરીએ કહ્યું કે ભારતમાં 80 ટકા તેલની આયાત થાય છે. 

    આ સમયે રશિયા અને યુક્રેનનું યુદ્ધ ચાલી રહ્યું છે. આ યુદ્ધ ઘણા દેશોને અસર કરી રહ્યું છે. 

    યુદ્ધ દરમિયાન આંતરરાષ્ટ્રીય બજારમાં તેલની વધતી કિંમતોને કારણે અમે કંઈ કરી શકતા નથી.

    ઉલ્લેખનીય છે કે છેલ્લા પાંચ દિવસમાં પેટ્રોલ અને ડીઝલના ભાવમાં લગભગ 3 રૂપિયા 20 પૈસાનો વધારો થયો છે.

    મોંઘવારીનો માર! ઈંધણની કિંમતોમાં ભડકો, અઠવાડિયામાં પેટ્રોલ 3.20 રૂપિયા પ્રતિ લીટર મોંઘું થયું, જાણો આજે ભાવમાં કેટલો વધારો થયો

  • વાહન ચાલકો માટે સારા સમાચાર, ભારતમાં સસ્તા થઈ શકે છે પેટ્રોલ-ડીઝલ. રશિયા-યુક્રેન યુદ્ધ વચ્ચે આ દેશમાં ક્રૂડ ઓઈલ 100 ડોલર પ્રતિ બેરલ નીચે…

    વાહન ચાલકો માટે સારા સમાચાર, ભારતમાં સસ્તા થઈ શકે છે પેટ્રોલ-ડીઝલ. રશિયા-યુક્રેન યુદ્ધ વચ્ચે આ દેશમાં ક્રૂડ ઓઈલ 100 ડોલર પ્રતિ બેરલ નીચે…

    News Continuous Bureau | Mumbai 

    રશિયા અને યુક્રેન વચ્ચેની વાતચીત અને યુદ્ધવિરામની આશાને પગલે ક્રૂડ ઓઈલના ભાવમાં ઘટાડો થયો છે. 

    યુદ્ધને સમાપ્ત કરવાના પ્રયાસોને કારણે બ્રેટ ક્રૂડ વાયદો ઘટીને 109 ડોલર પ્રતિ બેરલ થઈ ગયો છે. 

    આ સાથે અમેરિકામાં ક્રૂડ ઓઈલના ભાવમાં 8.75 ટકાનો ઘટાડો થયો છે અને તે બેરલ દીઠ 100 ડોલરથી નીચે 99.76 ડોલર પ્રતિ બેરલ થઈ ગયો છે. 

    ક્રૂડ ઓઈલના ભાવ ઘટતાં ભારત માટે રાહતના સમાચાર છે કારણ કે ભારત કુલ વપરાશનું 80 ટકા ક્રૂડ ઓઈલ આયાત કરે છે. 

    ઉલ્લેખનીય છે કે રશિયા-યુક્રેન યુદ્ધ શરૂ થયું ત્યારે ક્રૂડ ઓઈલની કિંમત 140 ડોલર પ્રતિ બેરલ સુધી પહોંચી ગઈ હતી .

    આ સમાચાર પણ વાંચો : 2 મિનિટમાં બનતી મેગી થઇ મોંઘી, કંપનીએ આટલા ટકાના ભાવનો કર્યો વધારો; જાણો હવે કેટલી કિંમત ચૂકવવી પડશે..