Tag: Pakistan air strikes

  • Pakistan Afghanistan Attack: યુદ્ધના ભણકારાં… પાકિસ્તાને રાતના અંધારામાં આ દેશના સરહદી વિસ્તાર કર્યો હવાઈ હુમલો..

    Pakistan Afghanistan Attack: યુદ્ધના ભણકારાં… પાકિસ્તાને રાતના અંધારામાં આ દેશના સરહદી વિસ્તાર કર્યો હવાઈ હુમલો..

    News Continuous Bureau | Mumbai

    Pakistan Afghanistan Attack: અફઘાનિસ્તાન અને પાકિસ્તાનની સરહદ પર બંને દેશોના સુરક્ષા દળો વચ્ચે અથડામણ થઈ હોવાના અહેવાલ છે. રવિવારે રાત્રે પાકિસ્તાને અફઘાનિસ્તાનમાં આતંકવાદી સ્થળો પર હવાઈ હુમલા કર્યા. અહેવાલો અનુસાર, પાકિસ્તાની લડાકુ વિમાનોએ રાત્રે 8 વાગ્યાની આસપાસ અફઘાનિસ્તાનના પક્તિકા, બારમાલ વિસ્તારો અને ઉત્તર વઝીરિસ્તાનના શાવલ પર બોમ્બમારો કર્યો. આ ઉપરાંત, અફઘાનિસ્તાનના પક્તિયા અને ખોસ્ત પ્રાંતોમાં હવાઈ હુમલાના અહેવાલો છે. નંગરહારના લાલપુર જિલ્લાની સરહદ પર અફઘાન તાલિબાન અને પાકિસ્તાની સૈન્યના સૈનિકો વચ્ચે અથડામણ થઈ છે. પાકિસ્તાની સેના સરહદની બંને બાજુ ટીટીપીના ઠેકાણાઓને નિશાન બનાવી રહી છે.

    Pakistan Afghanistan Attack:વિવિધ વિસ્તારોમાં બોમ્બમારો

    અફઘાન અધિકારીઓના મતે, હવાઈ હુમલામાં મૃત્યુઆંક વધી શકે છે. અહેવાલો અનુસાર, અફઘાનિસ્તાન પર થયેલા હવાઈ હુમલામાં અનેક ગામડાઓને નિશાન બનાવવામાં આવ્યા હતા. મીડિયા રિપોર્ટ્સ અનુસાર, પાકિસ્તાની લડાકુ વિમાનોએ અફઘાનિસ્તાનના વિવિધ ભાગોમાં બોમ્બમારો કર્યો. ગયા વર્ષે ડિસેમ્બરમાં પાકિસ્તાને અફઘાનિસ્તાનમાં મોટો હવાઈ હુમલો કર્યો હતો. પાકિસ્તાને આ હવાઈ હુમલો પક્તિકા પ્રાંતના બારમલ જિલ્લામાં કર્યો હતો. આ હવાઈ હુમલામાં મહિલાઓ અને બાળકો સહિત 46 લોકો માર્યા ગયા હતા.

    Pakistan Afghanistan Attack:પાકિસ્તાનનો આરોપ શું છે?

    આ હવાઈ હુમલાઓથી વ્યાપક નુકસાન થયું છે. પાકિસ્તાની હવાઈ હુમલા બાદ આ વિસ્તારમાં ઘણો તણાવ છે. પાકિસ્તાની તાલિબાન તહરીક-એ-તાલિબાન પાકિસ્તાન (TTP) એ તાજેતરના મહિનાઓમાં પાકિસ્તાન પર તેના હુમલાઓ વધારી દીધા છે. પાકિસ્તાન સતત અફઘાન તાલિબાન પર ટીટીપીને આશ્રય આપવાનો આરોપ લગાવી રહ્યું છે.

    આ સમાચાર પણ વાંચો :  Israel Hamas Ceasefire : હમાસે 3 ઇઝરાયલી બંધકોની કરાવી પરેડ, પછી કર્યા મુક્ત, બદલામાં આટલા પેલેસ્ટિનિયનોને મળશે આઝાદી

    Pakistan Afghanistan Attack: યુદ્ધની સ્થિતિ ઉભી થઈ  

    ડિસેમ્બરમાં થયેલા હવાઈ હુમલા બાદ પાકિસ્તાન-અફઘાનિસ્તાન સરહદ પર તણાવ વધી ગયો હતો. બંને દેશો વચ્ચે યુદ્ધ જેવી સ્થિતિ ઉભી થઈ ગઈ છે. પાકિસ્તાને અગાઉ ભારત વિરુદ્ધ આતંકવાદી પ્રવૃત્તિઓ કરવા માટે અફઘાન તાલિબાન પાસેથી મદદ માંગી હતી. ચાર વર્ષ પહેલાં જ્યારે અફઘાનિસ્તાનમાં સત્તા બદલાઈ ત્યારે પણ પાકિસ્તાને તાલિબાનને ટેકો આપ્યો હતો. પરંતુ આજે બંને દેશો વચ્ચેના સંબંધો બગડી ગયા છે.

  • Pakistan air strikes : પાકિસ્તાન અને અફઘાનિસ્તાન વચ્ચે શરૂ થશે યુદ્ધ? તાલિબાને બદલો લેવાની લીધી પ્રતિજ્ઞા, કહ્યું- ‘જવાબી કાર્યવાહી કરીશું’

    Pakistan air strikes : પાકિસ્તાન અને અફઘાનિસ્તાન વચ્ચે શરૂ થશે યુદ્ધ? તાલિબાને બદલો લેવાની લીધી પ્રતિજ્ઞા, કહ્યું- ‘જવાબી કાર્યવાહી કરીશું’

      News Continuous Bureau | Mumbai

     Pakistan air strikes : હાલના વિશ્વના ઘણા ભાગોમાં યુદ્ધ ચાલી રહ્યું છે. દરમિયાન, બીજા યુદ્ધના ભણકારા સંભળાઈ રહ્યા છે, જેની ચિંગારી છેલ્લા ઘણા દિવસોથી સળગી રહી છે. અમે વાત કરી રહ્યા છીએ પાડોશી દેશો પાકિસ્તાન અને અફઘાનિસ્તાનની. આ બંને દેશો વચ્ચે હાલમાં તણાવ ચરમસીમા પર છે. મંગળવારે જ્યારે પાકિસ્તાની સેનાએ અફઘાનિસ્તાનના પૂર્વ પક્તિકા પ્રાંતમાં હવાઈ હુમલો કર્યો ત્યારે આ સ્થિતિ વધુ વણસી ગઈ. આ હવાઈ હુમલામાં 46 લોકોના મોત થયા હોવાના અહેવાલ છે. જેમાં મોટાભાગે મહિલાઓ અને બાળકોનો સમાવેશ થાય છે. પરંતુ આ હુમલા બાદ તાલિબાને હવે પાકિસ્તાનને ચેતવણી આપી છે. તાલિબાને કહ્યું છે કે તે ચોક્કસપણે આનો બદલો લેશે…

     Pakistan air strikes : તાલિબાને ખુલ્લો પડકાર આપ્યો

    પાકિસ્તાનના આ હુમલા બાદ તાલિબાને હવે ખુલ્લો પડકાર ફેંક્યો છે. તાલિબાન સરકારના સંરક્ષણ મંત્રાલયે આ હુમલાને બર્બર ગણાવ્યો અને કહ્યું કે પાકિસ્તાને સમજવું જોઈએ કે આ કોઈ સમસ્યાનો ઉકેલ નથી. ઈસ્લામિક અમીરાત આ ક્રૂર કાર્યવાહીનો જવાબ આપશે. પોતાની જમીન અને વિસ્તારની રક્ષા કરવાને તે અમારો અધિકાર  છે. અમે ચોક્કસપણે આનો બદલો લઈશું.

     Pakistan air strikes : જાણો શું છે મામલો 

    પાકિસ્તાન અને તાલિબાન દરરોજ એકબીજા પર હુમલા કરી રહ્યા છે. પરંતુ મંગળવારે પાકિસ્તાને મોટો હવાઈ હુમલો કર્યો. બર્મલ જિલ્લામાં આ હુમલામાં અનેક મકાનો ધરાશાયી થયા છે. તાલિબાન સરકારના નાયબ પ્રવક્તા હમદુલ્લાહ ફિતરતે પણ કહ્યું છે કે મૃતકોમાં મોટાભાગની મહિલાઓ અને બાળકો છે. તેમણે કહ્યું કે પાકિસ્તાન દ્વારા 4 સ્થળોએ આ હુમલા કરવામાં આવ્યા છે.

    આ સમાચાર પણ વાંચો:  Mumbai Weather : મુંબઈગરાઓની ખુશનુમા સવાર, શહેરમાં ફૂલ ગુલાબી ઠંડી; આજે દિવસભર રહેશે આવું વાતાવરણ..

     Pakistan air strikes : આ પહેલા પણ પાકિસ્તાને હુમલો કર્યો છે

    જોકે, આ પહેલીવાર નથી કે જ્યારે પાકિસ્તાને અફઘાનિસ્તાનમાં આ પ્રકારનો બોમ્બ ધડાકો કર્યો હોય. આ વર્ષની શરૂઆતમાં પાકિસ્તાને પક્તિકા અને સાપર જિલ્લામાં બોમ્બમારો કર્યો હતો. આ પહેલા પાકિસ્તાને ઈરાનમાં પણ હવાઈ હુમલા કર્યા હતા. પાકિસ્તાને દાવો કર્યો હતો કે તેણે ઈરાનના સિસ્તાન-બલુચિસ્તાનમાં બીએલએના ઘણા આતંકવાદીઓને માર્યા છે.