News Continuous Bureau | Mumbai 

Palak Paneer Paratha : પાલક ( spinach ) સ્વાસ્થ્ય માટે ખૂબ જ ફાયદાકારક માનવામાં આવે છે. તેમાં આયર્ન ભરપૂર માત્રામાં જોવા મળે છે. શિયાળા ( winter season ) માં પાલક પુષ્કળ પ્રમાણમાં મળે છે. જો કે, બાળકો ( Kids ) ને મોટાભાગે પાલકનું શાક ઓછું ગમે છે. જો તમે પનીરમાં પાલક મિક્સ કરીને પરાઠા ( paratha ) બનાવશો તો તેનો સ્વાદ વધશે અને બાળકો પણ તેને પ્રેમથી ખાશે. ચાલો જાણીએ પાલક પનીર પરાઠા બનાવવાની રીત.

સામગ્રી

પાલક- 250 ગ્રામ, 

પનીર- 200 ગ્રામ, 

લોટ- 1 કપ, 

બારીક સમારેલી ડુંગળી,

2-3 લીલા મરચાં, 

3 લસણની કળી, 

ઝીણી સમારેલી કોથમીર, 

ઘી – 4-5 ચમચી, 

જીરું પાવડર – 1 ચમચી, 

ધાણા પાવડર – 1 ચમચી, 

મીઠું – સ્વાદ મુજબ.

આ સમાચાર પણ વાંચો : Ayodhya: ઇતિહાસમાં પહેલીવાર… અયોધ્યા નો ચુકાદો ઐતિહાસિક અને તેનું લેખન પણ ઐતિહાસિક. સુપ્રીમ કોર્ટ ચુકાદાની નકલ નીચે આ કામ નહીં કરે…

પાલક પરાઠા બનાવવાની રીત 

પાલક પરાઠા બનાવવા માટે સૌપ્રથમ મિશ્રણ તૈયાર કરો. આ માટે સૌ પ્રથમ પાલકને ધોઈને નવશેકા પાણીમાં નાખીને એક કે બે મિનિટ બાફો. સાથે તેમાં એક ઇંચ આદુનો ટુકડો, થોડી કોથમીર અને ફુદીનો પણ ઉમેરો. હવે તેને લીલા મરચાં અને લસણ સાથે પીસી લો. હવે મિશ્રણને બાજુ પર રાખો. બાદમાં લોટ બાંધો અને તેમાં પાલકનું મિશ્રણ, એક ચમચી ઘી અથવા તેલ અને એક ચપટી મીઠું ઉમેરીને સેટ થવા માટે બાજુ પર રાખો.

હવે પનીરનું મિશ્રણ બનાવવા માટે સૌથી પહેલા પનીરને મેશ કરી લો. હવે તેમાં ઝીણી સમારેલી ડુંગળી, લીલા ધાણા, અડધી ચમચી લાલ મરચું પાવડર નાખીને મિક્સ કરો. હવે તેમાં મીઠું, જીરું અને ધાણા પાવડર નાખીને બરાબર મિક્સ કરી લો. આ મિશ્રણમાં લોટ ઉમેરો. તેમાંથી પરાઠા તૈયાર કરો, હવે તવાને ગરમ કરો, તેના પર ઘી લગાવો અને પરાઠાને બંને બાજુથી પકાવો. હવે ચટણી સાથે ગરમાગરમ પરાઠાનો આનંદ લો.