Tag: passenger

  • Summer Special Train : રેલયાત્રીઓને હવે નહીં થાય અસુવિધા, પશ્ચિમ રેલવે કરશે વધુ 3 જોડી હોળી અને સમર સ્પેશિયલ ટ્રેનોનું સંચાલન…

    Summer Special Train : રેલયાત્રીઓને હવે નહીં થાય અસુવિધા, પશ્ચિમ રેલવે કરશે વધુ 3 જોડી હોળી અને સમર સ્પેશિયલ ટ્રેનોનું સંચાલન…

    News Continuous Bureau | Mumbai

    Summer Special Train : પશ્ચિમ રેલવે દ્વારા યાત્રીઓની સુવિધા તથા હોળી અને ઉનાળા દરમિયાન તેમની યાત્રા માંગને પૂરી કરવાના ઉદ્દેશથી અમદાવાદ મંડળ થઈને વિશેષ ભાડા પર વધુ 3 જોડી સ્પેશિયલ ટ્રેનો ચલાવવાનો નિર્ણય લેવામાં આવ્યો છે. આ ટ્રેનોની વિગતો નીચે મુજબ છે :

    1. ટ્રેન નંબર 04714/04713 બાન્દ્રા ટર્મિનસ-બીકાનેર સ્પેશિયલ (અઠવાડિક) (08 ફેરા)

    ટ્રેન નંબર 04714 બાન્દ્રા ટર્મિનસ-બીકાનેર સ્પેશિયલ દર શુક્રવારે બાન્દ્રા ટર્મિનસથી 16.00 કલાકે ઉપડશે અને બીજા દિવસે 14.30 કલાકે બીકાનેર પહોંચશે. આ ટ્રેન 7 થી 28 માર્ચ, 2025 સુધી ચાલશે. આ જ રીતે ટ્રેન નંબર 04713 બીકાનેર-બાન્દ્રા ટર્મિનસ સ્પેશિયલ દર ગુરૂવારે બીકાનેરથી 15.00 કલાકે ઉપડશે અને બીજા દિવસે 13.40 કલાકે બાન્દ્રા ટર્મિનસ પહોંચશે. આ ટ્રેન 6 થી 27 માર્ચ, 2025 સુધી ચાલશે.

    આ ટ્રેન બંને દિશાઓમાં બોરીવલી, વાપી, ઉધના, વડોદરા, આણંદ, નડિયાદ, સાબરમતી, મહેસાણા, ભીલડી, રાણીવાડા, મારવાડ, ભીનમાલ, મોદરાન, જાલોર, મોકલસર, સમદડી, લૂણી, જોધપુર, મેડતા રોડ, નાગૌર અને નોખા સ્ટેશનો પર રોકાશે. આ ટ્રેનમાં એસી 2-ટિયર, એસી 3-ટિયર, સ્લીપર ક્લાસ અને જનરલ સેક્ન્ડ ક્લાસ કોચ હશે. 

    1. ટ્રેન નંબર 04828/04827 બાન્દ્રા ટર્મિનસ-ભગત કી કોઠી સ્પેશિયલ (અઠવાડિક) (08 ફેરા)

    ટ્રેન નંબર 04828 બાન્દ્રા ટર્મિનસ – ભગત કી કોઠી સ્પેશિયલ દર રવિવારે બાન્દ્રા ટર્મિનસથી 10.30 કલાકે ઉપડશે અને બીજા દિવસે 04.30 કલાકે ભગત કી કોઠી પહોંચશે. આ ટ્રેન 9 થી 30 માર્ચ, 2025 સુધી ચાલશે. આ જ રીતે, ટ્રેન નંબર 04827 ભગત કી કોઠી – બાન્દ્રા ટર્મિનસ સ્પેશિયલ દર શનિવારે ભગત કી કોઠી થી 11.30 કલાકે ઉપડશે અને બીજા દિવસે 07.25 કલાકે બાન્દ્રા ટર્મિનસ પહોંચશે. આ ટ્રેન 8 થી 29 માર્ચ, 2025 સુધી ચાલશે. 

    આ સમાચાર પણ વાંચો : Western Railway : અમદાવાદ મંડળના આદરજ મોટી સ્ટેશન પર 10 માર્ચ 2025 ના રોજ લેવાશે બ્લોક, આ ટ્રેનો થશે રદ્દ ; જુઓ યાદી..

    આ ટ્રેન બંને દિશાઓમાં બોરીવલી, વાપી, ઉધના, ભરૂચ, વડોદરા, સાબરમતી, મહેસાણા, પાલનપુર, આબૂ રોડ, પિંડવાડા, જવાઈ બાંધ, ફાલના, રાની, મારવાડ, પાલી મારવાડ અને લૂણી સ્ટેશનો પર રોકાશે. આ ટ્રેનમાં એસી 2-ટિયર, એસી 3-ટિયર, એસી 3-ટિયર (ઇકોનોમી), સ્લીપર ક્લાસ અને જનરલ સેક્ન્ડ ક્લાસ કોચ હશે. 

    1. ટ્રેન નંબર 04826/04825 બાન્દ્રા ટર્મિનસ – જોધપુર સુપરફાસ્ટ સ્પેશિયલ (અઠવાડિક) (6 ફેરા) 

    ટ્રેન નંબર 04826 બાન્દ્રા ટર્મિનસ – જોધપુર સુપરફાસ્ટ સ્પેશિયલ બાન્દ્રા ટર્મિનસથી દર મંગળવારે 11.15 કલાકે ઉપડશે અને બીજા દિવસે 04.00 કલાકે જોધપુર પહોંચશે. આ ટ્રેન 11 થી 25 માર્ચ, 2025 સુધી ચાલશે. આ જ રીતે, ટ્રેન નંબર 04825 જોધપુર – બાન્દ્રા ટર્મિનસ સુપરફાસ્ટ સ્પેશિયલ દર સોમવારે જોધપુરથી 17.00 કલાકે ઉપડશે અને બીજા દિવસે 09.30 કલાકે બાન્દ્રા ટર્મિનસ પહોંચશે. આ ટ્રેન 10 થી 24 માર્ચ, 2025 સુધી ચાલશે.

    આ ટ્રેન બંને દિશાઓમાં બોરીવલી, વાપી, ઉધના, ભરૂચ, વડોદરા, સાબરમતી, મહેસાણા, પાલનપુર, આબૂ રોડ, પિંડવાડા, જવાઈ બાંધ, ફાલના, રાની, મારવાડ, પાલી મારવાડ અને લૂણી સ્ટેશનો પર રોકાશે. આ ટ્રેનમાં એસી 3-ટિયર અને સ્લીપર ક્લાસ કોચ હશે. 

    ટ્રેન નંબર 04714 નું બુકિંગ ચાલુ છે તથા ટ્રેન નંબર 04828 અને 04826 નું બુકિંગ 8 માર્ચ, 2025 થી તમામ પીઆરએસ કાઉન્ટરો અને આઈઆરસીટીસી વેબસાઈટ પર શરૂ થશે. ઉપરોક્ત ટ્રેનો વિશેષ ભાડા પર સ્પેશિયલ ટ્રેનરૂપે ચાલશે. ટ્રેનોના રોકાણ, સમય અને સંરચના સંબંધિત વિગતવાર માહિતી માટે યાત્રી કૃપા કરીને www.enquiry.indianrail.gov.in પર જઈને અવલોકન કરી શકે છે.

    Disclaimer : Except for the headline, this story has not been edited by News Continuous staff and is published from a syndicated feed.

     

  • Foreign currency : સોના બાદ હવે વિદેશી ચલણની દાણચોરી, મુસાફર આ રીતે છુપાવીને લાવ્યો 1.35 કરોડ રૂપિયા; કસ્ટમ વિભાગ પણ રહી ગયું દંગ

    Foreign currency : સોના બાદ હવે વિદેશી ચલણની દાણચોરી, મુસાફર આ રીતે છુપાવીને લાવ્યો 1.35 કરોડ રૂપિયા; કસ્ટમ વિભાગ પણ રહી ગયું દંગ

    News Continuous Bureau | Mumbai

    Foreign currency : નવી દિલ્હીના ઇન્દિરા ગાંધી આંતરરાષ્ટ્રીય વિમાનમથક પર કસ્ટમ વિભાગે વિદેશી ચલણની દાણચોરીના આરોપસર એક યુવકની ધરપકડ કરી છે. વિભાગ તરફથી મળેલી માહિતી અનુસાર, યુવક પાસેથી 1.35 કરોડ રૂપિયાનું વિદેશી ચલણ મળી આવ્યું છે. કસ્ટમ વિભાગે જણાવ્યું કે આરોપી યુવક તેના સુટકેસમાં છુપાવેલી વિદેશી ચલણી નોટો લઈ જઈ રહ્યો હતો.

     

    Foreign currency :  જપ્ત કરાયેલી નોટોની કુલ કિંમત ₹1,35,01,150

    નવી દિલ્હીમાં કસ્ટમ અધિકારીઓએ ઉત્તર પ્રદેશના 26 વર્ષીય ભારતીય પુરુષ મુસાફર સામે વિદેશી ચલણની દાણચોરીનો કેસ નોંધ્યો છે. જપ્ત કરાયેલી નોટોની કુલ કિંમત rs 1,35,01,150 (એક કરોડ પાંત્રીસ લાખ એક હજાર એકસો પચાસ રૂપિયા) છે. જપ્ત કરાયેલા વિદેશી ચલણમાં યુએસ ડોલર – 20,000, સાઉદી રિયાલ – 5 લાખ 25 હજાર 500 અને કતાર રિયાલ – 1000નો સમાવેશ થાય છે.

    Foreign currency : કાળા ટ્રોલી બેગમાં વિદેશી ચલણ છુપાવવામાં આવ્યું  

    કસ્ટમ વિભાગ પાસેથી મળેલી માહિતી અનુસાર, પૂછપરછ દરમિયાન મુસાફરે ભારતની બહાર ચલણની દાણચોરી કરવાનો પ્રયાસ કર્યો હોવાની કબૂલાત કરી હતી. આરોપી IGI એરપોર્ટના ટર્મિનલ-2 થી હૈદરાબાદ જવાની અને પછી તે જ દિવસે સંયુક્ત આરબ અમીરાતના રાસ અલ ખૈમાહ જવાની યોજના બનાવી રહ્યો હતો. જોકે, ગુપ્ત માહિતીના આધારે, કસ્ટમ અધિકારીઓએ આરોપીને પહેલા જ પકડી લીધો હતો. તેના સામાનની તપાસ કરતાં, કાળા ટ્રોલી બેગમાં છુપાયેલી વિદેશી ચલણી નોટો મળી આવી હતી.

    આ સમાચાર પણ વાંચો : Gold Smuggling Video : સોનાની દાણચોરી માટે મુસાફરે અજમાવી ગજબની યુક્તિ; કોઈ સપનામાં પણ ન વિચારી શકે એવી રીતે લવાયું! જુઓ વિડીયો

    Foreign currency : સોનાની દાણચોરીનો કેસ

    થોડા દિવસો પહેલા, દિલ્હીના ઇન્દિરા ગાંધી આંતરરાષ્ટ્રીય એરપોર્ટ પર કસ્ટમ વિભાગે સોનાની દાણચોરીનો કેસ ખોલતા એક બાંગ્લાદેશી નાગરિકની ધરપકડ કરી હતી. વિભાગ પાસેથી મળેલી માહિતી અનુસાર, તે દુબઈથી સોનું છુપાવીને ભારતમાં લાવી રહ્યો હતો.  જપ્ત કરાયેલા સોનાની કુલ કિંમત 81.76 લાખ રૂપિયા આંકવામાં આવી છે. 

    (News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)

  • Mumbai Dadar station : લોકલ રેલ યાત્રી ધ્યાન દે.. મધ્ય રેલવે ના આ સ્ટેશનના પ્લેટફોર્મ નંબરમાં કારાયો ફેરફાર; વાંચી લો આ સમાચાર..

    Mumbai Dadar station : લોકલ રેલ યાત્રી ધ્યાન દે.. મધ્ય રેલવે ના આ સ્ટેશનના પ્લેટફોર્મ નંબરમાં કારાયો ફેરફાર; વાંચી લો આ સમાચાર..

       News Continuous Bureau | Mumbai

    Mumbai Dadar station : મધ્ય રેલવેના મુંબઈ વિભાગે ઉપનગરીય ટ્રેન સેવાઓ અને મેલ-એક્સપ્રેસ સેવાઓને સુવ્યવસ્થિત કરવા અને મુસાફરોની સુવિધા વધારવા દાદર સ્ટેશન પર પ્લેટફોર્મ નંબરિંગમાં ફેરફારની જાહેરાત કરી છે. પ્લેટફોર્મ નંબર 10 પ્લેટફોર્મ નંબર ‘9A’ દ્વારા બદલવામાં આવશે અને પ્લેટફોર્મ નંબર ’10A’ પ્લેટફોર્મ નંબર 10 તરીકે ઓળખાશે. આ ફેરફાર બુધવારથી જ લાગુ કરવામાં આવ્યો છે.

    Mumbai Dadar station : અગાઉનો પ્લેટફોર્મ નંબર – નવો પ્લેટફોર્મ નંબર

    10 – 10 A

    9 A – 10

    Mumbai Dadar station : મધ્ય રેલવેના દાદર સ્ટેશનના પ્લેટફોર્મ નંબરમાં ફેરફાર  

    પ્લેટફોર્મના વિશિષ્ટ લેઆઉટ અને લંબાઈને કારણે આ ફેરફારો કરવામાં આવ્યા છે. જ્યારે જૂનું પ્લેટફોર્મ 10 (હવે 9A) નાનું છે, ત્યારે અડીને આવેલ પ્લેટફોર્મ 10A (હવે 10) 22 કોચવાળી ટ્રેનો માટે લાંબુ છે. તેથી, સિંક્રનાઇઝ્ડ જાહેરાત સિસ્ટમ અને વધુ સારી સમજણ માટે નંબરો બદલવામાં આવ્યા છે. મધ્ય રેલવેએ દાદર સ્ટેશનના પ્લેટફોર્મ નંબરોનું નામ બદલવાનો નિર્ણય કર્યો છે. આ નો ઉદ્દેશ્ય મુસાફરો માટે પ્લેટફોર્મ ઓળખને સરળ બનાવવાનો અને સીમલેસ મુસાફરીનો અનુભવ સુનિશ્ચિત કરવાનો છે. તેથી, પ્લેટફોર્મ 10 (જે અગાઉ મેલ/એક્સપ્રેસ અને ઉપનગરીય ટ્રેન બંને સેવા આપતું હતું)નું નામ બદલીને પ્લેટફોર્મ 9A રાખવામાં આવશે અને તે ફક્ત ઉપનગરીય ટ્રેનોને સેવા આપશે, એમ CR અધિકારીએ જણાવ્યું હતું. પ્લેટફોર્મ 10A (જે અગાઉ મેલ/એક્સપ્રેસ અને ઉપનગરીય ટ્રેન બંને સેવા આપતું હતું)નું નામ બદલીને પ્લેટફોર્મ 10 રાખવામાં આવશે. આ પ્લેટફોર્મ હવે ફક્ત મેલ/એક્સપ્રેસ ટ્રેનોને સેવા આપશે, 22 કોચ ટ્રેનો માટે પૂરતી જગ્યા સુનિશ્ચિત કરશે.

    આ સમાચાર પણ વાંચો : Mumbai local train : પીક અવર્સ દરમિયાન આ સ્ટેશન પર મધ્ય રેલવે ખોરવાઈ, લોકલ ટ્રેનો 15થી 20 મિનિટ દોડી રહી છે મોડી..

    Mumbai Dadar station :દાદર સૌથી વ્યસ્ત ઉપનગરીય રેલ્વે સ્ટેશન

    મહત્વનું છે કે દાદર રેલ્વે સ્ટેશન એ સૌથી વ્યસ્ત ઉપનગરીય રેલ્વે સ્ટેશન છે. દાદર સ્ટેશનથી દરરોજ લાખો નાગરિકો મુસાફરી કરે છે. મધ્ય અને પશ્ચિમ રેલ્વે એમ બંને વિભાગોમાંથી નાગરિકો આ સ્ટેશન પર ઉતરે છે. ઉપરાંત, સ્ટેશન પરથી દરરોજ 800 થી વધુ લોકલ અને મેલ એક્સપ્રેસ દોડે છે. વેસ્ટર્ન અને સેન્ટ્રલ બંને લાઇન પરની ટ્રેનો દાદર સ્ટેશન પર ઉભી રહે છે. ઉપરાંત, દાદર વિસ્તારમાં ઘણી ઓફિસો હોવાથી દાદર સ્ટેશન પર રેલવેની મોટાભાગની ભીડ થાય છે. 

  • Mumbai Local mega block : રવિવારે ઘરની બહાર નીકળતા પહેલા વાંચો આ સમાચાર; આ રૂટ પર રહેશે મેગાબ્લોક.. ચેક કરો શેડ્યૂલ

    Mumbai Local mega block : રવિવારે ઘરની બહાર નીકળતા પહેલા વાંચો આ સમાચાર; આ રૂટ પર રહેશે મેગાબ્લોક.. ચેક કરો શેડ્યૂલ

    News Continuous Bureau | Mumbai

    Mumbai Local mega block : મુંબઈ લોકલ દ્વારા મુસાફરી કરતા નાગરિકો માટે મહત્વના સમાચાર છે. રેલવેની ત્રણેય લાઇન પર રવિવારે મેગા બ્લોક લેવામાં આવશે. મધ્ય રેલવેની મુખ્ય અને હાર્બર લાઇન પર એન્જિનિયરિંગ અને મેન્ટેનન્સના કામ માટે અને પશ્ચિમ રેલવે પર ગર્ડર બનાવવાના કામ માટે રવિવારે મેગાબ્લોક રાખવામાં આવશે. તેથી, રવિવાર મુસાફરો માટે કષ્ટદાયક બની શકે છે.

    Mumbai Local mega block : સેન્ટ્રલ રેલવે પર મેગા બ્લોક 

    સેન્ટ્રલ રેલવેના માટુંગા અને મુલુંડ સ્ટેશનો વચ્ચે રવિવારે અપ અને ડાઉન રૂટ પર સવારે 11.05 વાગ્યાથી બપોરે 3.55 વાગ્યા સુધી બ્લોક રહેશે. તેથી, બ્લોક સમયગાળા દરમિયાન માટુંગા અને મુલુંડ વચ્ચેના અપ અને ડાઉન રૂટ પરની લોકલ સેવાઓને એક્સપ્રેસ રૂટ પર ડાયવર્ટ કરવામાં આવશે.  આ લોકલ સાયન, કુર્લા, ઘાટકોપર, વિક્રોલી, ભાંડુપ અને મુલુંડ સ્ટેશન પર રોકાશે. તો વિદ્યાવિહાર, કાંજુરમાર્ગ, નાહૂર સ્ટેશનો પર લોકલ સેવા ઉપલબ્ધ રહેશે નહીં.

    Mumbai Local mega block : હાર્બર રેલવે પર મેગા બ્લોક 

    દરમિયાન હાર્બર લાઇન પર કુર્લા અને વાશી વચ્ચે અપ અને ડાઉન લાઇન પર સવારે 11.10 થી સવારે 4.10 વાગ્યા સુધી મેગા બ્લોક હાથ ધરવામાં આવશે. CSMT થી વાશી/બેલાપુર/પનવેલ અપ અને ડાઉન લોકલ સેવાઓ આ સમયગાળા દરમિયાન રદ કરવામાં આવશે. બ્લોક સમયગાળા દરમિયાન CSMT થી કુર્લા અને કુર્લા થી પનવેલ/વાશી વચ્ચે વિશેષ લોકલ સેવાઓ ચલાવવામાં આવશે. હાર્બર રૂટના મુસાફરોને સવારે 10 થી સાંજના 6 વાગ્યા સુધી થાણેથી વાશી/નેરુલ સ્ટેશનો સુધી મુસાફરી કરવાની પરવાનગી આપવામાં આવી છે.

    આ સમાચાર પણ વાંચો : Mumbai local night block :યાત્રીગણ કૃપયા ધ્યાન દે.. આજે પશ્ચિમ રેલવે પર 12 કલાકનો મેગા બ્લોક; ચેક કરો શેડ્યૂલ..

    Mumbai Local mega block : પશ્ચિમ રેલવે પર મેગા બ્લોક 

    તો બીજી તરફ પુલના પુનઃનિર્માણ માટે જોગેશ્વરી અને ગોરેગાંવ વચ્ચે પશ્ચિમ રેલવે પર અપ અને ડાઉન ધીમી લાઇન પર 12 કલાકનો બ્લોક લેવામાં આવશે. આ બ્લોક શનિવારે મધરાત 11.30 થી રવિવારે સવારે 11.30 વાગ્યા સુધી લેવામાં આવશે. રામ મંદિર ખાતે કોઈ ટ્રેન રોકાશે નહીં કારણ કે બ્લોક સમયગાળા દરમિયાન અપ અને ડાઉન ફાસ્ટ લાઇન પર અંધેરી અને ગોરેગાંવ/બોરીવલી વચ્ચે અપ અને ડાઉન ધીમી લાઇન સેવાઓ ચલાવવામાં આવશે.

    મધ્ય રેલવેથી ઉપડતી તમામ હાર્બર રૂટની સેવાઓ માત્ર અંધેરી સુધી જ ચાલશે. ઉપરાંત, કેટલીક ચર્ચગેટ-ગોરેગાંવ ધીમી લોકલ રદ કરવામાં આવશે અને અંધેરીથી પુનઃસ્થાપિત કરવામાં આવશે.

     

     

     

  • Mumbai local seat jugaad : આને કે’વાય જુગાડી! મુંબઈની લોકલ ટ્રેનમાં સીટ ન મળી તો જબરું ભેજું વાપર્યુ.. જુઓ વિડીયો

    Mumbai local seat jugaad : આને કે’વાય જુગાડી! મુંબઈની લોકલ ટ્રેનમાં સીટ ન મળી તો જબરું ભેજું વાપર્યુ.. જુઓ વિડીયો

     

    News Continuous Bureau | Mumbai

    Mumbai local seat jugaad : મુંબઈ શહેરમાં મોટી મોટી કંપનીઓની હેડ ઓફિસ આવેલી છે જેમાં લાખો લોકો કામ કરે છે. આવી સ્થિતિમાં અહીં મુસાફરી કરવાનું શ્રેષ્ઠ માધ્યમ લોકલ ટ્રેન છે. પરંતુ લોકલ ટ્રેનમાં ભીડને કારણે ઘણા લોકોને બેસવા માટે સીટ મળતી નથી, આવી સ્થિતિમાં લોકો સીટ મેળવવા માટે વિવિધ યુક્તિઓનો આશરો લે છે. આવો જ એક જુગાડ સોશિયલ મીડિયા પર ઝડપથી વાયરલ થઈ રહ્યો છે, જેમાં જોઈ શકાય છે કે એક વ્યક્તિ પોતાની સાથે પોર્ટેબલ સ્ટૂલ લઈને જઈ રહ્યો છે અને ટ્રેનમાં ચઢતાની સાથે જ તે પોતાની બેગમાંથી તેને કાઢીને પોતાના માટે લઈ જાય છે.  

     

     Mumbai local seat jugaad : લોકલમાં સીટ માટે માણસે જુગાડ લગાવ્યો

    ભીડભાડવાળી ટ્રેનમાં સીટ બનાવવાની મુંબઈના લોકલ પેસેન્જરની અનોખી રીત સોશિયલ મીડિયા પર વાયરલ થઈ રહી છે. વિડિયોમાં વ્યક્તિ તેની બેગને અનપેક કરતો જોવા મળે છે, જેમાં એક નાનો પોર્ટેબલ સ્ટૂલ છે જે તે પ્રવાસ માટે લાવ્યો હતો. જેવો તે થેલીમાંથી સ્ટૂલ કાઢે છે, અન્ય મુસાફરો તેની સામે આશ્ચર્યથી જોતા રહે છે, ત્યારબાદ તે ખાલી જગ્યા પર સ્ટૂલ મૂકીને આરામથી બેસી જાય છે. કેમેરા સામે પોઝ આપતી વખતે, વ્યક્તિ ગોગલ્સ પહેરે છે અને યો-યો સ્ટાઇલમાં જોવા મળે છે. આ સમયે તેને ખ્યાલ આવ્યો કે તેનો વીડિયો વાયરલ કરવા માટે લેવામાં આવી રહ્યો છે.

    Mumbai local seat jugaad : તાજેતરમાં, મુસાફરો ટ્રેનમાં ઝૂલા બાંધતા જોવા મળ્યા હતા.

    માત્ર લોકલ ટ્રેનો જ નહીં, આ દિવસોમાં દેશની દરેક ટ્રેનની હાલત આવી જ છે, જ્યાં લોકોની ભીડ એટલી બધી છે કે કેટલાક મુસાફરો ઘરેથી દોરડા લાવીને અને ઝૂલા બનાવીને ટ્રેનમાં સૂઈ રહ્યા છે. હા, હાલમાં જ વાયરલ થયેલા એક વીડિયોમાં એક વ્યક્તિએ ટ્રેનના જનરલ કોચમાં દોરડાની મદદથી સીટ બનાવી અને તેના પર સૂઈ ગયો. આ સિવાય લોકો ટોયલેટથી લઈને ટ્રેનના પોસ્ટલ કોચ સુધી મુસાફરી કરી રહ્યા છે.

    આ સમાચાર પણ વાંચો :  Train Seat Jugaad:  રેલ્વે મુસાફરનો ગજબનો જુગાડ, ખચોખચ ભરેલી ટ્રેનમા સીટ ના મળતા લગાવ્યું આ તિકડમ, જુઓ વિડિયો..

    Mumbai local seat jugaad : લોકોએ લીધી મજા

    સોશિયલ મીડિયા યુઝર્સ વીડિયોને લઈને અલગ-અલગ પ્રકારની પ્રતિક્રિયાઓ આપી રહ્યા છે. એક યુઝરે લખ્યું… અંકલ જી આત્મનિર્ભર ભારતને ગંભીરતાથી લઈ રહ્યા છે. અન્ય યુઝરે લખ્યું…આ ચોક્કસપણે સામાન્ય કેટેગરી જેવું લાગે છે. તો બીજા યુઝરે લખ્યું…અંકલ, ભારત પ્રગતિ કરી રહ્યું છે.

    (News Continuous brings you all the latest breaking news, viral trends and information from social media world, including Twitter, Instagram and Youtube. The above post is embeded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)

  • Air India:એર ઈન્ડિયાને નોન-ક્વોલિફાઈડ ક્રૂ મેમ્બર સાથે ફ્લાઈટ્સ ઓપરેટ કરવી પડી ભારે; DGCAએ કરી મોટી કાર્યવાહી, ફટકાર્યો અધધ આટલા લાખનો દંડ..

    Air India:એર ઈન્ડિયાને નોન-ક્વોલિફાઈડ ક્રૂ મેમ્બર સાથે ફ્લાઈટ્સ ઓપરેટ કરવી પડી ભારે; DGCAએ કરી મોટી કાર્યવાહી, ફટકાર્યો અધધ આટલા લાખનો દંડ..

    News Continuous Bureau | Mumbai

    Air India: નિયમોના ઉલ્લંઘન પર કડક વલણ અપનાવતા ડિરેક્ટોરેટ જનરલ ઓફ સિવિલ એવિએશન ( DGCA ) એ એર ઈન્ડિયા પર 99 લાખ રૂપિયાનો દંડ ફટકાર્યો છે. નોન-ક્વોલિફાઈડ ક્રૂ મેમ્બર સાથે જોડાયેલા આ કેસમાં DGCAએ એર ઈન્ડિયા લિમિટેડ પર 90 લાખ રૂપિયાનો દંડ લગાવ્યો છે. આ સિવાય એર ઈન્ડિયાના ડાયરેક્ટર ઓપરેશન્સ પર 6 લાખ રૂપિયા અને ડાયરેક્ટર ટ્રેનિંગ પર 3 લાખ રૂપિયાનો દંડ પણ લગાવવામાં આવ્યો છે. રેગ્યુલેટરે આ ફ્લાઈટના પાઈલટને કડક ચેતવણી આપી છે અને કહ્યું છે કે ભવિષ્યમાં આવી ભૂલ ન કરવી જોઈએ.

    Air India: DGCAએ આને ખૂબ જ ગંભીર સુરક્ષા ક્ષતિ ગણાવી 

    ડાયરેક્ટોરેટ જનરલ ઓફ સિવિલ એવિએશન ( ડીજીસીએ ) એ જણાવ્યું હતું કે એર ઈન્ડિયા લિમિટેડે એક ફ્લાઇટનું સંચાલન કર્યું હતું જેનું સંચાલન નોન-ટ્રેનર લાઇન કેપ્ટન અને નોન-લાઇન-રિલીઝ્ડ ફર્સ્ટ ઓફિસર દ્વારા કરવામાં આવ્યું હતું. DGCAએ આને ખૂબ જ ગંભીર સુરક્ષા ક્ષતિ ગણાવી અને કહ્યું કે તેના ગંભીર પરિણામો આવી શકે છે. આ મામલો 10 જુલાઈ, 2024 ના રોજ એર ઈન્ડિયા દ્વારા સબમિટ કરવામાં આવેલા સ્વૈચ્છિક અહેવાલ દ્વારા DGCA પાસે આવ્યો હતો. રેગ્યુલેટરે સંજ્ઞાન લીધું હતું અને એર ઈન્ડિયાની કામગીરીની સંપૂર્ણ તપાસ હાથ ધરી હતી, જેમાં દસ્તાવેજોની સમીક્ષા અને એર ઈન્ડિયા શેડ્યુલિંગ સુવિધાની સ્પોટ ચેકનો સમાવેશ થાય છે. તપાસ બાદ, પ્રથમ દૃષ્ટિએ ઘણા પ્રકારની ખામીઓ જોવા મળી હતી અને ઘણા પોસ્ટ હોલ્ડરો અને સ્ટાફ તરફથી નિયમનકારી નિયમોનું ઉલ્લંઘન જોવા મળ્યું હતું, જેના કારણે સલામતીને અસર થઈ શકે છે.

    આ સમાચાર પણ વાંચોઃ PM Modi in Ukraine: પીએમ મોદી પહોંચ્યા યુક્રેન, ઝેલેન્સકી સાથે કરી મુલાકાત; લગાવ્યા ગળે, ખભે મુક્યો હાથ.. જુઓ વિડીયો

    Air India: કારણ બતાવો નોટિસ જારી કરવામાં આવી 

    DGCA મંજૂર એર ઈન્ડિયાના ફ્લાઈટ કમાન્ડર અને પોસ્ટ ધારકોને કારણ બતાવો નોટિસ જારી કરવામાં આવી હતી અને 22 જુલાઈ 2024ના રોજ તેમના મંતવ્યો રજૂ કરવાની તક આપવામાં આવી હતી. જોકે, ડીજીસીએ તેમના જ્વાબથી સંતુષ્ટ નથી. આ પછી, DGCA એ નિયમો અને કાયદા હેઠળ અમલીકરણ કાર્યવાહી કરી છે અને દંડ લાદ્યો છે.

    એર ઈન્ડિયા અગાઉ જાહેર ક્ષેત્રની એરલાઈન હતી જેને ટાટા ગ્રુપ દ્વારા જાન્યુઆરી 2022માં ખરીદવામાં આવી હતી.

     

     

  • Plane crash: કાઠમંડુમાં એરપોર્ટ પર થયું પ્લેન ક્રેશ, પછી ફાટી નીકળી ભીષણ આગ.. 19 મુસાફરો સવાર હતા; જુઓ વિડીયો

    Plane crash: કાઠમંડુમાં એરપોર્ટ પર થયું પ્લેન ક્રેશ, પછી ફાટી નીકળી ભીષણ આગ.. 19 મુસાફરો સવાર હતા; જુઓ વિડીયો

     News Continuous Bureau | Mumbai

     Plane crash: ભારતના પાડોશી દેશ નેપાળ ( Nepal ) માં એક મોટો અકસ્માત થયો છે. નેપાળની રાજધાની કાઠમંડુ ( Kathmandu ) માં  ટેકઓફ દરમિયાન એક પ્લેન ક્રેશ ( Plan crash ) થયું છે. આ પ્લેનમાં 19 લોકો સવાર હતા. કાઠમંડુ પોસ્ટ અનુસાર, કાઠમંડુના ત્રિભુવન ઈન્ટરનેશનલ એરપોર્ટ ( Tribhuvan International Airport )  પર ટેકઓફ કરતી વખતે સૂર્યા એરલાઈન્સ ( Surya Airlines ) નું એક વિમાન ક્રેશ થયું હતું. સવારે લગભગ 11 વાગ્યે પ્લેન ક્રેશ થયું હતું. 

     Plane crash: બચાવ કામગીરી ચાલુ

    હાલ પોલીસ અને ફાયર વિભાગના જવાનો અકસ્માત સ્થળે બચાવ કામગીરી ( Rescue Operation ) કરી રહ્યા છે. અકસ્માત બાદ સમગ્ર વિસ્તારમાં ધુમાડો ફેલાઈ ગયો છે. જોકે આ અકસ્માતમાં હજુ સુધી કોઈના મોતના સમાચાર નથી. ઘટના સ્થળેથી બહાર આવેલી તસ્વીરોમાં ધુમાડાના ગોટેગોટા ઉડતા જોવા મળી રહ્યા છે.

     ટેકઓફ દરમિયાન પ્લેન રનવે પરથી સરકી ગયું  

    વિમાન દુર્ઘટના થતાં જ તેમાં બેઠેલા મુસાફરોના જીવ તાળવે ચોંટી ગયા હતા. કાઠમંડુ પોસ્ટ અનુસાર, રાજધાનીના ત્રિભુવન ઈન્ટરનેશનલ એરપોર્ટ પર સૌર્ય એરલાઈન્સના પ્લેનમાં આ અકસ્માત થયો હતો. એરપોર્ટના સૂત્રોને ટાંકીને કાઠમંડુ પોસ્ટે લખ્યું છે કે ટેક-ઓફ દરમિયાન પ્લેન રનવે પરથી સરકી ગયું હતું, જેના કારણે આ અકસ્માત થયો હતો. આ વિમાન કાઠમંડુથી પોખરા જઈ રહ્યું હતું અને તેમાં કુલ 19 લોકો સવાર હતા. તે જ સમયે, દુર્ઘટના પછી, પ્લેનમાં આગ લાગી અને આકાશમાં ધુમાડાના વિશાળ વાદળો છવાઈ ગયા. દુર્ઘટનાને કારણે પ્લેનમાં લાગેલી આગને ઓલવવા માટે અગ્નિશમન દળ અને સુરક્ષા કર્મચારીઓની ટીમ તૈનાત કરવામાં આવી છે.

    આ સમાચાર પણ વાંચો  : Mumbai Local : મધ્ય રેલવેની માઠી બેઠી! આજે આ સ્ટેશન પર ઓવરહેડ વાયર તૂટ્યો; મુસાફરો રેલવે ટ્રેક પર ચાલવા મજબૂર. જુઓ વિડીયો

    (News Continuous brings you all the latest breaking news, viral trends and information from social media world, including Twitter, Instagram and Youtube. The above post is embeded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)

  • Fake power Bank : શુ તમે ટ્રેનમાં કે રોડ પરથી ઇલેક્ટ્રિક વસ્તુઓ ખરીદો છો? જરૂર જુઓ આ વિડિયો; નહીં તો પસ્તાશો..

    Fake power Bank : શુ તમે ટ્રેનમાં કે રોડ પરથી ઇલેક્ટ્રિક વસ્તુઓ ખરીદો છો? જરૂર જુઓ આ વિડિયો; નહીં તો પસ્તાશો..

     News Continuous Bureau | Mumbai

    Fake power Bank : મુંબઈની લોકલ ટ્રેન હોય કે એક્સપ્રેસ ટ્રેન, આપણે મોટાભાગે વિક્રેતાઓ અને હોકરોને નાની વસ્તુઓનું વેચાણ કરતા જોઈએ છીએ. મોબાઈલ ફોનના કવરથી લઈને ખાણીપીણીની વસ્તુઓ અને મેકઅપ પ્રોડક્ટ્સથી લઈને ઈલેક્ટ્રીકલ વસ્તુઓ સુધી, આ હોકર્સ ઘણી વસ્તુઓ વેચતા જોવા મળે છે. પરંતુ આ વિક્રેતાઓ દ્વારા વેચાતી વસ્તુઓ ખરેખર સારી ગુણવત્તા અને ઓરિજિનલ હોતી નથી. હાલમાં જ કંઈક આવું જ પ્રકાશમાં આવ્યું છે અને આ ઘટનાનો વીડિયો સોશિયલ મીડિયા પર વાયરલ થઈ રહ્યો છે. વીડિયોમાં જોવા મળે છે કે ટ્રેનમાં મુસાફરી કરી રહેલા એક મુસાફરે હોકર પાસેથી પાવર બેંક ખરીદ્યા બાદ તે પાવર બેંકમાંથી શું નીકળ્યું તે જોઈને ગ્રાહક ગુસ્સે થઈ ગયો.

    Fake power Bank :વીડિયોમાં શું છે?

    સંકોટ હેન્ડલ પરથી એક વીડિયો પોસ્ટ કરવામાં આવ્યો છે. આ વિક્રેતા કથિત રીતે ચાલતી ટ્રેનમાં ઉચ્ચ ગુણવત્તાની પાવર બેંકો વેચે છે. તે ખૂબ જોરથી બૂમો પાડતો જોવા મળે છે અને કહે છે કે આ પાવર બેંક કેટલી સારી છે. વિક્રેતા દાવો કરી રહ્યો છે કે આ પાવર બેંક એક વખત ચાર્જ કર્યા બાદ મોબાઈલને ઘણી વખત ચાર્જ કરી શકે છે.

    Fake power Bank : ગ્રાહક પાવર બેંક ખોલે છે અને…

    દરમિયાન ઉપરની બર્થ પર બેઠેલો એક મુસાફર વેચનારને જુએ છે અને તેની પાસેથી કેટલીક પાવર બેંક લે છે. આ પાવર બેંક પર બ્રાન્ડેડ કંપનીઓના નામ લખેલા જોવા મળે છે. એક ગ્રાહક આ વિક્રેતા સાથે કોઈ અન્ય બ્રાન્ડ વિશે પૂછપરછ કરે છે.  ત્યારે વિક્રેતા કહે છે કે તેની પાસે 500 થી 550 રૂપિયાની રેન્જમાં ઘણી પાવર બેંક છે. તે પછી તે પેસેન્જરને 300 રૂપિયામાં પાવર બેંક આપવા સંમત થાય છે. જ્યારે ગ્રાહક આ પાવર બેંકને તેના હાથમાં પકડીને તેને તપાસે છે, ત્યારે તે પાવર બેંક ખોલે છે અને અંદર માત્ર એક સર્કિટ દેખાય છે. ગ્રાહક નોંધે છે કે પાવર બેંકને વાસ્તવિક દેખાવા માટે અને તેને ભારે લાગે તે માટે તેની અંદર માટી ભરેલી છે. ગ્રાહક વિક્રેતાને રંગે હાથે પકડે છે.

    આ સમાચાર  પણ વાંચો : Mumbai IIT Bombay: IIT બોમ્બેમાં નાટક દરમિયાન ભગવાન રામ અને સીતાનું અપમાન, વિદ્યાર્થીઓ સામે થઇ મોટી કાર્યવાહી; ફટકારાયો મસમોટો દંડ..

    Fake power Bank :સત્ય બહાર આવ્યા પછી…

    જ્યારે વિક્રેતાને આ વિશે પૂછવામાં આવે છે, ત્યારે તે ગ્રાહકના હાથમાંથી આ પાવર બેંક છીનવાનો પ્રયાસ કરે છે. વિક્રેતા અકળાવા લાગે છે અને વીડિયો શૂટ ન કરવા કહે છે. એટલું જ નહીં વિક્રેતા ગ્રાહકના હાથમાંથી મોબાઈલ ફોન ખેંચવાનો પ્રયાસ કરતો જોવા મળે છે. આ વીડિયો હાલ સોશિયલ મીડિયા પર વાયરલ થઈ રહ્યો છે.

    ઘણાએ પોતાનો રોષ વ્યક્ત કર્યો હતો

    આ વીડિયો પર ઘણા લોકોએ પોતાનો ગુસ્સો વ્યક્ત કર્યો છે. ઘણાએ કહ્યું છે કે આ રીતે સામાન્ય માણસ જેને બહુ ખબર નથી તે છેતરાય છે. અન્ય એક યુસર રેલવેમાં આવી વસ્તુઓ ખરીદતી વખતે સાવચેત રહેવાની સલાહ આપે છે. કોઈએ આ પ્રકારને ‘સ્કેમ 2024’ ગણાવ્યો છે. તો અન્ય એક એ કટાક્ષ કર્યો, ‘અમને આ વિક્રેતાનો વિશ્વાસ ગમે છે.’ એકે કહ્યું છે ‘સાવધાન રહો, સચેત રહો’.

    (News Continuous brings you all the latest breaking news, viral trends and information from social media world, including Twitter, Instagram and Youtube. The above post is embeded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)

  • Air India DGCA : એર ઇન્ડિયાની ફ્લાઇટ ડીલે, 8 કલાક સુધી AC બંધ; યાત્રીઓના હાલ બેહાલ.. DGCA કરી મોટી કાર્યવાહી..

    Air India DGCA : એર ઇન્ડિયાની ફ્લાઇટ ડીલે, 8 કલાક સુધી AC બંધ; યાત્રીઓના હાલ બેહાલ.. DGCA કરી મોટી કાર્યવાહી..

     News Continuous Bureau | Mumbai 

     Air India DGCA : ડિરેક્ટોરેટ જનરલ ઓફ સિવિલ એવિએશન (Directorate General of Civil Aviation)  (DGCA) એ એર ઈન્ડિયાને કારણ બતાવો નોટિસ જાહેર કરી છે. DGCAએ એર ઈન્ડિયાને બે ઈન્ટરનેશનલ ફ્લાઈટ્સમાં વધુ પડતા વિલંબ અને મુસાફરોની યોગ્ય કાળજી લેવામાં નિષ્ફળતા બદલ આ કાર્યવાહી કરી છે. ડીજીસીએએ નોટિસમાં જણાવ્યું છે એર ઈન્ડિયા મુસાફરોની કાળજી લેવામાં વારંવાર નિષ્ફળ રહી છે. તે એરલાઈન્સ દ્વારા મુસાફરોને આપવામાં આવતી સુવિધાઓની જોગવાઈઓનું પણ પાલન કરી રહી નથી. એર ઈન્ડિયાએ સમજાવવું પડશે કે તેની સામે પગલાં કેમ ન લેવા જોઈએ.

     Air India DGCA :લગભગ છ કલાક વિલંબિત થઈ હતી

    રિપોર્ટ અનુસાર, બોઈંગ 777 એરક્રાફ્ટમાં લગભગ 200 મુસાફરો સવાર હતા, જે ફ્લાઈટ AI 183 ઓપરેટ કરવાની હતી. ફ્લાઇટ મૂળ રૂપે ગુરુવારે લગભગ 15:30 વાગ્યે ઉપડવાની હતી, પરંતુ શુક્રવાર માટે ફરીથી શેડ્યૂલ કરવામાં આવતા પહેલા લગભગ છ કલાક વિલંબિત થઈ હતી. સાન ફ્રાન્સિસ્કો જતી એર ઈન્ડિયાની ફ્લાઈટના મુસાફરોને વધુ પડતા વિલંબને કારણે ભારે હાલાકીનો સામનો કરવો પડ્યો હતો. વિમાનની એર કન્ડીશનીંગ સિસ્ટમ કામ ન કરવાને કારણે કેટલાક મુસાફરો બેહોશ થઈ ગયા હતા. એક મુસાફરના કહેવા પ્રમાણે, AI 183 ફ્લાઈટના મુસાફરોને એરોબ્રિજમાં પણ લગભગ એક કલાક રાહ જોવી પડી હતી.

     Air India DGCA : એર કન્ડીશનીંગ સિસ્ટમ નિષ્ફળ

    પ્રથમ, તકનીકી ખામીને કારણે, પ્લેનને ડાયવર્ટ કરવામાં આવ્યું હતું અને મુસાફરો બીજા પ્લેનમાં ચડ્યા હતા, જેમાં એર કંડિશનિંગ સિસ્ટમ કામ કરતી ન હતી અને પરિણામે પ્લેનમાં સવાર કેટલાક લોકો બેહોશ થઈ ગયા હતા, એમ એક મુસાફરે જણાવ્યું હતું. વિમાનમાં વૃદ્ધ લોકો અને બાળકો હતા, જેઓ અસ્વસ્થતા અનુભવી રહ્યા હતા. બાદમાં, ફ્લાઇટને ગુરુવારે લગભગ 22:00 કલાકે ફરીથી શેડ્યૂલ કરવામાં આવી હતી, તેમણે જણાવ્યું હતું. તેમના જણાવ્યા અનુસાર, પ્રસ્થાનનો સુધારેલ સમય લગભગ 20:00 કલાકનો હતો અને મુસાફરો લગભગ 19:20 કલાકે વિમાનમાં સવાર થયા હતા. એર કંડિશનિંગ સિસ્ટમ કાર્યરત ન હોવાથી મુસાફરો પરેશાન થઈ ગયા હતા અને લગભગ એક કલાક બાદ બહાર આવ્યા હતા. તેમણે કહ્યું કે એરપોર્ટ પર પાછા જવા માટે ગેટ ખોલતા પહેલા મુસાફરોને એરોબ્રિજ પર લગભગ એક કલાક રાહ જોવી પડી હતી.

    આ સમાચાર  પણ વાંચો:  Nagpur Temperature: સેન્સરને પણ ગરમી લાગી ગઈ? દિલ્હી બાદ મહારાષ્ટ્રના આ શહેરમાં તાપમાન 56 ડિગ્રીએ પહોંચ્યું! નાગરિકો મૂંઝવણમાં..

     Air India DGCA : એન્જિનિયરિંગ તપાસ

    એરલાઇનના અધિકારીએ જણાવ્યું હતું કે પ્લેનમાં ટેકનિકલ સમસ્યા સર્જાઈ હતી અને એન્જિનિયરિંગ તપાસ કરવામાં આવી હતી. અધિકારીએ કહ્યું કે વિલંબને કારણે ક્રૂએ ફ્લાઇટ ડ્યુટી ટાઇમ લિમિટ (FDTL) વટાવી દીધી હતી અને જો પ્લેન ટેક ઓફ કર્યું હોત તો તે સાન ફ્રાન્સિસ્કો પહોંચી ગયું હોત, કારણ કે ત્યાં નાઇટ લેન્ડિંગ પર પ્રતિબંધ છે.

    એક અધિકારીએ જણાવ્યું કે નાગરિક ઉડ્ડયન મંત્રી જ્યોતિરાદિત્ય સિંધિયાએ ફ્લાઈટ્સમાં વિલંબ અને મુસાફરોને પડતી અસુવિધાના મુદ્દા પર ધ્યાન આપ્યું છે. જે બાદ એર ઈન્ડિયાને કારણ બતાવો નોટિસ મોકલવામાં આવી છે.

  • Singapore Airlines: સિંગાપોર ફ્લાઇટમાં ટર્બુલન્સ, ત્રણ મિનિટમાં ફ્લાઇટ 6000 ફૂટ નીચે ઉતરી, મુસાફરો થયા ઘાયલ. જુઓ વિડીયો

    Singapore Airlines: સિંગાપોર ફ્લાઇટમાં ટર્બુલન્સ, ત્રણ મિનિટમાં ફ્લાઇટ 6000 ફૂટ નીચે ઉતરી, મુસાફરો થયા ઘાયલ. જુઓ વિડીયો

    News Continuous Bureau | Mumbai 

    Singapore Airlines: લંડનથી સિંગાપોર જતી ફ્લાઈટમાં ટર્બ્યુલન્સ ને કારણે એક વ્યક્તિનું મોત થયું હતું અને અનેક ઘાયલ થયા હતા. લંડનથી સિંગાપોર જઈ રહેલા બોઈંગ 777-300ERનું બેંગકોકના સુવર્ણભૂમિ એરપોર્ટ પર ઈમરજન્સી લેન્ડિંગ કરવામાં આવ્યું હતું. ફ્લાઈટમાં બેઠેલા લોકોએ જણાવ્યું કે પ્લેન અચાનક નીચેની તરફ પડવા લાગ્યું. ડગમગવા લાગ્યું. જેના કારણે કેબિનની આસપાસ ઘણી વસ્તુઓ વેરવિખેર થવા લાગી હતી. લોકો પોતાની સીટ પરથી નીચે પડવા લાગ્યા.

     Singapore Airlines: ઘાયલોના માથા અને કાનમાંથી લોહી વહેવા લાગ્યું 

    પ્રારંભિક અહેવાલો  મુજબ લંડનના હીથ્રો એરપોર્ટ પરથી ઉડાન ભર્યાના અગિયાર કલાક પછી, વિમાન (મ્યાનમાર) બર્મીઝ એરસ્પેસની અંદર 37,000 ફીટ પર ખરાબ હવામાનને કારણે એર ટર્બ્યુલન્સમાં અટવાઈ ગયું. જેના કારણે અરાજકતા સર્જાઈ હતી. અને વિમાનમાંની વસ્તુઓ અહીં અને ત્યાં ઉડવા લાગી. વિમાનને અનેક આંચકાઓ લાગ્યા હતા. આ ઘટનાને કારણે પ્લેનમાં બેઠેલા દરેક પેસેન્જરે મોતને નજીકથી જોયું. ત્રણ મિનિટમાં વિમાન 6,000 ફૂટ નીચે ઉતર્યું, જેમાં એક વૃદ્ધ બ્રિટિશ વ્યક્તિનું મૃત્યુ થયું અને બે ડઝનથી વધુ મુસાફરો ઘાયલ થયા. ઘાયલોના માથા અને કાનમાંથી લોહી વહેવા લાગ્યું હતું.

    આ સમાચાર  પણ વાંચો:  હર હર મહાદેવ… બાબા કેદારનાથ હવે આટલા કલાક શ્રદ્વાળુઓને આપશે દર્શન..

     Singapore Airlines: મુસાફર ગંભીર રીતે ઘાયલ 

     યોજના મુજબ ફ્લાઇટ બપોરે 3.40 વાગ્યે સિંગાપોરમાં લેન્ડ થવાની હતી. જોકે, મુસાફર ગંભીર રીતે ઘાયલ થતાં તેનું ઈમરજન્સી લેન્ડિંગ કરવું પડ્યું હતું. પ્લેન ઈમરજન્સી બાદ તરત જ એમ્બ્યુલન્સ એરપોર્ટ પર પહોંચી ગઈ હતી અને ઘાયલોને નજીકની હોસ્પિટલમાં દાખલ કરવામાં આવ્યા છે. સિંગાપોર એરલાઈન્સના જણાવ્યા અનુસાર આ ઘટનામાં એક વ્યક્તિનું મોત થયું છે. એરલાઈને પણ મૃતક મુસાફરના પરિવાર પ્રત્યે સંવેદના વ્યક્ત કરી છે. એરલાઈને માહિતી આપી છે કે તમામ મુસાફરોને પૂરતી સહાય આપવામાં આવી રહી છે.

     

     Singapore Airlines: વિમાનમાં 211 મુસાફરો સવાર હતા

    ભારતીય સમય અનુસાર બપોરે 2.15 વાગ્યે ફ્લાઇટને બેંગકોક ડાયવર્ટ કરવામાં આવી હતી. તેણે ત્યાં સુવર્ણભૂમિ એરપોર્ટ પર ઈમરજન્સી લેન્ડિંગ કરાવ્યું હતું. પ્લેનમાં શૂન્યાવકાશની અસરને કારણે કેટલીક જગ્યાએ પ્લેનની છત પડી ગઈ છે. હવાઈ ​​મુસાફરીમાં આવી હવામાન પરિસ્થિતિઓ અપવાદરૂપે જોવા મળે છે. પ્લેનમાં કુલ 211 મુસાફરો અને 18 ક્રૂ મેમ્બર હતા. 

    (News Continuous brings you all the latest breaking news, viral trends and information from social media world, including Twitter, Instagram and Youtube. The above post is embeded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)