Tag:

project

રાજ્ય

Recharge Well Project :મુખ્યમંત્રી ભૂપેન્દ્ર પટેલે બનાસકાંઠા જિલ્લા ખાતેથી કૂવા રિચાર્જ અભિયાનનો પ્રારંભ કરાવ્યો

by kalpana Verat May 31, 2025

written by kalpana Verat

News Continuous Bureau | Mumbai

Recharge Well Project :

* વડાપ્રધાનશ્રીએ જન બળ, જન શક્તિને દેશના વિકાસમાં જોડવાની અને સૌના સાથ, સૌના વિકાસની પરંપરા વિકસાવી છે.
* ‘સીમનું પાણી સીમમાં, ગામનું પાણી ગામમાં’ રહે તેવા મંત્ર સાથે જળ સંચયના કાર્યો કરીએ
* પાણી બચાવવું એ આપણા સૌની ફરજ: આપણી સનાતન સંસ્કૃતિમાં પાણીને પરમેશ્વરનો પ્રસાદ અને નદીઓને માતાનું સ્થાન મળ્યું
* વિકસિત ભારત માટે પ્રકૃતિના સંરક્ષણને, રાષ્ટ્રપ્રેમને, જન જાગૃતિને અને ભવિષ્યની પેઢી પ્રત્યેની જવાબદારીને જોડતા સંકલ્પો પૂર્ણ કરીએ
બનાસકાંઠા જિલ્લામાં ડાર્ક ઝોનની મુશ્કેલી દૂર કરવા વડાપ્રધાનશ્રી નરેન્દ્રભાઈના માર્ગદર્શનમાં કામ શરૂ કરવામાં આવ્યું છે :કેન્દ્રીય જળશક્તિ મંત્રીશ્રી સી.આર.પાટીલ
વડાપ્રધાનશ્રી નરેન્દ્રભાઈ મોદીએ બનાસને હંમેશા નવો રાહ ચીંધ્યો છે – અધ્યક્ષશ્રી શંકરભાઈ ચૌધરી

વડાપ્રધાનશ્રી નરેન્દ્રભાઈ મોદીની પ્રેરણા હેઠળ ભારત સરકારના જળ શક્તિ મંત્રાલય દ્વારા અમલમાં મૂકાયેલ “જળ શક્તિ અભિયાન: કેચ ધ રેઇન – ૨૦૨૫” અભિયાન અંતર્ગત બનાસકાંઠા જિલ્લામાં “જળ સંચય જન ભાગીદારી” અભિગમને કેન્દ્રમાં રાખી રિચાર્જ કૂવા નિર્માણના કાર્યનો આજથી શુભારંભ થયો છે.

વડાપ્રધાનશ્રીના માર્ગદર્શનમાં શરૂ થયેલા “કેચ ધ રેઈન” અભિયાન અંતર્ગત જળ સંચય જન ભાગીદારી નેમ સાથે મુખ્યમંત્રી શ્રી ભૂપેન્દ્ર પટેલે કેન્દ્રીય જળ શક્તિ મંત્રીશ્રી સી.આર.પાટીલ, વિધાનસભાના અધ્યક્ષશ્રી શંકરભાઈ ચૌધરી સહિત મંત્રીશ્રીઓ અને મહાનુભાવોની વિશેષ ઉપસ્થિતિમાં બનાસકાંઠા જિલ્લાના દાંતીવાડા તાલુકાના ચોડુંગરી ગામ ખાતેથી રિચાર્જ કુવા નિર્માણનો શુભારંભ કરાવ્યો હતો. મુખ્યમંત્રીશ્રી અને મહાનુભાવોએ જે.સી.બી અને ટ્રેકટરને લીલીઝંડી આપીને પ્રસ્થાન કરાવીને રિચાર્જ કુવાનું ઉદ્દઘાટન કર્યું હતું.

મુખ્યમંત્રી શ્રી ભૂપેન્દ્ર પટેલે કહ્યું કે, વડાપ્રધાનશ્રી નરેન્દ્રભાઇ મોદીએ જનબળ એટલે કે, જનશક્તિને દેશના વિકાસમાં જોડવાની અને સૌના સાથ, સૌના વિકાસની પરંપરા વિકસાવી છે. ગુજરાતના આજના સર્વગ્રાહી વિકાસના મૂળમાં વડાપ્રધાનશ્રીએ જળશક્તિ, જનશક્તિ, ઊર્જાશક્તિ, રક્ષાશક્તિ અને જ્ઞાન શક્તિનો આપેલો વિચાર છે. વડાપ્રધાનશ્રી હંમેશા કહે છે કે, પાણી એ વિકાસની પહેલી શરત છે. શ્રી નરેન્દ્રભાઇએ જ્યારે મુખ્યમંત્રી પદ સંભાળ્યું ત્યારે ગુજરાતમાં ન તો પૂરતી વીજળી હતી કે ન પૂરતું પાણી. આપત્તિને અવસરમાં અને પડકારોને તકમાં પલટાવવાનું સામર્થ્યશ્રી નરેન્દ્રભાઇએ આપણામાં કેળવ્યું છે. તેમણે જળ સમસ્યાના નિવારણ માટે જનશક્તિને જળસંગ્રહ, જળસંચય, ચેકડેમ-બંધારાના વિરાટ અભિયાનમાં જોડી. તેના પરિણામે ગુજરાત વોટર ડેફિસીટ સ્ટેટમાંથી વોટર સરપ્લસ સ્ટેટ બન્યું. વડાપ્રધાનશ્રીએ આપણને પાણી આવે તે પહેલા પાળ બાંધી લેવાની દિશા આપી છે. એમ પણ મુખ્યમંત્રીશ્રીએ કહ્યુ હતું.

દાંતીવાડા ચોડુંગરી ખાતે જળસંચય જનભાગીદારી અભિયાન હેઠળ રિચાર્જ કૂવા નિર્માણનો માનનીય મુખ્યમંત્રી શ્રી ભુપેન્દ્રભાઈ પટેલજીના વરદ હસ્તે અને માનનીય કેન્દ્રીય મંત્રી શ્રી સી.આર.પાટીલજી તેમજ ગુજરાત વિધાનસભા અધ્યક્ષ શ્રી માનનીય શંકરભાઈ ચૌધરીજીની વિશેષ ઉપસ્થિતિમાં શુભારંભ કરાવ્યો. pic.twitter.com/DvpWIYDza3

— Kirtisinh Vaghela (Modi Ka Parivar) (@kpvaghelabjp) May 30, 2025

સમગ્ર દેશમાં ભૂગર્ભ જળના તળ ઊંચા લાવી શકાય તેવા ઉમદા હેતુથી વડાપ્રધાનશ્રીએ ૨૦૧૯માં રાષ્ટ્રવ્યાપી જળશક્તિ અભિયાનનો પ્રારંભ કરાવ્યો છે. વડાપ્રધાનશ્રીના માર્ગદર્શનમાં દેશભરમાં જનભાગીદારીથી જળસંચયના કામો ઉપાડ્યાં છે. બનાસકાંઠામાં ભૂગર્ભ જળના તળ ઊંચા લાવવા રાજ્ય સરકારે લગભગ ૫૦ હજાર રિચાર્જ કૂવા બનાવવાનું આયોજન હાથ ધર્યું છે. એમાં બનાસ ડેરીના સહયોગથી ૨૫ હજાર રિચાર્જ કૂવા બનવાના છે. બનાસ ડેરીની આ પ્રતિબદ્ધતા માટે મુખ્યમંત્રીએ શ્રી શંકરભાઈ ચૌધરી અને તેમની ટીમને અભિનંદન પાઠવ્યા હતા.

વડાપ્રધાન શ્રી નરેન્દ્રભાઈ મોદીએ ‘સીમનું પાણી સીમમાં, ગામનું પાણી ગામમાં’ રહે તેવો મંત્ર આપીને રાજ્યમાં તમામ સ્તરે જળ સંચયના કામો જનભાગીદારીથી શરૂ કરાવ્યા છે.

ચોમાસાના વહી જતાં પાણીને જળ સંચય અને જળ વ્યવસ્થાપનના પ્રયાસોથી અટકાવીને જમીનમાં ઉતારીને ભૂગર્ભ જળસ્તર ઉંચા લાવવા, સિંચાઇ વ્યવસ્થા વધુ સુદ્રઢ કરવા, ખેત ઉત્પાદનમાં વધારો કરવાના મુખ્ય ઉદ્દેશ સાથે આપણે કૂવા રિચાર્જ નિર્માણ માટેનું અભિયાન શરૂ કર્યું છે. તેમ શ્રી ભૂપેન્દ્ર પટેલે ઉમેર્યુ હતુ.

મુખ્યમંત્રીશ્રીએ જણાવ્યું કે, આપણી સનાતન સંસ્કૃતિમાં પાણીને પરમેશ્વરનો પ્રસાદ અને નદીઓને માતાનું સ્થાન મળ્યું છે. એટલું જ નહીં, કૃષિના ઋષિ એવા ખેડૂતો કૃષિક્રાંતિ કરી શકે તે માટે પણ જળસિંચન મહત્વનું અંગ છે. પ્રાકૃતિક ખેતી- સૌ સમસ્યાઓનું સમાધાન છે. રાજ્યમાં પૂરતું પાણી મળવાથી ખેતી અને ખેત ઉત્પાદન પણ વધ્યાં છે. આપણે ખેતીને વધુ સમૃદ્ધ બનાવવા રાસાયણ ખાતર મુક્ત ખેતી, પ્રાકૃતિક ખેતી પર ફોકસ કર્યું છે. રાસાયણિક ખાતરના ઉપયોગથી જમીન અને માનવી બન્નેનું સ્વાસ્થ્ય બગડે છે. આજે નાની વયે બી.પી, સુગર, હાર્ટઅટેક જેવા ગંભીર રોગોનું પ્રમાણ વધી રહ્યું છે.વડાપ્રધાનશ્રીએ આ સ્થિતિ સુધારવા માટે ‘બેક ટુ બેઝિક’ નો મંત્ર આપ્યો છે. અને પ્રાકૃતિક ખેતીની મૂહિમ ઉપાડી છે.

વડાપ્રધાનશ્રી નરેન્દ્રભાઈ મોદીએ વિકસિત ભારત માટે પ્રકૃતિના સંરક્ષણને, રાષ્ટ્રપ્રેમને, જનજાગૃતિને અને ભવિષ્યની પેઢી પ્રત્યેની જવાબદારીને પણ જોડતા સંકલ્પો આપણને આપ્યા છે. પર્યાવરણને અનુકૂળ રહીને સર્વાંગી વિકાસનો માર્ગ ચીંધી તેમણે જળ સંચયની સાથે ગ્રીનકવર વધારવા માટે ‘એક પેડ માં કે નામ’ જેવા જન અભિયાન શરૂ કરાવ્યા છે. વોકલ ફોર લોકલના મંત્રથી સ્વદેશી ઉત્પાદનને વેગ આપવાનો રાહ પણ વડાપ્રધાનશ્રીએ ચીંધ્યો છે. પ્રાકૃતિક ખેતીને અપનાવી ભવિષ્યની પેઢીના સ્વાસ્થ્યને જાળવવાની દિશા તેમણે દર્શાવી છે. આવા સંકલ્પો દ્વારા વિકસિત ભારત@૨૦૪૭ના નિર્માણનું તેમણે આહવાન કર્યુ છે. આજનો આ જળસંચય માટેનો આપણો પ્રયાસ આવનારી પેઢીને વધુ જળ સુરક્ષા પૂરી પાડશે એવો વિશ્વાસ મુખ્યમંત્રીશ્રીએ વ્યક્ત કર્યો હતો.

આ સમાચાર પણ વાંચો : Trump Tariff War : અમેરિકી રાષ્ટ્રપતિ ડોનાલ્ડ ટ્રમ્પે વધુ એક ટેરિફ બોમ્બ ફોડ્યો, સ્ટીલ અને એલ્યુમિનિયમની આયાત પર આટલો ગણો વધાર્યો ટેરિફ…

મુખ્યમંત્રી શ્રી ભૂપેન્દ્ર પટેલે ઓપરેશન સિંદૂરની જ્વલંત સફળતા માટે વિશ્વ નેતા અને યશસ્વી વડાપ્રધાનશ્રી નરેન્દ્રભાઈ મોદી તથા દેશની સૈન્ય શક્તિને અભિનંદન પાઠવીને જણાવ્યું હતું કે, આ ઓપરેશનની સફળતાથી આપણા સૈન્યબળની બહાદુરી અને શૌર્યને દેશભરનું જનબળ તિરંગા યાત્રાથી બિરદાવી રહ્યું છે. ત્યારે આપણે સૌ પણ દેશના જવાનોનું ભારત માતા કી જયના નારાથી સન્માન કરીએ એમ ગર્વભેર જણાવ્યું હતું.

કેન્દ્રીય જળશક્તિ મંત્રીશ્રી સી.આર.પાટીલે જણાવ્યું કે, દેશમાં ૧૮% પશુઓ છે. જેમાં બનાસકાંઠામાં સૌથી વધુ પશુઓ છે. આ પશુ તેમજ જીવન સૃષ્ટિ માટે પાણી અગત્યનું પરિબળ છે. પણ તમને જાણીને આશ્ચર્ય થશે કે દેશમાં ૪% પીવાનું પાણી ઉપલબ્ધ છે. દેશમાં પાણીની વાત કરીએ તો ૭૦૦ પૈકી ૧૫૦ જિલ્લા ડાર્ક ઝોનમાં આવે છે, જેમાં ઉત્તર ગુજરાતનો સૌથી મોટો જિલ્લો બનાસકાંઠા પણ ડાર્ક ઝોનમાં આવેલ છે. બનાસકાંઠા જિલ્લાને ડાર્ક ઝોનમાંથી બહાર નીકાળવા માટે વડાપ્રધાનશ્રી નરેન્દ્રભાઈના માર્ગદર્શનમાં છેલ્લા ૧ વર્ષથી કામ કરવામાં આવી રહ્યું છે. વડાપ્રધાનશ્રી નરેન્દ્રભાઈ મોદીના માર્ગદર્શનમાં પાણીના બચાવ માટે દેશભરમાં અમૃત સરોવર, નર્મદા યોજના, સૌની યોજના જેવી વગેરે યોજના દ્વારા અવિરત કામ કરવામાં આવી રહ્યું છે. ભારત દેશના પૂર્વ વડાપ્રધાનશ્રી અટલજી કહેતા હતા નદીઓને જોડવી જોઈએ. શ્રી અટલજીના સ્વપ્નને દેશના વડાપ્રધાનશ્રી પૂર્ણ કરી રહ્યા છે. નર્મદા, સાબરમતી અને કચ્છની નદીઓ સાથે જોડાણ માટે કામ થઈ રહ્યું છે. સાથે રાજસ્થાન, મધ્યપ્રદેશમાં ત્રણ નદીઓને જોડવા માટે ૭૭ હજાર કરોડના પ્રોજેક્ટને મંજૂરી આપવામાં આવી છે. વડાપ્રધાનશ્રીએ જોયેલ વિકસિત ભારત ૨૦૪૭ના સંકલ્પને સાકાર કરવા માટે પાણીની જરૂરિયાત પૂર્ણ કરવા માટે ડેમ બનાવવા કરતા “કેચ ધ રેઇન” અંતર્ગત વરસાદનું પાણી સંગ્રહ કરીને ભૂગર્ભ જળમાં પાણીને ફરીથી સંગ્રહ કરવાની તાકીદ છે.

આ પ્રસંગે વિધાનસભાના અધ્યક્ષશ્રી શંકરભાઈ ચૌધરીએ જણાવ્યું કે, વડાપ્રધાનશ્રી નરેન્દ્રભાઈ મોદીએ પાણીથી ઝઝૂમતા દેશના ડાર્ક ઝોનમાં આવેલા જિલ્લાઓને બહાર લાવવા માટે બીડું ઝડપ્યું છે ત્યારે ગુજરાતમાં બનાસકાંઠા જિલ્લાની સૌથી પહેલા પસંદગી કરવામાં આવી છે. ખેતરનું પાણી ખેતરમાં તથા સીમનું પાણી સીમમાં રહે તે માટે બનાસ ડેરીએ બીડું ઝડપ્યું છે. બનાસ ડેરી જિલ્લામાં ૨૫ હજાર રિચાર્જ કુવા બનાવશે જેમાં ૫૦ ટકા સહાય બનાસ ડેરી દ્વારા ખેડૂતોને આપવામાં આવશે. ધરતીમાં વધુમાં પાણી ઉતારી શકાય તે માટે આપણે સૌકોઈ પ્રયાસ કરવા જોઈએ. તેમણે કહ્યું કે, આગામી ૪ વર્ષ આ અભિયાન ચલાવીએ તથા આગામી ૧૦ વર્ષનું આયોજન કરીએ તે મુજબ કામ કરવા જણાવ્યું હતું. બનાસકાંઠાને હરિયાળો બનાવવા માટે બનાસ ડેરી દ્વારા પર્વતો પર સિડ બોલ ફેંકીને પર્વતોને હરિયાળા બનાવવા માટે કામ કર્યું છે. તેમણે ઓપરેશન સિંદૂરની સફળતા અંગે વાત કરી હતી.

જળ શક્તિ મંત્રાલયના એમ.ડી શ્રી અર્ચના વર્માએ જળ શક્તિ મંત્રાલય દ્વારા કરવામાં આવેલી કામગીરી વિશે ઉપસ્થિતોને માહિતી આપી હતી તથા બનાસકાંઠા જિલ્લા કલેકટરશ્રી મિહિર પટેલએ પ્રારંભિક શાબ્દિક સ્વાગત કર્યું હતું.

આ કાર્યક્રમમાં કેબિનેટ મંત્રીશ્રી બલવંતસિંહ રાજપૂત, રાજ્ય ગૃહ મંત્રીશ્રી હર્ષભાઈ સંઘવી, સાંસદશ્રી ભરતભાઈ ડાભી, શ્રી બાબુભાઈ દેસાઈ, સર્વે ધારાસભ્યશ્રી અનિકેતભાઇ ઠાકર, શ્રી કેશાજી ચૌહાણ, શ્રી સ્વરૂપજી ઠાકોર, શ્રી માવજીભાઈ દેસાઈ, જળ શક્તિ એમ.ડી શ્રી અર્ચના વર્મા, જિલ્લા કલેકટરશ્રી મિહિર પટેલ, જિલ્લા વિકાસ અધિકારીશ્રી એમ.જે.દવે, બનાસ બેન્કના ચેરમેનશ્રી ડાહ્યાભાઈ પીલીયાતર, બનાસ મેડિકલ કોલેજના ચેરમેનશ્રી પી.જે.ચૌધરી, પૂર્વ ગૃહ મંત્રીશ્રી હરિભાઈ ચૌધરી, પૂર્વ સાંસદશ્રી પરબતભાઈ પટેલ, શ્રી દિનેશભાઈ અનાવડીયા સહિત વિવિધ અધિકારીશ્રીઓ, મહાનુભાવો અને બહોળી સંખ્યામાં ખેડૂતો ઉપસ્થિત રહ્યા હતા.

Disclaimer : Except for the headline, this story has not been edited by News Continuous staff and is published from a syndicated feed.

(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)

May 31, 2025 0 comment

Western Railway project like the metro will be implemented on western railway for ticketless travel at railway stations

મુંબઈ

Western Railway : ભીડને નિયંત્રિત કરવા માટે પશ્ચિમ રેલ્વેની નવી યોજના; મુંબઈના આ રેલ્વે સ્ટેશન પર મેટ્રોની જેમ અમલમાં મુકાશે પ્રોજેક્ટ

by kalpana Verat May 21, 2025

written by kalpana Verat

News Continuous Bureau | Mumbai

Western Railway : રેલ્વે વહીવટીતંત્ર હવે લોકલ ટ્રેનોમાં મુસાફરી કરતી વખતે મેટ્રોની જેમ નિયંત્રિત ઍક્સેસ લાગુ કરવાનું વિચારી રહ્યું છે. આ પાયલોટ પ્રોજેક્ટ પશ્ચિમ રેલ્વેના 12 સ્ટેશનો પર લાગુ કરવામાં આવશે અને સંબંધિત સ્ટેશનોની યાદી રેલ્વે બોર્ડને મોકલવામાં આવી છે. આ યાદીમાં ગુજરાત વિભાગના 9 સ્ટેશનોનો સમાવેશ થાય છે જેમાં બાંદ્રા ટર્મિનસ, બોરીવલી, અંધેરીનો સમાવેશ થાય છે, એમ વરિષ્ઠ રેલ્વે અધિકારીઓએ માહિતી આપી હતી.

સ્ટેશનો પર વધુ સુરક્ષા અને ભીડને નિયંત્રિત કરવા માટે, હવે સ્થાનિક રેલ્વે સ્ટેશનો પર મેટ્રોની જેમ નિયંત્રિત પ્રવેશ લાગુ કરવામાં આવશે. પશ્ચિમ રેલવેએ આ હેતુ માટે મુંબઈના 3 સ્ટેશનોના નામ રેલવે બોર્ડને મોકલ્યા છે. નજીકના ભવિષ્યમાં અંધેરી, બોરીવલી અને બાંદ્રા ટર્મિનસ સ્ટેશનો પર મુસાફરોના નિયંત્રિત પ્રવેશ માટે વ્યવસ્થા કરવામાં આવશે. આ હજુ પણ એક પાયલોટ પ્રોજેક્ટ છે. જો સફળ થશે, તો આ પગલાં મુંબઈના અન્ય સ્ટેશનો પર પણ લાગુ કરવામાં આવશે.

Western Railway : પશ્ચિમ રેલ્વેએ 12 સ્ટેશનોના નામ મોકલ્યા

રેલ્વે બોર્ડે દેશભરના વિવિધ રેલ્વે વિભાગો પાસેથી સંભવિત સ્ટેશનોની યાદી માંગી હતી. તે મુજબ, પશ્ચિમ રેલ્વેએ 12 સ્ટેશનોના નામ મોકલ્યા છે અને આ પ્રોજેક્ટ હેઠળ, મુસાફરોએ મેટ્રોની જેમ જ ટિકિટ ચકાસણી, સુરક્ષા તપાસ અને પ્લેટફોર્મ પ્રવેશ માટે ચોક્કસ રૂટમાંથી પસાર થવું પડશે. મેટ્રોમાં મુસાફરી કરતી વખતે, ટિકિટ કાઉન્ટર અને પ્લેટફોર્મ અલગ અલગ સ્થળોએ સ્થિત હોય છે. જોકે, રેલ્વે સ્ટેશનોમાં આવી સુવિધા નથી.

આ સમાચાર પણ વાંચો : મંગળવારે સાંજે વીજળીના કડાકા સાથે મુંબઈમાં વરસાદ, આ વિસ્તારમાં સૌથી વધુ વરસાદ નોંધાયો; જાણો ક્યાં કેટલો વરસાદ પડ્યો…

Western Railway : નિયંત્રિત ઍક્સેસના સંભવિત ફાયદા

– મુસાફરોને ચોક્કસ રૂટ દ્વારા પ્રવેશવાની મંજૂરી આપીને મૂંઝવણ ઓછી થશે.

– ટિકિટ અને સુરક્ષા તપાસ વધુ કડક રીતે કરી શકાય છે

– બિનજરૂરી ભીડ ઓછી થશે

– ટિકિટ વિના મુસાફરી કરનારાઓ પર નિયંત્રણ રાખી શકાય છે.

– મેટ્રોની જેમ મુસાફરી વધુ આરામદાયક અને સુમેળભરી બનશે.

Western Railway : ભવિષ્યમાં, ટિકિટો ડેક પર ખરીદવામાં આવશે.

મુંબઈના કેટલાક સ્ટેશનો પર હાલમાં ડેક બનાવવામાં આવી રહ્યા છે. રેલવે અધિકારીઓએ સ્પષ્ટતા કરી છે કે ભવિષ્યમાં આ ડેક પર ટિકિટ ખરીદી, સુરક્ષા તપાસ અને નિયંત્રિત પ્રવેશ કરવામાં આવશે. એવું માનવામાં આવે છે કે આ પાયલોટ પ્રોજેક્ટ રેલ્વે સ્ટેશનો પર ભીડ ઘટાડશે અને મુસાફરીને વધુ સુરક્ષિત અને અનુકૂળ બનાવશે,

May 21, 2025 0 comment

Parliament Budget Session 2025 PM Modi tried but failed with 'Make in India' project Rahul Gandhi in Lok Sabha

દેશ

Parliament Budget Session 2025 : રાહુલ ગાંધીએ લોકસભામાં કર્યા પ્રહાર, કહ્યું-મેક ઇન ઇન્ડિયા એક સારો વિચાર છે, પરંતુ પીએમ મોદી…

by kalpana Verat February 3, 2025

written by kalpana Verat

News Continuous Bureau | Mumbai

Parliament Budget Session 2025 :આજે બજેટ સત્રનો ત્રીજો દિવસ છે. આજે સંસદમાં રાષ્ટ્રપતિના ભાષણ પર ચર્ચા કરવામાં આવી રહી છે. આ ચર્ચા દરમિયાન રાહુલ ગાંધીએ લોકસભામાં કહ્યું કે રાષ્ટ્રપતિના ભાષણમાં કંઈ નવું નથી. મેં ખડગેજી સાથે પણ ભાષણની ચર્ચા કરી. પણ એમાં કંઈ ખાસ નહોતું. રાહુલ ગાંધીએ કહ્યું કે આ દેશનું ભવિષ્ય યુવાનો દ્વારા નક્કી કરવામાં આવશે. બેરોજગારીનો ઉકેલ હજુ સુધી મળ્યો નથી. ન તો યુપીએ સરકારમાં કે ન તો એનડીએ સરકારમાં તેનો ઉકેલ આવી શક્યો.

Parliament Budget Session 2025 : પીએમ મોદીનો’મેક ઇન ઇન્ડિયા’નો વિચાર સારો

રાહુલ ગાંધીએ વધુમાં કહ્યું કે પીએમ મોદીનો ‘મેક ઇન ઇન્ડિયા’નો વિચાર સારો હતો પરંતુ તેનાથી કંઈ થયું નહીં. હું એમ નથી કહેતો કે પીએમ મોદીએ પ્રયાસ કર્યો નથી. પરંતુ વડા પ્રધાનના પ્રયાસોનું કોઈ પરિણામ આવ્યું નહીં. રાહુલે કહ્યું કે અમે ઉત્પાદન ચીનને સોંપી દીધું. મોબાઇલ ઉત્પાદન ચીનને સોંપવામાં આવ્યું. ભારતે ઉત્પાદન પર ધ્યાન કેન્દ્રિત કરવાની જરૂર છે.

Parliament Budget Session 2025 :ચીન આપણા કરતા 10 વર્ષ આગળ છે – રાહુલ

રાહુલે કહ્યું કે ઉત્પાદનમાં વૃદ્ધિના અભાવે બેરોજગારી વધી રહી છે. દેશમાં અસમાનતા વધી રહી છે. રોજગાર અંગે સરકારની નીતિ સ્પષ્ટ નથી. AI પોતે જ અર્થહીન છે. ડેટા વિના AI નો અર્થ શું છે? ચીન આપણાથી ૧૦ વર્ષ આગળ છે. બેટરી, ઈવી… આ બધામાં… ટેકનોલોજીમાં ચીન આપણાથી ઘણું આગળ છે. રાહુલે કહ્યું કે જ્યારે પણ આપણે ફોનનો ઉપયોગ કરીએ છીએ.

આ સમાચાર પણ વાંચો : Parliament Budget Session : મહાકુંભમાં થયેલી નાસભાગ મુદ્દે સંસદમાં હોબાળો, લોકસભા સ્પીકરે વિપક્ષી સાંસદોને લગાવી ફટકાર કહ્યું- જનતાએ તમને સંસદમાં ટેબલ તોડવા માટે…

તેમણે કહ્યું કે દેશમાં ઉત્પાદન ક્ષેત્રમાં ઘટાડો થયો છે. તેમણે મોબાઈલનું ઉદાહરણ આપ્યું. તેમણે કહ્યું કે ભારતમાં મોબાઇલ ફોનનું ઉત્પાદન નથી થઈ રહ્યું. અહીં તેમને ભેગા કરવામાં આવી રહ્યા છે. મોબાઇલનો દરેક ભાગ ચીનથી આવે છે અને ફક્ત અહીં જ એસેમ્બલ થાય છે. તેમણે કહ્યું કે દુનિયા ઝડપથી બદલાઈ રહી છે. પરંતુ આપણે તેના પર ધ્યાન કેન્દ્રિત કરી રહ્યા નથી.

Parliament Budget Session 2025 :આપણી પાસે પોતાનો ડેટા નથી

તેમણે કોમ્પ્યુટરનું ઉદાહરણ આપ્યું. તેમણે કહ્યું કે જ્યારે દેશમાં કોમ્પ્યુટરનો ઉપયોગ શરૂ થયો ત્યારે ઘણા લોકોએ તેનો વિરોધ કર્યો હતો. તેમણે કહ્યું કે ભૂતપૂર્વ પીએમ અટલ બિહારી વાજપેયીએ પણ તેનો વિરોધ કર્યો હતો. તેમણે કહ્યું હતું કે દેશને કોમ્પ્યુટરની જરૂર નથી. કોમ્પ્યુટર ક્રાંતિ એ કોંગ્રેસની ભેટ છે. રાહુલ ગાંધીએ કહ્યું કે આજે AI ડેટાનો સમય છે. પરંતુ આપણે આ દિશામાં આગળ વધી રહ્યા નથી. તેમણે કહ્યું કે આજે ડેટા મહત્વપૂર્ણ છે. પણ આપણી પાસે પોતાનો ડેટા નથી. અમારો ડેટા અમેરિકન કંપનીઓ પાસે છે. જો ભારત AI તરફ આગળ વધવાની વાત કરે છે તો તેની પાસે ડેટા ક્યાં છે? તેમણે કહ્યું કે ચીન આપણાથી ઘણું આગળ છે. છેલ્લા 10 વર્ષથી, ચીન ઇલેક્ટ્રિક વાહન અને ડેટા ક્ષેત્રમાં ઘણું કામ કરી રહ્યું છે. તેમણે કહ્યું કે આજે દેશને એક ઉત્પાદન પ્રણાલી બનાવવાની જરૂર છે.

February 3, 2025 0 comment

Mumbai Coastal Road Work to erect bowstring bridge at Worli slated to finish this morning

મુંબઈ

Mumbai Coastal Road: વાહન ચાલકોનો સમય બચશે, બાંદ્રા-વરલી સી લિંક કોસ્ટલ રોડ સાથે જોડાશે; જુઓ વિશાળ ગર્ડરની પ્રથમ ઝલક..

by kalpana Verat April 26, 2024

written by kalpana Verat

News Continuous Bureau | Mumbai

Mumbai Coastal Road: એશિયા અને મુંબઈ ( Mumbai ) ના પ્રથમ કોસ્ટલ રોડનું સમગ્ર કામ અંતિમ તબક્કામાં છે. ત્યારે મુંબઈ મહાનગર પાલિકાના મહત્વાકાંક્ષી પ્રોજેક્ટ કોસ્ટલ રોડના વિસ્તરણમાં એક મહત્વપૂર્ણ માઈલસ્ટોન હાંસલ કરવામાં આવ્યો છે. આજે શુક્રવાર, 26 મેના રોજ, એક વિશાળ ગર્ડર કોસ્ટલ રોડને બાંદ્રા વર્લી સી લિંક ( Bandra Worli sea link ) સાથે જોડવામાં આવ્યો છે. હવે મે 2024ના અંત સુધીમાં બીજો ગર્ડર લગાવવામાં આવશે. તેથી કોસ્ટલ રોડ અને સી લિન્ક પર વાહનવ્યવહારને ઝડપી બનશે. મુંબઈગરાઓનો પ્રવાસ સરળ રહેશે અને ટ્રાફિક જામમાંથી મોટી રાહત મળશે.

Mumbai Coastal Road ગર્ડરનું વજન 2 હજાર મેટ્રિક ટન

પાલિકા દ્વારા આપવામાં આવેલી માહિતી મુજબ, હવામાનની સ્થિતિને આધીન આજે સવારે કોસ્ટલ રોડ અને બાંદ્રા-વરલી સી બ્રિજ રોડને જોડતા પ્રથમ ગર્ડર (બો આર્ચ સ્ટ્રિંગ ગર્ડર) સ્થાપિત કરવામાં આવ્યો. આ પડકારજનક અભિયાનનો સમયગાળો પાંચથી છ કલાકનો હતો. આ માટે મ્યુનિસિપલ પ્રશાસન અને ટેકનિકલ ટીમ તૈયાર રાખવામાં આવી હતી. આ 136 મીટર લાંબા અને 18 થી 21 મીટર પહોળા આ ગર્ડરનું વજન 2 હજાર મેટ્રિક ટન છે. આ ગર્ડર 2500 મેટ્રિક ટન વજનના બાર્જ પર લોડ કરવામાં આવ્યું છે અને તેને નવી મુંબઈના ન્હાવા બંદરથી બાંદ્રા-વરલી સી બ્રિજ સુધી દરિયાઈ માર્ગે લાવવામાં આવ્યું છે.

Mumbai Coastal Road મે મહિનામાં બીજા ગર્ડરની સ્થાપના

કોસ્ટલ રોડથી બાંદ્રા-વરલી સી બ્રિજ સુધીના પટ પર બીજો ગર્ડર મે મહિનામાં લગાવવામાં આવશે. બીજા ગર્ડરનું વજન અઢી હજાર મેટ્રિક ટન છે. તે 143 મીટર લાંબુ અને 26 થી 29 મીટર પહોળું છે. બંને ગર્ડર લગાવ્યા બાદ મુંબઈ કોસ્ટલ રોડ અને બાંદ્રા-વરલી સી બ્રિજ સંપૂર્ણપણે જોડાઈ જશે. હાલમાં ન્હાવા બંદરે બીજું ગર્ડર મુકવામાં આવ્યું છે. આ ગર્ડર કોસ્ટલ રોડ અને બાંદ્રા-વરલી સી લિંક સાથે જોડવામાં આવશે. આ ગર્ડર લગાવ્યા બાદ કોસ્ટલ રોડ અને બાંદ્રા-વરલી સી લિંકને સંપૂર્ણપણે જોડી દેવામાં આવશે.

Mumbai Coastal Road દરિયામાં ગર્ડર સ્થાપિત કરવાની પ્રથમ તકનીક

મહત્વનું છે કે દેશમાં પ્રથમ વખત દરિયામાં 136 મીટર લાંબો બો સ્ટ્રિંગ આર્ચ ગર્ડર લગાવવામાં આવ્યો છે. દુનિયામાં આવી ટેક્નોલોજી અપનાવવામાં આવી હોવાના બહુ ઓછા ઉદાહરણો છે. વરલીમાં માછીમારોની બોટ પસાર થવામાં કોઈ અવરોધ ન આવે તેની તકેદારી રાખવામાં આવી છે. આ માટે પ્રિ-ફેબ્રિકેટેડ બ્રિજનું આયોજન કરવામાં આવ્યું છે. દરિયો અને પર્યાવરણીય તત્વોને ખલેલ ન પહોંચે તેની પણ ખાસ કાળજી રાખવામાં આવી છે. દરિયાના ખારા પાણી અને ભેજવાળા વાતાવરણથી પુલને બચાવવા માટે C-5 ગુણવત્તાયુક્ત એન્ટિ-રસ્ટ પેઇન્ટ લાગુ કરવામાં આવ્યો છે.

આ સમાચાર પણ વાંચો : EVM ને સુપ્રીમ ક્લીન ચિટ…VVPAT-EVMથી 100% વેરિફિકેશનની માંગ કરતી તમામ અરજીઓ ફગાવી, જાણો સુપ્રીમ કોર્ટે શું કહ્યું?

Mumbai Coastal Road 11 માર્ચે એક લેન ખોલવામાં આવી હતી

મરીન ડ્રાઇવથી વરલી સુધીના 10.58 કિમીના કોસ્ટલ રોડની એક લેન 11 માર્ચથી ટ્રાફિક માટે ખોલવામાં આવી છે. દરિયાકાંઠાના રસ્તાઓમાં પાળાના રસ્તા, પુલ, એલિવેટેડ રસ્તાઓનો સમાવેશ થાય છે. આ સિવાય ઇમર્સન, હાજી અલી અને વરલી ખાતે ઇન્ટરચેન્જ બનાવવામાં આવ્યા છે. વાહનોની અવરજવર માટે 2 કિલોમીટર લાંબી બે ટનલ છે. આ ટનલ કેટલીક જગ્યાએ 6 લેન અને કેટલીક જગ્યાએ 8 લેન ધરાવે છે. આ પ્રોજેક્ટ દ્વારા 70 હેક્ટર જમીનને ગ્રીન એરિયામાં વિકસાવવામાં આવી રહી છે.

Mumbai Coastal Road મુંબઈ કોસ્ટલ રોડ પ્રોજેક્ટ દ્વારા બનાવવામાં આવી રહ્યો છે.

જણાવી દઈએ કે મુંબઈ કોસ્ટલ રોડ પ્રોજેક્ટ (દક્ષિણ) મુંબઈ મ્યુનિસિપલ કોર્પોરેશન દ્વારા મુંબઈના દક્ષિણ છેડે એટલે કે નરીમાન પોઈન્ટથી વરલી-બાંદ્રા સી બ્રિજ સુધી પહોંચવા માટે બનાવવામાં આવી રહ્યો છે. મુંબઈ કોસ્ટલ રોડ પ્રોજેક્ટની વર્લીથી મરીન ડ્રાઈવ દક્ષિણ ચેનલ 11મી માર્ચ 2024થી ટ્રાફિક માટે ખોલવામાં આવી હતી.

April 26, 2024 0 comment

aamir khan darsheel safary reunite after 16 years for project

મનોરંજન

Aamir khan: 16 વર્ષ બાદ ફરી આ અભિનેતા સાથે જામી આમિર ખાન ની જોડી, થોડા જ દિવસો માં થશે મિસ્ટર પરફેક્ટનિસ્ટ ના પ્રોજેક્ટ નો ખુલાસો

by Zalak Parikh March 5, 2024

written by Zalak Parikh

News Continuous Bureau | Mumbai

Aamir khan: આમિર ખાન ની ફિલ્મ તારે ઝમીન પર માં બાળ કલાકાર દર્શીલ સફારી આ ફિલ્મ થી લોકપ્રિય થયો હતો. આ ફિલ્મ માં તેને ઈશાન ની ભૂમિકા ભજવી હતી. હવે આ જ ઈશાન હવે મોટો થઇ ગયો છે. ઈશાન એટલે કે અભિનેતા દર્શીલ સફારી એ પોતાના ઈન્સ્ટાગ્રામ પર તેની અને આમિર ખાન ની એક તસવીર શેર કરી છે. આ સાથે તેને તેના નવા પ્રોજેક્ટ વિશે પણ ખુલાસો કર્યો છે.

આ સમાચાર પણ વાંચો : Shahrukh khan: અનંત અને રાધિકા ના પ્રિ વેડિંગ ફંક્શન માં હોસ્ટ શાહરુખ ખાને કરી જય શ્રી રામ થી શરૂઆત, વિડીયો થયો વાયરલ

આમિર ખાન સાથે એક પ્રોજેક્ટ માં જોવા મળશે દર્શિલ સફારી

દર્શિલ સફારી એ તેના ઇન્સ્ટગામ પર તેની આમિર ખાન સાથે ની તસવીર નો કોલેજ શેર કર્યો છે. પહેલી તસવીર આમિર અને દર્શિલની ફિલ્મ ‘તારે જમીન પર’ની છે, જ્યારે બીજી તસવીરમાં, મોટો થયેલો દર્શિલ વૃદ્ધ આમિર સાથે પોઝ આપતો જોવા મળી રહ્યો છે. તસવીર શેર કરતી વખતે દર્શિલે કેપ્શનમાં લખ્યું, ‘બૂમ, 16 વર્ષ પછી અમે ફરી સાથે છીએ. તે થોડી લાગણીશીલ અને ચાર્જ થશે. આ અનુભવ માટે મારા પ્રિય ગુરુને ખૂબ પ્રેમ. મોટા ઘટસ્ફોટ માટે જોડાયેલા રહો. ચાર દિવસ બાકી છે.’

View this post on Instagram

A post shared by Darsheel Safary (@dsafary)

આ કેપશન પરથી એવું લાગી રહ્યું છે કે ત્રણ દિવસ પછી આમિર ખાન અને દર્શીલ સફારી પોતાના નવા પ્રોજેક્ટ વિશે ખુલાસો કરશે. હવે આ પ્રોજેક્ટ સિતારે ઝમીન પર છે કે બીજો એ તો ત્રણ દિવસ બાદ જ ખબર પડશે.

March 5, 2024 0 comment

PM to address 'Viksit Bharat Viksit Chhattisgarh' on Feb 24

રાજ્ય

PM Modi : PM મોદી આ તારીખે ‘વિકસિત ભારત વિકસિત છત્તીસગઢ’ કાર્યક્રમને કરશે સંબોધિત

by kalpana Verat February 23, 2024

written by kalpana Verat

News Continuous Bureau | Mumbai

PM Modi : પ્રધાનમંત્રી શ્રી નરેન્દ્ર મોદી ( PM Modi ) 24 ફેબ્રુઆરી, 2024ના રોજ બપોરે 12:30 કલાકે વીડિયો કોન્ફરન્સિંગ મારફતે ‘વિકસિત ભારત વિકસિત છત્તીસગઢ‘ ( Chhatisgarh ) કાર્યક્રમને સંબોધિત ( Speech ) કરશે. કાર્યક્રમ દરમિયાન પ્રધાનમંત્રી રૂ. 34,400 કરોડથી વધારે મૂલ્યની વિવિધ વિકાસલક્ષી પરિયોજના ( Project ) ઓનું ઉદઘાટન કરશે, રાષ્ટ્રને સમર્પિત કરશે અને ખાતમુહૂર્ત કરશે. આ પ્રોજેક્ટ માર્ગો, રેલવે, કોલસો, ઊર્જા, સૌર ઊર્જા સહિત કેટલાંક મહત્ત્વપૂર્ણ ક્ષેત્રોને પૂર્ણ કરે છે.

પ્રધાનમંત્રી શ્રી નરેન્દ્ર મોદી એનટીપીસીનો લારા સુપર થર્મલ પાવર પ્રોજેક્ટ, પ્રથમ તબક્કો (2×800 મેગાવોટ) દેશને અર્પણ કરશે અને છત્તીસગઢના રાયગઢ જિલ્લામાં એનટીપીસી ( NTPC ) ના લારા સુપર થર્મલ પાવર પ્રોજેક્ટ, સ્ટેજ -2 (2×800 મેગાવોટ)નો શિલાન્યાસ કરશે. સ્ટેશનનો પ્રથમ તબક્કો આશરે રૂ. 15,800 કરોડના રોકાણ સાથે બાંધવામાં આવ્યો છે, જ્યારે પ્રોજેક્ટના બીજા તબક્કાનું નિર્માણ પ્રથમ તબક્કાની જગ્યાની ઉપલબ્ધ જમીન પર કરવામાં આવશે, જેથી વિસ્તરણ માટે કોઈ વધારાની જમીનની જરૂર નહીં પડે અને તેમાં રૂ. 15,530 કરોડના રોકાણની જરૂર પડશે. અત્યંત કાર્યદક્ષ સુપર ક્રિટિકલ ટેકનોલોજી (પ્રથમ તબક્કા માટે) અને અલ્ટ્રા સુપર ક્રિટિકલ ટેકનોલોજી (તબક્કા-2 માટે) સાથે સજ્જ આ પ્રોજેક્ટથી કોલસાનો ઓછો ચોક્કસ વપરાશ અને કાર્બન ડાયોક્સાઇડનું ઉત્સર્જન સુનિશ્ચિત થશે. જ્યારે પ્રથમ અને દ્વિતીય તબક્કાની 50 ટકા વીજળી છત્તીસગઢ રાજ્યને ફાળવવામાં આવી છે, ત્યારે આ પ્રોજેક્ટ ગુજરાત, મધ્યપ્રદેશ, મહારાષ્ટ્ર, ગોવા, દમણ અને દીવ, દાદરા અને નગર હવેલી જેવા અન્ય રાજ્યો અને કેન્દ્રશાસિત પ્રદેશોમાં વીજળીની સ્થિતિ સુધારવામાં પણ મહત્ત્વપૂર્ણ ભૂમિકા ભજવશે.

સાઉથ ઇસ્ટર્ન કોલફિલ્ડ્સ લિમિટેડના ત્રણ મુખ્ય ફર્સ્ટ માઇલ કનેક્ટિવિટી ( FMC ) પ્રોજેક્ટ્સનું ઉદઘાટન કરશે, જેનું કુલ નિર્માણ રૂ. 600 કરોડથી વધારે છે. તેઓ કોલસાને ઝડપથી, પર્યાવરણને અનુકૂળ અને અસરકારક રીતે મિકેનાઇઝ્ડ સ્થળાંતર કરવામાં મદદરૂપ થશે. આ પ્રોજેક્ટ્સમાં એસઇસીએલના ડીપ્કા એરિયામાં દીપ્કા ઓસીપી કોલ હેન્ડલિંગ પ્લાન્ટ, છાલ અને એસઇસીએલના રાયગઢ વિસ્તારમાં બારૂદ ઓસીપી કોલસા હેન્ડલિંગ પ્લાન્ટનો સમાવેશ થાય છે.

આ સમાચાર પણ વાંચો : PM Modi : PM મોદી આ તારીખે ભારત મંડપમ ખાતે અનેક યોજનાઓનું ઉદ્ઘાટન અને શિલાન્યાસ કરશે

એફએમસી પ્રોજેક્ટ્સ કન્વેયર બેલ્ટ મારફતે સાઇલો, બંકર અને ઝડપી લોડિંગ સિસ્ટમથી સજ્જ પિટહેડથી કોલસાના હેન્ડલિંગ પ્લાન્ટ્સ સુધી કોલસાની યાંત્રિક હિલચાલની ખાતરી આપે છે. માર્ગ મારફતે કોલસાના પરિવહનમાં ઘટાડો કરીને, આ પ્રોજેક્ટ્સ કોલસાની ખાણોની આસપાસ રહેતા લોકોના જીવનધોરણને સરળ બનાવવામાં મદદ કરશે, જે ટ્રાફિકની ગીચતા, માર્ગ અકસ્માતો અને કોલસાની ખાણોની આસપાસ પર્યાવરણ અને આરોગ્ય પર વિપરીત અસરોને ઘટાડશે. તે pit headથી રેલ્વે સાઇડિંગ્સ સુધી કોલસા વહન કરતી ટ્રકો દ્વારા ડીઝલનો વપરાશ ઘટાડીને પરિવહન ખર્ચમાં બચત તરફ દોરી રહ્યું છે.

આ વિસ્તારમાં પુનઃપ્રાપ્ય ઊર્જાનાં ઉત્પાદનને પ્રોત્સાહન આપવાનાં એક પગલાં સ્વરૂપે પ્રધાનમંત્રી રાજનાંદગાંવમાં આશરે રૂ. 900 કરોડનાં ખર્ચે નિર્મિત સોલર પીવી પ્રોજેક્ટનું ઉદઘાટન કરશે. આ પરિયોજનાથી દર વર્ષે અંદાજે 243.53 મિલિયન યુનિટ ઊર્જાનું ઉત્પાદન થશે અને 25 વર્ષમાં આશરે 4.87 મિલિયન ટન કાર્બન ડાયોક્સાઈડના ઉત્સર્જનમાં ઘટાડો થશે, જે આ જ સમયગાળા દરમિયાન આશરે 8.86 મિલિયન વૃક્ષો દ્વારા અલગ પાડવામાં આવેલા કાર્બનની સમકક્ષ છે.

આ વિસ્તારમાં રેલવેની માળખાગત સુવિધાને મજબૂત કરવા પ્રધાનમંત્રી આશરે રૂ. 300 કરોડનાં ખર્ચે બિલાસપુર-ઉસલાપુર ફ્લાયઓવરનું લોકાર્પણ કરશે. આનાથી બિલાસપુરમાં કટની તરફ જતા ટ્રાફિકની ભારે ભીડ અને કોલસાનો ટ્રાફિક બંધ થશે. પ્રધાનમંત્રી ભિલાઈમાં 50 મેગાવોટનો સોલર પાવર પ્લાન્ટ પણ અર્પણ કરશે. તે દોડતી ટ્રેનોમાં સૌર ઊર્જાના ઉપયોગમાં મદદ કરશે.

પ્રધાનમંત્રી રાષ્ટ્રીય રાજમાર્ગ – 49નાં 55.65 કિલોમીટરની લંબાઈ ધરાવતાં વિભાગનાં પુનર્વસન અને અપગ્રેડેશનને બે લેનમાં પરિવર્તિત કરવા માટેનાં માર્ગને પાકા ખભા સાથે સમર્પિત કરશે. આ પ્રોજેક્ટ બે મહત્વપૂર્ણ શહેરો બિલાસપુર અને રાયગઢ વચ્ચે કનેક્ટિવિટી સુધારવામાં મદદ કરશે. પ્રધાનમંત્રી રાષ્ટ્રીય રાજમાર્ગ – 130નાં 52.40 કિલોમીટરની લંબાઈ ધરાવતાં વિભાગનાં પુનર્વસન અને અપગ્રેડેશનને પાકા ખભા સાથે ટૂ-લેનમાં અપગ્રેડ કરવા માટે સમર્પિત પણ કરશે. આ પ્રોજેક્ટ રાયપુર અને કોરબા શહેર સાથે અંબિકાપુર ( ambikapur ) શહેરની કનેક્ટિવિટી સુધારવામાં મદદ કરશે અને આ વિસ્તારના આર્થિક વિકાસને વેગ આપશે.

Disclaimer : Except for the headline, this story has not been edited by News Continuous staff and is published from a syndicated feed.

February 23, 2024 0 comment

taarak mehta ka ooltah chashmah mrs sodhi bright luck got big project

મનોરંજન

Jennifer : અસિત મોદી પર આરોપ લગાવ્યા બાદ લાઈમલાઈટ માં આવેલી જેનિફર મિસ્ત્રી ની ચમકી કિસ્મત, આ પ્રોજેક્ટ માં જોવા મળશે તારક મહેતા ની અભિનેત્રી

by Dr. Mayur Parikh July 10, 2023

written by Dr. Mayur Parikh

News Continuous Bureau | Mumbai

Jennifer : ‘તારક મહેતા કા ઉલ્ટા ચશ્મા’ દર્શકોના પ્રિય શોમાંથી એક છે. ઘણા વર્ષોથી, ચાહકો આ સીરિયલને ખૂબ પસંદ કરે છે, જેના કારણે આ શો હંમેશા TRP લિસ્ટમાં ટોપ પર રહે છે. તારક મહેતા કા ઉલ્ટા ચશ્મા હાલમાં SAB ટીવી પર સૌથી લાંબો સમય ચાલતો શો છે. 2008માં શરૂ થયેલી આ સિરિયલે TRPના તમામ રેકોર્ડ તોડી નાખ્યા અને ઘર-ઘરમાં જાણીતી બની ગઈ. હાલમાં જ સિરિયલમાં મિસિસ રોશન સિંહ સોઢીનો રોલ કરનારી જેનિફર મિસ્ત્રી સિરિયલથી અલગ થઈ ગઈ હતી, ત્યારબાદ તેણે મેકર્સ પર ઘણા ગંભીર આરોપો લગાવ્યા હતા.

આ પ્રોજેક્ટ માં જોવા મળશે જેનિફર

તાજેતરમાં શ્રીમતી રોશન સિંહ સોઢી વિશે એક સારા સમાચાર આવ્યા છે. તમને જણાવી દઈએ કે અભિનેત્રી જેનિફર મિસ્ત્રી બંસીવાલ છેલ્લે ‘તારક મહેતા કા ઉલ્ટા ચશ્મા’માં જોવા મળી હતી. હવે તે એક મ્યુઝિક વીડિયોમાં જોવા મળશે, જેમાં તે 3 વર્ષના બાળકની માતાની ભૂમિકા ભજવતી જોવા મળશે. તાજેતરના એક ઈન્ટરવ્યુમાં તેણે કહ્યું, “હવે હું મુક્ત છું કારણ કે હું હવે આ શોનો ભાગ નથી. આ વીડિયો જબલપુરમાં શૂટ કરવામાં આવ્યો હતો અને તેનું શૂટિંગ કરતી વખતે હું ખૂબ જ ભાવુક થઈ ગઈ હતી કારણ કે હું એક 10 વર્ષની બાળકીની માતા છું.. રિયલ લાઈફમાં દીકરી. મને તેનું શૂટિંગ કરવાની મજા આવી, તે એક સરસ બ્રેક હતો અને આખી ટીમને લાગ્યું કે મારે આવો પ્રોજેક્ટ કરવો જોઈએ.”

આ સમાચાર પણ વાંચો: 72 Hoorain box office collection Day 1: ’72 Hoorain’ ફિલ્મ ન કરી શકી કમાલ, પ્રથમ દિવસની નિરાશાજનક કમાણી

જેનફર મિસ્ત્રી એ લગાવ્યો હતો આરોપ

અભિનેત્રી જેનિફર મિસ્ત્રીએ શો ‘તારક મહેતા કા ઉલ્ટા ચશ્મા’ના પ્રોજેક્ટ હેડ અને એક્ઝિક્યુટિવ પ્રોડ્યુસર અસિત મોદી પર જાતીય સતામણીનો આરોપ લગાવ્યો હતો. જે પછી હર્ષદ જોશી, ઋષિ દવે અને અરમાનની દિગ્દર્શક ટીમે જેનિફર મિસ્ત્રી વિશે કહ્યું હતું કે જેનિફર મિસ્ત્રીમાં અનુશાસનનો અભાવ છે અને તે તેના કામ પર ધ્યાન નથી આપતી. અમારે નિયમિતપણે પ્રોડક્શન હેડને તેના વર્તન વિશે ફરિયાદ કરવી પડતી હતી. તેના છેલ્લા દિવસે, તે આખા યુનિટની સામે દુર્વ્યવહાર કરતી હતી અને તેનું શૂટ પણ પૂરું કર્યા વિના સેટ છોડીને જતી રહી હતી.

July 10, 2023 0 comment

દેશ

PM Modi visit : પ્રધાનમંત્રી 7-8 જુલાઈના રોજ 4 રાજ્યોની લેશે મુલાકાત, લગભગ રૂ. 50,000 કરોડના પ્રોજેક્ટ્સનું લોકાર્પણ અને શિલાન્યાસ કરશે

by Dr. Mayur Parikh July 6, 2023

written by Dr. Mayur Parikh

News Continuous Bureau | Mumbai

PM Modi visit : પ્રધાનમંત્રી શ્રી નરેન્દ્ર મોદી 7-8મી જુલાઈ, 2023ના રોજ ચાર રાજ્યોની મુલાકાત લેશે. તેઓ 7મી જુલાઈએ છત્તીસગઢ અને ઉત્તર પ્રદેશની મુલાકાત લેશે. 8મી જુલાઈએ પ્રધાનમંત્રી તેલંગાણા (Telangana) અને રાજસ્થાન (Rajasthan) ની મુલાકાત લેશે.

7મી જુલાઈના રોજ, સવારે 10:45 વાગ્યે, પ્રધાનમંત્રી રાયપુરમાં એક જાહેર કાર્યક્રમમાં વિવિધ વિકાસ યોજનાઓનો શિલાન્યાસ અને રાષ્ટ્રને સમર્પિત કરશે. પ્રધાનમંત્રી લગભગ 2:30 વાગ્યે ઉત્તર પ્રદેશના ગોરખપુર ખાતે પહોંચશે, જ્યાં તેઓ ગીતા પ્રેસ ગોરખપુરના શતાબ્દી સમારોહના સમાપન સમારોહમાં ભાગ લેશે, ત્યારબાદ ગોરખપુર રેલવે સ્ટેશન પર વંદે ભારત ટ્રેનો (Vande Bharat Train) ને લીલી ઝંડી બતાવશે. ત્યારબાદ, લગભગ સાંજે 5 કલાકે, પ્રધાનમંત્રી વારાણસી (Varanasi) પહોંચશે, જ્યાં તેઓ એક જાહેર કાર્યક્રમમાં હાજરી આપશે, જ્યાં તેઓ બહુવિધ વિકાસ પરિયોજનાઓનો શિલાન્યાસ, ઉદ્ઘાટન અને રાષ્ટ્રને સમર્પિત કરશે.

8મી જુલાઈના રોજ, સવારે 10:45 વાગ્યે, પ્રધાનમંત્રી તેલંગાણાના વારંગલ પહોંચશે અને એક જાહેર કાર્યક્રમમાં હાજરી આપશે જ્યાં તેઓ વિવિધ પ્રોજેક્ટનો શિલાન્યાસ કરશે. પ્રધાનમંત્રી લગભગ 4:15 વાગ્યાની આસપાસ બિકાનેર પહોંચશે, જ્યાં તેઓ રાજસ્થાનમાં અનેક વિકાસ યોજનાઓનો શિલાન્યાસ કરશે અને તેને રાષ્ટ્રને સમર્પિત કરશે.

પ્રધાનમંત્રી રાયપુર (Raipur) માં

ઈન્ફ્રાસ્ટ્રક્ચરના વિકાસને આગળ ધપાવવામાં, પ્રધાનમંત્રી લગભગ રૂ. 6,400 કરોડના મૂલ્યના પાંચ રાષ્ટ્રીય ધોરીમાર્ગ પ્રોજેક્ટ્સ માટે સમર્પિત અને શિલાન્યાસ કરશે. જે પ્રોજેક્ટ રાષ્ટ્રને સમર્પિત કરવામાં આવશે તેમાં જબલપુર-જગદલપુર રાષ્ટ્રીય ધોરીમાર્ગ પર રાયપુરથી કોડેબોડ સુધીના 33 કિલોમીટર લાંબા 4-લેનિંગનો સમાવેશ થાય છે. પ્રવાસનને વેગ આપવા ઉપરાંત, આ વિભાગ કાચા માલની હેરફેર માટે અભિન્ન છે, જગદલપુર નજીક સ્ટીલ પ્લાન્ટના તૈયાર ઉત્પાદનો અને આયર્ન ઓર સમૃદ્ધ વિસ્તારોને કનેક્ટિવિટી પૂરી પાડે છે. પ્રધાનમંત્રી બિલાસપુરના NH-130ના અંબિકાપુર સેક્શનથી 53 કિલોમીટર લાંબા 4-લેન બિલાસપુર-પથરાપાલી પટને પણ રાષ્ટ્રને સમર્પિત કરશે. તે ઉત્તર પ્રદેશ સાથે છત્તીસગઢની કનેક્ટિવિટી સુધારવામાં મદદ કરશે અને નજીકના વિસ્તારોમાં કોલસાની ખાણોને કનેક્ટિવિટી પ્રદાન કરીને કોલસાની હિલચાલને વેગ આપશે.

પ્રધાનમંત્રી 6-લેન ગ્રીનફિલ્ડ રાયપુર – વિશાખાપટ્ટનમ કોરિડોરના છત્તીસગઢ વિભાગ માટે ત્રણ રાષ્ટ્રીય ધોરીમાર્ગ પ્રોજેક્ટનો શિલાન્યાસ પણ કરશે. તેમાં NH 130 CD પર 43 કિમી લાંબા છ લેન ઝાંકી-સરગી વિભાગના વિકાસનો સમાવેશ થાય છે; NH 130 CD પર 57 કિમી લાંબો છ લેન સરગી-બાસનવાહી વિભાગ; અને NH-130 CDનો 25 કિમી લાંબો છ લેન બાસનવાહી-મરંગપુરી વિભાગ. મુખ્ય ઘટક ઉદાંતી વન્યજીવ અભયારણ્ય વિસ્તારમાં અપ્રતિબંધિત વન્યજીવનની હિલચાલ માટે 27 પ્રાણીઓના પાસ અને 17 વાંદરાઓની છત્રો સાથે 2.8 કિમી લંબાઈની 6-લેન ટનલ છે. આ પ્રોજેક્ટ્સ કાંકેરમાં ધમતારી અને બોક્સાઈટ સમૃદ્ધ વિસ્તારોમાં ચોખાની મિલોને સારી કનેક્ટિવિટી પૂરી પાડશે અને કોંડાગાંવમાં હસ્તકલા ઉદ્યોગને પણ ફાયદો થશે. એકંદરે, આ પ્રોજેક્ટ્સ પ્રદેશના સામાજિક-આર્થિક વિકાસને મોટું બળ આપશે.

પ્રધાનમંત્રી 750 કરોડ રૂપિયાના ખર્ચે પૂર્ણ થયેલી 103 કિલોમીટર લાંબી રાયપુર – ખારિયાર રોડ રેલ લાઇનને બમણું કરવાની યોજનાને પણ રાષ્ટ્રને સમર્પિત કરશે. તે છત્તીસગઢમાં ઉદ્યોગો માટે બંદરો પરથી કોલસો, સ્ટીલ, ખાતર અને અન્ય ચીજવસ્તુઓના પરિવહનને સરળ બનાવશે. તે કેઓટી-અંટાગઢને જોડતી 17 કિલોમીટર લાંબી નવી રેલવે લાઇન પણ રાષ્ટ્રને સમર્પિત કરશે. 290 કરોડના ખર્ચે વિકસિત, નવી રેલવે લાઇન ભિલાઈ સ્ટીલ પ્લાન્ટને દલ્લી રાજહરા અને રોઘાટ વિસ્તારોની આયર્ન ઓરની ખાણો સાથે કનેક્ટિવિટી પ્રદાન કરશે અને ગાઢ જંગલોમાંથી પસાર થતા દક્ષિણ છત્તીસગઢના દૂરના વિસ્તારોને જોડશે.

પ્રધાનમંત્રી 130 કરોડ રૂપિયાથી વધુના ખર્ચે બાંધવામાં આવેલ કોરબા ખાતે વાર્ષિક 60 હજાર મેટ્રિક ટનની ક્ષમતા ધરાવતો ઈન્ડિયન ઓઈલ કોર્પોરેશનનો બોટલિંગ પ્લાન્ટ પણ રાષ્ટ્રને સમર્પિત કરશે. વધુમાં, પ્રધાનમંત્રી આયુષ્માન ભારત હેઠળ લાભાર્થીઓને 75 લાખ કાર્ડના વિતરણની શરૂઆત પણ કરશે.

પ્રધાનમંત્રી ગોરખપુર (Gorakhpur) માં

પ્રધાનમંત્રી ગોરખપુરમાં ગીતા પ્રેસની મુલાકાત લેશે અને ઐતિહાસિક પ્રિન્ટિંગ પ્રેસના શતાબ્દી સમારોહના સમાપન સમારોહમાં ભાગ લેશે. કાર્યક્રમ દરમિયાન તેઓ ચિત્રમય શિવપુરાણ ગ્રંથનું વિમોચન કરશે. પ્રધાનમંત્રી ગીતા પ્રેસમાં લીલા ચિત્ર મંદિરની પણ મુલાકાત લેશે.

પ્રધાનમંત્રી (PM Narendra Modi) ગોરખપુર રેલવે સ્ટેશનથી બે વંદે ભારત ટ્રેનને લીલી ઝંડી આપશે. બે ટ્રેનો છેઃ ગોરખપુર-લખનૌ વંદે ભારત એક્સપ્રેસ અને જોધપુર-અમદાવાદ (સાબરમતી) વંદે ભારત એક્સપ્રેસ.

ગોરખપુર-લખનૌ વંદે ભારત એક્સપ્રેસ અયોધ્યામાંથી પસાર થશે અને રાજ્યના મહત્વના શહેરોની કનેક્ટિવિટી સુધારશે અને પ્રવાસનને પણ વેગ આપશે. જોધપુર – સાબરમતી વંદે ભારત એક્સપ્રેસ જોધપુર, આબુ રોડ, અમદાવાદ જેવા પ્રખ્યાત સ્થળો સાથે કનેક્ટિવિટી સુધારશે અને આ પ્રદેશમાં સામાજિક આર્થિક વિકાસને વેગ આપશે.

પ્રધાનમંત્રી ગોરખપુર રેલવે સ્ટેશન રીડેવલપમેન્ટનો શિલાન્યાસ પણ કરશે. આ સ્ટેશનને લગભગ રૂ. 498 કરોડના ખર્ચે પુનઃવિકાસ કરવામાં આવશે અને તે વિશ્વસ્તરીય મુસાફરોની સુવિધાઓ પૂરી પાડશે.

પ્રધાનમંત્રી વારાણસી (Varanasi) માં

વારાણસીમાં જાહેર કાર્યક્રમ દરમિયાન, પ્રધાનમંત્રી 12100 કરોડ રૂપિયાથી વધુના મૂલ્યની બહુવિધ વિકાસ યોજનાઓનું ઉદ્ઘાટન અને શિલાન્યાસ કરશે.

પ્રધાનમંત્રી સમર્પિત ફ્રેટ કોરિડોરની પં. દીનદયાળ ઉપાધ્યાય જંક્શન – સોન નગર રેલવે લાઇનને સમર્પિત કરશે. રૂ. 6760 કરોડથી વધુના ખર્ચે બનેલ આ નવી લાઇન માલસામાનની ઝડપી અને કાર્યક્ષમ અવરજવરને સરળ બનાવશે. પ્રધાનમંત્રી ત્રણ રેલવે લાઈનો પણ રાષ્ટ્રને સમર્પિત કરશે જેનું વિદ્યુતીકરણ અથવા ડબલીંગ 990 કરોડથી વધુના ખર્ચે પૂર્ણ થયું છે. તેમાં ગાઝીપુર શહેર – ઔનરિહાર રેલ લાઇન, ઔનરિહાર-જૌનપુર રેલ લાઇન અને ભટની-ઔનરિહાર રેલ લાઇનનો સમાવેશ થાય છે. આનાથી ઉત્તર પ્રદેશમાં રેલવે લાઈનોનું 100 ટકા વિદ્યુતીકરણ પૂર્ણ થશે.

પ્રધાનમંત્રી NH-56ના વારાણસી-જૌનપુર સેક્શનના ચાર-માર્ગીય પહોળા કરવાની યોજના રાષ્ટ્રને સમર્પિત કરશે, જે રૂ. 2750 કરોડથી વધુના ખર્ચે પૂર્ણ થઈ છે, જેનાથી વારાણસીથી લખનૌની મુસાફરી સરળ અને ઝડપી બનશે;

આ સમાચાર પણ વાંચો : Adani Groups: અદાણીના પ્રમોટર્સ ગ્રુપ કંપનીઓમાં વધુ હિસ્સો ખરીદી શકે છે

વારાણસીમાં પ્રધાનમંત્રી દ્વારા ઉદ્ઘાટન કરવામાં આવનાર બહુવિધ પ્રોજેક્ટ્સમાં 18 PWD રસ્તાઓનું બાંધકામ અને નવીનીકરણનો સમાવેશ થાય છે; BHU કેમ્પસમાં આંતરરાષ્ટ્રીય કન્યા છાત્રાલયનું નિર્માણ; સેન્ટ્રલ ઇન્સ્ટિટ્યૂટ ઑફ પેટ્રોકેમિકલ્સ એન્જિનિયરિંગ એન્ડ ટેક્નૉલૉજી (CIPET)- ગામ કરસરા ખાતે વ્યાવસાયિક તાલીમ કેન્દ્ર; પોલીસ સ્ટેશન સિંધૌરા, પીએસી ભુલ્લાનપુર, ફાયર સ્ટેશન પિન્દ્રા અને સરકારી રહેણાંક શાળા તરસાડામાં રહેણાંક મકાનો અને સુવિધાઓ; આર્થિક ગુનાઓ સંશોધન સંસ્થા મકાન; મોહન કટરાથી કોનિયા ઘાટ સુધી ગટર લાઇન અને રામના ગામમાં આધુનિક સેપ્ટેજ મેનેજમેન્ટ સિસ્ટમ; 30 ડબલ-સાઇડ બેકલિટ એલઇડી યુનિપોલ્સ; NDDB મિલ્ક પ્લાન્ટ રામનગર ખાતે ગાયના છાણ આધારિત બાયો-ગેસ પ્લાન્ટ; અને દશાશ્વમેધ ઘાટ પર એક અનોખી ફ્લોટિંગ ચેન્જિંગ રૂમ જેટી જે ભક્તોને ગંગા નદીમાં સ્નાન કરવાની સુવિધા આપશે.

પ્રધાનમંત્રી (PM Narendra Modi) દ્વારા જે પ્રોજેક્ટનો શિલાન્યાસ કરવામાં આવશે તેમાં ચૌખંડી, કાદીપુર અને હરદત્તપુર રેલવે સ્ટેશનો પાસે 3 ટુ-લેન રેલ ઓવર બ્રિજ (ROB)નું બાંધકામ સામેલ છે; વ્યાસનગરનું બાંધકામ – પં. દીનદયાલ ઉપાધ્યાય જંકશન રેલ ફ્લાયઓવર; અને 15 PWD રસ્તાઓનું બાંધકામ અને નવીનીકરણ. આ પ્રોજેક્ટ્સ લગભગ રૂ. 780 કરોડના સંચિત ખર્ચે વિકસાવવામાં આવશે.

પ્રધાનમંત્રી જલ જીવન મિશન હેઠળ રૂ. 550 કરોડથી વધુના ખર્ચે નિર્માણ થનારી 192 ગ્રામીણ પીવાના પાણીની યોજનાઓનો શિલાન્યાસ પણ કરશે. તે 192 ગામોમાં 7 લાખ લોકોને પીવાનું શુદ્ધ પાણી પૂરું પાડશે.

પ્રધાનમંત્રી મણિકર્ણિકા અને હરિશ્ચંદ્ર ઘાટની પુનઃ ડિઝાઇન અને પુનઃવિકાસનો શિલાન્યાસ પણ કરશે. પુનઃવિકાસ ઘાટમાં જાહેર સગવડતા, રાહ જોવાની જગ્યાઓ, લાકડાનો સંગ્રહ, કચરાનો નિકાલ અને ઇકો ફ્રેન્ડલી સ્મશાન ચિતાની જોગવાઈ હશે.

અન્ય પ્રોજેક્ટ જેનો પાયો નાખવામાં આવશે તેમાં દશાશ્વમેધ ઘાટની ફ્લોટિંગ ચેન્જિંગ રૂમ જેટીની તર્જ પર વારાણસીમાં ગંગા નદી પરના છ ધાર્મિક રીતે મહત્વપૂર્ણ સ્નાન ઘાટ પર ફ્લોટિંગ ચેન્જિંગ રૂમ જેટી અને CIPET કેમ્પસ કરસરામાં વિદ્યાર્થીઓની છાત્રાલયનું નિર્માણ શામેલ છે.

કાર્યક્રમ દરમિયાન, પ્રધાનમંત્રી(PM Narendra Modi) ઉત્તર પ્રદેશમાં લાભાર્થીઓને PMSvanidiની લોન, PMAY ગ્રામીણ ઘરોની ચાવીઓ અને આયુષ્માન ભારત કાર્ડ્સનું પણ વિતરણ કરશે. આનાથી 5 લાખ PMAY લાભાર્થીઓના ગૃહ પ્રવેશ, પાત્ર લાભાર્થીઓને 1.25 લાખ PMSvanidhi લોનનું વિતરણ અને 2.88 કરોડ આયુષ્માન કાર્ડનું વિતરણ શરૂ થશે.

પ્રધાનમંત્રી વારંગલ (Varangal) માં

પ્રધાનમંત્રી નરેન્દ્ર મોદી તેલંગાણામાં આશરે રૂ. 6,100 કરોડના મૂલ્યના અનેક મહત્ત્વપૂર્ણ માળખાકીય વિકાસ પ્રોજેક્ટ્સ માટે શિલાન્યાસ કરશે..

પ્રધાનમંત્રી રૂ. 5,550 કરોડથી વધુના મૂલ્યના 176 કિલોમીટર લાંબા રાષ્ટ્રીય ધોરીમાર્ગના પ્રોજેક્ટનો શિલાન્યાસ કરશે. પ્રોજેક્ટ્સમાં નાગપુર-વિજયવાડા કોરિડોરના 108 કિમી લાંબા મંચેરિયલ-વારંગલ સેક્શનનો સમાવેશ થાય છે. આ વિભાગ મંચેરિયલ અને વારંગલ વચ્ચેનું અંતર લગભગ 34 કિમી જેટલું ઘટાડશે, આમ મુસાફરીનો સમય ઘટશે અને NH-44 અને NH-65 પર ટ્રાફિકને ઓછો કરશે. તેઓ NH-563 ના 68 કિમી લાંબા કરીમનગર-વારંગલ સેક્શનને હાલના બે લેનમાંથી ફોર-લેન કન્ફિગરેશનમાં અપગ્રેડ કરવા માટે શિલાન્યાસ પણ કરશે. આનાથી હૈદરાબાદ-વારંગલ ઈન્ડસ્ટ્રીયલ કોરિડોર, કાકટિયા મેગા ટેક્સટાઈલ પાર્ક અને વારંગલ ખાતે SEZ સાથે કનેક્ટિવિટી સુધારવામાં મદદ મળશે.

પ્રધાનમંત્રી રેલવે મેન્યુફેક્ચરિંગ યુનિટ, કાઝીપેટનો શિલાન્યાસ પણ કરશે. જેને રૂ. 500 કરોડથી વધુના ખર્ચે વિકસાવવામાં આવશે. આધુનિક ઉત્પાદન એકમથી વેગન ઉત્પાદન ક્ષમતામાં વધારો થશે. તે નવીનતમ તકનીકી ધોરણો અને વેગનની રોબોટિક પેઇન્ટિંગ, અત્યાધુનિક મશીનરી અને આધુનિક સામગ્રીના સંગ્રહ અને હેન્ડલિંગ સાથે પ્લાન્ટ જેવી સુવિધાઓથી સજ્જ હશે. તે સ્થાનિક રોજગાર નિર્માણ અને નજીકના વિસ્તારોમાં આનુષંગિક એકમોના વિકાસમાં મદદ કરશે.

પ્રધાનમંત્રી બીકાનેર (Bikaner)માં

પ્રધાનમંત્રી બિકાનેરમાં 24,300 કરોડ રૂપિયાથી વધુની વિકાસ પરિયોજનાઓનું લોકાર્પણ અને શિલાન્યાસ કરશે. જેનો ઉદ્દેશ્ય પ્રદેશના માળખાકીય સુવિધાઓ અને કલ્યાણને વધારવાનો છે.

પ્રધાનમંત્રી અમૃતસર-જામનગર ઇકોનોમિક કોરિડોરનો સિક્સ લેન ગ્રીનફિલ્ડ એક્સપ્રેસવે સેક્શન રાષ્ટ્રને સમર્પિત કરશે. રાજસ્થાનમાં 500 કિમીમાં ફેલાયેલો, આ વિભાગ જે હનુમાનગઢ જિલ્લાના જખડાવલી ગામથી જાલોર જિલ્લાના ગામ ખેતલાવાસ સુધી છે, લગભગ રૂ. 11,125 કરોડના ખર્ચે બાંધવામાં આવ્યો છે. આ એક્સપ્રેસ વે મુસાફરીના સમયમાં નોંધપાત્ર ઘટાડો કરશે અને મોટા શહેરો અને ઔદ્યોગિક કોરિડોર વચ્ચેની કનેક્ટિવિટી સુધારશે. આ એક્સપ્રેસ વે માત્ર માલસામાનના સીમલેસ ટ્રાન્સપોર્ટેશનને જ નહીં પરંતુ તેના રૂટ પર પ્રવાસન અને આર્થિક વિકાસને પણ વધારશે.

આ પ્રદેશમાં પાવર સેક્ટરને પ્રોત્સાહન આપતા, પ્રધાનમંત્રી લગભગ રૂ. 10,950 કરોડની કિંમતના ગ્રીન એનર્જી કોરિડોર માટે આંતર-રાજ્ય ટ્રાન્સમિશન લાઇનનો તબક્કો રાષ્ટ્રને સમર્પિત કરશે. ગ્રીન એનર્જી કોરિડોર લગભગ 6 ગીગાવોટ રિન્યુએબલ પાવરને એકીકૃત કરશે અને રિન્યુએબલ પાવરના ગ્રીડ બેલેન્સિંગમાં પશ્ચિમી ક્ષેત્રમાં થર્મલ જનરેશન અને ઉત્તર પ્રદેશમાં હાઇડ્રો જનરેશનમાં મદદ કરશે, જેનાથી ઉત્તર પ્રદેશ અને પશ્ચિમ ક્ષેત્ર વચ્ચે ટ્રાન્સમિશન ક્ષમતા મજબૂત થશે. પ્રધાનમંત્રી બિકાનેરને ભીવાડી ટ્રાન્સમિશન લાઇન પણ સમર્પિત કરશે. લગભગ રૂ. 1,340 કરોડના ખર્ચે પાવર ગ્રીડ દ્વારા વિકસાવવામાં આવશે. બિકાનેરથી ભીવાડી ટ્રાન્સમિશન લાઇન રાજસ્થાનમાં 8.1 ગીગાવોટ સોલર પાવરને બહાર કાઢવામાં મદદ કરશે.

પ્રધાનમંત્રી(PM Narendra Modi) બિકાનેરમાં નવી 30 પથારીવાળી કર્મચારી રાજ્ય વીમા નિગમ (ESIC) હોસ્પિટલ સમર્પિત કરશે. હોસ્પિટલની ક્ષમતા 100 બેડ સુધી અપગ્રેડ કરી શકાય તેવી હશે. આ હોસ્પિટલ એક મહત્વપૂર્ણ આરોગ્યસંભાળ સુવિધા તરીકે સેવા આપશે, સ્થાનિક સમુદાયની તબીબી જરૂરિયાતોને પૂરી કરશે અને સુલભ અને ગુણવત્તાયુક્ત આરોગ્યસંભાળ સેવાઓ સુનિશ્ચિત કરશે.

વધુમાં, પ્રધાનમંત્રી બિકાનેર રેલવે સ્ટેશનના પુનઃવિકાસ માટે શિલાન્યાસ કરશે. જે આશરે રૂ. 450 કરોડના ખર્ચે વિકસાવવામાં આવશે. પુનઃવિકાસ કાર્યમાં રેલવે સ્ટેશનના હાલના માળખાના હેરિટેજ સ્ટેટસની જાળવણીને સુનિશ્ચિત કરતી વખતે ફ્લોરિંગ અને છત સાથે તમામ પ્લેટફોર્મના નવીનીકરણનો સમાવેશ થશે.

43 કિલોમીટર લાંબા ચુરુ-રતનગઢ સેક્શનના ડબલિંગ માટેનો શિલાન્યાસ પણ પ્રધાનમંત્રી (PM Narendra Modi) દ્વારા કરવામાં આવશે. આ રેલ લાઇનને બમણી કરવાથી કનેક્ટિવિટી વધારશે. જેનાથી જીપ્સમ, ચૂનાના પત્થર, ખાદ્ય અનાજ અને ખાતર ઉત્પાદનોના બિકાનેર પ્રદેશથી દેશના બાકીના ભાગોમાં સરળ પરિવહનની સુવિધા મળશે.

July 6, 2023 0 comment

મનોરંજન

સમાપ્ત થયો રામ-સીતા નો વનવાસ, 34 વર્ષ પછી પડદા પર જોવા મળશે દીપિકા-અરુણ ગોવિલ ની જોડી

by Zalak Parikh March 14, 2023

written by Zalak Parikh

News Continuous Bureau | Mumbai

સિનેમા જગતમાં જ્યારે પણ ‘રામાયણ’ નો ઉલ્લેખ થશે ત્યારે સૌથી પહેલા લોકોના હોઠ પર રામાનંદ સાગરનું નામ આવશે. આ સીરિયલને બનીને 35 વર્ષથી વધુ સમય થઈ ગયો છે, પરંતુ આજે પણ આ શોના પાત્રો લોકોના દિલમાં જીવંત છે. રામાયણમાં ભગવાન રામ વિશે વાત કરતા, અભિનેતા અરુણ ગોવિલની છબી દર્શકોના હૃદય અને દિમાગમાં યાદ કરવામાં આવે છે. બીજી તરફ સીતા તરીકે દીપિકા ચીખલીયા આજે પણ દર્શકોની ફેવરિટ છે. આ બંનેની જોડીને દર્શકોએ ખૂબ જ પસંદ કરી હતી, હવે ફરી એકવાર બંને સાથે જોવા મળવાના છે, જેને લઈને ફેન્સ ખૂબ જ ઉત્સાહિત છે.

આ ફિલ્મમાં જોવા મળશે દીપિકા અને અરુણ ગોવિલ

દીપિકા અને અરુણ ગોવિલના ચાહકો ની રાહ હવે પૂરી થઈ ગઈ છે…. ટીવીની આ હિટ જોડી હવે સિલ્વર સ્ક્રીન પર જોવા મળશે… હા…. અભિનેત્રી દીપિકાએ હાલમાં જ એક વીડિયો શેર કર્યો છે… આ વીડિયો તેના નવા પ્રોજેક્ટના શૂટિંગનો છે…જેમાં રામ અને સીતા બંને એકસાથે જોવા મળે છે….વિડિયોમાં દીપિકા સાડી પહેરીને પૂજા કરતી જોવા મળે છે…વિડિયોમાં અન્ય દ્રશ્યો સાથે તે ચેટ કરતી જોવા મળે છે. તેના કો-સ્ટાર અરુણ ગોવિલ સાથે…. ડિમાન્ડમાં સિંદૂર પહેરેલી, કપાળ પર મોટી બિંદી અને ગળામાં મંગલસૂત્ર, દીપિકાનો લુક એકદમ સિમ્પલ છે…. સાથે જ દપિકા તેની વેનિટી વેનમાં બેસીને સ્ક્રિપ્ટ પણ વાંચતી જોવા મળે છે. ….વેનિટી વેનમાં એક કાગળની સ્લિપ જોડાયેલ છે…જેમાં ઉપર શારદાનું નામ અને નીચે દીપિકાનું નામ લખેલું છે…જેને જોઈને અનુમાન લગાવવામાં આવી રહ્યું છે કે આ નવા પ્રોજેક્ટમાં દીપિકા ‘શારદા’ નામના પાત્રમાં જોવા મળશે..

View this post on Instagram

A post shared by Dipika (@dipikachikhliatopiwala)

વિડીયો જોઈ ચાહકો થઇ ગયા ખુશ

દીપિકાએ તેના નવા પ્રોજેક્ટનો વીડિયો સોશિયલ મીડિયા પર શેર કરતાની સાથે જ ચાહકોની ખુશીનો પાર ન રહ્યો. …એક પ્રશંસકે લખ્યું, ‘મારા રામ અને સીતા એકવાર ફરી સાથે’, જ્યારે બીજા યુઝરે લખ્યું, ‘હું તે જોવા માટે રાહ નથી જોઈ શકતો’…સમગ્ર ટીમને શુભેચ્છાઓ.

March 14, 2023 0 comment

rupali ganguly of anupama gets new project with sajan agarwal would she quit anupama

મનોરંજન

રૂપાલી ગાંગુલીને મળ્યો આ પ્રખ્યાત નિર્દેશકનો પ્રોજેક્ટ, શું હવે કહેશે ‘અનુપમા’ને અલવિદા?

by Zalak Parikh February 21, 2023

written by Zalak Parikh

News Continuous Bureau | Mumbai

રૂપાલી ગાંગુલીએ ટીવીના હિટ શો ‘અનુપમા’ દ્વારા લાખો લોકોના દિલ જીતી લીધા છે. તે આ દિવસોમાં ઘણી હેડલાઇન્સમાં રહે છે. તેની જબરદસ્ત એક્ટિંગ અને સ્ટાઇલના કારણે રૂપાલી ગાંગુલી ટીવીની સૌથી વધુ કમાણી કરનાર અભિનેત્રી બની ગઈ છે. એટલું જ નહીં, અભિનેત્રી જ્યાં પણ જાય છે, લોકો તેને ‘અનુપમા’ના નામથી બોલાવે છે. પરંતુ હાલમાં જ રૂપાલી ગાંગુલી વિશે એક મોટા સમાચાર સામે આવી રહ્યા છે. ખરેખર, અભિનેત્રીને ડિરેક્ટર સાજન અગ્રવાલનો નવો પ્રોજેક્ટ મળ્યો છે. તેના સંબંધિત આ સમાચારે લોકોના મનમાં ચિંતા પેદા કરી છે કે તે ‘અનુપમા’ને અલવિદા તો નહીં કહે.

રૂપાલી ગાંગુલી ને મળ્યો સાજન અગ્રવાલ નો પ્રોજેક્ટ

સાજન અગ્રવાલ પોતાના નિર્દેશન માટે જાણીતા છે. તેણે પોતાની કારકિર્દીમાં ઘણી ફિલ્મો અને વેબસિરીઝનું નિર્દેશન કર્યું છે જે ઇન્ડસ્ટ્રીમાં ખૂબ સફળ પણ રહી છે. તે જ સમયે, તે ટૂંક સમયમાં રૂપાલી ગાંગુલી સાથે તેના એક પ્રોજેક્ટમાં કામ કરતો જોવા મળશે. રૂપાલી ગાંગુલી અને સાજન અગ્રવાલનો આ પ્રોજેક્ટ ટૂંક સમયમાં નાના પડદા પર પણ દસ્તક આપશે. જોકે, હજુ સુધી એ જાણવા મળ્યું નથી કે રૂપાલી ગાંગુલી કોઈ શો કે વેબસીરીઝમાં જોવા મળશે. રૂપાલી અને સાજન અગ્રવાલના વાયરલ થયેલા ફોટા પરથી અનુમાન લગાવવામાં આવી રહ્યું છે કે અભિનેત્રી જાહેરાત માં જોવા મળવાની છે.

શું અનુપમા શો છોડી દેશે રૂપાલી ગાંગુલી?

સાજન અગ્રવાલે પોતે પણ રૂપાલી ગાંગુલી વિશે મીડિયા સાથે વાત કરી હતી. તેણે કહ્યું, “રુપાલી એક સારી અભિનેત્રી છે. તેની સાથે કામ કરવું ખૂબ જ સારું છે. હું શૂટ વિશે વધુ બોલી શકતો નથી, પરંતુ હા હું કહી શકું છું કે પરિણામ મારી અપેક્ષા કરતાં ઘણું સારું છે. મને ખાતરી છે કે દર્શકોને પણ ગમશે.” રૂપાલી ગાંગુલીના નવા પ્રોજેક્ટના સમાચારે તે અટકળોને વેગ આપ્યો છે કે તે ‘અનુપમા’માં જોવા મળશે કે નહીં. પરંતુ તમને જણાવી દઈએ કે રૂપાલીએ હજુ સુધી રાજન શાહીનો શો છોડવાનો કોઈ નિર્ણય લીધો નથી.

February 21, 2023 0 comment

Newer Posts

Older Posts