Tag: qatar

  • UPI Launch: દેશ જ નહીં હવે વિદેશ માં પણ વાગશે UPIનો ડંકો,પીયૂષ ગોયલ એ આ દેશ માં સિસ્ટમ લોન્ચ કરતા કહી આવી વાત

    UPI Launch: દેશ જ નહીં હવે વિદેશ માં પણ વાગશે UPIનો ડંકો,પીયૂષ ગોયલ એ આ દેશ માં સિસ્ટમ લોન્ચ કરતા કહી આવી વાત

    News Continuous Bureau | Mumbai
    UPI Launch ભારતના યુનિફાઇડ પેમેન્ટ્સ ઇન્ટરફેસ એટલે કે યુપીઆઈ (UPI) નો ડંકો દુનિયામાં વાગી રહ્યો છે. હવે તેનો ઉપયોગ કરનારા દેશોની યાદીમાં કતારનો પણ સમાવેશ થયો છે. કેન્દ્રીય મંત્રી પીયૂષ ગોયલે રાજધાની દોહાના લુલુ મોલમાં યુપીઆઈ સિસ્ટમ લોન્ચ કરી. એટલે કે હવે ત્યાં સરળતાથી ક્યૂઆર કોડ (QR Code) દ્વારા પેમેન્ટ કરી શકાય છે. આ લોન્ચના અવસરે તેમણે કહ્યું કે યુપીઆઈ માત્ર ડિજિટલ પેમેન્ટની એક રીત નથી, પરંતુ તે ભારતીય ઇનોવેશન અને ટેકનિકની તાકાતનું પ્રતીક પણ છે.

    ભારત-કતારની વધતી ભાગીદારીનું પ્રતીક

    બે દિવસીય કતાર પ્રવાસ દરમિયાન કેન્દ્રીય વાણિજ્ય મંત્રી પીયૂષ ગોયલે ત્યાં યુપીઆઈ સિસ્ટમ લોન્ચ કરી. તેમણે કહ્યું કે કતારમાં UPI દ્વારા પેમેન્ટ ભારતની ટેક્નોલોજી અને બંને દેશોની વધતી ભાગીદારીનું ઉદાહરણ છે. આ સાથે તે બંને દેશો વચ્ચેના વિશ્વાસને પણ દર્શાવે છે. તેમણે યુપીઆઈના વધતા વ્યાપ વિશે વાત કરતાં કહ્યું કે આજે ભારતમાં જ્યાં 85% ડિજિટલ પેમેન્ટ આ સિસ્ટમ દ્વારા થાય છે, તો વિશ્વભરમાં લગભગ 50% ડિજિટલ પેમેન્ટ પણ યુપીઆઈથી થઈ રહ્યા છે.

    ભારતીય પ્રવાસીઓને રાહત

    કતાર નેશનલ બેંક (QNB) એ નેશનલ પેમેન્ટ્સ કોર્પોરેશન ઓફ ઇન્ડિયા (NPCI) સાથે ભાગીદારીમાં તેના મર્ચન્ટ ગ્રાહકો માટે પોઇન્ટ-ઓફ-સેલ ટર્મિનલો પર ક્યૂઆર કોડ-આધારિત યુપીઆઈ પેમેન્ટની સેવા શરૂ કરી છે. કતારમાં LuLu આઉટલેટ્સ પર હવે ભારતીય પેમેન્ટ સિસ્ટમ દ્વારા લેવડ-દેવડ સ્વીકારવામાં આવતી હોવાથી, ભારતમાંથી આવતા પ્રવાસીઓ કતારમાં પણ સરળ અને વધુ અનુકૂળ ડિજિટલ પેમેન્ટનો આનંદ લઈ શકે છે, જેનાથી રોકડ રાખવાની કે ચલણ વિનિમયનું સંચાલન કરવાની જરૂરિયાત ઓછી થઈ જશે.

    આ સમાચાર પણ વાંચો : Flipkart Sale: ફ્લિપકાર્ટ સેલમાં Appleના AirPods Pro 2 પર મોટું ડિસ્કાઉન્ટ, જાણો તેના ફીચર્સ અને શું છે ડીલ

    દ્વિપક્ષીય વેપાર સંબંધો વધારવા પર ભાર

    મીડિયા રિપોર્ટ મુજબ, દોહામાં યુપીઆઈ લોન્ચ કરવાની સાથે જ કેન્દ્રીય વાણિજ્ય અને ઉદ્યોગ મંત્રી પીયૂષ ગોયલે સોમવારે કતારના વાણિજ્ય-ઉદ્યોગ મંત્રી મહામહિમ શેખ ફૈસલ બિન થાની બિન ફૈસલ અલ થાની સાથે એક બેઠક પણ કરી. તેમાં આર્થિક અને વાણિજ્યિક સહયોગ પર વાતચીત કરવામાં આવી. સોશિયલ મીડિયા પ્લેટફોર્મ X પર એક પોસ્ટ દ્વારા આનાથી જોડાયેલી જાણકારી શેર કરતાં પીયૂષ ગોયલે જણાવ્યું, ‘બંને પક્ષોએ મજબૂત દ્વિપક્ષીય વેપારના આધાર પર ભારત-કતાર ભાગીદારીને વધુ ગાઢ બનાવવાની પોતાની પ્રતિબદ્ધતા દોહરાવી.’

  • Ajey: The Untold Story of a Yogi: યોગી આદિત્યનાથની બાયોપિક ‘અજેય’ પર વિવાદ, આ દેશો માં બેન થઇ ફિલ્મ

    Ajey: The Untold Story of a Yogi: યોગી આદિત્યનાથની બાયોપિક ‘અજેય’ પર વિવાદ, આ દેશો માં બેન થઇ ફિલ્મ

    News Continuous Bureau | Mumbai

    Ajey: The Untold Story of a Yogi: ઉત્તર પ્રદેશના મુખ્યમંત્રી યોગી આદિત્યનાથ ના જીવન પર આધારિત બાયોપિક ‘અજેય ધ અનટોલ્ડ સ્ટોરી ઓફ યોગી’હાલમાં ચર્ચામાં છે. ફિલ્મ 19 સપ્ટેમ્બરે રિલીઝ થવાની છે, પરંતુ રિલીઝ પહેલા જ સાઉદી અરેબિયા અને  કતાર  માં ફિલ્મ પર પ્રતિબંધ મૂકવામાં આવ્યો છે.

    આ સમાચાર પણ વાંચો : Aryan Khan: જાણો કેમ કેમેરા સામે હસતો નથી આર્યન ખાન? રાઘવ જુયાલે કર્યો શાહરુખ ખાન ના દીકરા ને લઈને ખુલાસો

    પ્રોડ્યૂસરનું નિવેદન – વિચાર પર રોક નથી લગાડી શકાતી

    ફિલ્મના પ્રોડ્યૂસર રિતુ મેનગી એ કહ્યું કે, “ભારત હંમેશા યોગીઓના શાશ્વત જ્ઞાનમાં વિશ્વાસ રાખે છે. આ ફિલ્મ માત્ર યોગીજીની યાત્રા નથી, પણ એક વિચાર છે. ભલે ફિલ્મ કતાર અને સાઉદીમાં રિલીઝ ન થાય, પણ તેની વાત દુનિયાના દિલ સુધી પહોંચશે.” માહિતી મુજબ, ફિલ્મના આધ્યાત્મિક અને ભારતીય સંસ્કૃતિ આધારિત વિષયને કારણે કેટલાક દેશોએ તેને રિલીઝ કરવાની મંજૂરી નથી આપી. જોકે, મેકર્સનું માનવું છે કે આ ફિલ્મ સરહદો પાર વિચારશક્તિ અને સંદેશ આપશે.

     

    View this post on Instagram

     

    A post shared by Official Yogi Up (@official_yogi_up)


    ફિલ્મમાં યોગી આદિત્યનાથના પાત્રમાં અનંત વિજય જોશી છે. સાથે પરેશ રાવલ, દિનેશ લાલ યાદવ ‘નિરહુઆ’, અને ગરિમા વિક્રાંત સિંહ પણ ખાસ ભૂમિકામાં છે. ફિલ્મનું નિર્માણ સમ્રાટ સિનેમેટિક્સના બેનર હેઠળ થયું છે.

    (News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)

  • Donald Trump: ટ્રમ્પે ઇઝરાયલને આપી ચેતવણી સાથે જ દોહા ને આપ્યું આવું આશ્વાસન

    Donald Trump: ટ્રમ્પે ઇઝરાયલને આપી ચેતવણી સાથે જ દોહા ને આપ્યું આવું આશ્વાસન

    News Continuous Bureau | Mumbai
    Donald Trump અમેરિકાના રાષ્ટ્રપતિ ડોનાલ્ડ ટ્રમ્પે જાહેરમાં કહ્યું છે કે ઇઝરાયલના વડાપ્રધાન બેન્જામિન નેતન્યાહૂએ કતારમાં હમાસના નેતાઓ પર હુમલો કરતા પહેલા અમેરિકાને કોઈ જાણકારી આપી નહોતી. ટ્રમ્પે જણાવ્યું કે આ હુમલો સંપૂર્ણપણે ઇઝરાયલનો પોતાનો નિર્ણય હતો. ઓવલ ઓફિસમાં પત્રકારો સાથે વાત કરતા ટ્રમ્પે કહ્યું કે તેમને આ હુમલા અંગે કોઈ પૂર્વ જાણકારી નહોતી. તેમણે ભારપૂર્વક કહ્યું કે કતાર અમેરિકાનું એક મહત્વપૂર્ણ મિત્ર છે અને દોહાને ખાતરી આપી કે ઇઝરાયલ ભવિષ્યમાં કતાર પર કોઈ હુમલો નહીં કરે. ટ્રમ્પે દોહાની ભાગીદારીને ‘ખૂબ સારો સહયોગ’ ગણાવ્યો. આ દરમિયાન, ઇઝરાયલના વડાપ્રધાન કાર્યાલયે પણ પુષ્ટિ કરી કે કતારમાં થયેલો હુમલો ઇઝરાયલની સ્વતંત્ર કાર્યવાહી હતી, અને તેની સંપૂર્ણ જવાબદારી પણ લીધી છે.

    અમેરિકાએ કતારને કરી અપીલ

    અમેરિકાના વિદેશ મંત્રી માર્કો રુબિયોએ કહ્યું કે કતારે સંઘર્ષ ઉકેલવામાં એક સહયોગીની ભૂમિકા નિભાવવી જોઈએ. તેમણે કતારને ગાઝામાં બાકી રહેલા 48 બંધકોની મુક્તિમાં મદદ કરવા, હમાસના હથિયારો જમા કરાવવામાં સહયોગ આપવા અને ગાઝાના લોકોના સારા ભવિષ્ય માટે યોગદાન આપવા અપીલ કરી. રુબિયોએ ઇઝરાયલના વડાપ્રધાન નેતન્યાહૂ સાથે મળીને કતારને આ પ્રક્રિયામાં રચનાત્મક ભૂમિકા ભજવવા માટે પ્રોત્સાહિત કર્યા.

    હમાસના નેતાઓને નિશાન બનાવતા રહીશું – નેતન્યાહૂ

    ઇઝરાયલના વડાપ્રધાન નેતન્યાહૂએ કતારમાં થયેલા હુમલાની ટીકાને અવગણતા કહ્યું કે તેઓ ભવિષ્યમાં પણ હમાસના નેતાઓ પર ‘જ્યાં પણ હોય’ હુમલો કરતા અટકશે નહીં. તેમણે એમ પણ કહ્યું કે કતારમાં હાજર હમાસના નેતાઓને નિશાન બનાવવાથી ગાઝામાં યુદ્ધ સમાપ્ત કરવામાં અને તમામ બંધકોને મુક્ત કરવામાં સૌથી મોટી અડચણ દૂર થશે.

    આ સમાચાર પણ વાંચો : Uttarakhand Disaster: ઉત્તરાખંડના સહસ્ત્રધારા માં ફાટ્યું વાદળ, રમકડાંની જેમ તણાઈ કાર, જાણો ક્યાં થયું કેટલું નુકશાન

    હમાસના મુદ્દા પર પગલાં લેવા પડશે

    જ્યારે ટ્રમ્પને પૂછવામાં આવ્યું કે શું તેઓ ઇઝરાયલના વડાપ્રધાન બેન્જામિન નેતન્યાહૂને કતારમાં હમાસના નેતાઓ પરના હુમલા અંગે કોઈ સંદેશ આપવા માંગે છે, ત્યારે ટ્રમ્પે કહ્યું કે તેમનો સંદેશ એ છે કે નેતન્યાહૂએ ખૂબ સાવચેત રહેવું જોઈએ અને હમાસના મુદ્દા પર કેટલાક પગલાં લેવા પડશે. તેમણે ફરી એકવાર કહ્યું કે કતાર અમેરિકાનું એક મહત્વપૂર્ણ સહયોગી રહ્યું છે. ન્યૂ જર્સીના મોરિસટાઉન એરપોર્ટ પર પત્રકારો સાથે વાતચીતમાં ટ્રમ્પે કતારના અમીર તમીમ બિન હમદ અલ થાનીની પ્રશંસા કરતા તેમને એક ‘શાનદાર વ્યક્તિ’ ગણાવ્યા.

  • Israel: ઇઝરાયેલ ચારે તરફ થી ઘેરાયું! આરબ દેશોએ બનાવ્યો તેની વિરુદ્ધ ખતરનાક પ્લાન

    Israel: ઇઝરાયેલ ચારે તરફ થી ઘેરાયું! આરબ દેશોએ બનાવ્યો તેની વિરુદ્ધ ખતરનાક પ્લાન

    News Continuous Bureau | Mumbai
    Israel ઇઝરાયેલ અને હમાસ વચ્ચે ચાલી રહેલા સંઘર્ષની અસર સતત ફેલાતી જાય છે. તેની શરૂઆત ગાઝાથી થઈ, પછી લેબનોન, વેસ્ટ બેંક, સીરિયા, યમન અને ઇરાન સુધી પહોંચી. ઇઝરાયેલે આ બધા સ્થળો પર હુમલા કર્યા, પરંતુ આ હુમલાઓની ખાસ અસર થઈ નહોતી. જોકે, કતારની રાજધાની દોહામાં ઇઝરાયેલી હુમલાઓ થયા કે તરત જ આરબ ક્ષેત્રનું રાજકીય અને વ્યૂહાત્મક સંતુલન સંપૂર્ણપણે બદલાઈ ગયું અને ઇઝરાયેલ દબાણમાં આવી ગયું. ઇઝરાયેલનો દાવો છે કે દોહામાં કરવામાં આવેલા આ હુમલાનું લક્ષ્ય હમાસના નેતાઓ હતા, પરંતુ આ હુમલા દ્વારા નેતન્યાહુએ આરબ વિશ્વમાં એક નવા સંઘર્ષની શરૂઆત કરી દીધી છે.

    ઇઝરાયેલ વિરુદ્ધ આરબ દેશોની તૈયારીઓ

    વાસ્તવમાં, કતાર પર થયેલો હુમલો માત્ર એક લશ્કરી કાર્યવાહી નહોતી, પરંતુ એક રાજકીય દાવ પણ હતો. ઇઝરાયેલની યુદ્ધની તૈયારીઓનું ધ્યાન પહેલા ગાઝા, લેબનોન, વેસ્ટ બેંક, ઇરાન અને યમન પર કેન્દ્રિત હતું. પરંતુ કતાર પરના અચાનક હુમલાથી આરબોના વ્યૂહાત્મક સમીકરણને સંપૂર્ણપણે બદલી નાખ્યું છે. આ હુમલા બાદ ઇઝરાયેલ વિરુદ્ધ બે મોરચા ખુલી ગયા છે: એક રાજદ્વારી (diplomatic), જેમાં અમેરિકા ઇઝરાયેલના સમર્થનમાં છે, અને બીજો વ્યૂહાત્મક (strategic), જેમાં આરબ દેશોનું આખું જૂથ ઇઝરાયેલની વિરુદ્ધમાં છે. કતાર મામલામાં રાજદ્વારી મોરચો અમેરિકાએ પહેલાથી જ ખોલી દીધો છે.

    આરબ દેશોએ બનાવ્યો ખતરનાક પ્લાન

    ઇઝરાયેલના આ હુમલા બાદ આરબ દેશોમાં એકતા વધી રહી છે અને તેઓ એક સંયુક્ત લશ્કરી જોડાણ બનાવવાનું વિચારી રહ્યા છે. તેઓનું માનવું છે કે કતાર પર હુમલો એ માત્ર હમાસ સામેની કાર્યવાહી નથી, પરંતુ સમગ્ર આરબ વિશ્વને ધમકી આપવાનો ઇઝરાયેલનો પ્રયાસ છે. કતારે પણ ઇઝરાયેલના આ હુમલા સામે સખત નારાજગી વ્યક્ત કરી છે અને સંભવિત હુમલાને ધ્યાનમાં રાખીને લશ્કરી તૈયારીઓ શરૂ કરી દીધી છે. આનો અર્થ એ છે કે કતાર અને ઇઝરાયેલ વચ્ચેના સંભવિત યુદ્ધથી અમેરિકા માટે પણ સંકટ ઊભું થઈ શકે છે. અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે પણ કતાર પર થયેલા હુમલાને લઈને પોતાની નારાજગી વ્યક્ત કરી છે અને તેમના પ્રતિનિધિ સ્ટીવ વિટકોફને ઇઝરાયેલ મોકલ્યા છે, જેમણે ઇઝરાયેલને ટ્રમ્પની નારાજગી વિશે જાણ કરી છે.

    આ સમાચાર પણ વાંચો : UPI: UPI યુઝર્સ માટે મહત્વ ના સમાચાર, આજથી નિયમોમાં થશે ફેરફાર; જાણો કોને ફાયદો, કોને નુકસાન

    નેતન્યાહુએ હુમલાને યોગ્ય ઠેરવ્યો

    ઇઝરાયેલના વડાપ્રધાન નેતન્યાહુએ તાજેતરમાં એક પોસ્ટ દ્વારા કતાર પરના હુમલા અને ગાઝા સંકટ પર પોતાની પ્રતિક્રિયા આપી છે. તેમણે લખ્યું છે કે હમાસના નેતાઓ કતારમાં હાજર છે અને તેમને ગાઝાના લોકોની કોઈ ચિંતા નથી. નેતન્યાહુનું કહેવું છે કે તેઓ યુદ્ધને અનિશ્ચિતકાળ સુધી ખેંચવાનો પ્રયાસ કરી રહ્યા છે અને તેમણે યુદ્ધવિરામના પ્રયાસોને પણ રોક્યા છે. તેમના અનુસાર, હમાસથી છુટકારો મળવાથી તમામ બંધકોની મુક્તિ શક્ય બનશે અને શાંતિના માર્ગમાં મુખ્ય અવરોધ દૂર થશે. આના પરથી સ્પષ્ટ સંકેત મળે છે કે નેતન્યાહુ કતાર પર થયેલા હુમલાને યોગ્ય ઠેરવે છે અને ભવિષ્યમાં પણ કતારમાં હમાસના ઠેકાણાઓ પર હુમલો કરતા અચકાશે નહીં.

  • Surat : સુરતના પ્રાધ્યાપક દંપતિનો ૧૨ વર્ષીય પુત્ર તનય કોડેવરની આંતરરાષ્ટ્રીય સ્પર્ધામાં ભાગ લેવા કતાર જશે:

    Surat : સુરતના પ્રાધ્યાપક દંપતિનો ૧૨ વર્ષીય પુત્ર તનય કોડેવરની આંતરરાષ્ટ્રીય સ્પર્ધામાં ભાગ લેવા કતાર જશે:

    News Continuous Bureau | Mumbai

    Surat :

    • ગુડગાંવમાં રમાયેલી નેશનલ સ્પર્ધામાં તનયે જોડીદાર રિધાન સાથે દ્વિતીય ક્રમ મેળવ્યો:

    હરિયાણાના ગુડગાંવ ખાતે યોજાયેલી નેશનલ કોડેવરની આર્ટિફિશિયલ ઇન્ટેલિજન્સ અને કોડિંગ સ્પર્ધામાં સુરતના તનય પટેલ અને રિધાનની જોડીએ દેશભરના સ્પર્ધકો સાથે સ્પર્ધા કરીને રાષ્ટ્રીય સ્તરે દ્વિતીય ક્રમ હાંસલ કર્યો છે. આવતા મહિને કતારમાં યોજાનાર ઇન્ટરનેશનલ કોડેવર સ્પર્ધામાં ભાગ લેવા આ બેલડી પસંદગી પામી છે.

    સાતથી અઢાર વર્ષના વય જૂથના રાષ્ટ્રીય રાઉન્ડમાં આ જોડીએ પિક્ટોબ્લોકસનો કુશળતાપૂર્વક ઉપયોગ કરીને ટોચની પ્રતિભાઓને ટક્કર આપી હતી. પ્રા. રવિ પટેલ અને પ્રા. પારૂલ પટેલનો બાર વર્ષીય પુત્ર તનય સુરતની રિલાયન્સ ફાઉન્ડેશન સ્કૂલમાં અભ્યાસ કરે છે. તેને વાંચન અને લેગો બિલ્ડિંગનો જબરો શોખ છે. 

    આ સમાચાર પણ વાંચો: Railway News : ગોરખપુર સ્ટેશન પર નોન-ઇન્ટરલોકીંગ કાર્યના કારણે પોરબંદર-મુઝફ્ફરપુર એક્સપ્રેસ ટ્રેન ડાયવર્ટ કરાયેલા રૂટ પર દોડશે

    કોડેવરની રમત બાળકોને આર્ટિફિશિયલ ઇન્ટેલિજન્સ, સાયન્સ ટેક્નોલોજી, મેથેમેટિક્સ અને જનરલ નોલેજ જેવા વિષયોમાં પારંગત બનાવીને આવતીકાલના કુશળ યુવાધનનું નિર્માણ કરવામાં મહત્વનું પ્રદાન કરે છે.

    Disclaimer : Except for the headline, this story has not been edited by News Continuous staff and is published from a syndicated feed.

     

  • Israel-Hamas war: ઈઝરાયેલ સાથેના યુદ્ધ વચ્ચે હમાસને મોટો ઝટકો! આ દેશ છોડવાનો મળ્યો આદેશ..

    Israel-Hamas war: ઈઝરાયેલ સાથેના યુદ્ધ વચ્ચે હમાસને મોટો ઝટકો! આ દેશ છોડવાનો મળ્યો આદેશ..

    News Continuous Bureau | Mumbai

    Israel-Hamas war:  ઇઝરાયેલ સાથેના યુદ્ધ વચ્ચે હમાસના નેતાઓને મોટો આંચકો લાગ્યો છે. કતારે હાલમાં જ અમેરિકાની વિનંતીને પગલે હમાસના નેતાઓને દેશ છોડવા માટે કહ્યું છે. હમાસના ઘણા મોટા નેતાઓ કતારની રાજધાની દોહામાં રહે છે.

    Israel-Hamas war: કતાર એ હમાસને દેશ છોડવા કહ્યું 

    હમાસ અને ઇઝરાયેલ વચ્ચે યુદ્ધવિરામ યુએસ પ્રમુખ જો બિડેન માટે ટોચની પ્રાથમિકતા છે. આ સંદર્ભમાં, અમેરિકન અધિકારીઓએ લગભગ બે અઠવાડિયા પહેલા તેમના કતારી સમકક્ષોને જાણ કરી હતી કે તેઓએ હમાસને તેમની રાજધાનીમાં આશ્રય આપવાનું બંધ કરવું પડશે. અહેવાલો અનુસાર કતાર હવે આ માટે સહમત થઈ ગયું છે. તેણે લગભગ એક અઠવાડિયા પહેલા હમાસને દેશ છોડવા કહ્યું હતું.

    Israel-Hamas war: હમાસ એક આતંકવાદી જૂથ  

    અહેવાલ અનુસાર, વહીવટીતંત્રના વરિષ્ઠ અધિકારીએ કહ્યું કે, હમાસ એક આતંકવાદી જૂથ છે, જેણે અમેરિકન નાગરિકોની હત્યા કરી છે અને તેમને બંધક બનાવ્યા છે. આ સિવાય તેણે બંધકોને છોડવાના પ્રસ્તાવને પણ વારંવાર નકારી કાઢ્યો છે. તેના નેતાઓને હવે હમાસની મુક્તિની દરખાસ્ત નકારી દેવી જોઈએ. કોઈપણ યુએસ ભાગીદારની રાજધાનીમાં સ્વાગત છે.

    આ સમાચાર પણ વાંચો :  Maharashtra election 2024 : શરદ પવાર રાજકારણમાંથી ક્યારે નિવૃત્ત થશે, એમવીએમાંથી સીએમ ચહેરો કોણ હશે? NCPએ આપ્યું મોટું અપડેટ..

    Israel-Hamas war: હાંકી કાઢવાની ધમકીનો લાભ લો

    ઇઝરાયેલ સાથેના યુદ્ધ અને બંધકોને પરત કરવા અંગેની વાટાઘાટો દરમિયાન, યુએસ અધિકારીઓએ કતારને હમાસ સાથેની વાટાઘાટોમાં હાંકી કાઢવાની ધમકીનો ઉપયોગ કરવા હાકલ કરી છે. તાજેતરમાં, અમેરિકાએ આ વાત અમેરિકન-ઇઝરાયલી બંધક હર્ષ ગોલ્ડબર્ગ-પોલીનના મૃત્યુ અને હમાસ દ્વારા યુદ્ધવિરામના અન્ય પ્રસ્તાવને નકાર્યા બાદ કહી હતી.

    Israel-Hamas war: હમાસના નેતાઓ તુર્કિયે જશે

    હમાસના નેતાઓને કતારમાંથી ક્યારે દેશનિકાલ કરવામાં આવશે અને તેઓ ક્યાં જશે તે સ્પષ્ટ નથી.   હમાસને દેશ છોડવા માટે વધુ સમય આપવામાં આવ્યો નથી. એવું માનવામાં આવે છે કે તે તુર્કિયે જઈ શકે છે. નોંધનીય છે કે અમેરિકી વિદેશ મંત્રી એન્ટની બ્લિંકને પણ અગાઉ કતારને હમાસને ચેતવણી આપવા કહ્યું હતું કે જો તે ગાઝામાં યુદ્ધ રોકવા માટે સહમત નહીં થાય તો તેને દોહામાંથી બહાર ફેંકી દેવાનો ખતરો છે.

  • India vs Qatar Football Highlights: ભારત ફાઉલને કારણે કતાર સામે હાર્યું, રેફરીના ખોટા નિર્ણયને કારણે ઈતિહાસ રચવાથી ચૂકી ભારતની ટીમ.. જુઓ વિડીયો..

    India vs Qatar Football Highlights: ભારત ફાઉલને કારણે કતાર સામે હાર્યું, રેફરીના ખોટા નિર્ણયને કારણે ઈતિહાસ રચવાથી ચૂકી ભારતની ટીમ.. જુઓ વિડીયો..

    News Continuous Bureau | Mumbai

    India vs Qatar Football Highlights:   ભારતીય ફૂટબોલ ટીમ ફિફા વર્લ્ડ કપના ( FIFA World Cup ) બીજા રાઉન્ડના ક્વોલિફાયરમાં હારી ગઈ છે. વાસ્તવમાં, મંગળવારે રાત્રે એક વિવાદાસ્પદ ગોલને કારણે ટીમ ઈન્ડિયાને કતાર સામે હાર મળી હતી. આ અત્યંત રોમાંચક મેચમાં ( 2026 FIFA World Cup ) ભારતીય ટીમને કતાર સામે 2-1થી પરાજય મળ્યો હતો. જોકે, રેફરીના ખોટા નિર્ણયને કારણે ભારત ફિફા વર્લ્ડ કપ ક્વોલિફાયરના ત્રીજા રાઉન્ડમાં પહોંચી શક્યું ન હતું. આ રીતે ટીમ ઈન્ડિયા ઈતિહાસ રચવાનું ચૂકી ગઈ છે. ભારત માટે લલિયાનઝુઆલા ચાંગટેએ 37મી મિનિટે ગોલ કર્યો હતો. આ ગોલને કારણે ટીમ ઈન્ડિયા 1-0થી આગળ હતી, પરંતુ રેફરીના ખોટા નિર્ણયને કરાણે ભારતીય ટીમને પરિણામ ભોગવવું પડ્યું. 

    વાસ્તવમાં, કતાર માટે છેલ્લી ઘડીએ યુસેફ ઈમાને ગોલ કર્યો હતો. એવું લાગતું હતું કે તે લાઇનની બહાર ગયો છે, પરંતુ રેફરીએ ગોલ માન્ય જાહેર કર્યો. આ રીતે ભારત ( India  ) સાથે અપ્રમાણિક વર્તન કરવામાં આવ્યું હતું. આથી ભારતીય ટીમ ઈતિહાસ રચવાનું ચૂકી ગઈ. હવે આ વીડિયો સોશિયલ મીડિયા પર વાયરલ થઈ રહ્યો છે. આ સિવાય સોશિયલ મીડિયા યુઝર્સ સતત કોમેન્ટ કરીને પોતાનો પ્રતિભાવ આપી રહ્યા છે. સાથે જ ચાહકોનું કહેવું છે કે ભારત સાથે અન્યાય કરવામાં આવ્યો હતો, જો આવું ન થયું હોત તો ટીમ ઈન્ડિયા ઈતિહાસ રચવામાં સફળ રહી હોત.

    આ સમાચાર પણ વાંચો: Modi 3.0 in Action: મોદી 3.0 નો એક્શન પ્લાન તૈયાર, 100 દિવસમાં ઐતિહાસીક નિર્ણયો લેવાની શક્યતા, બનશે રોડમેપ..

    India vs Qatar Football Highlights: કતારની ટીમ 2-1થી આગળ રહી હતી…

    જોકે, આ સમગ્ર ઘટના 73મી મિનિટમાં બની હતી. આ રીતે બંને ટીમો 1-1ની બરાબરી પર આવી હતી. પરંતુ વિવાદાસ્પદ નિર્ણય બાદ ભારતીય ખેલાડીઓની ( Football Players ) લય બગડી ગઈ હતી. આથી, કતારે 85મી મિનિટે ફરી ગોલ કર્યો હતો. આ રીતે કતારની ટીમ 2-1થી આગળ રહી હતી. ઉપરાંત, કતાર 2-1થી જીતીને આગલા રાઉન્ડમાં પોતાનું સ્થાન નિશ્ચિત કરી લીધું હતું. તે જ સમયે, અન્ય એક મેચમાં કુવૈતે અફઘાનિસ્તાનને 1-0થી હરાવ્યું હતું. આ રીતે કતાર સિવાય કુવૈત આગળના રાઉન્ડમાં પહોંચી ગયું છે, પરંતુ ભારતીય ટીમનું સપનું ચકનાચૂર થઈ ગયું છે.

    (News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)

  • PM Narendra Modi Qatar Visit: આઠ ભૂતપૂર્વ ભારતીય મરીનને મુક્ત કર્યા બાદ PM મોદી દોહા પહોંચ્યા, કતારના પીએમ સાથે દ્વિપક્ષીય મુદ્દાઓ પર કરશે મહત્વપૂર્ણ ચર્ચા

    PM Narendra Modi Qatar Visit: આઠ ભૂતપૂર્વ ભારતીય મરીનને મુક્ત કર્યા બાદ PM મોદી દોહા પહોંચ્યા, કતારના પીએમ સાથે દ્વિપક્ષીય મુદ્દાઓ પર કરશે મહત્વપૂર્ણ ચર્ચા

    News Continuous Bureau | Mumbai 

    PM Narendra Modi Qatar Visit: સંયુક્ત આરબ અમીરાત (UAE)માં પ્રથમ હિન્દુ મંદિરનું ઉદ્ઘાટન કર્યા બાદ વડાપ્રધાન નરેન્દ્ર મોદી કતાર ( Qatar  ) પહોંચી ગયા છે. દોહા એરપોર્ટ પર કતારના વિદેશ રાજ્ય મંત્રી સુલ્તાન બિન સાદ અલ-મુરૈખીએ પીએમ મોદીનું સ્વાગત કર્યું. તેમની બે દિવસીય મુલાકાત દરમિયાન પીએમ મોદી કતારના અમીર શેખ તમિમ બિન હમાદ અલ થાની ( Tamim bin Hamad Al Thani ) સાથે દ્વિપક્ષીય વાતચીત ( Bilateral communication ) કરશે. 

    પીએમ મોદીની આ મુલાકાત એટલા માટે પણ મહત્વપૂર્ણ છે કારણ કે આ મુલાકાત એવા સમયે થઈ રહી છે જ્યારે કતારે તાજેતરમાં જ 8 ભૂતપૂર્વ ભારતીય નાવિકોને ( Indian sailors ) કેદમાંથી મુક્ત કર્યા છે. આ 8 ખલાસીઓની ઓગસ્ટ 2022માં ઈઝરાયેલ માટે જાસૂસી કરવાના આરોપમાં ધરપકડ કરવામાં આવી હતી. આ પછી, ઓક્ટોબર 2023 માં, કતાર કોર્ટે દરેકને મૃત્યુદંડની સજા સંભળાવી. જો કે, ડિસેમ્બરમાં ‘કોર્ટ ઓફ અપીલ’એ ફાંસીની સજા પર રોક લગાવી દીધી હતી અને તાજેતરમાં જ તેને મુક્ત પણ કરવામાં આવ્યો હતો.

     વડાપ્રધાન મોદીએ છેલ્લે 2016માં કતારની મુલાકાત લીધી હતી..

    કતાર પહોંચતા પહેલા પીએમ મોદીએ સોશિયલ મીડિયા પ્લેટફોર્મ પર પોસ્ટ કરી હતી પ્લેન દોહા એરપોર્ટ પર ઉતર્યા પછી, પીએમ મોદી તેમના સમકક્ષ શેખ મોહમ્મદ બિન અબ્દુલરહમાન બિન જાસિમ અલ થાનીને મળ્યા અને વેપાર અને રોકાણ, ઉર્જા, નાણા જેવા ક્ષેત્રોમાં દ્વિપક્ષીય સહયોગ વધારવા પર ફળદાયી ચર્ચા કરી હતી. તેમણે બંને પક્ષો વચ્ચે મિત્રતાને આગળ વધારવાની પણ ચર્ચા કરી હતી. પીએમ મોદીએ કહ્યું કે ભારતીય સમુદાયે તેમનું દોહામાં ( Doha ) જબરદસ્ત સ્વાગત કર્યું.

    આ સમાચાર પણ વાંચો : Pulkit samrat and Kriti kharbanda: પુલકિત સમ્રાટ અને કૃતિ ખરબંદા વર્ષના આ મહિનામાં બંધાશે લગ્નના બંધનમાં! સોશિયલ મીડિયા પોસ્ટ દ્વારા આપ્યો સંકેત

    નોંધનીય છે કે, વડાપ્રધાન મોદીએ છેલ્લે 2016માં કતારની મુલાકાત લીધી હતી. અગાઉ કતારના અમીર 2015માં ભારતની મુલાકાતે આવ્યા હતા. ગયા વર્ષે 2023 એ ભારત અને કતાર વચ્ચે સંપૂર્ણ રાજદ્વારી સંબંધોની સ્થાપનાના 50 વર્ષ પૂરા થયા. પીએમ મોદીની મુલાકાત પહેલા કતારમાંથી 8 ભારતીયોની મુક્તિને દેશની મોટી રાજદ્વારી જીત તરીકે જોવામાં આવી રહી છે.

    તેમની બે દિવસીય મુલાકાત દરમિયાન પીએમ મોદીએ કતારના વડાપ્રધાન દ્વારા તેમના સન્માનમાં આયોજિત ડિનરમાં હાજરી આપી હતી. આજે તેઓ કતારના અમીર શેખ તમીમ બિન હમાદ અલ થાનીને મળશે અને તેમની સાથે વિવિધ ક્ષેત્રીય અને વૈશ્વિક મુદ્દાઓ પર ચર્ચા કરશે.

    ઉલ્લેખનીય છે કે, ઓગસ્ટ 2022 માં, કતારની ગુપ્તચર એજન્સીએ કથિત જાસૂસીના કેસમાં દોહામાં 8 ભારતીય નાગરિકોની ધરપકડ કરી હતી. આ તમામ એક ખાનગી કંપની દહરા ગ્લોબલમાં કામ કરતા હતા. જોકે, કતાર કે ભારતે સાર્વજનિક રીતે તેમના પર કોઈ આરોપ લગાવ્યા નથી. જોકે, કતારના સત્તાવાળાઓએ સબમરીન પર જાસૂસી કરવાના આરોપસર 8 ભારતીયોને જેલમાં મોકલી દીધા હતા. નવેમ્બર 2023 માં, ભારત સરકારે કતારની ઉચ્ચ અદાલતમાં મૃત્યુદંડની સજા વિરુદ્ધ અપીલ દાખલ કરી હતી.

    (News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)

     

  • LNG Supply: એનર્જી ક્ષેત્રે ભારતે વૈશ્વિક સ્તરે સૌથી મોટો સોદો ફટકાર્યો, ગુજરાતમાં 30,000 કરોડનું રોકાણ થયું…

    LNG Supply: એનર્જી ક્ષેત્રે ભારતે વૈશ્વિક સ્તરે સૌથી મોટો સોદો ફટકાર્યો, ગુજરાતમાં 30,000 કરોડનું રોકાણ થયું…

    News Continuous Bureau | Mumbai 

    LNG Supply: ભારત અને કતાર વચ્ચે લિક્વિફાઇડ નેચરલ ગેસ ( LNG ) માટે વિશ્વની સૌથી મોટી ડીલ પર હસ્તાક્ષર કરવામાં આવ્યા છે. આ સાથે ભારતને આગામી 20 વર્ષ સુધી અવિરત એલએનજી મળતું રહેશે. પેટ્રોનેટ દ્વારા 2029 થી 20 વર્ષ માટે કતાર ( Qatar ) પાસેથી વાર્ષિક 7.5 મિલિયન ટન લિક્વિફાઇડ નેચરલ ગેસ ( LNG ) ખરીદી કરારનું નવીકરણ એ વિશ્વમાં આ ઇંધણની ખરીદી ( Fuel purchase ) માટે સંભવતઃ સૌથી મોટો સોદો છે. આનાથી ભારતને સ્વચ્છ ઉર્જાનાં ( Clean Energy ) લક્ષ્યો હાંસલ કરવામાં મદદ મળશે. અધિકારીઓએ આ વાત કહી છે. પેટ્રોનેટના ટોચના અધિકારીઓએ જણાવ્યું હતું કે મૂળ 25-વર્ષનો કરાર 1999માં થયો હતો અને 2004માં પુરવઠો શરૂ થયો હતો. 

    ત્યારથી, કતારે ક્યારેય એક કન્સાઇનમેન્ટમાં ડિફોલ્ટ કર્યું નથી અને ન તો તેણે ભારતીય કંપની માટે ‘ખરીદો અથવા ચૂકવો’ જોગવાઈ હેઠળ ભારતીય કંપની જ્યારે કિંમતો આટલી ઊંચી હોય ત્યારે પુરવઠો ન લઈ શકે તે માટે કોઈ દંડ લાદ્યો નથી. પેટ્રોનેટ ( petronet ) દ્વારા 52 કાર્ગોની ડિલિવરી લીધા બાદ વિસ્તૃત કોન્ટ્રાક્ટ હેઠળનો પુરવઠો શરૂ થશે જે તે 2015-16માં ભાવ વધારાને કારણે લેવામાં નિષ્ફળ રહી હતી.જોકે કોન્ટ્રાક્ટ વોલ્યુમ ક્યારેય બદલાયું નથી, કિંમત ચાર વખત બદલાઈ છે. આમાં લેટેસ્ટ કેસનો પણ સમાવેશ થાય છે, જેમાં કોન્ટ્રાક્ટ એક્સટેન્શન પર નવી વાટાઘાટો થઈ છે. આ ઉપરાંત, જે ગેસ પૂરો પાડવાનું વચન આપવામાં આવ્યું હતું તેની રચના પણ બદલાઈ ગઈ છે.

     રાસગેસએ ( RasGas ) મૂળરૂપે ઇથેન અને પ્રોપેન તત્વો ધરાવતો ‘સમૃદ્ધ’ ગેસ સપ્લાય કરવાનો કોન્ટ્રાક્ટ જીત્યો હતો

    મિડીયા રિપોર્ટ અનુસાર, રાસગેસ (હવે કતરએનર્જી)એ મૂળરૂપે ઇથેન અને પ્રોપેન તત્વો ધરાવતો ‘સમૃદ્ધ’ ગેસ સપ્લાય કરવાનો કોન્ટ્રાક્ટ જીત્યો હતો, જેનો ઉપયોગ પેટ્રોકેમિકલ સંકુલમાં થાય છે. તેણે વાર્ષિક 5 મિલિયન ટન (MT) LNG સપ્લાય કર્યું છે જેમાં મિથેન (વીજ ઉત્પાદન, ખાતર, CNG અથવા રસોઈ ઇંધણના ઉત્પાદન માટે વપરાય છે) તેમજ ઇથેન અને પ્રોપેન ગેસનો સમાવેશ થાય છે.

    આ સમાચાર પણ વાંચો :  Dahisar Firing: અભિષેક ઘોસાલકરની હત્યા બાદ પિતા વિનોદ ઘોસાલકરનું પહેલું નિવેદન સામે આવ્યું…કહી આ મોટી વાત… જાણો વિગતેે..

    ગયા અઠવાડિયે હસ્તાક્ષર કરાયેલ સંશોધિત કરાર હેઠળ કિંમત ઓછી છે. આમાં, કતરએનર્જી ઇથેન અને પ્રોપેન વિના ‘લીન’ અથવા ગેસ સપ્લાય કરશે. જો કે, પેટ્રોનેટના અધિકારીઓએ જણાવ્યું હતું કે જ્યાં સુધી તેમની પાસે ઇથેન અને પ્રોપેનનો ઉપયોગ કરવાની સુવિધા ન મળે ત્યાં સુધી કતર ‘સમૃદ્ધ’ ગેસ સપ્લાય કરવાનું ચાલુ રાખશે.

    જાહેર ક્ષેત્રની ઓઈલ એન્ડ નેચરલ ગેસ કોર્પોરેશન ( ONGC ) એ કતારથી આવતા એલએનજીમાંથી ઇથેન અને પ્રોપેનનો ઉપયોગ કરવા માટે ગુજરાતના દહેજ ખાતે પેટ્રોકેમિકલ કોમ્પ્લેક્સ બનાવવા માટે રૂ. 30,000 કરોડનો ખર્ચ કર્યો છે. આની મદદથી એવા ઉત્પાદનો બનાવી શકાય છે જેનો ઉપયોગ પ્લાસ્ટિક અને ડિટર્જન્ટના ઉત્પાદનમાં થાય છે. ‘વુડ મેકેન્ઝી’ અનુસાર, કતારએનર્જી અને પેટ્રોનેટ વચ્ચેનો વેચાણ અને ખરીદીનો કરાર લગભગ 150 મિલિયન ટનના ‘કવરિંગ’ વોલ્યુમને 20 વર્ષ માટે લંબાવ્યો છે. છેલ્લા બે વર્ષમાં કતાર એનર્જીએ ચાઇના નેશનલ પેટ્રોલિયમ કોર્પોરેશન અને સિનોપેક સાથે કરેલા બે 108 મિલિયન ટનના કરારો કરતાં આ એક મોટો કરાર છે.

    (ડિસ્ક્લેમરઃ અહીં રજૂ કરવામાં આવેલી માહિતી અન્ય મિડીયા પ્રેલટફોર્મ પર પણ ઉપલબ્ધ છે તેમજ તેની સત્યતા સંદર્ભે અમે કોઈ દાવો કરતા નથી.  )

     

  • Qatar Indians: કતારમાં મૃત્યુદંડની સજા પામેલા 8 ભારતીયોને મોટી રાહત, ફાંસીની સજા પર લાગી રોક

    Qatar Indians: કતારમાં મૃત્યુદંડની સજા પામેલા 8 ભારતીયોને મોટી રાહત, ફાંસીની સજા પર લાગી રોક

    News Continuous Bureau | Mumbai

    Qatar Indians: આખરે ભારત સરકારની ( Indian Government ) મહેનત રંગ લાવી છે. કતારમાં મૃત્યુદંડની ( death penalty ) સજા પામેલા આઠ ભૂતપૂર્વ ભારતીય ખલાસીઓને ( Indian sailors ) મોટી રાહત મળી છે. કેન્દ્રની મોદી સરકારની અપીલ પર તમામ આઠ લોકોની ફાંસીની સજા પર રોક લગાવવામાં આવી છે. હવે ફાંસીની સજાને બદલે આ ભારતીયોને જેલમાં રહેવું પડશે. ભારતીય વિદેશ મંત્રાલયના ( Indian External Affairs Ministry ) હસ્તક્ષેપ બાદ કતારની અપીલ કોર્ટે ( Appellate Court ) આ નિર્ણય આપ્યો, જેમાં સજામાં ઘટાડો કરવામાં આવ્યો છે. કતારમાં ભારતીય રાજદૂત ( Indian Ambassador ) અને અન્ય અધિકારીઓ હાજર હતા, જેમણે પરિવારના સભ્યો સાથે કોર્ટમાં અપીલ કરી હતી. 

    અમે શરૂઆતથી જ ભૂતપૂર્વ સૈનિકોની સાથે છીએ – વિદેશ મંત્રાલય

    કતારમાં દહરા ગ્લોબલ કેસમાં આપવામાં આવેલી ફાંસીની સજા પર વિદેશ મંત્રાલયે કહ્યું કે અમે કેસની શરૂઆતથી જ ભૂતપૂર્વ સૈનિકો અને તેમના પરિવારોની સાથે ઉભા છીએ અને અમે તમામ કોન્સ્યુલર અને કાનૂની સહાયતા આપતા રહીશું. અમારી કાનૂની ટીમ આગામી પગલાઓ અંગે આઠ ભારતીયોના પરિવારના સંપર્કમાં છે. સુનાવણી દરમિયાન રાજદૂતો અને અધિકારીઓ કોર્ટમાં હાજર હતા. વિદેશ મંત્રાલયે કહ્યું કે આ મામલામાં કાર્યવાહીની ગોપનીય અને સંવેદનશીલ પ્રકૃતિને કારણે આ સમયે વધુ ટિપ્પણી કરવી યોગ્ય રહેશે નહીં.

    મંત્રાલયે વધુમાં કહ્યું કે અમે શરૂઆતથી જ આઠ લોકોના પરિવાર સાથે ઉભા છીએ. મામલાની સંવેદનશીલતાને ધ્યાનમાં રાખીને તેના વિશે વધુ બોલવું અમારા માટે યોગ્ય રહેશે નહીં. અમે કતાર પ્રશાસન સાથે આ મામલો સતત ઉઠાવતા આવ્યા છીએ અને કરતા રહીશું.

    આ સમાચાર પણ વાંચો :  Closing Bell : શેરબજારમાં ગજબની તેજી. સેન્સેક્સ-નિફ્ટી રેકોર્ડ હાઈ પર થયા બંધ, આ શેરોએ રોકાણકારોને કરાવી કમાણી..

    ભારત સરકારે અપીલ દાખલ કરી હતી

    મહત્વનું છે કે ભારત સરકારે આ ભૂતપૂર્વ સૈનિકોને બચાવવામાં કોઈ કસર છોડી નથી. આ માટે સરકારે પૂર્વ મરીનને આપવામાં આવેલી મૃત્યુદંડની સજા સામે કતારની અન્ય કોર્ટમાં અપીલ દાખલ કરી હતી. તમને જણાવી દઈએ કે જાસૂસીના કથિત કેસમાં ધરપકડ કરાયેલા આઠ ભૂતપૂર્વ ભારતીય નૌકાદળના જવાનોને ઓક્ટોબરમાં કતારની અદાલતે મૃત્યુદંડની સજા સંભળાવી હતી.

    ઇઝરાયેલ માટે જાસૂસી કરવાનો આરોપ હતો

    કતારે આઠ મરીન પર ઈઝરાયેલ માટે જાસૂસી કરવાનો આરોપ લગાવ્યો હતો. કતારની સુરક્ષા એજન્સીએ 30 ઓગસ્ટે તમામની ધરપકડ કરી હતી. આ તમામ ભારતીય નૌકાદળમાંથી નિવૃત્ત થયા હતા અને દોહામાં અલ-દહરા કંપનીમાં કામ કરતા હતા. તમામ પર ઈઝરાયેલ માટે કતારના સબમરીન પ્રોજેક્ટ સાથે સંબંધિત માહિતી ચોરી કરવાનો આરોપ હતો. જોકે સત્તાવાર રીતે કતારે આરોપો અંગે કંઈ કહ્યું નથી.