Tag:

sector

દેશ

કૃષિ કાયદો રદ્દ થયો પરંતુ હવે ભારતને આ નુકસાન વેઠવું પડશે. જાણો કયા ઉદ્યોગ ને મોટો ફટકો પડ્યો અને ભારત કઈ રીતે નબળુ થયું.

by Dr. Mayur Parikh
written by Dr. Mayur Parikh

ન્યુઝ કન્ટિન્યુઝ બ્યુરો    
મુંબઈ, 20 નવેમ્બર  2021 
શનિવાર.

વડા પ્રધાન નરેન્દ્ર મોદીએ શુક્રવારે ત્રણેય કૃષિ કાયદા રદ કરવાની જાહેરાત કરી હતી. કૃષિ કાયદો રદ થવાની સાથે જ ભારત કૃષિ ક્ષેત્રે વિકાસમાં એક દાયકો પાછળ ધકેલાઈ જશે. એટલું જ નહીં પણ કાયદો રદ થવાથી ઈન્સ્યોરન્સ, અસંગઠિત ક્ષેત્ર તેમ જ દેશમાં ઝડપથી વિકાસ પામી રહેલા ફૂડ પ્રોસેસિંગ સેકટરને પણ તેને કારણે કરોડો રૂપિયાનું નુકસાન થશે એવો કૃષિ નિષ્ણાતોએ દાવો કર્યો છે.
 
નિષ્ણાતોના દાવા મુજબ આ કાયદો પાછો ખેંચવાથી દેશના વિકાસને મરણતોલ ફટકો પડવાનો છે. આગામી સરકારો પણ હવે કૃષિ અને મજૂરી માટે મોટા સુધારાત્મક નિર્ણય લેતા ખચકાશે. આ કાયદાને પગલે જમીનથી વધુ ઉપજનું સાચું મૂલ્ય, કૃષિ ઉપજના વ્યવસાયિક ઉપયોગ, ખેડૂતોને તેમની ઉપજનું યોગ્ય મૂલ્ય મળી શકત. તો કૃષિ ઉપજને દલાલીથી મુક્તિ પણ મળવાની હતી. જોકે હવે કાયદો પાછા ખેંચાતા આ પગલાઓના અમલમાં પણ હવે વિલંબ આવી જવાનો છે. તેથી કૃષિ ક્ષેત્રને જ નહીં પણ અસંગઠિત ક્ષેત્રના મજૂરનો પણ સુધારાથી વંચિત રહેવું પડશે. કૃષિ કાયદાથી દેશના જીડીપીમાં પણ સુધારાની સંભાવના હતી.

 કૃષિ કાયદા પરત લેવા પર કોંગ્રેસ અધ્યક્ષ સોનિયા ગાંધીનું આવ્યું નિવેદન, કહ્યું- આજે સત્ય, ન્યાય અને અહિંસાની થઈ જીત; જાણો વિગતે  

કૃષિ કાયદો પાછો ખેંચવાના કારણે દેશમાં કરોડો રૂપિયાનુ ટર્ન ઓવર ધરાવતા ફૂડ પ્રોસેસિંગ સેકટરને અને ફૂડબેસ્ડ ઈન્ડસ્ટ્રીમાં સુધારો થવાની શકયતા હતી, તેને પણ અસર થવાની છે. જેમાં ખાસ કરીને પેકેજ ફૂડ અને બેવરેજ ઈન્ડ્રસ્ટ્રીને ભારે અસર થવાની છે.
આ કાયદાને પગલે ફૂડ પ્રોસેસિંગ ઈન્ડસ્ટ્રી સાથે સંકળાયેલી કંપનીઓનો તો ફાયદો હતો. સાથે જ ખેડૂતોને પણ ફાયદો થવાનો હતો. ખેડૂતોની આવક વધવાની સાથે જ એગ્રી વેસ્ટ એટલે કે ખેડૂતોના માલને પણ નુકસાન ઓછું થાત.

0 comment
0 FacebookTwitterPinterestEmail
મુંબઈ

કાંદિવલી ચારકોપના આ સેક્ટરના રહેવાસીઓને પાણીની સમસ્યાથી છુટકારો, પાઇપલાઇન બદલવાની મંજૂરી મળી; જાણો વિગતે

by Dr. Mayur Parikh
written by Dr. Mayur Parikh

ન્યુઝ કન્ટિન્યુઝ બ્યુરો 

મુંબઈ, 11 નવેમ્બર, 2021

ગુરુવાર

કાંદિવલીનો ચારકોપ વિસ્તાર સેક્ટર 1થી 9 સુધીનો છે. આ વિસ્તારને મહાવીર નગર ખાતેની પાણીની ટાંકીમાંથી પાણી આપવામાં આવે છે. 2 વર્ષ પહેલા સેક્ટર-8ની પાઇપ લાઇન બદલાઈ હતી. સેક્ટર-7માં પાઇપલાઇન બદલવાની દરખાસ્તને સ્ટેન્ડિંગ કમિટીમાં મંજૂર કરવામાં આવી છે. શિવસેના કોર્પોરેટર અને શિક્ષણ સમિતિના અધ્યક્ષ સંધ્યા દોશીએ તેમના વિસ્તારમાં પાણીની સમસ્યાનો મુદ્દો ઉઠાવ્યો હતો. 

એક મીડિયા સંસ્થાના અહેવાલ મુજબ ચારકોપ સેકટર 07માં પાઇપલાઇન બદલવા માટે ટેન્ડર પ્રક્રિયા પૂર્ણ કર્યા બાદ સ્ટેન્ડિંગ કમિટીમાં દરખાસ્ત પસાર કરવામાં આવી છે. આથી બાંધકામ વિભાગ દ્વારા આ કામો તાત્કાલિક ધોરણે શરૂ કરવામાં આવશે તેવું પાલિકાના એડિશનલ કમિશનર પી. વેલારાસુ દ્વારા કહેવાયું છે.

મુંબઈના નગરસેવકોની સંખ્યામાં આટલો વધારો; ડિસેમ્બર સુધી વૉર્ડ અનામત મોકૂફ; જાણો વિગત

ચારકોપના શિવસેના કોર્પોરેટર સંધ્યા દોશીએ સ્ટેન્ડિંગ કમિટીની બેઠકમાં પાણી મુદ્દે ચર્ચામાં ભાગ લેતાં ફરિયાદ કરી હતી કે મારા વિભાગમાં છેલ્લા 15-20 દિવસથી પાણી પુરવઠો જાળવવામાં આવતો નથી. અધિકારીઓ માત્ર મેસેજ વાંચે છે, પરંતુ તેના પર ક્યારેય પ્રતિક્રિયા આપતા નથી. મારા વિભાગમાં મ્હાડા વસાહત છે તેની પાઈપલાઈન 15 થી 30 વર્ષ જૂની છે. હું વર્ષ 2007થી તેને બદલવાનો પ્રયાસ કરી રહી છું. પાઈપલાઈનમાં છીદ્રો હોવાથી પથ્થરના ટુકડા ફસાઈ જાય છે. જેથી પાણી પુરવઠો યોગ્ય રીતે થતો નથી. તેના કાયમી ઉકેલ તરીકે પાઈપલાઈન 10-10 ફૂટ કે 50 ફૂટ તોડીને ત્યાં મોટી પાઈપ લગાવવી જોઈએ.

પી. વેલારાસુએ વધુમાં જણાવ્યું હતું કે ચારકોપ અને ગોરાઈ વિભાગોમાં પાઇપલાઇનને અંદરથી સિમેન્ટથી પ્લાસ્ટર કરાઈ છે. તેથી તેને બદલવાની હાલમાં કોઈ જરૂર નથી. જો કે, જરૂરી હોય ત્યાં નિરીક્ષણ કરીને બદલવામાં આવશે.

કોના બાપની દિવાળી? બોરીવલી, કાંદિવલી અને દહિસરના સ્કાયવોક ના સમારકામ માટે કરોડો ખર્ચાશે. સાંભળીને આંખો  પહોળી થઈ જાય તેટલા પૈસા નું પાણી થશે.

0 comment
0 FacebookTwitterPinterestEmail
દેશ

હવે શરદ પવારની લગામ તાણશે અમિત શાહ : કહ્યું સહકાર ક્ષેત્રને નવી દિશા આપવાની જરૂર.

by Dr. Mayur Parikh
written by Dr. Mayur Parikh

 ન્યુઝ કન્ટિન્યુઝ બ્યુરો 

મુંબઈ, 27 સપ્ટેમ્બર, 2021

સોમવાર 

દિલ્હીના ઇન્દિરા ગાંધી નેશનલ ઇન્ડોર સ્ટેડિયમમાં દેશભરની સહકારી સંસ્થાઓની રાષ્ટ્રીય સહકાર પરિષદ યોજાઈ હતી. જેમાં કેન્દ્રીય સહકાર અને ગૃહ મંત્રી અમીત શાહે સહકાર મંત્રાલય બાબતે શંકાઓનું નિવારણ કરવાનો પ્રયત્ન કર્યો હતો. સહકાર એ કેન્દ્રનો કે રાજ્યનો વિષય? તેના ઉપર તેમણે ચર્ચા કરી હતી.

અરે વાહ! હવે આ દેશના રસ્તા ભારત માટે ખુલ્યા. તમામ ફ્લાઇટ અને બીજા માર્ગો શરૂ. જાણો વિગત.

અમિત શાહે કહ્યું હતું કે કેન્દ્રીય સહકાર મંત્રાલયની સ્થાપના રાજ્ય સાથેના સંઘર્ષ માટે નહીં પણ સહકાર માટે કરવામાં આવી છે. મલ્ટીસ્ટેટ સહકારી સંસ્થાઓમાં સુધારા માટે કાયદાને મજબૂત કરવાની અને નવા સહકારી ધોરણો ઘડવાની જાહેરાત તેમણે કરી છે. દેશભરમાં સહકાર કાયદાઓમાં સમાનતા લવાશે. સહકાર ક્ષેત્રો પર કોઈ પણ પ્રકારનો અન્યાય થશે નહીં. તેવી જ રીતે સહકારી સંસ્થાઓમાં ભરતી અને નિમણૂકની પ્રક્રિયામાં પારદર્શકતા લાવવામાં આવશે તેવી ખાતરી તેમણે આપી હતી.

0 comment
0 FacebookTwitterPinterestEmail
દેશ

લીગલ અને એજ્યુકેશન સેક્ટરમાં થશે મોટા સુધારા, મોદી કૅબિનેટમાં લેવાયા મહત્વના નિર્ણય; 2.95 લાખ કરોડની આ બે મોટી યોજનાઓને આપી મંજૂરી

by Dr. Mayur Parikh
written by Dr. Mayur Parikh

ન્યુઝ કન્ટિન્યુઝ બ્યુરો

મુંબઈ, 4 ઑગસ્ટ, 2021

બુધવાર

વડા પ્રધાન નરેન્દ્ર મોદીની અધ્યક્ષતામાં આજે થયેલી કૅબિનેટની બેઠકમાં ઘણા બધા મુદ્દે નિર્ણયો લેવામાં આવ્યા છે. જેમાં ન્યાય અને શિક્ષાને લઈને બે મોટા નિર્ણય લેવામાં આવ્યા છે. આ ઉપરાંત ઘણા મહત્વના મુદ્દે ચર્ચા પણ કરવામાં આવી. મિટિંગ બાદ કેન્દ્રીય સૂચના અને પ્રસારણ પ્રધાન અનુરાગ ઠાકુર અને કેન્દ્રીય શિક્ષાપ્રધાન ધર્મેન્દ્રએ પ્રેસ કૉન્ફેરન્સ દ્વારા આ મહત્વના નિર્ણય વિશે જાણકારી આપી. મીડિયા બ્રીફ સમયે કેન્દ્રીય પ્રધાન અન્નપૂર્ણાદેવી અને કેન્દ્રીય સૂચના અને પ્રસારણ રાજ્યકક્ષાના પ્રધાન એલ. મુરગન પણ સાથે હતા.

 

કેન્દ્રીય પ્રધાન અનુરાગ ઠાકુરે જણાવ્યું હતું કે મહિલાઓ અને બાળકો સાથે યૌનશોષણ થવા પર ફાસ્ટ ટ્રૅક કોર્ટની મંજૂરી આપવામાં આવી છે. ખાસ કરીને દુષ્કર્મના મામલે પીડિતોને ઝડપથી ન્યાય મળશે. તેમણે કહ્યું કે દેશમાં લગભગ 1023 ફાસ્ટ ટ્રૅક કોર્ટ છે, જે નિયમિત રીતે ચાલુ છે. જેમાંથી 389 પોકસો કોર્ટ છે, જે પોકસો ઍક્ટ અંતર્ગત આવેલી ફરિયાદની સુનાવણી કરે છે. વધુમાં તેમણે કહ્યું કે 2019માં આ યોજના બહાર પાડવામાં આવી હતી. આ યોજનામાં 1572.86 કરોડ રૂપિયા ખર્ચ થશે, જેમાંથી 971.70 કરોડ રૂપિયા કેન્દ્ર સરકાર આપશે અને બાકી રહેલ 601.16 કરોડ રૂપિયા રાજ્ય સરકાર ખર્ચ કરશે.

 પાઈ પાઈનું મોહતાજ બન્યુ પાકિસ્તાન, પ્રધાનમંત્રીના આ  નિવાસસ્થાનને ભાડે આપી રૂપિયા ભેગા કરાશે! 

આ દરમિયાન કેન્દ્રીય પ્રધાન ધર્મેન્દ્ર પ્રધાને કહ્યું કે 2.94 લાખ કરોડ રૂપિયા સમગ્ર શિક્ષા-2 યોજના પાછળ ફાળવવામાં આવ્યા છે. આ યોજના અંતર્ગત શિક્ષામાં અભિનવ પ્રયોગોને આવરી લેવામાં આવ્યા છે. આવનાર સમયમાં નાનાં બાળકો માટે સરકારી સ્કૂલોમાં પણ પ્લે સ્કૂલ શરૂ કરવાની વાત કરવામાં આવી છે. જેમાં ત્રણ વર્ષનાં બાળકો રમતાં રમતાં ભણશે.

0 comment
0 FacebookTwitterPinterestEmail