News Continuous Bureau | Mumbai

‘સેલ્ફી’ એક કોમેડી ડ્રામા ફિલ્મ છે, જેનું નિર્દેશન રાજ મહેતા કરી રહ્યા છે. આ ફિલ્મ મલયાલમ ફિલ્મ ડ્રાઇવિંગ લાઇસન્સ ની હિન્દી રિમેક છે. આ ફિલ્મમાં અક્ષય કુમાર અને ઈમરાન હાશ્મી મુખ્ય ભૂમિકામાં જોવા મળશે. તેનું  ફર્સ્ટ લૂક મોશન પોસ્ટર 15 જાન્યુઆરી 2023ના રોજ રિલીઝ કરવામાં આવ્યું હતું. આ પછી, ફિલ્મ નું ટ્રેલર 23 જાન્યુઆરીએ રિલીઝ થયું હતું. અને આ ફિલ્મ 24 ફેબ્રુઆરી 2023ના રોજ સિનેમાઘરોમાં રિલીઝ થશે. ફિલ્મમાં અક્ષય કુમાર ઉપરાંત ઇરમાન હાશ્મી, ડાયના પેન્ટી અને નુસરત ભરૂચા જોવા મળશે. આ એક ચાહક અને તેના સુપરસ્ટારની વાર્તા છે. તમને જણાવી દઈએ કે આ ગીત અક્ષય કુમારની 1994માં આવેલી ફિલ્મ ‘મેં ખિલાડી તુ અનાડી’ નું ટાઈટલ સોંગ છે. આ ગીત રિલીઝ થયાના એક કલાકમાં લાઈક્સ અને વ્યૂઝ મેળવી રહ્યું છે.

મેં ખિલાડી તું અનાડી ગીત થયું રિલીઝ 

મેં ખિલાડી તુ અનાડી ગીત તેના સમયનું એક આઇકોનિક ગીત હતું, જે તેના રિલીઝ સમયે ખૂબ જ લોકપ્રિય બન્યું હતું. તે ગીતમાં અક્ષય સાથે સૈફ દેખાયો હતો, પરંતુ ફિલ્મ સેલ્ફીના આ ગીતમાં સૈફની જગ્યા ઈમરાન હાશ્મીએ લીધી છે. પ્રશંસકો આ ગીતમાં સૈફને મિસ કરી રહ્યા છે, પરંતુ ઈમરાન હાશ્મી તેની જગ્યાને ભરી રહ્યો છે.જણાવી દઈએ કે આ ઓરિજિનલ ગીત અભિજીત ભટ્ટાચાર્ય, ઉદિત નારાયણ અને અનુ મલિકે ગાયું હતું.

 

View this post on Instagram

 

A post shared by Akshay Kumar (@akshaykumar)

ફિલ્મની વાર્તા

આ એક ફિલ્મ સુપરસ્ટાર અને તેના સૌથી મોટા પ્રશંસકની વાર્તા છે, જે પોતાનું કામ ઈમાનદારીથી કરે છે અને બીએસ તેના હીરો સાથે સેલ્ફી લેવા માંગે છે. એક દિવસ એવો સમય આવે છે જ્યારે તેને ખબર પડે છે કે તેના સુપરસ્ટાર પાસે ડ્રાઇવિંગ લાઇસન્સ નથી. તેથી તે આગળ આવે છે અને માત્ર 2 દિવસ માટે તેનું ડ્રાઇવિંગ લાઇસન્સ બનાવવાનું કહે છે, અને તે દરમિયાન કંઈક એવું બને છે, જેના કારણે સુપરસ્ટાર તેના ફેન્સનું અપમાન કરીને ચાલ્યો જાય છે. જેની તે સામાન્ય માણસ પર ઊંડી અસર પડે છે અને હવે તેના સૌથી મોટા ફેન સાથે સૌથી મોટા સુપરસ્ટારની લડાઈ શરૂ થાય છે. આગળ શું થાય છે, કોણ જીતે છે અને કોણ હારે છે, આ ફિલ્મની વાર્તામાં બતાવવામાં આવ્યું છે.