Tag: skill development

Mangal Prabhat Lodha: કૌશલ્ય વિકાસ એ દેશના વિકાસની ગૂરૂ ચાવી: મંત્રી લોઢા
News Continuous Bureau | Mumbai
- સુમેળ સાધીને ‘ટીમ ઇન્ડિયા’ તરીકે કામ કરવું પડશે:મંત્રી લોઢા
- મુંબઇમાં નેશનલ કાઉન્સિલ ફોર વોકેશનલ એજ્યુકેશન એન્ડ ટ્રેનિંગ વર્કશોપનું ઉદ્ઘાટન
Mangal Prabhat Lodha: કૌશલ્ય વિકાસ જ દેશની પ્રગતિની ચાવી છે અને તેમાં ફક્ત યોજનાઓનું આયોજન જ નહીં, પરંતુ રાષ્ટ્રીય અને રાજ્ય મળેલી સફળતાની વાતો લોકો સુધી લઇ જવા અને તેને અસરકારક રીતે અમલમાં મૂકવાની જરૂર હોય છે. જેના માટે તમામ સ્તરે સંવાદિતા, સંકલન અને એકીકરણ હોવું પણ સમયની માંગ છે. રાજ્યોને પોતાની અને કેન્દ્ર સરકાર વચ્ચે વધુ સંવાદિતા જાળવીને ‘ટીમ ઈન્ડિયા’ તરીકે કામ કરવા જોઇએ. પ્રધાનમંત્રી નરેન્દ્ર મોદીના વિકસિત ભારત ૨૦૪૭ના સ્વપ્નને સાકાર કરવાની આ ગુરૂ ચાવી છે. એમ રાજ્યનાં કૌશલ્ય, રોજગાર, ઉદ્યોગસાહસિકતા અને નવીનતા મંત્રી મંગલ પ્રભાત લોઢાએ જણાવ્યું હતું.

કેન્દ્રીય કૌશલ્ય વિકાસ વિભાગ અને રાજ્ય કૌશલ્ય રોજગાર ઉદ્યોગસાહસિકતા અને નવીનતા વિભાગ દ્વારા મુંબઇ સ્થિત સહ્યાદ્રી ગેસ્ટ હાઉસ ખાતે ‘ક્ષમતા નિર્માણ અને જાગૃતિ વર્કશોપ’નું આયોજન કરવામાં આવ્યું હતું. કૌશલ્ય, રોજગાર, ઉદ્યોગસાહસિકતા અને નવીનતા મંત્રી મંગલ પ્રભાત લોઢા આ રાષ્ટ્રીય વ્યાવસાયિક શિક્ષણ અને તાલીમ પરિષદ વર્કશોપના ઉદ્ઘાટન પ્રસંગે બોલી રહ્યા હતા.

આ કાર્યક્રમમાં કેન્દ્રીય કૌશલ્ય વિકાસ વિભાગના સચિવ દેબાશ્રી મુખર્જી, રાષ્ટ્રીય વ્યાવસાયિક શિક્ષણ અને તાલીમ પરિષદ (NCVET)ના કાર્યકારી સભ્ય ડૉ. વિનીતા અગ્રવાલ, ડિરેક્ટર ગુંજન ચૌધરી, મહારાષ્ટ્ર રાજ્યના કૌશલ્ય, રોજગાર, ઉદ્યોગસાહસિકતા અને નવીનતા વિભાગના અધિક મુખ્ય સચિવ મનીષા વર્મા, કમિશનર લહુરાજ માલી, રતન ટાટા મહારાષ્ટ્ર રાજ્ય કૌશલ્ય યુનિવર્સિટીના વ્યાવસાયિક શિક્ષણ અને તાલીમ નિયામક માધવી સરદેશમુખ, કુલપતિ ડૉ. અપૂર્વ પાલકર, મહારાષ્ટ્ર, ગુજરાત, ગોવા, દમણ અને દીવ અને દાદરા અને નગર હવેલીના વિવિધ કૌશલ્ય વિકાસ વિભાગોના પ્રતિનિધિઓ ઉપસ્થિત રહ્યા હતા.

આ સમાચાર પણ વાંચો : Donald Trump Statement: ટ્રમ્પના ‘બગ્રામ એરબેસ’ પ્લાનથી વધ્યો તણાવ, ચીન અને તાલિબાને આપી આવી પ્રતિક્રિયા

મંત્રી લોઢાએ જણાવ્યું હતું કે ‘સંકલન’ ક્ષમતા નિર્માણ જેટલી જ મહત્વપૂર્ણ છે, “માત્ર ક્ષમતા વધારવી પૂરતી નથી, તેનો ઉપયોગ ક્યાં કરવો તે જાણવા માટે યોગ્ય સંકલન જરૂરી છે. ઘણીવાર, એવી પરિસ્થિતિ હોય છે કે ‘ડાબા હાથને ખબર નથી હોતી કે જમણો હાથ શું કરી રહ્યો છે’ તેથી, તેમણે ભલામણ કરી હતી કે તમામ કૌશલ્ય વિકાસ વિભાગો માટે દર ત્રણ મહિને રાજ્ય સ્તરે અને વર્ષમાં એકવાર રાષ્ટ્રીય સ્તરે બેઠકો યોજવી જોઇએ.

Mangal Prabhat Lodha: મંત્રી લોઢાએ જણાવ્યું હતું કે આપણા દેશમાં “કામદાર” શબ્દ પ્રત્યેની નકારાત્મક માનસિકતા બદલવાની જરૂર છે, સાથે જ તેમણે ઉમેર્યુ કે મહેનતુ વ્યક્તિનું સન્માન કરવું જરૂરી છે. કોઈપણ બાબતમાં કૌશલ્ય હોવું ખૂબ જ સારી વાત છે. તેથી, કુશળ વ્યક્તિનું સન્માન તેના કામ કરતાં તેની પાસે રહેલી કુશળતાને જોઈને થવું જોઈએ.” તેમણે યુરોપ અને અમેરિકાના ઉદાહરણો આપીને ભારતમાં કામદાર વર્ગ પ્રત્યેના વલણને બદલવાનો આગ્રહ રાખ્યો હતો. “મહારાષ્ટ્રએ ઉચ્ચ શિક્ષિત યુવાનોની મોટી સેના બનાવી છે, અને તે જ સમયે ઘણી કંપનીઓમાં હજારો ખાલી જગ્યાઓ છે. પરંતુ બંનેને એકબીજા સાથે જોડવાની જરૂર છે. જેના માટે ‘જોબ મેચિંગ બ્યુરો’ શરૂ કરવો જરૂરી છે.” તેમણે કહ્યું કે શાળામાંથી જ કૌશલ્ય શિક્ષણની જરૂર છે. પ્રધાનમંત્રી નરેન્દ્ર મોદીએ ૨૦૧૪ માં કૌશલ્ય વિકાસ મંત્રાલયની સ્થાપના કરીને આ ક્ષેત્રને પ્રથમ પ્રાથમિકતા આપી હતી. આ એક દિવસીય વર્કશોપ ન હોવી જોઈએ, પરંતુ દેશભરમાં કૌશલ્યવર્ધક નેતાઓનું નેટવર્ક બનાવવાનું કારણ હોવું જોઈએ.

ભારતના વિકાસમાં કૌશલ્ય વિકાસ ખૂબ જ મહત્વપૂર્ણ ભૂમિકા ભજવે છે: કેન્દ્રીય કૌશલ્ય વિકાસ મંત્રી જયંત ચૌધરી

કેન્દ્રીય કૌશલ્ય વિકાસ મંત્રી જયંત ચૌધરીએ વિડીયો સિસ્ટમ દ્વારા સંદેશ આપતા જણાવ્યું હતું કે ભારતના વિકાસમાં કૌશલ્ય વિકાસ ખૂબ જ મહત્વપૂર્ણ ભૂમિકા ભજવે છે. ભારતને વૈશ્વિક સ્તરે લઈ જવા માટે કુશળ માનવશક્તિની તાત્કાલિક જરૂર છે. કેન્દ્રીય કૌશલ્ય વિકાસ વિભાગ માનનીય પ્રધાનમંત્રી નરેન્દ્ર મોદીના નેતૃત્વમાં, વિવિધ કૌશલ્ય વિકાસ યોજનાઓને પ્રાથમિકતા આપી રહી છે. આજના વર્કશોપ દ્વારા, કેન્દ્ર અને રાજ્ય સરકારો તેમજ અન્ય સહભાગી રાજ્યોના પરિષદમાંથી નવીન વિચારો બહાર આવશે.

કેન્દ્રીય કૌશલ્ય વિકાસ વિભાગના સચિવ, દેબાશ્રી મુખર્જીએ કેન્દ્ર સરકારની વિવિધ યોજનાઓ વિશે માહિતી આપી અને આ વર્કશોપનું મહત્વ સમજાવ્યું. આ પ્રસંગે રાષ્ટ્રીય વ્યાવસાયિક શિક્ષણ અને તાલીમ પરિષદ (NCVET) ના કાર્યકારી સભ્ય, ડૉ. વિનીતા અગ્રવાલ અને મહારાષ્ટ્ર રાજ્યના કૌશલ્ય, રોજગાર, ઉદ્યોગસાહસિકતા અને નવીનતા વિભાગના અધિક મુખ્ય સચિવ, મનીષા વર્માએ પોતાના વિચારો વ્યક્ત કર્યા.

પ્રથમ સત્રમાં કૌશલ્ય સંબંધિત નવીન પહેલોનું પ્રેઝન્ટેશન યોજાયું હતું. પ્રથમ સત્રમાં મહારાષ્ટ્ર, ગુજરાત, ગોવા, દાદરા અને નગર હવેલીના પ્રતિનીધીઓએ તેમની સફળતાની વાતો રજૂ કરી. રાષ્ટ્રીય વ્યાવસાયિક શિક્ષણ અને તાલીમ પરિષદ (NCVET) ના કાર્યકારી સભ્ય ડૉ. વિનીતા અગ્રવાલ, ડૉ. નીના પહુજાએ પ્રેઝન્ટેશન આપ્યું. ભાગ લેનારા સભ્યો દ્વારા વિવિધ પ્રશ્નો પૂછવામાં આવ્યા અને તેમના જવાબો આપવામાં આવ્યા.
September 20, 2025
Maharashtra ITI: કૌશલ્ય વિકાસને પ્રોત્સાહન આપવા મહારાષ્ટ્ર સરકારનો મોટો નિર્ણય, રાજ્યની 20 ITI માં અત્યાધુનિક પ્રયોગશાળાઓ બનાવવામાં આવશે,
News Continuous Bureau | Mumbai

Maharashtra ITI:
- મુખ્યમંત્રી દેવેન્દ્ર ફડણવીસની હાજરીમાં કૌશલ્ય રોજગાર ઉદ્યોગસાહસિકતા અને નવીનતા વિભાગના ત્રણ સમજૂતી કરાર
- નાના ઉદ્યોગકારો માટે રોજગાર મેળા યોજાશે, ITI માં દિવ્યાંગો માટે શિક્ષણની વ્યવસ્થા : કેબિનેટ મંત્રી મંગલ પ્રભાત લોઢા
Maharashtra ITI: મહારાષ્ટ્રના યુવાનોના કૌશલ્ય વિકાસ તથા રોજગારની નવી તકો ઉભી કરવા માટે ઉદ્યોગસાહસિકતા અને નવીનતા વિભાગ દ્વારા આજે શ્રેણીબધ્ધ પગલાંની જાહેરાત કરવામાં આવી હતી જે અંતર્ગત મહારાષ્ટ્રની ૨૦ આઈટીઆઈમાં અત્યાધુનિક પ્રયોગશાળાઓ સ્થાપિત કરવામાં આવશે તેમજ નાના ઉદ્યોગસાહસિકોને તાલીમ આપવા માટે ઉદ્યોગસાહસિક મેળાઓનું આયોજન કરીને રોજગાર સર્જન કરવામાં આવશે, આ ઉપરાંત આઈટીઆઈમાં અભ્યાસ કરતા દિવ્યાંગ વિદ્યાર્થીઓ માટે ટેકનિકલ શિક્ષણ અને રોજગારની તકો વધારવામાં આવશે. આજે, કૌશલ્ય રોજગાર ઉદ્યોગસાહસિકતા અને નવીનતા વિભાગના મંત્રી મંગલપ્રભાત લોઢા અને શ્રી. મુખ્યમંત્રી દેવેન્દ્ર ફડણવીસની હાજરીમાં ગ્રામીણ વિકાસ કાર્યક્રમ ટ્રસ્ટ (SSRDPT) બેંગ્લોર, સ્નેડર ઇલેક્ટ્રિક ઇન્ડિયા ફાઉન્ડેશન (SEFIF) બેંગ્લોર, પુણેના દેસરા ફાઉન્ડેશન અને સામાજિક સંસ્થા પ્રોજેક્ટ મુંબઈ, અંધેરી વચ્ચે એક સમજૂતિ કરાર પર હસ્તાક્ષર કરવામાં આવ્યા હતા.

મંત્રાલય ખાતે મળેલી કેબિનેટ બેઠક બાદ કૌશલ્ય વિકાસ વિભાગ દ્વારા એક સમજૂતી કરાર (MoU) પર હસ્તાક્ષર કરવામાં આવ્યા હતા. આ પ્રસંગે નાયબ મુખ્યમંત્રી એકનાથ શિંદે, નાયબ મુખ્યમંત્રી અજિત પવાર, કૌશલ્ય, રોજગાર, ઉદ્યોગસાહસિકતા અને નવીનતા મંત્રી મંગલ પ્રભાત લોઢા, રાજ્યના મુખ્ય સચિવ સુજાતા સૌનિક, કૌશલ્ય વિભાગના અધિક મુખ્ય સચિવ મનીષા વર્મા, કૌશલ્ય વિકાસ કમિશનર નીતિન પાટિલ, વ્યાવસાયિક અને તાલીમ નિયામક માધવી સરદેશમુખ, સંયુક્ત નિયામક સતીશ સૂર્યવંશી, શ્રી શ્રી ગ્રામીણ વિકાસ ટ્રસ્ટના ટ્રસ્ટી વિજય હાકે, સ્નાઇડર ઇલેક્ટ્રિક ઇન્ડિયા ફાઉન્ડેશનના સીએસઆર વડા રિચા ગૌતમ, દામિની ચૌધરી, પ્રોજેક્ટ મુંબઈના ડિરેક્ટર જલજ દાની, દે આસરાના સીઈઓ આશિષ પંડિત હાજર રહ્યા હતા.

શ્રી શ્રી રૂરલ ડેવલપમેન્ટ ટ્રસ્ટ, સ્નાઇડર ઇલેક્ટ્રિક ઇન્ડિયા ફાઉન્ડેશન અને વ્યાવસાયિક શિક્ષણ અને તાલીમ નિયામકમંડળ વચ્ચે સમજૂતી કરાર

યુવાનોને નવી ટેકનોલોજી અને ઔદ્યોગિક તાલીમ પૂરી પાડવા માટે શ્રી શ્રી રૂરલ ડેવલપમેન્ટ ટ્રસ્ટ (SSRDPT), સ્નાઇડર ઇલેક્ટ્રિક ઇન્ડિયા ફાઉન્ડેશન (SEIF) અને વ્યાવસાયિક શિક્ષણ અને તાલીમ નિયામક (DVET) વચ્ચે આ ત્રિપક્ષીય મજૂતિ કરાર પર હસ્તાક્ષર કરવામાં આવ્યા હતા. શ્રી શ્રી ગ્રામીણ વિકાસ કાર્યક્રમ ટ્રસ્ટ એક સખાવતી સંસ્થા છે જે તાલીમાર્થીઓને રોજગાર અને સ્વરોજગાર માટે સોફ્ટ સ્કિલ, નેતૃત્વ અને વ્યાવસાયિક તાલીમ પૂરી પાડે છે, જ્યારે સ્નાઇડર ઇલેક્ટ્રિક ઇન્ડિયા ફાઉન્ડેશન, તેના સી.એસ.આર ફંડ દ્વારા, દેશભરના યુવાનોને શિક્ષણ, કૌશલ્ય તાલીમ, રોજગાર અને સ્વરોજગાર પ્રદાન કરવા માટે વિવિધ પહેલો દ્વારા કાર્ય કરે છે.

આ કરાર દ્વારા, સ્નાઇડર ઇલેક્ટ્રિક ઇન્ડિયા ફાઉન્ડેશન આગામી ત્રણ વર્ષમાં રાજ્યની ૨૦ સરકારી ઔદ્યોગિક તાલીમ સંસ્થાઓમાં ઇલેક્ટ્રિશિયન તાલીમ કાર્યશાળાઓની ગુણવત્તામાં સુધારો કરશે, અને સોલાર ટેકનિશિયન લેબોરેટરી અને ઔદ્યોગિક ઓટોમેશન લેબોરેટરી પણ સ્થાપિત કરશે. આ સાથે, સ્નાઇડર ઇલેક્ટ્રિક ઇન્ડિયા ફાઉન્ડેશન બેંગ્લોરમાં રાજ્યના ઇલેક્ટ્રિકલ ઉદ્યોગના તમામ કુશળ કામદારોને આધુનિક ટેકનોલોજી અને સોફ્ટ સ્કિલ્સમાં મફત પંદર દિવસની તાલીમ આપશે. આ એમઓયુથી આગામી ચાર વર્ષમાં તબક્કાવાર ૯૭૫૦ તાલીમાર્થીઓને લાભ થશે, જેમાં ઇલેક્ટ્રિશિયન અને નવીનીકરણીય ઉર્જાના ક્ષેત્રોમાં આધુનિક ટેકનોલોજી અને ઔદ્યોગિક ઓટોમેશનની તાલીમનો સમાવેશ થશે. અગાઉ, સ્નાઇડર ઇલેક્ટ્રિક ઇન્ડિયા ફાઉન્ડેશને અમરાવતી અને નાસિક જેવી સંસ્થાઓમાં ઇલેક્ટ્રિશિયન ટ્રેડ વર્કશોપની ગુણવત્તામાં સુધારા કર્યા છે.

રાજ્યના વિવિધ વિભાગોમાંથી ૨૦ સરકારી ITI કેન્દ્રોની પસંદગી કરવામાં આવી છે. આમાં મુંબઈ, પુણે, ઔરંગાબાદ, નાગપુર, અમરાવતી, નાસિક વગેરેનો સમાવેશ થાય છે. આ પ્રોજેક્ટ હેઠળ, ૨૦૨૫-૨૬ થી શરૂ થતા આગામી ચાર વર્ષોમાં તાલીમ આપવામાં આવશે. દર વર્ષે કેન્દ્રોની સંખ્યા અને તાલીમાર્થીઓની સંખ્યામાં વધારો કરવામાં આવશે. પ્રથમ વર્ષે, ૧૦ કેન્દ્રોમાં ૧૫૦૦ યુવાનોને તાલીમ આપવામાં આવશે, બીજા વર્ષે, ૧૫ કેન્દ્રોમાં ૨૨૫૦ યુવાનોને, ત્રીજા વર્ષે, ૨૦ કેન્દ્રોમાં ૩૦૦૦ યુવાનોને અને ચોથા વર્ષે, પણ ૩૦૦૦ યુવાનોને તાલીમ આપવામાં આવશે. આ એમઓયુથી આગામી ચાર વર્ષમાં તબક્કાવાર ૯૭૫૦ તાલીમાર્થીઓને લાભ થશે, જેમાં ઇલેક્ટ્રિશિયન અને નવીનીકરણીય ઉર્જાના ક્ષેત્રોમાં આધુનિક ટેકનોલોજી અને ઔદ્યોગિક ઓટોમેશનની તાલીમનો સમાવેશ થશે.

Maharashtra ITI: મહારાષ્ટ્ર સ્ટેટ ઇનોવેશન સોસાયટી અને દેસરા ફાઉન્ડેશન વચ્ચે સમજૂતિ કરાર

ઉદ્યોગસાહસિકતા વિકાસને પ્રોત્સાહન આપવા માટે કૌશલ્ય, રોજગાર, ઉદ્યોગસાહસિકતા અને નવીનતા વિભાગ, મહારાષ્ટ્ર રાજ્ય ઇનોવેશન સોસાયટી અને પુણે સ્થિત દેસરા ફાઉન્ડેશન વચ્ચે એક સમજૂતી કરાર (MoU) પર હસ્તાક્ષર કરવામાં આવ્યા હતા. આ કરારનો ઉદ્દેશ્ય તાલીમ, નિષ્ણાત માર્ગદર્શન અને વ્યવસાય વિકાસ કાર્યક્રમો દ્વારા સૂક્ષ્મ અને નાના ઉદ્યોગસાહસિકોને ટેકો આપવાનો છે. જે અંતર્ગત વિવિધ જિલ્લાઓમાં ઉદ્યોગસાહસિક મેળાવડાઓનું આયોજન કરવામાં આવશે. આ કાર્યક્રમનો ઉદ્દેશ્ય ૫૦૦૦ લાભાર્થીઓ સુધી પહોંચવાનો છે, અને તેમાં મહત્વાકાંક્ષી ઉદ્યોગસાહસિકો, સ્થાપિત નવીનતાઓ અને પ્રારંભિક તબક્કાના સ્ટાર્ટઅપ્સનો સમાવેશ થશે. દેસરા એક એવી સંસ્થા છે જે ઉદ્યોગસાહસિકોને તેમના વ્યવસાય શરૂ કરવા અને વિકસાવવા માટે જરૂરી સહાય અને માર્ગદર્શન પૂરું પાડે છે. આ અંતર્ગત, સંસ્થા વ્યવસાય વ્યવસ્થાપન, નાણાકીય સહાય, માર્કેટિંગ અને નાણાકીય સાક્ષરતા, નિષ્ણાતોના માર્ગદર્શન હેઠળ તાલીમ સત્રોનું આયોજન, ઉદ્યોગસાહસિકોની ક્ષમતાઓ વિકસાવવા અને ઉદ્યોગસાહસિકતા માટે અનુકૂળ વાતાવરણ બનાવવા પર કામ કરશે.

Maharashtra ITI: વ્યવસાયિક શિક્ષણ અને તાલીમ નિયામકમંડળ અને પ્રોજેક્ટ મુંબઈ સામાજિક સંગઠન વચ્ચે સમજૂતી કરાર

મહારાષ્ટ્રની ઔદ્યોગિક તાલીમ સંસ્થાઓ (ITI) અને સામાજિક સંસ્થા પ્રોજેક્ટ મુંબઈ દ્વારા શરૂ કરાયેલ ITI માં વિકલાંગ વિદ્યાર્થીઓ માટે ટેકનિકલ શિક્ષણ અને રોજગારની તકો વધારવા માટે એક મહત્વપૂર્ણ સમજૂતી કરાર પર હસ્તાક્ષર કરવામાં આવ્યા છે. પ્રોજેક્ટ મુંબઈ એક એવી સંસ્થા છે જે વિવિધ સામાજિક કાર્યોમાં સક્રિય છે. આ અંતર્ગત, તે હવે વ્યાવસાયિક શિક્ષણ અને તાલીમ નિયામકમંડળના સહયોગથી વિકલાંગ વિદ્યાર્થીઓ પર ધ્યાન કેન્દ્રિત કરશે. આ કરાર મુજબ, એક સંયુક્ત કાર્યકારી સમિતિની રચના કરવામાં આવશે, જેમાં પાંચ સભ્યો હશે – ત્રણ DVET માંથી અને બે પ્રોજેક્ટ મુંબઈ માંથી. આ સમિતિ વિકલાંગ વિદ્યાર્થીઓ માટે ખાસ કૌશલ્ય તાલીમ કાર્યક્રમો તૈયાર કરશે, ભારતીય સાંકેતિક ભાષા (ISL) માં તેનો અભ્યાસક્રમ વિકસાવશે, શિક્ષકોને તાલીમ આપશે અને ઉદ્યોગ ભાગીદારો સાથે મળીને નોકરી વિષયક તાલીમ કાર્યક્રમોનું આયોજન કરશે.

Disclaimer : Except for the headline, this story has not been edited by News Continuous staff and is published from a syndicated feed.
April 15, 2025
Maharashtra skill development : મહારાષ્ટ્રમાં કૌશલ્ય વિકાસ માટે શ્રેણીબદ્ધ પગલાંનું આયોજન- કેબિનેટ મંત્રી લોઢા…

News Continuous Bureau | Mumbai

Maharashtra skill development : મહારાષ્ટ્રનાં કૌશલ્ય વિકાસ અને નાવિન્ય મંત્રી મંગલ પ્રભાત લોઢાએ આજે વિધાન પરિષદમાં જણાવ્યું રાજ્યમાં કૌશલ્ય વિકાસને પ્રોત્સાહન આપવા માટે મુખ્યમંત્રી દેવેન્દ્ર ફડણવીસના સક્ષમ નૈતૄત્વ હેઠળ એક લાખ નવા સ્ટાર્ટઅપ્સને પ્રોત્સહન આપવું, વિશ્વકર્મા ભવનનું નિર્માણ, શિક્ષકોને વિશેષ તાલિમ તથા નવી શિક્ષણનીતિના અમલ જેવા શ્રેણીબધ્ધ પગલાં લેવામાં આવશે. મુખ્યમંત્રીનો પ્રિય વિભાગ કૌશળ્ય વિકાસ વિભાગ હોવાનું તેમણે ઉમેર્યુ હતું.

મહારાષ્ટ્રના કૌશલ્ય, રોજગાર, ઉદ્યોગસાહસિકતા અને નવીનતા મંત્રી મંગલ પ્રભાત લોઢાએ આજે વિધાન પરિષદમાં પ્રસ્તાવ ૨૬૦ નો જવાબ આપતાં રાજ્યમાં યુવા ઉદ્યોગસાહસિકતા અને કૌશલ્ય વિકાસને પ્રોત્સાહન આપવા માટે સરકારે લીધેલા મહત્વપૂર્ણ નિર્ણયોની જાહેરાત કરી હતી. “વડાપ્રધાન નરેન્દ્ર મોદીજીના વિઝન અને મુખ્યમંત્રી દેવેન્દ્ર ફડણવીસજીના સક્ષમ નેતૃત્વથી, મહારાષ્ટ્રમાં કૌશલ્ય વિકાસ અને ઉદ્યોગસાહસિકતાને અભૂતપૂર્વ ગતિ મળી રહી છે. યુવાનોને તકો પૂરી પાડવા, પરંપરાગત કૌશલ્યોને નવું સ્વરૂપ આપવા અને ઉદ્યોગ-મૈત્રીપૂર્ણ વાતાવરણ બનાવવાનો આ સુવર્ણ યુગ છે. તેમના માર્ગદર્શન અને સમર્થનને કારણે, મહારાષ્ટ્ર એક સક્ષમ, આત્મનિર્ભર અને વિકસિત રાજ્ય બની રહ્યું છે.

Maharashtra skill development : નવી મુંબઈમાં ઇનોવેશન સિટી સ્થાપવાનું કામ શરૂ

મુખ્યમંત્રીના નેતૃત્વમાં, આપણા રાજ્યને દાવોસમાંથી રેકોર્ડ રોકાણ મળ્યું. તેમાંથી, નવી મુંબઈમાં ઇનોવેશન સિટી સ્થાપવાનું કામ આજે શરૂ થયું છે, જે મુખ્યમંત્રીનો સ્વપ્ન પ્રોજેક્ટ છે. મુખ્યમંત્રીની પહેલને કારણે, રાજ્યને આજે એક નવી સ્ટાર્ટઅપ નીતિ મળશે, જે નવા ઉદ્યોગસાહસિકો માટે ખૂબ જ મહત્વપૂર્ણ બાબત છે.” આજે, નમો રોજગાર મેળા, યુવા કાર્ય તાલીમ યોજના, કૌશલ્ય વિકાસ કેન્દ્ર, મહિલા ઉદ્યોગસાહસિકોને નાણાકીય સહાય, વિદેશમાં યુવાનોને રોજગારની તકો પૂરી પાડવા વગેરે જેવા ઘણા પ્રોજેક્ટ્સ અમલમાં મુકવામાં આવી રહ્યા છે. મુખ્યમંત્રીના સહયોગથી કૌશલ્ય વિકાસ વિભાગ આ યોજનાઓનો તેનો અમલ કરી શક્યો હોવાનું તેમણે ઉમેર્યુ હતું “મુખ્યમંત્રી નક્કી કરશે કે તેમના મનપસંદ મંત્રી કોણ છે, પરંતુ કૌશલ્ય વિકાસ વિભાગ તેમનો પ્રિય વિભાગ છે અને તેથી જ આટલી બધી પહેલ શક્ય બની છે!”

આ સમાચાર પણ વાંચો : Mumbai Water Taxi : મુંબઈગરાઓ થઇ જાઓ તૈયાર.. મુંબઈમાં દોડશે દેશની પહેલી ઈ-વોટર ટેક્સી, જાણો ક્યારે શરૂ થશે..

  Maharashtra skill development : સ્ટાર્ટઅપ નેક્સ્ટ ડોર:

મહારાષ્ટ્ર સરકારની મહત્વાકાંક્ષી પહેલ હેઠળ, એક લાખ નવા સ્ટાર્ટઅપ્સને પ્રોત્સાહન આપવામાં આવશે. આ યોજના સ્થાનિક સ્તરે નવા વ્યવસાયોને પ્રોત્સાહન આપશે અને સ્ટાર્ટઅપ સંસ્કૃતિને મજબૂત બનાવશે.

  Maharashtra skill development : વિશ્વકર્મા ભવન:

મહાડમાં સરકારી ઔદ્યોગિક તાલીમ સંસ્થા ખાતે ૧૨ બાલુદેદાર સમુદાયો માટે ‘વિશ્વકર્મા ભવન’ સ્થાપિત કરવામાં આવશે. આ પહેલ પરંપરાગત વ્યવસાયોમાં ટેકનોલોજીને એકીકૃત કરશે અને કૌશલ્ય આધારિત રોજગારની તકોમાં વધારો કરશે.

  Maharashtra skill development : ITI વિકાસ માટે નવી પહેલ:

આગામી વર્ષમાં, મહારાષ્ટ્રમાં ૧૦૦ ITI સંસ્થાઓને NGO દ્વારા પાયલોટ ધોરણે અપનાવવામાં આવશે. આનાથી સંસ્થાઓ અને ઉદ્યોગો વચ્ચે સીધી કડીઓ બનશે અને વિદ્યાર્થીઓને અદ્યતન તાલીમની તક મળશે.

  Maharashtra skill development : શિક્ષકોને તાલીમ:

ITI માં શિક્ષકોને નવા કૌશલ્યોમાં તાલીમ આપવા માટે એક ખાસ ‘શિક્ષકોને તાલીમ આપો’ ભવન સ્થાપિત કરવામાં આવશે. આ કેન્દ્ર આધુનિક ઉદ્યોગની માંગ અનુસાર શિક્ષકોને તાલીમ આપીને વિદ્યાર્થીઓને ઉત્તમ તાલીમ આપવામાં મદદ કરશે.

  Maharashtra skill development : નવી શિક્ષણ નીતિ:

મહારાષ્ટ્ર સરકારી ઔદ્યોગિક સંસ્થાઓમાં નવી શિક્ષણ નીતિને અસરકારક રીતે લાગુ કરનાર પ્રથમ રાજ્ય બનશે. આ નીતિ ઔદ્યોગિક તાલીમ સંસ્થાઓનું આધુનિકીકરણ કરશે અને વિદ્યાર્થીઓને વૈશ્વિક સ્તરે સ્પર્ધાત્મક કૌશલ્યોથી સજ્જ કરશે.

Disclaimer : Except for the headline, this story has not been edited by News Continuous staff and is published from a syndicated feed.

March 22, 2025
Vocal for Local: ‘વોકલ ફોર લોકલ’ અભિયાન દ્વારા ૨૩ લાખ રૂપિયામાં આટલા કારીગરોને અપાઈ પતંગ બનાવવાની તાલીમ

News Continuous Bureau | Mumbai

• આધુનિક ટેકનોલોજીના યુગમાં પણ પતંગ બનાવવાનું ૯૫ ટકા કામ ફકત હાથ વડે થાય છે
• ગુજરાત માટીકામ કલાકારી અને રૂરલ ટેકનોલોજી સંસ્થા દ્વારા રાજ્યના ૧૨ જિલ્લાઓમાં તાલીમ વર્ગો યોજાયા

Vocal for Local: ગુજરાતમાં “ઉત્તરાયણ” પર્વ નિમિત્તે દર વર્ષે કરોડો રૂપિયાના પતંગનું વેચાણ થતું હોય છે, જેના પરિણામે આ ઉદ્યોગ થકી લાખો ભાઈ-બહેનોને રોજગાર મળી રહે છે. રાજ્યમાં ઘણા પરિવારો માટે પતંગ ઉદ્યોગ આજીવિકાનું એક સાધન બન્યો છે. આધુનિક ટેકનોલોજી-AIના યુગમાં પણ પતંગ બનાવવાનું ૯૫ ટકા કામ ફકત હાથ વડે થાય છે.

પ્રધાનમંત્રી શ્રી નરેન્દ્રભાઇ મોદીના ”વોકલ ફોર લોકલ”ના સૂત્રને સાકાર કરવા મુખ્યમંત્રી શ્રી ભૂપેન્દ્ર પટેલના માર્ગદર્શનમાં તેમજ કુટિર, ખાદી અને ગ્રામોદ્યોગ મંત્રી શ્રી બલવંતસિંહ રાજપુત અને રાજ્ય મંત્રી શ્રી જગદીશ વિશ્વકર્માના નેતૃત્વમાં રાજ્ય સરકાર ગ્રામોદ્યોગ દ્વારા રોજગારી ઉભી કરવા માટે સતત કાર્યશીલ છે. જે અંતર્ગત ગુજરાત માટીકામ કલાકારી અને રૂરલ ટેકનોલોજી સંસ્થા, ગાંધીનગર દ્વારા પતંગ બનાવવા માટે રાજ્યભરમાં કૌશલ્ય નિમાર્ણ તાલીમ વર્ગો શરૂ કરવામાં આવ્યા છે. જે સંદર્ભે ચાલુ વર્ષે રાજ્ય સરકાર દ્વારા અંદાજે રૂ. ૨૩ લાખના ખર્ચે ૪૪૪ જેટલા કારીગરોને ઘરે બેઠા પતંગ બનાવવાની તાલીમ આપીને રોજગારી માટે સક્ષમ કરવામાં આવ્યા છે. સંસ્થા દ્વારા આપવામાં આવતી આ તાલીમનો મોટા પ્રમાણમાં રોજગાર ઇચ્છુક નાગરિકો લાભ લઈ રહ્યા છે.

Vocal for Local: સંસ્થા દ્વારા રોજગારલક્ષી તાલીમ માટે પતંગ વ્યવસાય ગુજરાતના પ્રત્યેક જિલ્લામાં વિકસે તે માટે ખેત મજૂરી તેમજ છૂટક મજૂરી કરતા ભાઈઓ તથા બહેનોને તાલીમ આપવામાં આવે તેવું આયોજન કરવામાં આવ્યું છે. જેમાં પતંગ બનાવવાની પ્રક્રિયા, તે માટે લાગતો સમય, પતંગનું માર્કેટ અને રોજગારીની ઉજ્જવળ સંભાવનાઓ જેવા વિવિધ વિષયો પર તજજ્ઞો દ્વારા પ્રત્યક્ષ તાલીમ-માર્ગદર્શન આપવામાં આવે છે. આ તાલીમ વર્ગનો સમય ગાળો ૩૦ દિવસનો હોય છે તથા દરેક વર્ગમાં ૧૮ થી ૪૫ વર્ષ વચ્ચેની વયના તાલીમાર્થીઓની પસંદગી કરીને કુલ ૩૦ તાલીમાર્થીઓની બેચમાં તાલીમ આપવામાં આવે છે. હાલમાં, ગુજરાતમાં અમદાવાદ, વડોદરા અને ગાંધીનગર મહાનગરપાલિકા, આણંદ, ખેડા, વલસાડ, સુરત, પાટણ, અરવલ્લી, ડાંગ, નર્મદા અને તાપી એમ કુલ ૧૨ જિલ્લાઓના વિવિધ કેન્દ્રો ઉપર પતંગ બનાવવા માટેના તાલીમ વર્ગો શરૂ કરવામાં આવ્યા છે. જેમાંથી ૧૦ જેટલા વર્ગો પૂર્ણ થતાં તાલીમ થકી તૈયાર થયેલ કારીગર બહેનો દ્વારા પતંગોનું ઉત્પાદન કરીને તેમજ વેચાણ માટે સ્ટોર બનાવીને આવક ઉભી કરવામાં આવી હતી.

આ સમાચાર પણ વાંચો : AI Touch: 5G ઈકોસિસ્ટમને આગળ વધારવા માટે સરકાર ઉત્સુક, AI ટચને આ યોજના હેઠળ 5G રન પ્લેટફોર્મ માટે આપી ગ્રાન્ટ

Vocal for Local: હાલના સમયમાં પતંગ બનાવટમાં પણ ઘણી આધુનિકતા આવી છે. ઉત્તરાયણ પર્વ પતંગ ઉપર પ્રિન્ટિંગ, દ્રશ્યો, સંદેશાઓ, હસ્તીઓના ફોટા, વેપાર-વાણિજયનો પ્રચાર-પ્રસાર, કૃત્રિમ આકારોની ઝલક વગેરે બાબતોથી આચ્છાદિત પતંગો થકી સાચા અર્થમાં આનંદનું પર્વ બની રહ્યું છે. પતંગની વધતી જતી માંગને ધ્યાને રાખીને રાજ્ય સરકાર દ્વારા ગરીબ પરિવારો માટે પતંગ બનાવટના તાલીમ કાર્યક્રમો યોજીને તેના માધ્યમથી રોજગારી ઉભી કરવામાં આવી રહી છે.

દેશના વિવિધ રાજયો તેમજ વિદેશમાં મુખ્યત્વે યુએસએ તથા યુરોપિયન દેશોમાં પતંગ-ફિરકીની ભારે માંગ રહે છે. વિશ્વના ઘણા દેશોમાં ભારત પતંગોત્સવને લગતા વિવિધ ઉત્પાદનોનો નિકાસ કરે છે. પતંગના નિકાસ માટેની ઘણી કંપનીઓ દિલ્હી, મુંબઈ, કોલકાતા, સુરત અને અમદાવાદમાં કાર્યરત હોવાથી આ પ્રોડકટના વેચાણ માટે પૂરતા પ્રમાણમાં બજાર મળી રહે છે. વૈશ્વિક અને સ્થાનિક બજારોમાં પતંગોની વધુ માંગ હોવાથી સાંપ્રત સમયમાં પતંગ વ્યવસાય માટેની સંભાવનાઓ ખુબ વિશાળ પ્રમાણમાં રહેલી છે.

આ સમાચાર પણ વાંચો : Swachh Bharat Mission: જલ શક્તિ મંત્રી C.R. પાટીલની કર્ણાટક અને હરિયાણા સાથે સમીક્ષા બેઠક, બંને રાજ્યોએ કરેલી પ્રગતિની લીધી નોંધ

Vocal for Local: ગુજરાત સહિત દેશભરમાં વર્ષોથી દર વર્ષે ૧૪મી જાન્યુઆરીના રોજ ‘ઉત્તરાયણ’નો તહેવાર ખૂબ ઉત્સાહપૂર્વક ઉજવવામાં આવે છે. આ દિવસે સૂર્ય મકર રાશિમાં પ્રવેશ કરે છે, તેથી તેને ‘મકરસંક્રાંતિ’ પણ કહેવામાં આવે છે. દિવાળી પછી તરત જ ઉત્તરાયણની તૈયારીઓ શરૂ થઈ જાય છે. હાલના બદલાતા અને આધુનિક યુગમાં રાજય, આંતરરાજય અને આંતરરાષ્ટ્રીય સ્તરે ભિન્ન-ભિન્ન પ્રકારે પતંગ ચગાવીને આનંદ માણવાના આ પર્વનું મહત્વ દિન-પ્રતિદિન ઘણું વધી રહ્યું છે. છેલ્લા ઘણા વર્ષોથી ગુજરાત સરકાર દ્વારા રાષ્ટ્રીય અને આંતર રાષ્ટ્રીયકક્ષાના ‘કાઈટ ફેસ્ટિવલ’નું આયોજન પણ કરવામાં આવે છે, એમ ગુજરાત માટીકામ કલાકારી અને રૂરલ ટેકનોલોજી સંસ્થા, ગાંધીનગરની યાદીમાં જણાવાયું છે.

Disclaimer : Except for the headline, this story has not been edited by News Continuous staff and is published from a syndicated feed.

January 8, 2025
E-Shram Portal: ભાષિની-સક્ષમ ઇ-શ્રમ પોર્ટલ હવે તમામ 22 અનુસૂચિત ભાષાઓમાં ઉપલબ્ધ છે

News Continuous Bureau | Mumbai

E-Shram Portal: કેન્દ્રીય શ્રમ અને રોજગાર તથા યુવા બાબતો અને રમતગમત મંત્રી ડૉ. મનસુખ માંડવિયાએ આજે નવી દિલ્હીમાં આયોજિત એક કાર્યક્રમ દરમિયાન ઇ-શ્રમ પોર્ટલ પર બહુભાષીય કાર્યક્ષમતાનો શુભારંભ કરાવ્યો હતો. ઈ-શ્રમને ‘વન સ્ટોપ સોલ્યુશન’ બનાવવાના વિઝનને અનુરૂપ આ પોર્ટલ હવે તમામ 22 શિડ્યુલ્ડ લેંગ્વેજમાં ઉપલબ્ધ થશે. જે દેશમાં અસંગઠિત કામદારોને વિસ્તૃત સામાજિક સુરક્ષા પ્રદાન કરવાનાં સરકારનાં પ્રયાસોમાં વધુ એક સીમાચિહ્નરૂપ સિદ્ધિને ચિહ્નિત કરે છે. આ કાર્યક્રમમાં શ્રમ અને રોજગાર મંત્રાલયનાં સચિવ તથા અન્ય વરિષ્ઠ અધિકારીઓ ઉપસ્થિત રહ્યાં હતાં.

22 ભાષાઓ સાથે ઇ-શ્રમ પોર્ટલને અપગ્રેડ કરવા માટે મંત્રાલયના ભાષિની પ્રોજેક્ટનો લાભ લેવામાં આવ્યો છે. અગાઉની આવૃત્તિ માત્ર અંગ્રેજી, હિન્દી, કન્નડ અને મરાઠીમાં જ ઉપલબ્ધ હતી.

આ સમાચાર પણ વાંચો : Gandhi Nagar Metro: મોટેરા સ્ટેડિયમથી ગાંધીનગર સેક્શન વચ્ચે મેટ્રો ટ્રેન સેવાઓ 9 જાન્યુઆરીએ સ્થગિત રહેશે

ડો.માંડવિયાએ પોતાના સંબોધનમાં ઈ-શ્રમ પ્લેટફોર્મ પર વધી રહેલા વિશ્વાસ પર પ્રકાશ પાડતા જણાવ્યું હતું કે, આ પોર્ટલ પર અસંગઠિત કામદારો દ્વારા દરરોજ સરેરાશ 30,000થી વધુ રજિસ્ટ્રેશન નોંધાય છે. કેન્દ્રીય મંત્રીશ્રીએ તમામ અસંગઠિત કામદારોને તેમના કલ્યાણ, આજીવિકા અને સુખાકારી માટે રચાયેલી વિવિધ સરકારી યોજનાઓનો લાભ લેવા ઇ-શ્રમ પોર્ટલ પર નોંધણી કરાવવા અપીલ કરી હતી.

તેમણે ભારપૂર્વક જણાવ્યું હતું કે, પોર્ટલ પર નોંધણી સામાજિક સુરક્ષા યોજનાઓ અને પહેલોનાં વ્યાપને સુલભ કરશે. આજની તારીખે ભારત સરકારની 12 યોજનાઓની સુલભતા ઈ-શ્રમ પોર્ટલ મારફતે કરવામાં આવી છે. વિસ્તૃત પહોંચ માટે અને સાતત્યપૂર્ણ અને વપરાશકર્તા-કેન્દ્રિત અનુભવ સુનિશ્ચિત કરવા ડૉ. માંડવિયાએ ઉલ્લેખ કર્યો હતો કે, કોમન સર્વિસ સેન્ટર્સ, બેંક કોરસપોન્ડન્ટ્સ, પોસ્ટ ઓફિસ, MY Bharatનાં સ્વયંસેવકો વગેરે જેવા મધ્યસ્થીઓના સમાવેશને ચકાસવામાં આવશે.

આ સમાચાર પણ વાંચો : Bhupendra Patel: રોડ ઇન્ફ્રાસ્ટ્રક્ચર સુદ્રઢીકરણનો મુખ્યમંત્રી શ્રી ભૂપેન્દ્ર પટેલનો વધુ એક મહત્વપૂર્ણ પ્રજાલક્ષી નિર્ણય

શ્રમ અને રોજગાર મંત્રાલયનાં સચિવ સુશ્રી સુમિતા દાવરાએ જણાવ્યું હતું કે, મંત્રાલય ઇ-શ્રમને ‘વન સ્ટોપ સોલ્યુશન’ તરીકે સક્ષમ બનાવવા પર કામ કરી રહ્યું છે, જેથી અસંગઠિત કામદારોનાં કલ્યાણ અને સામાજિક સુરક્ષા માટે તૈયાર કરવામાં આવેલી સરકારી યોજનાઓની સાતત્યપૂર્ણ સુલભતા સુનિશ્ચિત થઈ શકે. તેમણે માહિતી આપી હતી કે, રાજ્ય સરકારોનાં પ્રસ્તુત કાર્યક્રમો સહિત તમામ પ્રસ્તુત સામાજિક સુરક્ષા અને કલ્યાણકારી યોજનાઓને ઇ-શ્રમ પોર્ટલ સાથે સંકલિત કરવાનો પ્રયાસ ચાલી રહ્યો છે. ઇ-શ્રમ પોર્ટલ પર બિલ્ડિંગ એન્ડ અધર કન્સ્ટ્રક્શન વર્કર્સ (બીઓસીડબ્લ્યુ) અને ગિગ અને પ્લેટફોર્મ કામદારોની નોંધણી મિશન-મોડ પર ચાલી રહી છે. સચિવ, એલએન્ડઇએ ઉલ્લેખ કર્યો હતો કે, ઇ-શ્રમ મોબાઇલ એપ લોંચ કરવી, વપરાશકર્તાઓ માટે સિંગલ સાઇન-ઓન સક્ષમ બનાવવા સિંગલ કોમન એપ્લિકેશન ફોર્મ પ્રસ્તુત કરવું અને સામાજિક સુરક્ષા લાભોની સુલભતાને વધુ સરળ બનાવવા પેમેન્ટ ગેટવે સાથે સંકલન કરવું જેવી આગામી કેટલીક પહેલો પર કામ ચાલી રહ્યું છે.

આ કાર્યક્રમ અસંગઠિત કામદારો માટે સામાજિક સુરક્ષા વધારવાની દિશામાં સરકારની પ્રતિબદ્ધતાને મજબૂત કરવા અને કલ્યાણકારી સેવાઓની તેમની સુલભતામાં સુધારો કરવાની દિશામાં એક મહત્વપૂર્ણ પગલું છે.

Disclaimer : Except for the headline, this story has not been edited by News Continuous staff and is published from a syndicated feed.

January 8, 2025
Surat Economic Region: સુરતના સર્વાંગી વિકાસ માટે ‘શિક્ષણ, સ્કિલ ડેવલોપમેન્ટ અને રોજગાર’ વિષય પર યોજાયો નિષ્ણાંતોનો સંવાદ, આ ઉદ્યોગોને સ્કીલ્ડ શિક્ષણની છે ખૂબ જરૂર.

News Continuous Bureau | Mumbai

Surat Economic Region: ‘સુરત ઈકોનોમિક રિજીયન’ને ગ્રોથ હબ તરીકે વિકસાવવા માટેના ઈકોનોમિક ડેવલપમેન્ટ પ્લાન લોન્ચ અંતર્ગત સુરત ખાતે ‘શિક્ષણ અને રોજગાર’ વિષય પર નિષ્ણાંતો દ્વારા સંવાદ યોજાયો હતો. આ વેળાએ રાજ્ય સરકારના ટેકનિકલ એજ્યુકેશન વિભાગ સાથે સુરતના વિવિધ ઉદ્યોગો અને શૈક્ષણિક સંસ્થાઓ દ્વારા ૧૫ એમ.ઓ.યુ સાઇન કરાયા હતા.

આ પ્રસંગે રાજ્યના ટેકનિકલ એજયુકેશન કમિશનરશ્રી બંછાનિધિ પાનીએ વર્તમાન યુગમાં ભણતરની સાથે વિશિષ્ટ જ્ઞાન અને આવડત(સ્કિલ)નું મહત્વ સમજાવ્યું હતું. તેમણે કહ્યું કે, સુરતના સર્વાંગી વિકાસમાં શૈક્ષણિક ( Education ) પાસાની અતિમહત્વની ભાગીદારી છે. જે માટે શાળાઓ, કોલેજો અને યુનિવર્સિટી જેવી શૈક્ષણિક સંસ્થાઓમાં અપાતા જ્ઞાન, સ્કિલ ડેવલપમેન્ટ ( Economic Development Plan ) અંગે ઉપયોગી સમજ આપી હતી. તેમણે સમય સાથે શિક્ષણમાં લાવવા પડતાં આવશ્યક બદલાવો અંગે ચર્ચા કરી શાળા-કોલેજોમાં અપાતી શિક્ષા કે વ્યવહારૂજ્ઞાન ઉચ્ચ કક્ષાના હોવા જોઈએ એવો મત વ્યક્ત કરી આ માટે સતત રિ-લર્ન અને રિ-સ્કિલ કરવા પર ભાર મૂકયો હતો.

Expert Dialogue held on ‘Education, Skill Development and Employment’ for overall development of Surat

વધુમાં તેમણે કહ્યું કે, સુરતમાં ટેક્સટાઇલ અને હીરાની સાથે પ્રવાસન, ખેતી તેમજ કેમિકલ ફાર્મા જેવા ઉદ્યોગોને નવી ઊંચાઈએ લઈ જવા સ્કીલ્ડ શિક્ષણની ( Skill Development ) ખૂબ જરૂર છે. જે માટે રાષ્ટ્રીય અને આંતરરાષ્ટ્રીય કક્ષાની શૈક્ષણિક સંસ્થાઓ આવશ્યક હોવાનું તેમણે જણાવ્યું હતું. ‘માઇન્ડ ટુ માર્કેટ’ના લક્ષ્યાંકને સિધ્ધ કરવા યુવા પેઢીના નવા વિચારોને તક આપવા રિસર્ચ એન્ડ ડેવલપમેન્ટ ( Employment ) પર ભાર મૂક્યો હતો.

Expert Dialogue held on ‘Education, Skill Development and Employment’ for overall development of Surat

આ સમાચાર પણ વાંચો : Swachhata Hi Seva 2024: શ્રમ અને રોજગાર મંત્રાલયે ‘સ્વચ્છતા હી સેવા 2024’માં લીધો ભાગ, અભિયાન દરમિયાન આ સ્પર્ધાઓનું પણ કરવામાં આવશે આયોજન.

આ પ્રસંગે ( Gujarat ) અસોશિયેશન ઇંડિયન યુનિ.ના સેક્રેટરી જનરલ શ્રીમતિ પંકજ મિત્તલ, એમ્પ્લોયમેન્ટ એન્ડ ટ્રેનિંગ વિભાગના શ્રીમતિ ગાર્ગી જૈન, ઉચ્ચ શિક્ષાણ વિભાગના ગૌરવ દિનેશ સહિતના શિક્ષણવિદોએ રાષ્ટ્રીય શિક્ષણ નીતિનું મહત્વ તેમજ ઉચ્ચ શિક્ષણ અને રોજગારી માટે સ્કિલ દેવલોપમેન્ટના મહત્વની ચર્ચા કરી હતી.

Disclaimer : Except for the headline, this story has not been edited by News Continuous staff and is published from a syndicated feed.

September 20, 2024
Union Budget 2024: કૌશલ્યવર્ધન માટે કેન્દ્ર સરકાર દ્વારા પ્રાયોજિત નવી યોજનાની પ્રધાનમંત્રી પેકેજ હેઠળ ચોથી યોજના તરીકે જાહેરાત

News Continuous Bureau | Mumbai

Union Budget 2024: કેન્દ્રીય નાણાં મંત્રી શ્રીમતી નિર્મલા સીતારમણે ( Nirmala Sitharaman ) રાજ્ય સરકારો અને ઉદ્યોગોના સહયોગમાં કૌશલ્યવર્ધન ( Skill development ) માટે પ્રધાનમંત્રી પેકેજ હેઠળ ચોથી યોજના સ્વરૂપે કેન્દ્ર સરકાર ( Central Government ) પ્રાયોજિત નવી યોજનાની જાહેરાત કરી છે. નાણાં મંત્રીએ આજે સંસદમાં કેન્દ્રીય બજેટ 2024-25 રજૂ કરતી વખતે જણાવ્યું હતું કે, 5 વર્ષના ગાળામાં 20 લાખ યુવાનોને કૌશલ્ય પ્રદાન કરવામાં આવશે અને 1,000 ઔદ્યોગિક તાલીમ સંસ્થાઓને કેન્દ્રમાં અપગ્રેડ કરવામાં આવશે અને પરિણામલક્ષી અભિગમ સાથેની વ્યવસ્થાઓ પર ચર્ચા કરવામાં આવશે. નાણાં મંત્રીએ જણાવ્યું હતું કે કોર્સ કન્ટેન્ટ અને ડિઝાઇન ઉદ્યોગની કૌશલ્ય જરૂરિયાતો સાથે સુસંગત હશે અને ઉભરતી જરૂરિયાતો માટે નવા અભ્યાસક્રમો શરૂ કરવામાં આવશે.

સ્કિલિંગ લોનના ( Skilling Loan ) સંબંધમાં નાણાં મંત્રીએ જાહેરાત કરી હતી કે, મોડલ સ્કિલ લોન સ્કીમમાં ( Model Skill Loan Scheme ) સુધારો કરીને સરકારી પ્રમોટેડ ફંડમાંથી ગેરંટી સાથે 7.5 લાખ રૂપિયા સુધીની લોન આપવામાં આવશે. આ પગલાથી દર વર્ષે 25,000 વિદ્યાર્થીઓને મદદ મળશે તેવી અપેક્ષા છે.

આ સમાચાર પણ વાંચો : Mumbai: મુંબઈમાંથી ગુજરાતી વેપારીના અપહરણ બાદ પોલીસે આટલા જ કલાકમાં વેપારીને પુણેથી બચાવી લીધો, ત્રણની ધરપકડ.. જાણો વિગતે..

Disclaimer : Except for the headline, this story has not been edited by News Continuous staff and is published from a syndicated feed.

July 23, 2024
Maharashtra : મહારાષ્ટ્રનાં યુવાનોનું કૌશલ્ય સિંગાપોર શૈલીમાં વિકસાવવાનાં પ્રયાસ શરૂ

News Continuous Bureau | Mumbai

Maharashtra: મહારાષ્ટ્રનાં કૌશલ્ય વિકાસ મંત્રી મંગલ પ્રભાત લોઢાએ રાજ્યના યુવાનોને સારી ગુણવત્તાની કૌશલ્ય તાલીમ આપવા માટે સિંગાપોરની તેમની મુલાકાત દરમિયાન ટેકનિકલ શિક્ષણ સંસ્થાની મુલાકાત લીધી હતી. વડાપ્રધાન નરેન્દ્ર મોદીએ પણ ૨૦૧૪માં આ સંસ્થાની મુલાકાત લીધી હતી અને અહીંની સુવિધાઓની પ્રશંસા કરી હતી. આ મુલાકાત દરમિયાન મંત્રી લોઢા આ સંસ્થામાં લગભગ ચાર કલાક રોકાયા હતા અને આ સંસ્થા વિશે ઉંડાણપૂર્વકની માહિતી મેળવી હતી.

અહીં યુવાનોને કેવા પ્રકારની તાલીમ મળે છે? અહીં કઈ નવી ટેકનોલોજીનો ઉપયોગ થાય છે? આપણા ટેકનિકલ શિક્ષણ અને અહીં ઉપલબ્ધ ટેકનિકલ શિક્ષણ વચ્ચે શું તફાવત છે? જેવી તમામ બાબતોનો શ્રી લોઢાએ અભ્યાસ કર્યો હતો. આ મુલાકાત બાદ મંત્રી લોઢાએ જણાવ્યું હતું કે તેઓ અહીંની સુવિધાઓથી ખૂબ જ પ્રભાવિત થયા છે અને ચોક્કસપણે આ તમામ સુવિધાઓનો શક્ય તેટલી વહેલી તકે મહારાષ્ટ્રમાં પ્રારંભ કરવાના પ્રયાસ કરવામાં આવશે. કૌશલ્ય વિકાસ મંત્રી મંગલ પ્રભાત લોઢાએ કહ્યું કે મહારાષ્ટ્ર સરકાર નજીકના ભવિષ્યમાં એક સમજૂતી પત્ર પર પણ હસ્તાક્ષર કરશે. ભારતને કુશળ માનવશક્તિના કેન્દ્ર તરીકે વૈશ્વિક સ્તરે ઓળખ અપાવવા માટે આ મુલાકાત ખૂબ જ મહત્વપૂર્ણ બની રહેશે.

આ સમાચાર પણ વાંચો : વિશ્વમાં વર્ષે વ્યક્તિદીઠ આટલા કિલો અન્નનો થાય છે બગાડ, તો 78 કરોડ ભૂખમરાથી છે પીડિત, UNનો ચિંતાજનક રિપોર્ટ; જાણો આંકડા..

ટેકનિકલ શિક્ષણની સંસ્થાઓ, ટેકનિકલ શિક્ષણ માટેની સુવિધાઓ પૂરી પાડતી સંસ્થા, કૌશલ્ય પ્રશિક્ષણ આપવામાં રસ ધરાવતી અન્ય સંસ્થાઓને શક્ય તમામ સહાય પૂરી પાડે છે. ૨૦૦૩ થી કાર્યરત, ITEES (ઇન્સ્ટીટ્યુટ ઓફ ટેકનિકલ એજ્યુકેશન એજ્યુકેશન સર્વિસીસ) એ ૩૦ દેશોમાં ટેકનિકલ અને વ્યાવસાયિક શિક્ષણ આપવા માટે સહયોગ કર્યો છે. જો નવી ટેકનિકલ અને વ્યાવસાયિક શિક્ષણ સુવિધા શરૂ કરવાની હોય, તો ITEES તમામ જરૂરી બાબતો જેમ કે ઇન્ફ્રાસ્ટ્રક્ચર ડેવલપમેન્ટ, જરૂરી મેનેજમેન્ટ સ્કીલ્સ, અભ્યાસક્રમ વિકાસ વગેરેમાં સહાય પૂરી પાડે છે.

Disclaimer : Except for the headline, this story has not been edited by News Continuous staff and is published from a syndicated feed,

March 28, 2024
Reliance Foundation: રિલાયન્સ ફાઉન્ડેશન નેશનલ સ્કીલ ડેવલપમેન્ટ કોર્પોરેશન સાથે કરી ભાગીદારી, આટલા લાખથી વધુ યુવાઓને થશે ફાયદો
News Continuous Bureau | Mumbai

Reliance Foundation:
- આગામી ત્રણ વર્ષમાં, 500,000 યુવાઓને આ ભાગીદારીની અસરરૂપે લાભ થશે
- આ ભાગીદારી દ્વારા ભાવિ પેઢીમાં કૌશલ્યો વિકસાવવા અત્યાધુનિક કોર્સ તૈયાર કરાશે
રિલાયન્સ ફાઉન્ડેશન અને નેશનલ સ્કીલ ડેવલપમેન્ટ કોર્પોરેશને (NSDC) 500,000 ભારતીય યુવાઓમાં ફ્યુચર-રેડી કૌશલ્યો વિકસાવનારા કોર્સની રચના કરવા વ્યૂહાત્મક ભાગીદારી કરી છે. આ ભાગીદારી થકી એડટેક, સાયબર સિક્યુરિટી, આર્ટિફિશિયલ ઈન્ટેલિજન્સ (AI), પર્યાવરણની જાળવણી, પોલિસી એનાલિસિસ તથા બીજા ઘણા સહિતના ક્ષેત્રોમાં યુવાઓ માટે ક્ષમતા સર્જન પર ધ્યાન કેન્દ્રિત કરતા અભ્યાસક્રમો તૈયાર કરાશે. રિલાયન્સ ફાઉન્ડેશનના ડિજિટલ-ફોરવર્ડ અભિગમની મદદથી, આ ભાગીદારી દ્વારા કારકિર્દીના ભવિષ્યલક્ષી વિચારધારાની જરૂરિયાત ધરાવનારા નવા આયામોમાં રસ ધરાવનારા યુવા વર્ગમાં ખાસ્સી લોકપ્રિયતાનું સર્જન કરાય તેવી અપેક્ષા છે.

આ પ્રસંગે, કેન્દ્રીય શિક્ષણ અને કૌશલ્ય વિકાસ તથા ઉદ્યોગસાહસિકતા મંત્રી, શ્રી ધર્મેન્દ્ર પ્રધાને જણાવ્યું હતું કે, “ભારત હવે કૌશલ્ય, કૌશલ્યવર્ધન અને કૌશલ્ય-ઉત્થાનના મંત્રને વળગી ચૂક્યું હોવાથી કોઈના રોકાયે રોકાય તેમ નથી. સ્કીલિંગ ઈકોસિસ્ટમમાં વિવિધ ડિજિટલ પહેલો હાથ ધરાઈ છે, જેના થકી કોઈ પણ સ્થળે, કોઈ પણ સમયે અને કોઈના પણ માટે કૌશલ્યને સુનિશ્ચિત કરી શકાયું છે. ભારત હવે ટેકનોલોજી, વ્યાપ અને સાતત્યતાના લાભો ઉઠાવીને વિકસિત રાષ્ટ્ર બનવા તરફ ધસમસતું આગળ વધી રહ્યું છે ત્યારે ભારતની વર્કફોર્સ ઘરેલુ માગોને તો પરિપૂર્ણ કરી જ શકશે, પરંતુ સાથે વૈશ્વિક માગોને પણ પહોંચી વળવાની સાથે નવા સીમાચિહ્નો સર કરશે.”

આ વ્યૂહાત્મક ભાગીદારીની મહત્ત્વતા પર ભાર મૂકતા, રિલાયન્સ ફાઉન્ડેશનના CEO, શ્રી જગન્નાથ કુમારે જણાવ્યું હતું કે, “આખા વિશ્વમાં ભારત પાસે સૌથી વિશાળ સંખ્યામાં યુવા બળ છે, અને તેઓને ભવિષ્ય માટે તૈયાર કરનારા કૌશલ્યોથી સુસજ્જ બનાવવામાં આનાથી મદદ મળશે તેવું અમારું માનવું છે. NSDC સાથેની આ ભાગીદારી દ્વારા યુવા વર્ગને કૌશલ્યની પ્રાપ્તિ ઉપરાંત સતત ઉત્ક્રાંતિ પામી રહેલી વર્ક પ્રોફાઈલ્સ અને તકોને આત્મસાત કરવામાં પણ મદદ મળશે. રિલાયન્સ ફાઉન્ડેશન અને NSDC એક સમાન દૃષ્ટિકોણ તથા ઉદ્દેશને પ્રસ્તુત કરે છે જેની સાથે અમારી અનોખી ક્ષમતાઓ જોડાયેલી છે જેથી આપણા યુવાવર્ગ માટે કોઈ યોગદાન આપી શકાય.”

આ સમાચાર પણ વાંચો : Rajya Sabha nomination: રાજ્યસભાના 4 ઉમેદવારોમાં 4 ઉમેદવાર છે કરોડપતિ, તો 2 પાસે છે આટલી નેટવર્થ! જાણો કોની પાસે કેટલી છે સંપત્તિ..

ઉચ્ચ-ગુણવત્તાશીલ અભ્યાસક્રમનું ઘડતર અને તેનો વિકાસ, વિદ્યાર્થી સેવાની સ્થાપના, તાલીમાર્થીઓને તાલીમ, સહાયરૂપ સહકાર, AIની મદદ ધરાવતું ઓનલાઈન એસેસમેન્ટ, સર્ટિફિકેશન અને ઉદ્યોગ સાથે સંકલિત પ્લેસમેન્ટ એ આ ભાગીદારીનું અભિન્ન અંગ છે.

સમાજના કોરાણે ધકેલાયેલા વર્ગો તેમજ યુવાનો માટે આજીવિકાને ઉન્નત કરનારી વિપુલ તકોના સર્જન અને તેના વિસ્તાર માટે કાર્યરત છે. NSDC સાથેની આ ભાગીદારી તે દિશામાંનું વધુ એક કદમ છે.

Disclaimer : Except for the headline, this story has not been edited by News Continuous staff and is published from a syndicated feed.
February 16, 2024
Surat : મહિલાઓ પગભર થાય એ હેતુથી વરાછા ખાતે સુરત જ્વેલરી મેનુફેક્ચરીંગ એસો. અને WICCI દ્વારા ‘અભિલાષા’ કાર્યક્રમ યોજાયો
News Continuous Bureau | Mumbai
- અગાઉ અનેક મર્યાદાઓ વચ્ચે જીવન જીવતી સામાન્ય મહિલાઓ આજે સ્વબળે દરેક ક્ષેત્રમાં નવી ઓળખ મેળવીને સફળતા મેળવી રહી છે: કૃષિ મંત્રી રાઘવજીભાઈ પટેલ
- કેન્દ્રીય રેલ્વે રાજ્ય મંત્રી દર્શનાબેન જરદોશ, કૃષિ મંત્રી રાઘવજીભાઈ પટેલ, સાંસદ સી.આર. પાટીલની પ્રેરક ઉપસ્થિતિ
Surat : સુરત જ્વેલરી મેનુફેક્ચરીંગ એસોસિએશન(SJMA) અને WICCI-(વુમન ઇન્ડિયન ચેમ્બર ઓફ કોમર્સ &ઇન્ડસ્ટ્રીઝ) દ્વારા મહિલાઓ પગભર(Independent women) થાય અને તેમનું કૌશલ્યવર્ધન થાય એ ઉદ્દેશ્યથી સરદાર સ્મૃતિ ભવન, મિની બજાર, વરાછા ખાતે ‘અભિલાષા: નવા ઉમંગ નવી ક્ષિતિજ’ કાર્યક્રમ યોજાયો હતો. જેમાં કેન્દ્રીય રેલ્વે અને ટેક્ષટાઇલ રાજ્યમંત્રી શ્રીમતિ દર્શનાબેન જરદોશ, કૃષિ, પશુપાલન મંત્રીશ્રી રાઘવજીભાઈ પટેલ તેમજ સાંસદશ્રી સી.આર. પાટીલ વિશેષ ઉપસ્થિતિ રહ્યા હતા.

આ પ્રસંગે કેન્દ્રીય મંત્રીશ્રી દર્શનાબેન જરદોશે જણાવ્યું કે, બહેનોએ પગભર અને આર્થિક સશક્ત બનવા પ્રવૃતિમય રહેવું જરૂરી છે. આર્થિક પરિવર્તનના વાહક બનવા બહેનો આત્મનિર્ભર બને તે સમયની માંગ છે. દેશના પ્રત્યેક પરિવારની બહેનોએ દરેક પરિસ્થિતિમાં અન્ય પર નિર્ભર ન રહેવું પડે કે લાચારીનો સામનો કરવો ન પડે તે માટે કેન્દ્ર સરકારે (central govt.)અનેક યોજનાઓ અમલી બનાવી છે. જેનો લાભ લેવા અનુરોધ કર્યો હતો.
મંત્રીશ્રીએ વધુમાં કહ્યું કે, આત્મવિશ્વાસ વધવાની સાથે મહિલાઓ કાર્યશીલ બનતા આર્થિક ઉપાર્જનની તકો મેળવી શકશે. સરકારે સ્કીલ ડેવલપમેન્ટ(skill development) માટે સમર્થ સ્કીમમાં ૪૫ દિવસની ટ્રેનિંગ બાદ તાલીમાર્થીને રૂ.૩૦૦ અને પ્રશિક્ષકને રૂ.૧ હજારનું સ્ટાયપેન્ડ આપવામાં આવે છે.
મહિલા સશક્તિકરણ માટે એસજેએમએ અને WICCI સંસ્થાને અભિનંદન પાઠવતા કૃષિ મંત્રીશ્રી રાઘવજીભાઇ પટેલે જણાવ્યું હતું કે, બહેનો પુરૂષ સમોવડી બની રહી છે. અગાઉ અનેક મર્યાદાઓ વચ્ચે જીવન જીવતી સામાન્ય મહિલાઓ આજે સ્વબળે દરેક ક્ષેત્રમાં નવી ઓળખ મેળવીને સફળતા મેળવી રહી છે, અને સેલ્ફ ડેવલપમેન્ટથી(self development) સમૃદ્ધિના શિખરો સર કરી રહી છે.

આ સમાચાર પણ વાંચો : Skin Care: શરીરને સ્વસ્થ બનાવવાની સાથે ત્વચાને ચમકદાર બનાવે છે ગિલોય, જાણો તેનો ઉપયોગ કેવી રીતે કરવો…

જ્યાં દીકરીઓ, મહિલાઓ, માતાઓનું સન્માન થાય છે, ત્યાં ઈશ્વરનો વાસ થાય છે એમ જણાવી તેમણે વધુમાં ઉમેર્યું કે, જવેલરી ઉત્પાદન જેવા મહેનતુ ક્ષેત્રમાં બહેનો યોગદાન આપી રહી છે. જે બહેનો નોકરી કરી આ ક્ષેત્રે પગભર થવા માંગતી હોય તેમને નોકરી માટેની તકો મળે અને સ્વરોજગાર કરવા ઇચ્છતી બહેનોને માર્ગદર્શન અને યોગ્ય પ્રોત્સાહન માટે મળી રહે. બહેનોને રોજગારી મળી રહે અને પગભર બને તે માટે અભિલાષા મોટીવેશનલ કાર્યક્રમનું આયોજન સરાહનીય હોવાનો અને આ પ્રયાસથી અનેક બહેનોને નવી રાહ મળશે એવો મત તેમણે વ્યક્ત કર્યો હતો.

સાંસદશ્રી સી.આર.પાટીલે જણાવ્યું હતું કે, પરિવારમાં હંમેશા દીકરીઓ સૌની વ્હાલી હોય છે. દરેક સફળ પુરૂષની પાછળ એક મહિલાનો હાથ હોય છે. બહેનો આર્થિક રીતે સક્ષમ અને આત્મનિર્ભર બને એ રાજ્ય અને કેન્દ્ર સરકારનું લક્ષ્ય છે, ત્યારે શિક્ષિત બની, યોગ્ય દિશા નક્કી કરી મક્કમતાથી પ્રગતિના માર્ગે આગળ વધવા શ્રી પાટીલે સૌ બહેનોને પ્રોત્સાહિત કરી હતી.
સંઘર્ષ કરીને આપબળે આગળ વધી ડાયમંડ અને જ્વેલરી ક્ષેત્રમાં નોંધપાત્ર પ્રદાન કરનાર અને સમાજમાં સન્માનજનક સ્થાન મેળવનાર ૨૦ મહિલાઓનું આ કાર્યક્રમમાં મંત્રીશ્રીઓ અને મહાનુભાવો દ્વારા સન્માન કરાયું હતું.
નોંધનીય છે કે, સુરત જ્વેલરી મેનુફેક્ચરીંગ એસો. દ્વારા કાર્યરત ટ્રેનિંગ સેન્ટરમાં બહેનોને ડાયમંડ અને જ્વેલરી ક્ષેત્રમાં રોજગારી અને કૌશલ્યવર્ધન માટે તાલીમ આપવામાં આવે છે.
આ પ્રસંગે સુરત જ્વેલરી મેન્યુફેક્ચરિંગ એશોસિએશના પ્રમુખ જૈન્તિભાઈ સાવલીયા,વુમન ઈન્ડિયન ચેમ્બર ઓફ કોર્મસના ડો.રિંકલ જરીવાલા, સામાજીક અગ્રણી કાનજીભાઈ ભાલાળા, વિદ્યાર્થીઓ સહિત મોટી સંખ્યામાં ગૃહિણીઓ અને બહેનો ઉપસ્થિત રહ્યા હતા.
August 19, 2023