Tag:

Sofiya Qureshi

Operation Sindoor Who are Indian officers Sofiya Qureshi, Vyomika Singh powering Operation Sindoor
દેશMain PostTop Post

Operation Sindoor: ઓપરેશન સિંદૂર બાદ સેનાએ બતાવી નારીશક્તિ, કર્નલ સોફિયા અને વિંગ કમાન્ડર વ્યોમિકાએ એરસ્ટ્રાઇકની આપી સંપૂર્ણ માહિતી… જાણો કોણ છે આ મહિલા અધિકારીઓ

by kalpana Verat
written by kalpana Verat

    News Continuous Bureau | Mumbai

 Operation Sindoor:  ભારતે ઓપરેશન સિંદૂર દ્વારા પહેલગામ આતંકવાદી હુમલાનો યોગ્ય જવાબ આપ્યો છે. ભારત સરકારે આજે વહેલી સવારે એક ઐતિહાસિક અને સંયુક્ત ત્રિ-સેના (Tri-Forces) ઓપરેશન ‘સિંદૂર’ (Sindoor) હેઠળ પાકિસ્તાન અને પાકિસ્તાન-અધિકૃત કાશ્મીર (PoK)માં આવેલા 9 આતંકી ઠેકાણાઓ પર એર સ્ટ્રાઈક (Air Strike) કરી. 

 

ભારતીય સેનાએ બુધવારે સવારે ઓપરેશન સિંદૂર વિશે માહિતી આપવા માટે તેની બે બહાદુર મહિલા અધિકારીઓને આગળ લાવી. તેમાંથી એક વાયુસેનાના વિંગ કમાન્ડર વ્યોમિકા સિંહ અને બીજા ભારતીય સેનાના કર્નલ સોફિયા કુરેશી હતા. બંનેએ સાથે મળીને પાકિસ્તાનનો પર્દાફાશ કર્યો અને જણાવ્યું કે કેવી રીતે સેનાએ પાકિસ્તાનમાં કાર્યરત આતંકવાદી ફેક્ટરીઓ પર હુમલો કરીને તેનો નાશ કર્યો. સોફિયા ભારતીય સેનામાં લેફ્ટનન્ટ કર્નલ તરીકે તૈનાત છે, જ્યારે વ્યોમિકા સિંહ ભારતીય વાયુસેનામાં વિંગ કમાન્ડર છે.

 Operation Sindoor: કોણ છે કર્નલ સોફિયા કુરેશી?

કર્નલ સોફિયા કુરેશી ગુજરાતની વતની છે, અને ભારતીય સેનાના સિગ્નલ કોર્પ્સમાં અધિકારી છે. 1999 માં ઓફિસર્સ ટ્રેનિંગ એકેડેમીમાંથી કમિશન મેળવ્યા બાદ, તેમણે અનેક મહત્વપૂર્ણ પોસ્ટિંગ સંભાળી છે, જેમાં બળવાખોરી વિરોધી કામગીરીનો સમાવેશ થાય છે. સોફિયાનો સૈન્ય સાથેનો સંબંધ પેઢીઓ જૂનો છે. તેના દાદા અને પિતા બંને સેનામાં હતા. 2006 માં, તેને યુએન પીસકીપિંગ મિશન હેઠળ કોંગોમાં પોસ્ટ કરવામાં આવી હતી.

 

 Operation Sindoor: 2016 માં રચાયો ઇતિહાસ

2016 માં, સોફિયા કુરેશી, જે તે સમયે લેફ્ટનન્ટ કર્નલ તરીકે પોસ્ટેડ હતી, તેમણે એક્સરસાઇઝ ફોર્સ 18 માં ભારતની 40-સભ્યોની લશ્કરી ટુકડીનું નેતૃત્વ કર્યું. તે કોઈપણ બહુરાષ્ટ્રીય લશ્કરી કવાયતમાં લશ્કરી ટુકડીનું નેતૃત્વ કરનારી પ્રથમ ભારતીય મહિલા અધિકારી બની. આ કવાયત માત્ર ભારતની સૌથી મોટી બહુરાષ્ટ્રીય લશ્કરી કવાયત નહોતી, પરંતુ 18 દેશોની સેનાઓએ તેમાં ભાગ લીધો હતો. ASEAN દેશો ઉપરાંત, આ દેશોમાં જાપાન, અમેરિકા, ચીન, રશિયા, દક્ષિણ કોરિયા, ઓસ્ટ્રેલિયા અને ન્યુઝીલેન્ડ જેવા દિગ્ગજોનો સમાવેશ થતો હતો.

 Operation Sindoor: કોણ છે વિંગ કમાન્ડર વ્યોમિકા સિંહ  

ભારતીય વાયુસેનાના વિંગ કમાન્ડર વ્યોમિકા સિંહ એક અનુભવી હેલિકોપ્ટર પાઇલટ છે. તેણીને 2,500 કલાકથી વધુ ઉડાનનો અનુભવ છે અને તેણે તમામ પ્રકારની ભૌગોલિક પરિસ્થિતિઓમાં ઉડાન ભરી છે – પર્વતો, રણ, જંગલો, દરેક જગ્યાએ. વ્યોમિકા માત્ર ટેકનિકલી નિપુણ નથી, પરંતુ ઓપરેશનલ મોરચે પણ સંપૂર્ણપણે સક્ષમ છે. ભારતીય વાયુસેનાના પાઇલટ તરીકે તેમને જોખમી વિસ્તારોમાં ઉડાન ભરવાનો બહોળો અનુભવ છે. અત્યાર સુધીમાં તેણીને અઢી હજાર કલાકથી વધુ ઉડાનનો અનુભવ છે. વ્યોમિકાએ ઉત્તર-પૂર્વ ભારતના રાજ્યો અને જમ્મુ અને કાશ્મીર જેવા મુશ્કેલ વિસ્તારોમાં ચિત્તા અને ચેતક જેવા હેલિકોપ્ટર ઉડાવ્યા છે. તેને ઘણા બચાવ મિશન પણ સફળતાપૂર્વક પાર પાડ્યા છે. નવેમ્બર 2020 માં, તેમણે અરુણાચલ પ્રદેશમાં ખૂબ જ મુશ્કેલ મિશનનું નેતૃત્વ કર્યું અને જીવ બચાવ્યા. 

 

આ સમાચાર પણ વાંચો : ભારતીય સેનાની પ્રેસ : માત્ર 25 મિનિટમાં પાકિસ્તાનમાં આતંકીઓના નવ કેમ્પ તબાહ, જાણો કેવી રીતે પાર પાડ્યું ઓપરેશન સિંદૂર?

 Operation Sindoor: કર્નલ સોફિયા કુરેશીએ શું કહ્યું?

સોફિયા કુરેશીએ જણાવ્યું કે આ ઓપરેશન રાત્રે 1:05 થી 1:30 વાગ્યાની વચ્ચે થયું. આ ઓપરેશન પહેલગામમાં નિર્દયતાથી માર્યા ગયેલા નિર્દોષ પ્રવાસીઓ માટે હાથ ધરવામાં આવ્યું હતું.   નવ આતંકવાદી કેમ્પોને નિશાન બનાવવામાં આવ્યા હતા અને સફળતાપૂર્વક નાશ કરવામાં આવ્યો હતો. નાગરિક માળખાને નુકસાન ટાળવા અને કોઈપણ નાગરિક જીવનું નુકસાન ટાળવા માટે સ્થાનો પસંદ કરવામાં આવ્યા હતા.

(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)

0 comment
0 FacebookTwitterPinterestEmail