Tag: Tata Consultancy Services

  • BSNL-TATA Deal: TATA-BSNL ડીલને કારણે Jio-Airtel નું ટેંશન વધ્યું! હવે ફાસ્ટેસ્ટ ઈન્ટરનેટ દેશના દરેક ખૂણે પહોંચશે.. જાણો વિગતે..

    BSNL-TATA Deal: TATA-BSNL ડીલને કારણે Jio-Airtel નું ટેંશન વધ્યું! હવે ફાસ્ટેસ્ટ ઈન્ટરનેટ દેશના દરેક ખૂણે પહોંચશે.. જાણો વિગતે..

     News Continuous Bureau | Mumbai

    BSNL-TATA Deal: દેશમાં ખાનગી ટેલિકોમ કંપનીઓ એરટેલ અને જિયોના રિચાર્જ પ્લાનમાં વધારો થયા બાદ લોકો હવે બીએસએનએલ તરફ વધુ આગળ વધવા લાગ્યા છે. એટલું જ નહીં, એરટેલ અને જિયો યૂઝર્સ ઝડપથી પોતાના મોબાઇલ નંબરને બીએસએનએલમાં પોર્ટ કરી રહ્યા છે. 

    આ વિશે સોશિયલ મીડિયા પર પણ ઘણા ટ્રેન્ડ ચલાવાઈ રહ્યા છે. સાથે જ એવા પણ સમાચાર છે કે ટાટા કંસલ્ટન્સી સર્વિસ ( Tata Consultancy Services ) અને બીએસએનએલ વચ્ચે 15 હજાર કરોડ રૂપિયાની ડીલ થઈ છે.

    BSNL-TATA Deal: દેશમાં 4G ઇન્ટરનેટ સર્વિસમાં જિયો અને એરટેલનો દબદબો યથાવત છે…

    ટીસીએસ ( TCS ) અને બીએસએનએલ મળીને ભારતના 1000 ગામોમાં 4જી ઇન્ટરનેટ સેવા ( 4G internet service ) શરૂ કરશે, જે આગામી દિવસોમાં લોકોને ઝડપી ગતિએ ઇન્ટરનેટ સેવા પૂરી પાડશે.

    હાલના સમયની વાત કરીએ તો 4G ઇન્ટરનેટ સર્વિસમાં જિયો અને એરટેલનો દબદબો યથાવત છે, પરંતુ જો બીએસએનએલ મજબૂત બનશે તો તે જિયો ( Jio ) અને એરટેલનું ( Airtel ) ટેન્શન વધારી શકે છે.

    આ સમાચાર પણ વાંચો: Indian Railways: ભારતીય રેલવે એ મુસાફરોની સુવિધા માટે 46 ટ્રેનોમાં આટલા સામાન્ય વર્ગના કોચ લગાવવામાં આવ્યા છે

    BSNL-TATA Deal:  ટાટા ભારતના લગભગ ચાર પ્રદેશોમાં તેના ડેટા સેન્ટર બનાવી રહી છે…

    ટાટા ભારતના લગભગ ચાર પ્રદેશોમાં તેના ડેટા સેન્ટર બનાવી રહી છે, જે ભારતના 4જી ઇન્ફ્રાસ્ટ્રક્ચર બનાવવામાં મદદ કરશે. બીએસએનએલે દેશભરમાં 9000થી વધુ 4જી નેટવર્ક સ્થાપિત કર્યા છે, જેને હવે એક લાખ કરવાનો લક્ષ્યાંક છે.

    નોંધનીય છે કે, જિયોએ ગયા મહિને જૂનમાં તેના રિચાર્જ પ્લાનમાં વધારો કરવાની જાહેરાત કરી હતી. થોડા સમય બાદ એરટેલ અને VI એ પણ પોતાના પ્લાનમાં વધારો કરવાની જાહેરાત કરી હતી, જ્યાં જિયો અને એરટેલની વધેલી કિંમતો 3 જુલાઇથી લાગુ થઇ ગઇ છે. તો વીઆઈના વધેલા ભાવ 4 જુલાઈથી લાગુ થઈ ગયા છે.

    આમાં જિયોએ સૌથી વધારે ટેરિફ પ્લાનની કિંમતમાં વધારો કર્યો છે. કંપનીએ એક સાથે 12થી 25 ટકા ભાવ વધારો કર્યો છે. એરટેલે 11થી 21 ટકા અને વીઆઇના ભાવમાં 10થી 21 ટકાનો વધારો કર્યો છે. જિયોને લઈને સૌથી વધુ ગુસ્સે ભરાયેલા લોકો સોશિયલ મીડિયા પર સામે આવી રહ્યા છે. આ કારણે લોકો હવે બીએસએનએલ તરફ વધુ ધ્યાન આપી રહ્યા છે.

     

  • TCS Q1 Results: TCS એ નાણાકીય વર્ષ 2024 ના પ્રથમ ક્વાર્ટરમાં કરી બંપર કમાણી, કંપનીએ કરી આટલા રૂપિયાના ડિવિડન્ડની જાહેરાત.

    TCS Q1 Results: TCS એ નાણાકીય વર્ષ 2024 ના પ્રથમ ક્વાર્ટરમાં કરી બંપર કમાણી, કંપનીએ કરી આટલા રૂપિયાના ડિવિડન્ડની જાહેરાત.

    News Continuous Bureau | Mumbai

    TCS Q1 Results: આઈટી ક્ષેત્રની દિગ્ગજ કંપની ટાટા કન્સલ્ટન્સી સર્વિસે ( TCS ) ચાલુ નાણાકીય વર્ષના પ્રથમ ત્રિમાસિક ગાળાના પરિણામો જાહેર કર્યા છે. TCS એ પ્રથમ ક્વાર્ટરમાં રૂ. 12,040 કરોડનો નફો કર્યો છે, જે વાર્ષિક ધોરણે 9 ટકા વધુ છે.  

    TCS Q1 Results: કંપનીના શેરધારકોને રૂ. 10નું વચગાળાનું ડિવિડન્ડ

    મહત્વનું છે કે ગયા નાણાકીય વર્ષના પ્રથમ ક્વાર્ટરમાં 11074 કરોડ રૂપિયાનો નફો થયો હતો. કંપનીની આવકમાં 5.4 ટકાનો ઉછાળો આવ્યો છે અને આ આવક રૂ. 62,613 કરોડ થઈ છે જે ગયા નાણાકીય વર્ષના સમાન સમયગાળામાં રૂ. 59,831 કરોડ હતી. TCS ( Tata Consultancy Services ) ના બોર્ડે કંપનીના શેરધારકોને રૂ. 10નું વચગાળાનું ડિવિડન્ડ ( Dividend ) આપવાનો પણ નિર્ણય કર્યો છે.

    TCS Q1 Results: કર્મચારીઓની સંખ્યા 6.07 લાખ સુધી પહોંચી

    કંપનીએ નાણાકીય વર્ષ 2024-25ના પ્રથમ ત્રિમાસિક ગાળામાં 5452 કર્મચારીઓ ઉમેર્યા છે અને કંપનીની કુલ કર્મચારીઓની સંખ્યા 6.07 લાખ સુધી પહોંચી ગઈ છે. TCSના CEO K કૃતિવાસને ત્રિમાસિક પરિણામો પર જણાવ્યું હતું કે, મને ખુશી છે કે અમે નવા નાણાકીય વર્ષની ખૂબ જ મજબૂત શરૂઆત કરી છે અને તમામ ઉદ્યોગો અને બજારોમાં વૃદ્ધિ જોવા મળી રહી છે. અમે અમારા ગ્રાહકોના સંબંધોને સતત વિસ્તરી રહ્યા છીએ. અમે ઉભરતી તકનીકોમાં પણ નવી ક્ષમતાઓ વિકસાવી રહ્યા છીએ અને ફ્રાન્સમાં AI-કેન્દ્રિત TCS PacePort, US, લેટિન અમેરિકા, કેનેડા અને યુરોપમાં IoT (ઇન્ટરનેટ ઓફ થિંગ્સ) લેબ જેવા વિસ્તરણ કેન્દ્રોમાં રોકાણ કરી રહ્યા છીએ.

    આ સમાચાર પણ વાંચો : Anant and Radhika wedding: ઠાઠમાઠ થી થશે મુકેશ અંબાણી ના નાના દીકરા ના લગ્ન, અનંત અને રાધિકા ના લગ્ન સ્થળ ની સજાવટ નો વિડીયો આવ્યો સામે

    TCS Q1 Results: વધારા સાથે બંધ થયા શેર 

    TCS એ તેના ત્રિમાસિક પરિણામોમાં જણાવ્યું હતું કે પ્રથમ ક્વાર્ટરમાં કુલ કોન્ટ્રાક્ટ મૂલ્ય $8.3 બિલિયન હતું, જે ગયા વર્ષના સમાન ક્વાર્ટર અને અગાઉના ક્વાર્ટર કરતાં ઓછું છે. નાણાકીય વર્ષ 2023-24ના ચોથા ક્વાર્ટરમાં $13.2 બિલિયનની ઓર્ડર બુક જોવા મળી હતી, જે એક રેકોર્ડ છે. બજાર બંધ થયા બાદ TCSના ત્રિમાસિક પરિણામો આવ્યા છે. આજના ટ્રેડિંગ સેશનની શરૂઆતમાં, TCSનો શેર ( Share ) 0.37 ટકાના વધારા સાથે રૂ. 3923.70 પર બંધ થયો હતો.

    (ડિસ્ક્લેમરઃ અહીં રજૂ કરવામાં આવેલી માહિતી અન્ય મિડીયા પ્રેલટફોર્મ પર પણ ઉપલબ્ધ છે તેમજ તેની સત્યતા સંદર્ભે અમે કોઈ દાવો કરતા નથી. કોઈપણ રોકાણ કરતા પહેલા ફાઈનાન્શિયલ એડવાઈઝરની સલાહ ચોક્કસ લો.)