Tag:

toll plaza

FASTag ૧૫ ઓગસ્ટથી FASTagમાં થશે આ મહત્વ નો ફેરફાર, જાણો વિગતે
દેશ

FASTag: ૧૫ ઓગસ્ટથી FASTagમાં થશે આ મહત્વ નો ફેરફાર, જાણો વિગતે .

by Dr. Mayur Parikh
written by Dr. Mayur Parikh

News Continuous Bureau | Mumbai

FASTag: રાષ્ટ્રીય ધોરીમાર્ગ પ્રાધિકરણ (NHAI) એ વાહનચાલકો માટે એક મોટી સુવિધાની જાહેરાત કરી છે. ૧૫ ઓગસ્ટથી FASTag માટે વાર્ષિક પાસની (annual pass) સુવિધા શરૂ થશે. આ પાસનો મુખ્ય ઉદ્દેશ્ય વાહનચાલકોને વારંવાર રિચાર્જ (recharge) કરવાની ઝંઝટમાંથી મુક્તિ આપવાનો અને ટોલ પ્લાઝા (toll plaza) પર થતી ભીડને ઓછી કરવાનો છે. આ સુવિધા ખાસ કરીને લાંબા અંતરની મુસાફરી કરતા લોકો માટે વધુ ફાયદાકારક સાબિત થઈ શકે છે.

વાર્ષિક પાસની કિંમત અને લાભ

NHAI એ FASTagના નિયમોમાં ફેરફાર કરીને આ વાર્ષિક પાસ જાહેર કર્યો છે. આ પાસની કિંમત ₹૩,૦૦૦ છે અને તે માત્ર ખાનગી વાહનો (કાર, જીપ અને વાન) માટે ઉપલબ્ધ હશે. હાલમાં, ટોલ નાકા પર વાહનના વજન મુજબ અલગ-અલગ શુલ્ક લેવામાં આવે છે. ૨૦૦ ટોલ ક્રોસ કરવા માટે લગભગ ₹૧૦,૦૦૦ નો ખર્ચ થઈ શકે છે, પરંતુ નવા પાસથી પ્રતિ ટોલ ₹૧૫ના દરે માત્ર ₹૩,૦૦૦માં જ કામ થઈ જશે, જેનાથી મોટા પ્રમાણમાં પૈસાની બચત થશે.

કયા માર્ગો પર લાગુ પડશે?

આ વાર્ષિક પાસ માત્ર NHAI અને સડક પરિવહન અને રાજમાર્ગ મંત્રાલય (MoRTH) હેઠળ આવતા રાષ્ટ્રીય ધોરીમાર્ગો (National Highways) અને એક્સપ્રેસવેઝ (Expressways) પર જ લાગુ થશે. જેમાં મુંબઈ-રત્નાગિરી, દિલ્હી-મુંબઈ એક્સપ્રેસ હાઈવે, મુંબઈ-નાશિક, મુંબઈ-સુરત જેવા માર્ગોનો સમાવેશ થાય છે. જોકે, રાજ્ય સરકારના માર્ગો, જેવા કે મુંબઈ-પુણે એક્સપ્રેસવે, મુંબઈ-નાગપુર એક્સપ્રેસવે, અટલ સેતુ વગેરે પર આ પાસ કામ કરશે નહીં. આવા માર્ગો પર FASTag સામાન્ય રીતે જ કામ કરશે અને ટોલ શુલ્ક નિયમો મુજબ જ વસૂલવામાં આવશે.

આ સમાચાર પણ વાંચો : Dahisar Toll Naka : દહીંસર ટોલ નાકાને હટાવવાથી ટ્રાફિક જામની સમસ્યા હલ થશે? શિંદે સામે ટોલનો મુદ્દો

વાર્ષિક પાસ કેવી રીતે મેળવશો?

વાહનચાલકો ‘રાજમાર્ગ યાત્રા’ (Rajmarg Yatra) એપ અથવા NHAI/MoRTH ની વેબસાઇટ પર જઈને વાર્ષિક પાસ મેળવી શકે છે. આ માટે, વાહન નંબર (vehicle number) અને FASTag ID દાખલ કરીને ₹૩,૦૦૦નું ઓનલાઈન પેમેન્ટ (online payment) કરવું પડશે. આ પછી, વાર્ષિક પાસ FASTag સાથે લિંક થઈ જશે અને ૧૫ ઓગસ્ટથી તેની એક્ટિવેશન (activation) અંગેનો SMS (એસએમએસ) મળી જશે.
Five Keywords: FASTag,NHAI,Annual Pass,National Highway,Toll Plaza

0 comment
0 FacebookTwitterPinterestEmail
FASTag new rules customers can recharge FASTag anytime before crossing the toll plaza...
Factcheckદેશ

FASTag new rules: NHAIએ નવા FASTag નિયમો અંગે સ્પષ્ટતા આપી, ગ્રાહકો FASTag ટોલ પ્લાઝા પાર કરતા પહેલા ગમે ત્યારે કરી શકે છે રિચાર્જ…

by khushali ladva
written by khushali ladva

News Continuous Bureau | Mumbai

  • નવા FASTag નિયમ અંગે સ્પષ્ટતા

FASTag new rules: રીડિંગ ટાઈમ પહેલાં 60 મિનિટથી વધુ સમય અને રીડિંગ ટાઈમ પછી 10 મિનિટ સુધી સક્રિય ન હોય તેવા FASTag પરના વ્યવહારોને નકારવા અંગે કેટલાક પ્રકાશનો દ્વારા પ્રકાશિત સમાચારોના સંદર્ભમાં, નેશનલ હાઇવે ઓથોરિટી ઓફ ઇન્ડિયા (NHAI) સ્પષ્ટતા કરે છે કે નેશનલ પેમેન્ટ્સ કોર્પોરેશન ઓફ ઇન્ડિયા (NPCI) દ્વારા જારી કરાયેલ 28.01.2025ના પરિપત્ર નંબર NPCI/2024-25/NETC/004Aની FASTag ગ્રાહક અનુભવ પર કોઈ અસર થતી નથી. NPCI દ્વારા આ પરિપત્ર એક્વાયરર બેંક અને ઇશ્યુઅર બેંક વચ્ચે વાહન ટોલ પ્લાઝા પાર કરતી વખતે FASTag સ્થિતિ અંગેના વિવાદોના ઉકેલને સરળ બનાવવા માટે જારી કરવામાં આવ્યો છે. આ પરિપત્રનો હેતુ એ પણ સુનિશ્ચિત કરવાનો છે કે વાહન ટોલ પ્લાઝા પસાર કરે તે પછી વાજબી સમયની અંદર FASTag વ્યવહારો બનાવવામાં આવે જેથી ગ્રાહકોને મોડા વ્યવહારોથી હેરાન ન થાય.

આ સમાચાર પણ વાંચો: IAS vacancies: ગુજરાતને આ વર્ષે મળશે આટલા નવા IAS અધિકારીઓ, બજેટ સત્રમાં ઋષિકેશ પટેલે આપ્યો જવાબ

FASTag new rules: બધા નેશનલ હાઇવે ટોલ પ્લાઝા ICD 2.5 પ્રોટોકોલ પર કાર્ય કરે છે જે રીઅલ-ટાઇમ ટેગ સ્ટેટસ આપે છે, તેથી FASTag ગ્રાહકો ટોલ પ્લાઝા પાર કરતા પહેલા ગમે ત્યારે રિચાર્જ કરી શકે છે. રાજ્ય હાઇવે પરના કેટલાક ટોલ પ્લાઝા હજુ પણ ICD 2.4 પ્રોટોકોલ પર છે જેને ટેગ સ્ટેટસના નિયમિત અપડેટની જરૂર છે. ટૂંક સમયમાં આવા બધા ટોલ પ્લાઝાને ICD 2.5 પ્રોટોકોલમાં શિફ્ટ કરવાની યોજના છે. FASTag ગ્રાહકોને મેન્યુઅલ રિચાર્જની જરૂરિયાતને દૂર કરવા માટે ઓટો-રિચાર્જ સેટિંગ હેઠળ તેમના FASTag વોલેટને UPI/કરંટ/સેવિંગ એકાઉન્ટ્સ સાથે લિંક કરવા માટે પ્રોત્સાહિત કરવામાં આવે છે. ગ્રાહકો UPI, નેટ બેંકિંગ અને વધુ જેવી વિવિધ ચુકવણી ચેનલોનો ઉપયોગ કરીને ટોલ પર પહોંચતા પહેલા ગમે ત્યારે તેમના FASTag રિચાર્જ કરવાનું ચાલુ રાખી શકે છે.

Disclaimer : Except for the headline, this story has not been edited by News Continuous staff and is published from a syndicated feed

0 comment
0 FacebookTwitterPinterestEmail
Maharashtra Fastag Fastag mandatory for all vehicles in Maharashtra from April 1
Main PostTop Postરાજ્ય

Maharashtra Fastag : મોટા સમાચાર: મહારાષ્ટ્રના તમામ વાહનો માટે ફાસ્ટ-ટેગ ફરજિયાત! તારીખ થી અમલમાં આવશે નવો નિયમ…

by kalpana Verat
written by kalpana Verat

News Continuous Bureau | Mumbai 

Maharashtra Fastag : આજે મહારાષ્ટ્ર સરકારની કેબિનેટ મંત્રાલય ખાતે યોજાઈ હતી. આ બેઠકમાં કેટલાક મહત્વના નિર્ણયો લેવામાં આવ્યા છે. આ નિરયન મુજબ આગામી 1 એપ્રિલ, 2025થી રાજ્યમાં તમામ વાહનો માટે FASTag ફરજિયાત થઇ જશે. ઉપરાંત, સરકારની પ્રવર્તમાન જાહેર ખાનગી ભાગીદારી નીતિને 2014માં સુધારવામાં આવશે. આ સાથે કેબિનેટની બેઠકમાં મહારાષ્ટ્ર સરકારના કાર્યપ્રણાલીના નિયમોમાં સુધારો કરવાનો નિર્ણય પણ લેવામાં આવ્યો છે. તેથી હવે જે વાહનોમાં FASTag નથી તેમને હવે તેનો અમલ કરવો પડશે.  

Maharashtra Fastag : તમામ વાહનો માટે FAST-ટેગ ફરજિયાત

પ્રાપ્ત માહિતી અનુસાર આજે કેબિનેટની બેઠક યોજાઈ હતી. જેમાં ફાસ્ટ ટેગને લઈને મહત્વનો નિર્ણય લેવામાં આવ્યો છે. સરકારની હાલની પબ્લિક પ્રાઈવેટ પાર્ટનરશિપ પોલિસી- 2014માં સુધારો કરવામાં આવશે અને 1 એપ્રિલ, 2025થી રાજ્યમાં તમામ વાહનો માટે FAST-ટેગ ફરજિયાત કરવામાં આવ્યું છે. સરકારના નિર્ણય મુજબ 1 એપ્રિલથી તમામ ફોર વ્હીલર માટે ફાસ્ટ ટેગ ફરજિયાત બની જશે.

ફાસ્ટ ટેગ પ્રોગ્રામ રેડિયો-ફ્રિકવન્સી આઇડેન્ટિફિકેશન ટેક્નોલોજી પર ચાલે છે. ફાસ્ટ ટેગ સાથે, ટોલ બૂથ પર રોકાયા વિના અને ટોલ ચૂકવ્યા વિના ફાસ્ટ ટેગ કોડ સ્કેન કરીને સીધા ખાતામાંથી પૈસા કાપવામાં આવે છે. આ માટે, FASTag સાથે જોડાયેલા બેંક વૉલેટમાંથી પૈસા ડિજિટલી કાપવામાં આવે છે. ફાસ્ટ ટેગ 5 વર્ષ માટે માન્ય છે. તમારા બેંક ખાતામાંથી ટોલની રકમ આપોઆપ કપાઈ જાય છે. ફાસ્ટ ટેગ ટોલ પ્લાઝા પર વાહનોની ભીડને ટાળી શકે છે.

Mumbai News : OMG… એક જ નંબરની બે કાર, મુંબઈની તાજ હોટલની સામે ઉભી હતી બે ગાડી; આ રીતે થયો મામલાનો ખુલાસો..

Maharashtra Fastag : ફાસ્ટ ટેગ ઓનલાઈન અને ઓફલાઈન બંને રીતે ઉપલબ્ધ

મહત્વનું છે કે ફાસ્ટ ટેગ ઓનલાઈન અને ઓફલાઈન બંને રીતે ઉપલબ્ધ છે. ફાસ્ટ ટૅગ્સ RTO ઑફિસો, સેવા કેન્દ્રો, ટ્રાફિક કેન્દ્રો અને અમુક પસંદગીના પેટ્રોલ પંપો અને કેટલીક બેંકો પર ઉપલબ્ધ છે. બેંકો, ઇન્ડિયન હાઇવે મેનેજમેન્ટ કંપની અને નેશનલ હાઇવે ઓથોરિટી જેવા સ્થળોએ FASTag વેચવા માટે ખાસ વેચાણ કેન્દ્રો છે. આના દ્વારા તમે ફાસ્ટ ટેગ લઈ શકો છો. ફાસ્ટ ટેગ મેળવવા માટે તમારી પાસે તમારો પાસપોર્ટ સાઇઝનો ફોટો અને ડ્રાઇવિંગ લાઇસન્સ હોવું જરૂરી છે. રહેણાંકના સરનામાના પુરાવા તરીકે તમારે આધાર કાર્ડ, પાન કાર્ડ અથવા મતદાર ઓળખ કાર્ડ આપવું પડશે.

 

0 comment
0 FacebookTwitterPinterestEmail
Satellite Toll System Nitin Gadkari's big decision, the current toll system in the country will be canceled! Now the satellite toll collection system will come
દેશ

Satellite Toll System: નીતિન ગડકરીનો મોટો નિર્ણય, દેશમાં વર્તમાન ટોલ સિસ્ટમ રદ્દ કરાવમાં આવશે! હવે સેટેલાઇટ ટોલ કલેક્શન સિસ્ટમ આવશે.. જાણો વિગતે..

by Bipin Mewada
written by Bipin Mewada

 News Continuous Bureau | Mumbai

Satellite Toll System:  કેન્દ્રીય માર્ગ પરિવહન અને રાજમાર્ગ મંત્રી નીતિન ગડકરીએ ( Nitin Gadkari ) શુક્રવારે જાહેરાત કરી હતી કે, દેશમાં ચાલી રહેલી હાલની ટોલ સિસ્ટમ હવે બંધ થઈ જશે અને દેશમાં તેની જગ્યાએ હવે સેટેલાઇટ બેઝેડ ટોલ કલેક્શન સિસ્ટમ શરૂ કરવામાં આવશે. 

આ અંગે નીતિન ગડકરીએ નિવેદન આપતા કહ્યું હતું કે, હાલની ટોલ સિસ્ટમ ( Toll System ) બંધ કરવામાં આવી રહી છે. સેટેલાઇટ   આધારિત ટોલ કલેક્શન ( Toll Collection ) સિસ્ટમ ટૂંક સમયમાં જ શરૂ કરવામાં આવશે. તેનો ઉદ્દેશ ટોલ વસૂલાત વધારવાનો અને ટોલ પ્લાઝા પર થતી ભીડ ઘટાડવાનો છે. રાજ્યસભામાં એક લેખિત જવાબમાં પણ ગડકરીએ આ અંગે કહ્યું હતું કે રોડ ટ્રાન્સપોર્ટ અને હાઈવે મંત્રાલય ગ્લોબલ નેવિગેશન સેટેલાઇટ સિસ્ટમ ( GNSS ) શરૂ કરવા જઈ રહ્યું છે.

Satellite Toll System: આ સિસ્ટમ હાલ માત્ર પસંદગીના ટોલ પ્લાઝા પર જ લાગુ થશે..

જો કે, આ સિસ્ટમ હાલ માત્ર પસંદગીના ટોલ પ્લાઝા ( Toll Plaza ) પર જ લાગુ થશે. જેમાં હવેથી સેટેલાઇટ (  Satellite  ) દ્વારા ટોલ વસૂલવામાં આવશે. તમારા બેંક ખાતામાંથી પૈસા કાપવામાં આવશે અને તમારા દ્વારા કવર કરવામાં આવેલ અંતર અનુસાર જ તમારા પાસેથી શુલ્ક લેવામાં આવશે. ગડકરીએ કહ્યું કે આનાથી સમય અને પૈસા બંનેની બચત થશે.

આ સમાચાર પણ વાંચો  : Uttar Pradesh Kanwar Yatra: યોગી સરકારે કાવડ યાત્રાના રૂટ પરના મુસ્લિમ દુકાનદારોના નામ સુપ્રીમ કોર્ટમાં રજૂ કર્યા.. જાણો વિગતે. 

0 comment
0 FacebookTwitterPinterestEmail
FASTag Rule Now if you show FASTag with your hand at the toll booth then double toll tax will be charged... know details..
દેશ

FASTag Rule : વાહન માલિકો થઈ જાવ સાવધાન! જો તમે ટોલ બૂથ પર કરશો આ ભૂલ તો, ફાસ્ટેગ હોવા છતાં તમારે ડબલ ટોલ ચૂકવવો પડશે… જાણો વિગતે..

by Bipin Mewada
written by Bipin Mewada

 News Continuous Bureau | Mumbai

FASTag Rule : દિલ્હીથી ફરીદાબાદને જોડતા બદરપુર ટોલ પ્લાઝા ( Toll Plaza ) પર આજથી હાથથી ફાસ્ટેગ દેખાડનારા આવા વાહન ચાલકો પાસેથી ડબલ ટોલ ટેક્સ વસૂલવામાં આવશે. ખરેખર, ફાસ્ટેગને કારની વિન્ડસ્ક્રીન પર મૂકવાનો નિયમ છે, પરંતુ કેટલાક વાહન ચાલકો ફાસ્ટેગ સ્ટીકરને વિન્ડ સ્ક્રીન પર મૂકવાને બદલે હાથથી બતાવીને ટોલ ટેક્સ કાપી લે છે. આનાથી ટોલ પ્લાઝા પર વાહનોની ગતિ ધીમી પડે છે. 

હાલ ટોલ પ્લાઝા મેનેજમેન્ટ આવા વાહનચાલકોને જાગૃત કરી રહ્યું છે. ત્રણ દિવસ પહેલા NHAI (નેશનલ હાઈવે ઓથોરિટી ઓફ ઈન્ડિયા)ની સબ્સિડિયરી નેશનલ હાઈવે મેનેજમેન્ટ કંપની લિમિટેડ દ્વારા આદેશ આપવામાં આવ્યો હતો કે, વાહનની વિન્ડસ્ક્રીન પર ફાસ્ટેગ લગાવવું પડશે. જે વાહન ચાલકો આવું નહીં કરે તેમની પાસેથી બમણો ટોલ ટેક્સ ( Toll tax ) લેવામાં આવશે. આ આદેશ બાદ શનિવારથી શહેરના બદરપુર ટોલ પ્લાઝા પર આ આદેશ લાગુ કરવાની તૈયારીઓ શરૂ કરી દેવામાં આવી છે.

FASTag Rule : આ આદેશ અંગે માહિતી આપવા માટે ટોલ પ્લાઝા પર નોટિસ પણ ચોંટાડવામાં આવી છે…

આ આદેશ અંગે માહિતી આપવા માટે ટોલ પ્લાઝા પર નોટિસ પણ ચોંટાડવામાં આવી છે. આજથી ટોલ પ્લાઝાના જવાનો આવા ડ્રાઇવરો પાસેથી ડબલ ટોલ ટેક્સ વસૂલવાનું શરૂ કરશે. ટોલ ટેક્સના કર્મચારીઓએ જણાવ્યું હતું કે ફાસ્ટેગ ( FASTag Toll Plaza ) હાથમાં રાખીને ટોલ ટેક્સ ભરનારા ડ્રાઇવરો ટોલ પ્લાઝા પર આવતા રહે છે. આવા વાહન ચાલકોના કારણે ટોલ પ્લાઝા પર વાહનોની ગતિ ધીમી પડે છે. આ ટોલ પ્લાઝા પર બાકીના ડ્રાઇવરો માટે સમસ્યાઓ ઉભી કરે છે.

આ સમાચાર પણ વાંચો  :  AI Tools: એશિયામાં સૌથી વધુ ઉપયોગમાં લેવાતા આ છે મહત્ત્વપૂર્ણ 3 AI ટૂલ્સઃ રિપોર્ટ… જાણો વિગતે…

આથી હવે ફાસ્ટેગનો ( FASTag NHAI ) યોગ્ય રીતે ઉપયોગ કરતા વાહન ચાલકોની સુવિધાને ધ્યાનમાં રાખીને હવે ફાસ્ટેગ સ્ટીકર હાથમાં લેનાર વાહન ચાલકો પાસેથી ડબલ ટોલ ટેકસ લેવાનો નિર્ણય લેવાયો છે.

બદરપુર ટોલ પ્લાઝા પરથી 24 કલાકમાં સરેરાશ 80 હજાર વાહનો પસાર થાય છે. અહીં સવાર-સાંજ વાહનોની ભીડ રહે છે. વાહનોની ભીડ વચ્ચે જો એક-બે લોકો ફાસ્ટેગ ( FASTag Toll tax ) હાથમાં લઈને ટોલ કાપવાનું શરૂ કરી દે તો અહીં ટ્રાફિક જામની સમસ્યા સર્જાય છે. તો બીજી તરફ કેટલાક એવા પણ વાહન ચાલકો આ ટોલ પ્લાઝા પર આવે છે, જે ફાસ્ટેગથી બચવા માટે કેટલીક વસ્તુઓ ફાસ્ટેગ સ્ટીકર પર રાખી દે છે. તેથી આ તમામ સમસ્યાના નિવારણ માટે આ નિર્ણય લેવામાં આવ્યો હતો.

 

0 comment
0 FacebookTwitterPinterestEmail
Satellite Based Toll System The hassle of FASTag and toll plazas will be over, money will be deducted directly from the satellite.. Know how the new toll system will work.
વિજ્ઞાન-ટેકનોલોજીદેશ

Satellite Based Toll System: ફાસ્ટેગ અને ટોલ પ્લાઝાની ઝંઝટનો અંત આવશે, સેટેલાઇટથી સીધા જ પૈસા કપાશે.. જાણો કેવી રીતે કામ કરશે નવી ટોલ સિસ્ટમ.

by Bipin Mewada
written by Bipin Mewada

  News Continuous Bureau | Mumbai

Satellite Based Toll System: કેન્દ્રીય પરિવહન મંત્રી નીતિન ગડકરીએ બુધવારે એક મોટી જાહેરાત કરી હતી. ટોલ પ્લાઝા ( Toll Plaza ) પર લાગતો સમય ઘટાડવા માટે ફાસ્ટેગ શરૂ કરવામાં આવ્યું હતું. પરંતુ હવે કેન્દ્રીય મંત્રીએ કહ્યું છે કે તેઓ ટૂંક સમયમાં આ ફાસ્ટેગ સિસ્ટમને હટાવીને નવી સેવા ટોલ પ્લાઝામાં  લાવશે, જે સેટેલાઇટ આધારિત હશે. એટલે કે સેટેલાઈટમાંથી જ તમારા પૈસા કપાઈ જશે. 

નીતિન ગડકરીનો ( Nitin Gadkari ) દાવો છે કે આ સેવા ફાસ્ટેગ કરતાં પણ ઝડપી હશે. જો કે, તેને ક્યારે લોન્ચ કરવામાં આવશે તેની માહિતી હજુ સુધી જાહેર કરવામાં આવી નથી. હવે સવાલ એ થાય છે કે સેટેલાઇટ આધારિત આ ટોલ સિસ્ટમ શું છે.

આ પગલા દ્વારા, સરકાર તમામ ફિજીકલ ટોલને દૂર કરવા માંગે છે , જેથી કરીને લોકોને એક્સપ્રેસવે પર કોઈપણ સ્ટોપ વિના સારો અનુભવ મળે. આ માટે, સરકાર GNSS ( GNSS tolling system )  આધારિત ટોલિંગ સિસ્ટમનો ઉપયોગ કરશે, જે હાલની ઇલેક્ટ્રોનિક ટોલ કલેક્શન સિસ્ટમનું ( Electronic Toll Collection System ) સ્થાન લેશે.

 જેવી કાર આ વર્ચ્યુઅલ ટોલમાંથી પસાર થશે કે તરત જ યુઝરના ખાતામાંથી પૈસા કપાઈ જશે…

હાલ વર્તમાન સિસ્ટમ RFID ટૅગ્સ પર કામ કરે છે, જે આપમેળે ટોલ વસૂલ કરે છે. બીજી તરફ, GNSS આધારિત ટોલિંગ સિસ્ટમમાં વર્ચ્યુઅલ ટોલ હશે. તેનો અર્થ એ કે ટોલ હાજર હશે, પરંતુ તમે તેને જોઈ શકશો નહીં. આ માટે, વર્ચ્યુઅલ ગેન્ટ્રી સ્થાપિત કરવામાં આવશે, જે GNSS સક્ષમ સીધા તમારા વાહનો સાથે જોડાયેલ હશે અને ટોલ ટેક્સ કાપવામાં મદદમાં આવશે.

આ સમાચાર પણ વાંચો :  Delhi CM Arvind Kejriwal Arrest Row: કેજરીવાલની ધરપકડ પર હવે સંયુક્ત રાષ્ટ્રે પણ આપી પ્રતિક્રિયા કહ્યું.. આશા છે કે ભારતમાં દરેકના અધિકારોનું રક્ષણ થશે..

જેવી કાર આ વર્ચ્યુઅલ ટોલમાંથી પસાર થશે કે તરત જ યુઝરના ખાતામાંથી પૈસા કપાઈ જશે. ભારત પાસે તેની પોતાની નેવિગેશન સિસ્ટમ્સ છે- ગગન અને નેવિક. તેમની મદદથી વાહનોને ટ્રેક કરવાનું પણ સરળ બનશે. આ ઉપરાંત યુઝરનો ડેટા પણ સુરક્ષિત રહેશે. જો કે, આ પછી પણ કેટલાક પડકારો હશે. આ સેવા જર્મની, રશિયા અને અન્ય ઘણા દેશોમાં પહેલેથી જ ઉપલબ્ધ છે.

સૌ પ્રથમ, જો આપણે ફાયદા વિશે વાત કરીએ, તો આ સિસ્ટમની રજૂઆત સાથે તમારી મુસાફરી સરળ બની જશે. આનો અર્થ એ કે તમારે ટોલ માટે રોકાવું પડશે નહીં. ભલે FASTagએ ટોલ પર લાગતો સમય ઘટાડી દીધો હોય, પણ હજુ સમય લાગે છે. આ ઉપરાંત ઈન્ફ્રાસ્ટ્રક્ચર ખર્ચમાં પણ ઘટાડો થશે. વપરાશકર્તાઓનો અનુભવ વધુ સારો રહેશે.

જોખમો અથવા પડકારો વિશે વાત કરીએ તો, આ સિસ્ટમની રજૂઆત પછી ગોપનીયતા એક મોટો મુદ્દો બની રહેશે. ઘણા વપરાશકર્તાઓ આ મુદ્દો ઉઠાવી શકે છે. આ સેટેલાઇટ આધારિત સેવા હોવાથી આમાં કેટલાક ક્ષેત્રોમાં પડકારોનો સામનો કરવો પડી શકે છે. આ અંગે લોકોને જાગૃત કરવા પણ એક મોટો મુદ્દો બની રહેશે.

 

0 comment
0 FacebookTwitterPinterestEmail
NHAI FASTag NHAI advises Paytm FASTag users to switch to other bank FASTag before March 15
વેપાર-વાણિજ્યદેશ

NHAI FASTag : NHAIએ Paytm FASTag વપરાશકર્તાઓ માટે 15મી માર્ચ 2024 પહેલાં અન્ય બેંકના FASTag પર જવા માટે એડવાઈઝરી જારી કરી

by kalpana Verat
written by kalpana Verat

News Continuous Bureau | Mumbai

NHAI FASTag : સીમલેસ મુસાફરીનો અનુભવ સુનિશ્ચિત કરવા અને ટોલ પ્લાઝા ( Toll Plaza )  પર અસુવિધા ટાળવા માટે, NHAIએ Paytm FASTag વપરાશકર્તાઓને 15 માર્ચ, 2024 પહેલા અન્ય બેંક દ્વારા જારી કરાયેલ નવો FASTag ખરીદવાની સલાહ આપી છે. આ રાષ્ટ્રીય ધોરીમાર્ગો પર મુસાફરી કરતી વખતે દંડ અથવા કોઈપણ ડબલ ફી ચાર્જ ટાળવામાં મદદ કરશે.

Paytm પેમેન્ટ્સ બેંક પરના નિયંત્રણો અંગે ભારતીય રિઝર્વ બેંક દ્વારા જારી કરવામાં આવેલી માર્ગદર્શિકા અનુસાર, Paytm FASTags વપરાશકર્તાઓ 15મી માર્ચ 2024 પછીના બેલેન્સને રિચાર્જ અથવા ટોપ-અપ કરી શકશે નહીં. જો કે, તેઓ નિર્ધારિત તારીખથી ટોલ ચૂકવણી કરવા માટે તેમના વર્તમાન બેલેન્સનો ઉપયોગ કરી શકે છે.

આ સમાચાર પણ વાંચો : Pratibhatai Patil : ભારતના પ્રથમ મહિલા રાષ્ટ્રપતિ પ્રતિભાતાઈ પાટીલની તબિયત લથડી, હોસ્પિટલમાં સારવાર શરૂ.. જાણો કેવું છે તેમનું સ્વાસ્થ્ય..

Paytm FASTag સંબંધિત કોઈપણ વધુ પ્રશ્નો અથવા સહાયતા માટે, વપરાશકર્તાઓ તેમની સંબંધિત બેંકોનો સંપર્ક કરી શકે છે અથવા IHMCL વેબસાઈટ પર આપવામાં આવેલા FAQનો સંદર્ભ લઈ શકે છે. NHAIએ તમામ Paytm FASTag વપરાશકર્તાઓને સમગ્ર દેશમાં રાષ્ટ્રીય ધોરીમાર્ગો પર એકીકૃત મુસાફરીનો અનુભવ સુનિશ્ચિત કરવા સક્રિય પગલાં લેવા વિનંતી કરી છે.

Disclaimer : Except for the headline, this story has not been edited by News Continuous staff and is published from a syndicated feed. 

0 comment
0 FacebookTwitterPinterestEmail
GPS Toll Collection The method of toll collection will be changed through FASTag in the country... Now the GPS toll collection system will be started.
વેપાર-વાણિજ્ય

GPS Toll Collection: દેશમાં FASTag દ્વારા ટોલ કલેક્શનની પદ્ધતિ બદલાશે…. ચાલુ થશે હવે GPS ટોલ કલેક્શન સિસ્ટમ… જાણો ક્યારથી લાગુ થશે આ સિસ્ટમ..

by Bipin Mewada
written by Bipin Mewada

News Continuous Bureau | Mumbai

GPS Toll Collection: દેશમાં ટૂંક સમયમાં ટોલ કલેક્શનની ( toll collection ) પદ્ધતિ બદલાવા જઈ રહી છે. થોડા સમય પછી, તમારા વાહનોમાંથી ફાસ્ટેગને ( FASTag ) બદલે જીપીએસ દ્વારા ટોલ કાપવામાં આવશે અને વાહનો રોકાયા વિના સંપૂર્ણ ઝડપે તેમની મુસાફરી પૂર્ણ કરી શકશે. જ્યારે 3 વર્ષ પહેલા દેશમાં ફાસ્ટેગ દ્વારા ટોલ વસૂલવાની પ્રક્રિયા શરૂ કરવામાં આવી હતી, ત્યારે તેને ગેમ ચેન્જર તરીકે જોવામાં આવ્યું હતું. જો કે, હવે આ પદ્ધતિને બદલવાનો સમય આવી ગયો છે. કારણ કે હવે દેશમાં ટોલ કલેક્શન સીધું જીપીએસ દ્વારા કરવામાં આવશે. 

એક અહેવાલ મુજબ, કેન્દ્રીય માર્ગ પરિવહન મંત્રી નીતિન ગડકરીએ ( Nitin Gadkari ) લગભગ 3 અઠવાડિયા પહેલા કહ્યું હતું કે દેશમાં GPS દ્વારા ટોલ વસૂલવાનું માર્ચ 2024 થી શરૂ થઈ શકે છે. આ શ્રેણીમાં દેશના લગભગ 10 હાઈવે પર GPS આધારિત ટોલ કલેક્શનનું પરીક્ષણ આવતા મહિના એટલે કે ફેબ્રુઆરી 2024થી શરૂ થવા જઈ રહ્યું છે. આનો સ્પષ્ટ અર્થ એ છે કે ફાસ્ટેગ દ્વારા ટોલ કલેક્શન લેવું એ હવે ભૂતકાળ બની જશે અને જીપીએસ આધારિત ટોલ કલેક્શન લોકોના જીવનનો એક મહત્ત્વપુર્ણ ભાગ બની જશે.

 માર્ચ સુધીમાં દેશભરના ટોલ પર જીપીએસ સિસ્ટમ શરુ કરવામાં આવશે…

અહેવાલમાં વધુમાં જણવતા, દેશભરમાં આ નવી જીપીએસ ટોલ કલેક્શન પ્રક્રિયા શરૂ કરતા પહેલા તેનો પાયલોટ પ્રોજેક્ટ ( Pilot project) કેટલાક મર્યાદિત હાઈવે પર ચલાવવામાં આવશે. તેના દ્વારા જોવામાં આવશે કે માર્ચ સુધીમાં દેશભરમાં તેને સરળતાથી અને કોઈપણ સમસ્યા વિના કેવી રીતે લાગુ કરી શકાય છે. આ માહિતી માર્ગ અને પરિવહન મંત્રાલય દ્વારા આપવામાં આવી છે.

આ સમાચાર પણ વાંચો :  PM Modi: પીએમ મોદી એક મહિનામાં ફરી મહારાષ્ટ્રની લેશે મુલાકાતે… દેશની સૌથી મોટી લેબર કોલોનીનું કરશે ઉદ્દઘાટન.

નવી સિસ્ટમમાં, રોડ દ્વારા જ ( Toll Plaza ) ટોલ વસૂલાત કરવામાં આવશે અને તેનાથી નિશ્ચિત હાલના ટોલ પ્લાઝાની જરૂરિયાત દૂર થશે. આ માટે હાઇવેનું જીઓફેન્સિંગ કરવામાં આવશે જે ગ્લોબલ પોઝિશનિંગ સિસ્ટમ (GPS) અથવા રેડિયો ફ્રીક્વન્સી આઇડેન્ટિફિકેશન (RFID) દ્વારા પૂર્ણ કરવામાં આવશે.

(Disclaimer : અહીં રજૂ કરવામાં આવેલી માહિતી અન્ય મિડીયા પ્રેલટફોર્મ પર પણ ઉપલબ્ધ છે તેમજ તેની સત્યતા સંદર્ભે અમે કોઈ દાવો કરતા નથી.  )

 

0 comment
0 FacebookTwitterPinterestEmail
Sea Link Accident Terrible accident on Mumbai's Bandra-Worli sea link.. 3 dead, 9 injured..
મુંબઈ

Sea Link Accident : મુંબઈના બાન્દ્રા-વરલી સી લિન્ક પર ભીષણ અકસ્માત.. ત્રણનાં મરણ, આટલા લોકો થયા ઘાયલ.. જાણો સંપુર્ણ મામલો વિગતે અહીં..

by Bipin Mewada
written by Bipin Mewada

News Continuous Bureau | Mumbai 

Sea Link Accident : બાંદ્રા ( Bandra ) તરફના બાંદ્રા-વરલી સી લિંક ( Bandra Worli Sea Link ) ના ટોલ પ્લાઝા ( Toll Plaza ) પર ઉભેલા કુલ છ વાહનોને એક ઝડપી કારે ટક્કર મારી હતી. ગુરુવારે (9 નવેમ્બર) રાત્રે બનેલા આ ભયાનક અકસ્માતમાં ( accident ) 3 લોકોના મોત થયા હતા અને 9 લોકો ઘાયલ થયા હતા. ઘાયલોને તાત્કાલિક નજીકની હોસ્પિટલમાં દાખલ કરવામાં આવ્યા હતા. જેમાં પોલીસે બંનેની હાલત ગંભીર હોવાનું જણાવ્યું હતું.

પોલીસના જણાવ્યા અનુસાર, એક કાર વરલી બાંદ્રા સી લિંકથી બાંદ્રા તરફ ઝડપથી આવી રહી હતી, ઝડપથી આવતી કારના ચાલકે કાર પરનો કાબૂ ગુમાવ્યો હતો અને કાર સી લિંક ટોલ પ્લાઝા પર ટોલ ભરવા માટે ઉભેલા 3 વાહનો સાથે અથડાઈ હતી. આ ભયાનક અકસ્માતમાં 6 વાહનોને નુકસાન થયું હતું અને આ અકસ્માતમાં 3 લોકોના મોત થયા હતા અને 9 લોકો ઘાયલ થયા હતા.

આ સમાચાર પણ વાંચો : Unseasonal Rain : દિવાળી સમયે કમોસમી વરસાદે વધારી વેપારીઓની ચિંતા.. મુંબઈ સહિત આ રાજ્યમાં છુટો છવાયો વરસાદ..જાણો વિગતે..

અકસ્માતમાં ઘાયલોને તાત્કાલિક બાંદ્રા ભાભા હોસ્પિટલમાં ( Bhabha Hospital ) દાખલ કર્યા….

ઘટનાસ્થળે પહોંચેલી બાંદ્રા પોલીસે સી-લિંક અકસ્માતમાં ઘાયલોને તાત્કાલિક બાંદ્રા ભાભા હોસ્પિટલમાં દાખલ કર્યા. જેમાં હાલ બે ઘાયલોની હાલત ગંભીર છે. આ અકસ્માતમાં કાર ચાલક પણ ઘાયલ થયો હતો અને બાંદ્રા પોલીસે તેની અટકાયત કરી હતી. પોલિસે મોડી રાત્રે કાર ચાલક સામે કેસ નોંધ્યો હતો. જો કે મેડિકલ રિપોર્ટમાં જણાશે કે કાર ચાલક નશામાં હતો કે નહીં અને અકસ્માતની વધુ તપાસ ચાલી રહી છે, એમ પોલીસે જણાવ્યું હતું.

0 comment
0 FacebookTwitterPinterestEmail
Toll plaza: VIDEO Of Hooliganism Of BJP Leaders At Toll Plaza
રાજ્ય

Toll plaza: આટલી દાદાગીરી? ભાજપના યુવા નેતાઓએ બળજબરીથી ટોલ ગેટ હટાવી દીધો અને ટોલ ભર્યા વગર પાર કર્યો ટોલ પ્લાઝા, જુઓ વિડીયો

by Dr. Mayur Parikh
written by Dr. Mayur Parikh

News Continuous Bureau | Mumbai 
Toll plaza: કાનપુર દેહાતના ટોલ પ્લાઝા પર ગુંડાગીરીનો એક વીડિયો સામે આવ્યો છે. કાનપુર-અકબરપુર રોડ પર બનેલા ટોલ પ્લાઝા પર ભાજપના યુવા નેતાઓએ બળજબરીથી ટોલ ગેટ હટાવી લીધો અને પોતાના વાહનોને બહાર કાઢવા લાગ્યા. જ્યારે ટોલ કર્મચારીએ તેમને રોકવાનો પ્રયાસ કર્યો ત્યારે તેમણે ગુંડાગીરી કરતા ગેટને અડવા દીધા ન હતા અને ગેટ ઉંચો કરી ટેક્સ ભર્યા વગર ટોલ પ્લાઝા પાર કર્યો હતો.

જુઓ વિડિયો

આ દરમિયાન જ્યારે ટોલ કર્મચારીઓ તેમને રોકવાનો પ્રયાસ કરે છે ત્યારે કેટલાક ખાનગી સુરક્ષા કર્મચારીઓ અને ભાજપના કેટલાક નેતાઓ પણ ટોલ કર્મચારીઓ સાથે દલીલ કરતા જોવા મળે છે. અંતે, જ્યારે ટોલ ફાટક સામે વાહન આવે છે, ત્યારે એક યુવક પણ તેમાંથી નીચે ઉતરે છે અને ટોલ કર્મચારીને અપશબ્દો બોલવાનું શરૂ કરે છે. તે પછી તે પણ ટોલ ચૂકવ્યા વગર જતો રહે છે. તેની પાછળ એક કાર પણ ટોલ ચૂકવ્યા વગર પસાર થાય છે. આ દરમિયાન કેટલાક યુવકો વાહનોના ગેટ પર લટકતા જોવા મળ્યા હતા. જો કે દૈનિક ભાસ્કર આ વીડિયોની પુષ્ટિ કરતું નથી.

આ સમાચાર પણ વાંચો : Sharad Pawar Press conference: શું અજિત પવારે બેઠકમાં કોઈ ઓફર આપી હતી? આ સવાલ પર શરદ પવારે આપ્યો આ જવાબ…

ભાજપના યુવા નેતાઓની ગુંડાગીરી ત્યાં લગાવેલા સીસીટીવી કેમેરામાં કેદ થઈ ગઈ હતી. આ વીડિયો ગઈકાલનો એટલે કે 15 ઓગસ્ટનો હોવાનું કહેવાય છે, જે આજે સામે આવ્યો છે. ટોલ પ્લાઝા વતી આ મામલે પોલીસમાં ફરિયાદ કરવાનું કહેવામાં આવી રહ્યું છે. ગુંડાગીરીનો વીડિયો વાયરલ થયા બાદ સપા અને કોંગ્રેસે ટ્વિટ કરીને ભાજપ સરકારને ઘેરી છે.

સપા અને કોંગ્રેસે ટ્વિટ કર્યું

આ વીડિયો સોશિયલ મીડિયા પર વાયરલ થતા જ વિપક્ષોએ ભાજપ સરકાર પર પ્રહારો કર્યા છે. સપાએ ટ્વીટ કરીને લખ્યું- રાજ્યમાં ગુંડાગીરી કરી રહ્યા છે ભાજપના કાર્યકરો, રાજ્યમાં ભાજપના કાર્યકર્તાઓનું રક્ષણ, કાનપુર દેહાતમાં ભાજપના કાર્યકર્તાની ગુંડાગીરીનો પર્દાફાશ, ટોલ ચૂકવ્યા વિના નીકળેલા વાહનોનો કાફલો. આ આરોપીઓ સામે ક્યારે કાર્યવાહી થશે તે મુખ્યમંત્રીએ જણાવવું જોઈએ.

0 comment
0 FacebookTwitterPinterestEmail
Newer Posts
Older Posts