Tag: TotalEnergies

  • Adani Green Block Deal: અદાણી શેરમાં ધમાકો ₹ ૨૪૦૦ કરોડની બ્લોક ડીલ બાદ રોકાણકારો આ કંપની પર મંડ્યા, શું થશે મોટી ઉથલપાથલ?

    Adani Green Block Deal: અદાણી શેરમાં ધમાકો ₹ ૨૪૦૦ કરોડની બ્લોક ડીલ બાદ રોકાણકારો આ કંપની પર મંડ્યા, શું થશે મોટી ઉથલપાથલ?

    News Continuous Bureau | Mumbai
    Adani Green Block Deal ભારતની સૌથી મોટી અને દુનિયાની અગ્રણી રિન્યુએબલ એનર્જી કંપનીઓમાંની એક એવી અદાણી ગ્રીન એનર્જી લિમિટેડ (AGEL) માં બુધવાર, ૧૦ ડિસેમ્બરના રોજ ૨૪૦૦ કરોડ રૂપિયાની બ્લોક ડીલ થઈ છે. સમાચાર છે કે ફ્રેન્ચ ઊર્જા કંપની ટોટલ એનર્જીસ બ્લોક ડીલ દ્વારા અદાણી ગ્રુપની આ કંપનીમાં પોતાનો ૧.૫% સુધીનો હિસ્સો (૨.૪૭ કરોડ શેર) વેચવા માંગે છે. આ ડીલના કારણે બજાર ખુલતા પહેલા જ AGEL ના શેરોમાં હલચલ જોવા મળી હતી અને હવે તે રોકાણકારોના ફોકસમાં છે.

    ટોટલ એનર્જીસે ₹૯૭૦ ના ફ્લોર પ્રાઇસ પર હિસ્સો વેચ્યો

    ટોટલ એનર્જીસ રિન્યુએબલ્સ ઇન્ડિયન ઓશન લિમિટેડ દ્વારા અદાણી ગ્રીન એનર્જીમાં પોતાનો ૧.૫% (૨.૪૭ કરોડ શેર) હિસ્સો વેચવામાં આવ્યો છે. આ બ્લોક ડીલ પ્રતિ શેર ૯૭૦ રૂપિયાના ફ્લોર પ્રાઇસ પર થઈ છે, જેના માટે જેફરીઝને બ્રોકર બનાવવામાં આવ્યા છે. ૩૦ સપ્ટેમ્બર સુધીમાં ટોટલ એનર્જીસ પાસે AGEL માં ૧૫.૫૮% જેટલી નોંધપાત્ર ભાગીદારી હતી, જેમાં હવે આ બ્લોક ડીલના કારણે ઘટાડો જોવા મળશે. આ વેચાણનો નિર્ણય કંપની દ્વારા મૂડી પુનર્ગઠન અથવા અન્ય વ્યૂહાત્મક કારણોસર લેવામાં આવ્યો હોઈ શકે છે.

    ૨૦૨૦ થી અદાણી ગ્રીન અને ટોટલ એનર્જીસની ભાગીદારી

    દેશની સૌથી મોટી રિન્યુએબલ એનર્જી કંપની અદાણી ગ્રીન એનર્જી લિમિટેડની સ્થાપના ૨૦૧૫ માં થઈ હતી. હાલમાં તેની ઓપરેશનલ કેપેસિટી ૧૬.૬ ગીગાવોટથી પણ વધુ છે, જેનો લક્ષ્યાંક ૨૦૩૦ સુધીમાં ૫૦ ગીગાવોટ સુધી પહોંચાડવાનો છે. ટોટલ એનર્જીસ ૨૦૨૦ થી AGEL સાથે ભાગીદારીમાં છે. બંને કંપનીઓ ભારતમાં સૌર અને ઓનશોર વિન્ડ પ્રોજેક્ટ્સ વિકસાવી રહી છે. તેમની ભાગીદારીની શરૂઆત AGEL23 ના નિર્માણ સાથે થઈ હતી, જે ૨.૩ ગીગાવોટના સૌર પ્રોજેક્ટ્સના સંચાલન માટે ૫૦:૫૦ નો સંયુક્ત સાહસ છે.

    આ સમાચાર પણ વાંચો: H1B Visa Interview: અમેરિકા જવું મુશ્કેલ H-1B વિઝા અરજદારોની મુશ્કેલીઓ વધી, અપોઇન્ટમેન્ટ તારીખે જશો તો પ્રવેશ નહીં!

    ઊર્જા ક્ષેત્રે બ્લોક ડીલનું મહત્ત્વ

    મોટા પાયે થતી બ્લોક ડીલ બજારમાં તે કંપનીના શેરની માંગ અને પુરવઠા પર સીધી અસર કરે છે. AGEL ના કિસ્સામાં, ટોટલ એનર્જીસ જેવી મોટી આંતરરાષ્ટ્રીય કંપની દ્વારા હિસ્સો વેચવો, શેરના ભાવને ટૂંકા ગાળામાં પ્રભાવિત કરી શકે છે. જોકે, અદાણી ગ્રીનનું રિન્યુએબલ એનર્જી સેક્ટરમાં મજબૂત સ્થાન અને ૨૦૩૦ સુધીમાં ૫૦ ગીગાવોટની ક્ષમતા હાંસલ કરવાનો મહત્ત્વાકાંક્ષી લક્ષ્યાંક લાંબા ગાળાના રોકાણકારોને આકર્ષી શકે છે. આ ડીલ બજારના ખેલાડીઓનું ધ્યાન AGEL ના ભાવિ પ્રદર્શન પર કેન્દ્રિત કરશે.

  • અદાણી ગ્રુપને જોર કા ઝટકા! સૌથી મોટા આ વિદેશી રોકાણકારે દેખાડી પીઠ, વધી મુશ્કેલીઓ

    અદાણી ગ્રુપને જોર કા ઝટકા! સૌથી મોટા આ વિદેશી રોકાણકારે દેખાડી પીઠ, વધી મુશ્કેલીઓ

    News Continuous Bureau | Mumbai

    હિંડનબર્ગ રિપોર્ટ બાદથી અદાણી ગ્રૂપ સામે અનેક મુશ્કેલીઓ ઊભી થઈ ગઈ છે. આ પછી, અદાણી ગ્રૂપની ઘણી કંપનીઓના શેરમાં ઘટાડો જોવા મળ્યો, જેના કારણે કંપનીઓના બજાર મૂલ્યમાં પણ નોંધપાત્ર ઘટાડો થયો. સાથે જ દેશમાં વિપક્ષ પણ અદાણીને લઈને સતત હુમલો કરી રહ્યો છે. દરમિયાન અદાણી ગ્રુપને હવે વધુ એક ઝટકો લાગ્યો છે. આ વખતે અદાણી ગ્રુપને ફ્રાન્સ તરફથી ઝટકો લાગ્યો છે. વાસ્તવમાં, ટોટલ એનર્જીઝ ઓફ ફ્રાન્સે અદાણી ગ્રુપ સાથેની ડીલ અટકાવી દીધી છે.

     મીડિયા રિપોર્ટ મુજબ અદાણી ગ્રૂપના સૌથી મોટા વિદેશી રોકાણકારોમાંના એક ફ્રાન્સની ટોટલ એનર્જીએ જણાવ્યું છે કે તેણે હાલ માટે $50 બિલિયનના હાઈડ્રોજન પ્રોજેક્ટમાં અદાણી ગ્રૂપ સાથેની ભાગીદારી સ્થગિત કરી દીધી છે. અમેરિકન ફાઇનાન્શિયલ રિસર્ચ અને ઇન્વેસ્ટમેન્ટ કંપની હિંડનબર્ગ રિસર્ચ દ્વારા જૂથ પર છેતરપિંડીનો આરોપ લગાવ્યા બાદ ટોટલ એનર્જીએ આ પગલું ભર્યું છે.

    મહત્વનું છે કે અદાણી ગ્રૂપ સાથેની ભાગીદારીની જાહેરાત ગયા વર્ષે જૂનમાં કરવામાં આવી હતી પરંતુ કંપનીએ હજુ સુધી કરાર પર હસ્તાક્ષર થયા નથી. જૂન 2022માં કરાયેલી જાહેરાત અનુસાર, ટોટલનેર્જીસે અદાણી ગ્રુપની કંપની અદાણી ન્યૂ ઇન્ડસ્ટ્રીઝ લિમિટેડ (ANIL)માં 25 ટકા હિસ્સો લેવાની હતી. આ ફર્મ ગ્રીન હાઇડ્રોજન પર્યાવરણમાં 10 વર્ષ માટે લગભગ 50 બિલિયન ડોલરનું રોકાણ કરી રહી છે. તેની પ્રારંભિક ક્ષમતા 2030 પહેલા એક અબજ ટન હોવાનો અંદાજ છે.

    મુંબઈમાં ‘આ’ વસ્તુઓ પર 5 માર્ચ સુધી પ્રતિબંધનો આદેશ..