Tag: transactions

  • UPI Transaction Record: UPI એ બનાવ્યો નવો રેકોર્ડ, લોકોનો એક મહિનામાં 14 બિલિયનથી વધુ વ્યવહારો કરી રચ્યો ઈતિહાસ, આટલો બિઝનેસ થયો

    UPI Transaction Record: UPI એ બનાવ્યો નવો રેકોર્ડ, લોકોનો એક મહિનામાં 14 બિલિયનથી વધુ વ્યવહારો કરી રચ્યો ઈતિહાસ, આટલો બિઝનેસ થયો

    News Continuous Bureau | Mumbai 

    UPI Transaction Record: UPI એ ડિજિટલ અર્થવ્યવસ્થાના ( digital economy ) વિકાસમાં મહત્વપૂર્ણ યોગદાન આપ્યું છે. જેના કારણે કોઈ પણ સ્થળે પેમેન્ટ કરવું એક સરળ પ્રોસેસ બની ગયું છે. UPI દ્વારા ચૂકવણીની સરળતાને કારણે, તે લોકોનું પ્રિય માધ્યમ બની ગયું છે. આ કારણે મે મહિનામાં UPI દ્વારા પેમેન્ટનો નવો રેકોર્ડ બન્યો છે. 

    નેશનલ પેમેન્ટ્સ કોર્પોરેશન ઓફ ઈન્ડિયા એટલે કે NPCIના ડેટા અનુસાર, મે મહિનામાં UPI દ્વારા 14.04 અબજ વ્યવહારો ( transactions ) થયા હતા. ઈતિહાસમાં આ પ્રથમ વખત છે જ્યારે એક જ મહિનામાં UPI દ્વારા 14 અબજથી વધુ ટ્રાન્ઝેક્શનની પ્રક્રિયા કરવામાં આવી છે.

      UPI Transaction Record: એપ્રિલ મહિનામાં યુપીઆઈ દ્વારા 13.3 અબજ ટ્રાન્ઝેક્શન થયા હતા…

    અગાઉ એપ્રિલ મહિનામાં યુપીઆઈ દ્વારા 13.3 અબજ ટ્રાન્ઝેક્શન થયા હતા. એપ્રિલ મહિના દરમિયાન UPI દ્વારા થતા વ્યવહારોમાં થોડો ઘટાડો થયો હતો. તો માર્ચ મહિનામાં UPI દ્વારા કુલ 13.44 બિલિયન ટ્રાન્ઝેક્શન થયા હતા. જેમાં એપ્રિલનો આંકડો સરખામણીમાં લગભગ 1 ટકા ઓછો હતો.

    આ સમાચાર પણ વાંચો: Mumbai Suicide : મુંબઈમાં IAS ઓફિસરની દીકરીએ 10મા માળેથી કૂદીને કરી આત્મહત્યા, પોલીસને મળી સ્યુસાઇડ નોટ; સામે આવ્યું આ ચોંકાવનારું કારણ..

    મૂલ્યની દ્રષ્ટિએ પણ UPI દ્વારા વ્યવહારોમાં જબરદસ્ત વૃદ્ધિ થઈ છે. ડેટા અનુસાર, મે મહિનામાં UPI દ્વારા કરવામાં આવેલા તમામ ટ્રાન્ઝેક્શનનું મૂલ્ય 20.45 લાખ કરોડ રૂપિયા રહ્યું હતું. તેના એક મહિના પહેલા, એપ્રિલમાં, UPI દ્વારા કરવામાં આવેલા વ્યવહારોનું કુલ મૂલ્ય 19.64 લાખ કરોડ રૂપિયા હતું. આનો અર્થ એ થયો કે એક મહિનામાં UPI દ્વારા ટ્રાન્ઝેક્શનમાં મૂલ્યના સંદર્ભમાં 4 ટકાથી વધુનો વધારો થયો હતો.

      UPI Transaction Record: વાર્ષિક ધોરણે 49 ટકાની ઉત્તમ વૃદ્ધિ જોવા મળી હતી…

    તો છેલ્લા મહિના દરમિયાન UPI દ્વારા દરરોજ સરેરાશ 45.3 કરોડ ટ્રાન્ઝેક્શન થયા હતા. જેમાં દૈનિક વ્યવહારની સરેરાશ રકમ રૂ. 65,966 કરોડ રહી હતી. આમાં વાર્ષિક ધોરણે 49 ટકાની ઉત્તમ વૃદ્ધિ જોવા મળી હતી.

    આ આંકડો એવા સમયે આવ્યો છે જ્યારે રિઝર્વ બેંકે તાજેતરમાં UPIને દેશની બહાર પણ લોકપ્રિય બનાવવાની યોજના જાહેર કરી છે. RBI ઓછામાં ઓછા 20 અન્ય દેશોમાં UPIનો ઉપયોગ કરવાનું લક્ષ્ય રાખે છે. આ દિશામાં પહેલાથી જ સફળતા મળી ચુકી છે અને શ્રીલંકા, નેપાળ, UAE સહિત ઘણા દેશોમાં UPI દ્વારા હાલ વ્યવહારો શરૂ થઈ ગયા છે.

  • RBI એ લીધો મોટો નિર્ણય : આ બેંકના વ્યવહારો પર લગાવી રોક, ગ્રાહકો પર હવે કેવી અસર થશે?

    RBI એ લીધો મોટો નિર્ણય : આ બેંકના વ્યવહારો પર લગાવી રોક, ગ્રાહકો પર હવે કેવી અસર થશે?

    News Continuous Bureau | Mumbai

    Reserve Bank Of India: ભારતીય રિઝર્વ બેંક (RBI) દ્વારા દેશની સરકારી, ખાનગી અને સહકારી બેંકો સહિત તમામ માટે માર્ગદર્શિકા જારી કરવામાં આવે છે. જો તમે પણ દેશની કોઈપણ બેંકમાં ખાતું ખોલાવ્યું છે, તો ચોક્કસ જાણો RBI ના નવા નિયમો. રિઝર્વ બેંકે હવે તાત્કાલિક અસરથી બેંક ટ્રાન્ઝેક્શન પર પ્રતિબંધ મૂક્યો છે, જેનો અર્થ છે કે તમે કોઈપણ પ્રકારની લેવડદેવડ કરી શકશો નહીં.

    કેમ રોક લગાવવામાં આવી ?

    ભારતીય રિઝર્વ બેંકે SBM બેંક (ઈન્ડિયા) લિમિટેડને લિબરલાઈઝ્ડ રેમિટન્સ સ્કીમ (LRS) હેઠળ તાત્કાલિક અસરથી પ્રતિબંધિત કરવાનો નિર્ણય લીધો છે. આરબીઆઈએ જણાવ્યું છે કે આ પ્રતિબંધ આગામી સૂચના સુધી અમલમાં રહેશે.

    પ્રેસ રિલીઝ જારી થઈ

    બેન્કિંગ રેગ્યુલેશન એક્ટ, 1949ની કલમ 35A અને 36(1)(a) હેઠળ, RBI એ SBM બેંકને LRS વ્યવહારો રોકવા માટે નિર્દેશ આપ્યો છે, જેનું બેંકે પાલન કરવું જરૂરી છે. તેની સાથે RBI એ એક પ્રેસ રિલીઝ પણ બહાર પાડી છે.

    આ સમાચાર પણ વાંચો:  મુંબઇમાં ‘સ્પેશિયલ-26’ સ્ટાઇલમાં લૂંટ, નકલી ED ઓફિસર બનીને ઠગ કરોડો લઇ ફરાર.. વેપારીઓ ચિંતિત

    ઘણી ચિંતાઓ પછી ભરવામાં આવ્યું આ પગલું

    રિઝર્વ બેંકે એક પ્રેસ રિલીઝમાં જણાવ્યું છે કે બેન્કિંગ એક્ટ હેઠળ આરબીઆઈએ તેની સત્તાનો ઉપયોગ કરીને SBM બેન્કના વ્યવહારો રોકવાનો નિર્ણય લીધો છે. ઘણી ચિંતાઓ બાદ આ કાર્યવાહી કરવામાં આવી છે.

    તે એક ફાઈનેન્શિયલ સર્વિસિઝ ગ્રૂપ છે

    આપને જણાવી દઈએ કે SBM બેંક મોરેશિયસ સ્થિત SBM હોલ્ડિંગ્સની પેટાકંપની છે. SBM ગ્રૂપ એ ફાઈનેન્શિયલ સર્વિસિસ ગ્રૂપ છે, જે ડિપોઝિટ, લોન, બિઝનેસ માટે ફાઇનાન્સ અને કાર્ડ સહિતની સેવાઓ પ્રદાન કરે છે.

    3 કરોડનો દંડ ફટકારવામાં આવ્યો

    SBM બેંકે RBI પાસેથી લાઇસન્સ લીધા બાદ 1લી ડિસેમ્બર 2018ના રોજ બેન્કિંગ સુવિધાઓ શરૂ કરી. હાલમાં દેશભરમાં કુલ 11 શાખાઓ છે. વર્ષ 2019 માં, નિયમનકારી ધોરણોનું પાલન ન કરવા બદલ બેંક પર 3 કરોડ રૂપિયાનો દંડ પણ લાદવામાં આવ્યો હતો.

    ઉલ્લેખનીય છે કે કેન્દ્રીય બેંક બેંકો પર સતત નજર રાખતી રહે છે. જો બેંકમાં કોઈ ભૂલ પકડાય તો આ પ્રકારના કઠોર પગલા કેન્દ્રીય બેંક લેતી હોય છે. જો કે તેની ગ્રાહકો પર ખૂબ ઓછી અસર પડે છે.

    આ સમાચાર પણ વાંચો:  કોરોના મુક્ત થયું મુંબઈ! પાલિકાની મહેનત રંગ લાવી, રોગચાળો શરૂ થયા પછી પહેલીવાર ઝીરો કોવિડ કેસ

  • મહત્વના સમાચાર-RBIની જાહેરાત- ઓનલાઈન પેમેન્ટ માટે પહેલી જુલાઈથી ડેબિટ-ક્રેડિટ કાર્ડ માટે આ મહત્વના થશે ફેરફાર- જાણો વિગતે

    મહત્વના સમાચાર-RBIની જાહેરાત- ઓનલાઈન પેમેન્ટ માટે પહેલી જુલાઈથી ડેબિટ-ક્રેડિટ કાર્ડ માટે આ મહત્વના થશે ફેરફાર- જાણો વિગતે

    News Continuous Bureau | Mumbai 

    જુલાઈ મહિનો તમામ ક્રેડિટ અને ડેબિટ કાર્ડ(Credit and debit cards) વપરાશકર્તાઓ માટે કેટલાક મોટા ફેરફારો લાવશે. ભારતીય રિઝર્વ બેંકે (RBI)એ પહેલી જુલાઈ, 2022 થી કાર્ડ વ્યવહારોનું ટોકનાઇઝેશન(card transactions) ચાલુ કરવાની  જાહેરાત કરી છે.

    RBI અનુસાર, ટોકનાઇઝ્ડ કાર્ડ ટ્રાન્ઝેક્શન(Tokenized card transactions) વધુ સુરક્ષિત માનવામાં આવે છે. આનું કારણ એ છે કે પ્રક્રિયા દરમિયાન ઓનલાઈન પેમેન્ટ(Online payment) મૂળ કાર્ડની વિગતો વેપારી સાથે શેર કરવામાં આવતી નથી. ટોકનાઇઝેશન એટલે  કાર્ડના મૂળ ડિસ્ક્રિપ્શનને ટોકનથી(Description token) બદલવું. જે કાર્ડ કોમ્બિનેશન(Card combination) માટે યુનિક હશે. ટોકન રિક્વેસ્ટર ગ્રાહકો(Token Request Customers) પાસેથી કાર્ડ ટોકન્સ (Card tokens)માટેની વિનંતીઓ સ્વીકારે છે અને કાર્ડને નેટવર્ક પર મોકલે છે. અધિકૃત કાર્ડ નેટવર્ક દ્વારા મૂળ કાર્ડ ડેટા, ટોકન અને અન્ય સંબંધિત માહિતી સુરક્ષિત મોડમાં સંગ્રહિત કરે  છે. પ્રાયમરી એકાઉન્ટ નંબર (PAN) એટલે કે ક્રેડિટ અને ડેબિટ કાર્ડનું ટોકન ડિસ્ક્રિપ્શન રિકવેસ્ટ પરથી એકત્રિત કરી શકાતા નથી. સુરક્ષા માટે ટોકન રિકવેસ્ટ પ્રમાણિત કરવા માટે કાર્ડ નેટવર્ક પણ જરૂરી છે.

    આ સમાચાર પણ વાંચો : મંદી પર લાગી બ્રેક- 6 દિવસ બાદ શેર માર્કેટ લીલા નિશાન પર ખુલ્યું- સેન્સેક્સ- નિફ્ટી ગ્રીન આટલા પોઇન્ટ ઉછળ્યા 

    ટોકનાઇઝેશનના(tokenization)ફાયદા છે એવો દાવો રિઝર્વ બેંકે(Reserve Bank) કર્યો છે. બેંકના કહેવા મુજબ ટોકન કાર્ડ વડે કરવામાં આવેલ કોઈપણ ઓનલાઇન ચુકવણી વપરાશકર્તાઓને છેતરપિંડી કરનારાઓથી બચાવવા માટે બનાવવામાં આવી છે. આ એટલા માટે છે કારણ કે કોઈપણ વ્યવહાર દરમિયાન વેપારી સાથે કાર્ડની વિગતો શેર કરતી વખતે મૂળ કાર્ડ વિગતોને ટોકન દ્વારા બદલવામાં આવે છે. જુલાઈથી, ઓનલાઈન પેમેન્ટ ટોકન દરેક કાર્ડ, ટોકન યુઝર અને વેપારી માટે યુનિક હશે. અગાઉ, કોઈ પણ ઓનલાઇન ચુકવણી કરતી વખતે ક્રેડિટ અથવા ડેબિટ કાર્ડધારકો તેમના કાર્ડની વિગતો વેપારી સાઇટ્સ પર સાચવતા હતા. કારણ કે, પેમેન્ટ કરવું અનુકૂળ રહેતું હતું.

    પરંતુ, કાર્ડની વિગતો ઓનલાઈન સેવ કરીને છેતરપિંડી કરનારાઓ વિગતોની ચોરી કરે છે. આવા ઓનલાઈન પેમેન્ટ કૌભાંડોનો સામનો કરવા માટે, આરબીઆઈએ(RBI) ટોકન સિસ્ટમ લાગુ કરી હતી. કાર્ડ ટોકનાઇઝેશનની જરૂર નથી. જો કોઈ ટોકન સિસ્ટમ(Token system) પસંદ કરતુ નથી, તો જૂનના અંત સુધીમાં ઓનલાઇન પેમેન્ટ પૂર્ણ કરવા માટે દરેક વખતે વપરાશકર્તાઓએ તમામ વિગતો દાખલ કરવી પડશે. કાર્ડ ટોકનાઇઝેશન મફત છે.

    તમે બેંકની વેબસાઇટ(Bank's website) અથવા એપ્લિકેશન(Application) પર ટોકન રિકવેસ્ટ દ્વારા વિનંતી કરીને કાર્ડ ટોકન મેળવી શકો છો. ટોકનની રિકવેસ્ટ કરવા પર, વેપારી ક્રેડિટ કાર્ડ જારી કરતી બેંક (વિઝા/માસ્ટરકાર્ડ/ડિનર/રૂપિયા)ને સીધી વિનંતી મોકલશે. ટોકન રિકવેસ્ટ કરનાર પાસેથી ટોકન રિકવેસ્ટ પ્રાપ્ત કરનાર પાર્ટી  એક ટોકન બનાવશે. જે ટોકન રિક્વેસ્ટ અને મર્ચન્ટ સાથે સંબંધિત હશે.