News Continuous Bureau | Mumbai
Team India Victory Parade: મરીન ડ્રાઈવ ખાતે T20 વર્લ્ડ કપ વિજય પરેડ દરમિયાન ચોરોની જોરદાર કમાણી થઈ ગઈ હતી. શુક્રવારના રોજ, તે પ્રકાશમાં આવ્યું કે ભીડમાં પ્રવેશેલા ચોરોએ ( Thieves ) સેંકડો ક્રિકેટ ચાહકોના મોબાઇલ ફોન ચોરી લીધા હતા. પોલીસે માહિતી આપી છે કે શુક્રવાર સાંજ સુધીમાં મરીન ડ્રાઈવ પોલીસ સ્ટેશનમાં મોબાઈલ ફોન ખોવાઈ અને ચોરી જવાની 84 ફરિયાદો મળી હતી. એક પોલીસ અધિકારીએ નિવેદન આપતા જણાવ્યું હતું કે, મોડી રાત સુધી ફરિયાદો નોંધાવાની ચાલુ જ રહી હતી, જ્યારે ઘણા લોકોએ ઓનલાઈન ફરિયાદ નોંધાવી હતી. મરીન ડ્રાઈવ પર મોડી રાતની ભીડ ઓછી થયા બાદ તે જગ્યાએ બુટ અને ચંપલનો ઢગલો જોવા મળ્યો હતો.
મુંબઈમાં મરીન ડ્રાઈવ ( Marine Drive ) ખાતે ગુરુવારે ભારતની T20 વર્લ્ડ કપ જીતની મોટા પાયે ઉજવણી કરવામાં આવી હતી. ભારતીય ક્રિકેટ ટીમ ( Indian Cricket Team ) ગુરુવારે વર્લ્ડ કપ સાથે મુંબઈ પહોંચ્યા બાદ નરીમાન પોઈન્ટથી વાનખેડે સ્ટેડિયમ સુધી ઓપન બસમાં વિજય પરેડ કાઢવામાં આવી હતી. જેમાં મુંબઈ અને મુંબઈ બહારના લાખો ક્રિકેટ પ્રેમીઓ આ વિજય ઉજવણીમાં જોડાવા માટે મરીન ડ્રાઈવ પર ઉમટી પડ્યા હતા. આટલી મોટી સંખ્યામાં ક્રિકેટ ચાહકોને સંભાળવામાં મુંબઈ પોલીસને ( Mumbai Police ) પણ ઘણી સમસ્યાઓનો સામનો કરી પડી હતી. આ ભીડનો લાભ લઈ અજાણ્યા મોબાઈલ ફોન ચોરોએ ( Mobile phone theft ) અનેક લોકોના ખિસ્સામાંથી મોબાઈલ ફોનની ચોરી કરી હતી. ગુરુવારે મોડી રાત સુધીમાં ઘણા લોકો ફરિયાદ ( Police Complaint )નોંધાવવા મરીન ડ્રાઈવ પોલીસ સ્ટેશન પહોંચ્યા હતા, જ્યારે ઘણા લોકોએ ઓનલાઈન ફરિયાદ નોંધાવી હતી.
Team India Victory Parade: લગભગ 3 લાખ લોકોના પ્રવેશને કારણે પોલીસ માટે અહીં પરિસ્થિતિને કાબૂમાં રાખવી મુશ્કેલ બની ગઈ હતી….
શુક્રવારની મોડી સાંજ સુધીમાં મરીન ડ્રાઈવ પોલીસ સ્ટેશનમાં 84 મોબાઈલ ફોન ગુમ થયાની ઓનલાઈન અને પ્રત્યક્ષ હાજર રહીને ચોરાઈ જવાની જાણ કરવામાં આવી હતી. ખોવાઈ અને ચોરીની ફરિયાદ નોંધ્યા બાદ પોલીસે મોબાઈલ ફોનને ટ્રેસ કરવા વિસ્તારના સીસીટીવી કેમેરા ફૂટેજ, ન્યૂઝ ચેનલના ફૂટેજ અને વાયરલ વીડિયોની મદદથી ચોરોને શોધવાનું શરૂ કર્યું છે. પોલીસ સૂત્રોના જણાવ્યા અનુસાર, મરિન ડ્રાઈવમાં અપેક્ષા કરતા ચાર ગણા વધુ ક્રિકેટ ચાહકો આવ્યા હતા. તેથી ચોરોને અહીં વધુ ફાયદો થયો હતો.
આ સમાચાર પણ વાંચો: Jagannath Rath Yatra 2024: જગન્નાથ રથયાત્રામાં રસગુલ્લા કઈ રીતે છે વિશેષ, લક્ષ્મીની નારાજગી સાથે શું છે આનો સંબંધ.. જાણો વિગતે..
મરીન ડ્રાઈવ ખાતે લગભગ 3 લાખ લોકોના પ્રવેશને કારણે પોલીસ માટે અહીં પરિસ્થિતિને કાબૂમાં રાખવી મુશ્કેલ બની ગઈ હતી. અહીની એકંદર પરિસ્થિતિ પર નજર કરીએ તો આવી ભયંકર સ્થિતિ સર્જાતા નાસભાગ મચવાની અપેક્ષા વધુ સર્જાઈ હતી. આ આટલી મોટી ભીડને કારણે ઘણા લોકોને શ્વાસ લેવામાં તકલીફ થઈ રહી હતી અને ઘણા બેભાન થઈ ગયા હતા. પોલીસ તેને તાત્કાલિક હોસ્પિટલ મોકલવામાં આવ્યા હતા. ઘણા લોકો નાના બાળકોને લઈને અહીં આવ્યા હતા, લગભગ એક ડઝન બાળકો આ ભીડમાં ખોવાઈ ગયા હતા. પોલીસે તુરંત જ બાળકોને શોધીને તેમના માતા-પિતાને સોંપ્યા હતા. મોડી રાત્રે વિજય યાત્રા પૂરી થયા બાદ મરીન ડ્રાઈવ પરની ભીડ ધીરે ધીરે ઓછી થઈ ગઈ હતી. આ વિસ્તારમાં હજારો લોકોના બુટ અને ચંપલ અહીં-ત્યાં ફેલાઈ ગયા હતા.
