Tag:

western express

મુંબઈ

હદ થઈ ગઈ- કોઈ ગામડા કરતા પણ મુંબઈના આરે કોલોનીના રસ્તાની હાલત ભયાનક- રસ્તા પર પ્રતિ એક કિલોમીટરમાં 74 ખાડા- જુઓ ફોટોસ

by Dr. Mayur Parikh
written by Dr. Mayur Parikh

News Continuous Bureau | Mumbai

એક તરફ મહારાષ્ટ્ર સરકાર(Government of Maharashtra) મુંબઈ સહિત મહારાષ્ટ્રના રસ્તા દુનિયાના સર્વશ્રેષ્ઠ બનાવવાની જાહેરાત કરે છે. તે માટે કરોડો રૂપિયાની જોગવાઈની જાહેરાત કરે છે. તો મુંબઈ મહાનગરપાલિકા(BMC) પણ રસ્તા પર ખાડા તરત પૂરી દેવામા આવતા હોવાનો દાવો કરી રહી છે. ત્યારે મુંબઈનો એકદમ લીલોતરી (Greenery) હરિયાળો અને ઘટાદાર વિસ્તાર ગણાતા આરે કોલોનીમાં(Aarey Colony) રસ્તાની હાલત કોઈ ગામડાના રસ્તા કરતા પણ દયનીય હાલતમાં છે. સ્થાનિક રહેવાસીઓની સાથે જ આ રસ્તાનો રોજબરોજમાં ઉપયોગ કરનારાઓને આ ખાડાઓએ(Potholes ) નાકેદમ લાવી દીધો છે.

દેશની આર્થિક રાજધાની કહેવાતા મુંબઈના રસ્તાની હાલત જોઈને કોઈને પણ શરમ આવી જાય એવી છે. કરોડો રૂપિયા ખર્ચયા બાદ અને સરકારની મોટી મોટી જાહેરાત બાદ પણ મુંબઈના રસ્તાની(Mumbai road) હાલત દયનીય છે.

આ સમાચાર પણ વાંચો : જીવદયા પ્રેમીઓ નારાજ-મુંબઈના આ વિસ્તારમાં આવેલા કબુતરખાના પર BMCનો હથોડો

મીડિયામાં આવેલા અહેવાલ મુજબ આરે કોલોનીના 4.7 કિલોમીટરના રસ્તાના પટ્ટામાં 349 જેટલા ખાડાઓ છે. તે મુજબ જોઈએ તો પ્રતિ કિલોમીટરે રસ્તા પર 74 ખાડા પડેલા છે. રસ્તાની હાલત એટલી ખરાબ છે કે વાહનચાલકો(Motorists) તો ઠીક સામાન્ય રાહદારીએ પણ આ રસ્તા પરથી કેવી રીતે ચાલવું એ સવાલ છે.

વેસ્ટર્ન એક્સપ્રેસથી(Western Express) દર આરે કોલોનીમાં પ્રવેશ કરવાની સાથે જ રસ્તા પર ઠેર ઠેર ખાડાઓ નજર પડે છે. ત્યારે પાલિકાના દાવા મુજબ આરે કોલોનીની અંદરનો રોડ આરે પ્રશાસન હેઠળ આવે છે. જયારે ગોરેગામથી(Goregaon) પવઈ વચ્ચેના રસ્તાનું સમારકામ ચાલી રહ્યું છે. રસ્તા પરના ખાડા પૂરવાની જવાબદારી કોન્ટ્રેક્ટરની છે. સતત વરસાદ પડી રહ્યો હોવાથી ખાડા પડવાનું ચાલુ જ છે. તેથી આ રસ્તાને સિમેન્ટ કોંક્રીટ(Cement concrete) બનાવવાની યોજના છે.
 

0 comment
0 FacebookTwitterPinterestEmail
મુંબઈ

અરર- રસ્તા પરના ખાડાએ બોરીવલીમાં બાઈકસવાર દંપત્તિનો લીધો ભોગ

by Dr. Mayur Parikh
written by Dr. Mayur Parikh

News Continuous Bureau | Mumbai

બોરીવલીમાં વેસ્ટર્ન એક્સપ્રેસ હાઈવે(Western Express in Borivali highway) પર રહેલા ખાડાઓ બાઈકસવાર દંપતીના(Biker couple) મૃત્યુ માટે કારણભૂત બન્યા હતા. આ દંપતી ફિલ્મ ઈન્ડસ્ટ્રીમાં(Film industry) નાના મોટા કામ કરીને ગુજરાન ચલાવતું હતું. ખાડામાં જવાથી બાઈક સ્કીડ થઈ હતી અને તેઓ પડી જતા તેમના પર ડમ્પર ફરી વળ્યું હતું.

આ બનાવ બુધવારે બુધવારે વેસ્ટર્ન એક્સપ્રેસ હાઈવે પર બન્યો હતો. પોલીસે ડમ્પર ચાલકની ધરપકડ કરી હતી.

આ સમાચાર પણ વાંચો : સાવધાન- હવે રાત્રે અમદાવાદ રિવરફ્રન્ટ વોક વેમાં જતા નહીં- નહીં તો પડી જશો મોટી મુસીબતમાં

પોલીસના કહેવા મુજબ મૃતક નાસીર હુસેન શાહ અને છાયા ખિલારે(Nasir Hussain Shah and Chaya Khilare) અંધેરીમાં(Andheri) રહેતા હતા અને બંનેની ઉંમર  43 વર્ષની હતી. બુધવારે બંને જણ નાયગાંવમાં શુટિંગ માટે જઈ રહ્યા હતા ત્યારે બપોરના લગભગ 1.30 વાગે બોરીવલી(પૂર્વ)માં નેશનલ પાર્ક(National Park in Borivali (East).) પાસે તેમની બાઈક પહોંચી અને આ એક્સિડન્ટ(Bike Accident) થયો હતો. આ બેલ્ટમાં રસ્તા પર મોટી સંખ્યામાં ખાડાઓ છે.

પોલીસે ડમ્પર ચાલકની ધરપકડ કરી હતી, તેના કહેવા મુજબ તેના ડમ્પરે બાઈકને અડફેટમાં નહોતા લીધા પણ બંને જણ બાઈક પરથી પહેલા જ રસ્તા પર પડી ગયા હતા.

આ દંપતીને તુરંત કાંદિવલીમાં હોસ્પિટલમાં(hospital in Kandivli) દાખલ કરવામાં આવ્યા હતા, જ્યાં તેમને મૃત જાહેર કરવામાં આવ્યા હતા. તેમને છ વર્ષનો એક બાળક છે.

આ સમાચાર પણ વાંચો : જેલમાં બંધ સંજય રાઉતની મુશ્કેલીમાં વધારો- EDએ ફરી એકવાર પાત્રાચાલ કૌભાંડ કેસ આ ત્રણ સ્થળોએ પાડ્યા દરોડા

0 comment
0 FacebookTwitterPinterestEmail
મુંબઈ

વેસ્ટર્ન રેલવેમાં આ સ્ટેશન પર ઊભું કરાશે ત્રીજું ટર્મિનસ, મેટ્રો અને હાઈવે સાથે કનેક્ટેડ હશે.. જાણો વિગતે

by Dr. Mayur Parikh
written by Dr. Mayur Parikh

News Continuous Bureau | Mumbai

મુંબઈ સેન્ટ્રલ(Mumbai Central) અને બાંદ્રા ટર્મિનસ(Bandra Terminus) પર થતી પ્રવાસીઓની ભીડનું વિભાજન અને ભવિષ્યમાં બહારગામની ટ્રેનોની ફ્રીકવન્સી વધારવાના આયોજન માટે વેસ્ટર્ન રેલવે(Western Railway)ના જોગેશ્વરી ખાતે નવું ટર્મિનસ બનાવવામાં આવવાનું છે.  રેલવે બોર્ડે પશ્ચિમ વેસ્ટર્ન રેલવે પર ત્રીજા ટર્મિનસના બાંધકામને મંજૂરી આપી દીધી છે

ભારતીય રેલ્વે(Indian Raiway)માં તેજસ જેવી ખાનગી અને વંદે ભારતની તર્જ પર એન્જિન વગરની ટ્રેનો દોડાવવામાં આવવાની છે. હાલમાં, મુંબઈ સેન્ટ્રલ અને બાંદ્રા ટર્મિનસ પર વધારાની ટ્રેનો ચલાવવા તેમજ ટ્રેનો ઊભી કરવા માટે કોઈ જગ્યા ઉપલબ્ધ નથી. પરિણામે, નવેમ્બર 2021 માં, વેસ્ટર્ન રેલવેએ જોગેશ્વરી ટર્મિનસની સ્થાપના માટે રેલવે બોર્ડને(Railway board) પ્રસ્તાવ મોકલ્યો હતો આ પ્રોજેક્ટને તાજેતરમાં રેલવે બોર્ડ દ્વારા મંજૂરી આપવામાં આવી છે અને તેના માટે આશરે રૂ. 70 કરોડનો ખર્ચ થવાનો અંદાજ છે.

આ સમાચાર પણ વાંચો: વાહ! દાદરમાં બિન્દાસ શોપિંગ કરો, વાહન પાર્ક કરવાની ચિંતા છૂટી. BMC આપી આ સુવિધા..

જોગેશ્વરી ટર્મિનસ ખાતે એક પ્લેટફોર્મ અને ત્રણ લેન બનાવવામાં આવશે. આમાંથી એક લેનનો ઉપયોગ ગાડીઓની પાર્કિંગ માટે કરવામાં આવશે. મુંબઈ સેન્ટ્રલ અને બાંદ્રા ટર્મિનસથી કુલ 12 ટ્રેનો જોગેશ્વરી ટર્મિનસથી ઉપાડવાની યોજના છે. વેસ્ટર્ન રેલવેના મુખ્ય જનસંપર્ક અધિકારી સુમિત ઠાકુરના જણાવ્યા મુજબ મુસાફરોના પ્રતિસાદ પ્રમાણે ટ્રેનોની સંખ્યામાં વધારો કરવામાં આવશે.

હાલના ટર્મિનસમાં વધારાની ટ્રેનો માટે જગ્યા ન હોવાથી નવા ટર્મિનસ પરથી ટ્રેનો દોડાવવાની યોજના છે, એમ રેલવેના વરિષ્ઠ અધિકારીઓએ જણાવ્યું હતું. જોગેશ્વરી ટર્મિનસમાં એસ્કેલેટર, પદયાત્રી પુલ, વેઇટિંગ લિસ્ટ, ટિકિટિંગ કેન્દ્રો અને અન્ય મુસાફરોની સુવિધાઓ હશે. વર્ષ 2025ની ડેડલાઈન રાખવામાં આવી છે. 

મુંબઈ સેન્ટ્રલ અને બાંદ્રા ટર્મિનસ શહેરના મધ્યભાગમાં હોવાથી, ઉપનગરોના મુસાફરોને મોટી ટ્રાફિક ભીડનો સામનો કરવો પડે છે. નવું જોગેશ્વરી ટર્મિનસ મેટ્રો તેમજ વેસ્ટર્ન એક્સપ્રેસ(Western express) વે સાથે જોડાયેલું રહેશે. 

આ સમાચાર પણ વાંચો: તૈયાર રહેજો!! મુંબઈમાં આવી રહ્યો છે વરસાદ, હવામાન ખાતાએ આટલા દિવસમાં વરસાદની કરી આગાહી.. જાણો વિગતે

0 comment
0 FacebookTwitterPinterestEmail
મુંબઈ

બોરીવલી લિંકરોડ-હાઈવે ને જોડતો ફ્લાયઓવર આટલા સમયમાં પુરો થઈ જશે અને ખુલ્લો મૂકાશે… જાણો વિગતે.

by Dr. Mayur Parikh
written by Dr. Mayur Parikh

 

 News Continuous Bureau | Mumbai

આખરે વર્ષો જૂની બોરીવલીના એસ.વી.રોડની ટ્રાફિકની સમસ્યાથી નાગરિકોને છુટકારો મળવાનો છે. બહુ જલદી બોરીવલીનો કોરાકેન્દ્રનો ફ્લાયઓવર ખુલ્લો મુકાવાનો છે. આ પુલનું 95 ટકા કામ પૂરું થઈ ગયું છે. ચોમાસા પહેલા  આ પુલ  ટ્રાફિક માટે ખોલી દેવાની પાલિકાની યોજના હોવાનું કહેવાય છે.

એસ.વી. રોડના ટ્રાફિકની સમસ્યાને દૂર કરવા માટે કોરાકેન્દ્ર ફ્લાયઓવર નું લાંબા સમયથી કામ ચાલી રહ્યું છે. આ પુલના બાંધકામ પાછળ અત્યાર સુધી 150 કરોડ રૂપિયાનો ખર્ચ થઈ ચૂક્યો છે.

આ સમાચાર પણ વાંચો : વાહ! BMCની સ્કૂલમાં હવે વિદ્યાર્થીઓ ભણશે શૅરબજારના પાઠ, નવા શૈક્ષણિક વર્ષથી કોર્સનો થશે સમાવેશ; જાણો વિગતે

પાલિકાના અધિકારીના કહેવા મુજબ હાલ આ ફ્લાયઓવરના અનેક નાના-મોટા કામ ચાલી રહ્યા છે. આ પુલ પર આકર્ષક લાઈટ પણ બેસાડવામાં આવવાની છે, જે મુંબઈના સૌંદર્યમાં વધારો કરવાની છે.

પાલિકા દ્વારા તમામ પુલના સ્ટ્રક્ચરલ ઓડિટ કરીને આવશ્યક ઠેકાણે સમારકામ અને નવા પુલના બાંધકામ કરી રહી છે. જેમાં બોરીવલીના કોરા કેન્દ્રનો પુલ લિંક રોડથી વેસ્ટર્ન એક્સપ્રેસ તરફથી જાય છે. તેથી કલ્પના ચાવલા ચોક સિવાય સતત વાહનોની ભીડ રહેતા બે જંકશન ટાળીને ટ્રાફિકનું વિભાજન કરવું મહત્વનું રહેશે. આ પુલને કારણે લિંક રોડથી બોરીવલી વેસ્ટ સુધી સરળતાથી પહોંચી શકાશે. આ ફ્લાયઓવર 900 મીટર લાંબો અને ચાર લેનનો છે.

0 comment
0 FacebookTwitterPinterestEmail