News Continuous Bureau | Mumbai
Nashik TCS Case| નાસિકના ચર્ચિત TCS કેસમાં છેલ્લા ૨૫ દિવસથી પોલીસને હાથતાળી આપી રહેલી મુખ્ય મહિલા આરોપી નિદા ખાનની આખરે ધરપકડ કરવામાં આવી છે. નાસિક ક્રાઈમ બ્રાન્ચ અને છત્રપતિ સંભાજી નગર પોલીસે એક સંયુક્ત ઓપરેશન હાથ ધરીને નિદાને સંભાજી નગરના નારેગાંવ વિસ્તારમાંથી દબોચી લીધી હતી. ધરપકડ બાદ તેની પ્રથમ તસવીર પણ સામે આવી છે, જેમાં તે બુરખામાં જોવા મળી રહી છે.
ફ્લેટમાં ચાર સંબંધીઓ સાથે છુપાઈ હતી
પોલીસ સૂત્રોના જણાવ્યા અનુસાર, નિદા ખાન ૨૫ માર્ચથી ફરાર હતી અને સતત પોતાના લોકેશન બદલી રહી હતી. તે છત્રપતિ સંભાજી નગરના કૈસર કોલોની સ્થિત એક ફ્લેટમાં તેના ચાર સંબંધીઓ સાથે છુપાઈને રહી રહી હતી. નાસિક પોલીસે બાતમીના આધારે દરોડો પાડી તેને હિરાસતમાં લીધી હતી. પોલીસ હવે તે સંબંધીઓની ભૂમિકાની પણ તપાસ કરી રહી છે જેમણે આરોપીને આશરો આપ્યો હતો.
જામીન અરજી ફગાવ્યા બાદ વધી મુશ્કેલી
નિદા ખાને ધરપકડથી બચવા માટે નાસિક રોડ કોર્ટમાં આગોતરા જામીન અરજી કરી હતી, પરંતુ ૨ મે ૨૦૨૬ના રોજ કોર્ટે તેની અરજી ફગાવી દીધી હતી. સરકારી વકીલે કોર્ટમાં દલીલ કરી હતી કે નિદાએ પીડિતાને ધાર્મિક બાબતો માટે પ્રભાવિત કરી હતી અને તેને મલેશિયા કનેક્શન હોવાની પણ આશંકા છે. કોર્ટે કેસની ગંભીરતા અને ડિજિટલ પુરાવાઓને ધ્યાનમાં રાખીને જામીન આપવાનો ઇનકાર કર્યો હતો.
મલેશિયા લિંક અને ડિજિટલ પુરાવાની તપાસ
તપાસ એજન્સીઓને આ કેસમાં કેટલાક મોબાઈલ ચેટ અને ડિજિટલ લિંક્સ મળી છે, જે વિદેશી કનેક્શન તરફ ઈશારો કરે છે. કોર્ટમાં થયેલી સુનાવણી દરમિયાન મલેશિયા અને માલેગાંવ લિંકનો પણ ઉલ્લેખ કરવામાં આવ્યો હતો. પોલીસને આશંકા છે કે નોકરી અને પ્રમોશનના નામે કોઈ મોટું નેટવર્ક કામ કરી રહ્યું હોઈ શકે છે. ધરપકડ બાદ હવે નિદાને નાસિક લાવવામાં આવશે, જ્યાં પોલીસ તેની કસ્ટડી માંગીને ઊંડાણપૂર્વક પૂછપરછ કરશે.
👉 આ સમાચાર વાચો:
Today’s Horoscope : આજનો દિવસ:૮ મે ૨૦૨૬, શુક્રવાર, જાણો આપનું રાશિફળ
