News Continuous Bureau | Mumbai
US Sets Deadline for Iran War: મધ્ય પૂર્વમાં ચાલી રહેલા ભીષણ યુદ્ધ વચ્ચે અમેરિકાએ પહેલીવાર સ્પષ્ટ સંકેત આપ્યા છે કે ઈરાન વિરુદ્ધ તેમનું સૈન્ય અભિયાન લાંબુ નહીં ચાલે. અમેરિકી વિદેશ મંત્રી માર્કો રુબિયોએ જણાવ્યું છે કે આ ઓપરેશન “મહિનાઓ નહીં, પરંતુ અઠવાડિયામાં” ખતમ થઈ શકે છે અને આ માટે જમીની સેના ઉતારવાની જરૂર પડશે નહીં.ફ્રાન્સમાં G7 દેશોના વિદેશ મંત્રીઓની બેઠક બાદ રુબિયોએ દાવો કર્યો હતો કે અમેરિકા પોતાના નિર્ધારિત લક્ષ્યોને સમય પહેલા હાંસલ કરી લેશે. જોકે, તેમણે સ્વીકાર્યું હતું કે સાવચેતીના ભાગરૂપે પ્રદેશમાં અમેરિકી સૈનિકોની તૈનાતી વધારવામાં આવી રહી છે જેથી કોઈપણ કટોકટીમાં વિકલ્પો ખુલ્લા રહે.
ગ્રાઉન્ડ વોરનો ઇનકાર છતાં હજારો સૈનિકો રવાના
અમેરિકી વિદેશ મંત્રીએ ભલે જમીની યુદ્ધનો ઇનકાર કર્યો હોય, પરંતુ પેન્ટાગોને હજારો મરીન અને એરબોર્ન સૈનિકોને મધ્ય પૂર્વ મોકલવાનું શરૂ કરી દીધું છે. માર્ચ મહિનાના અંત સુધીમાં સૈનિકોની પ્રથમ બેચ એમ્ફિબિયસ જહાજ દ્વારા પહોંચવાની શક્યતા છે. આનાથી એવી આશંકા વધી ગઈ છે કે જો સ્થિતિ બગડશે તો જંગ જમીની સ્તર સુધી ફેલાઈ શકે છે.
આ સમાચાર પણ વાંચો: AI Weather Forecast:૩૦-૩૧ માર્ચે મેઘરાજાની ‘અનસીઝનલ’ એન્ટ્રી! સ્માર્ટ AI મોડલ્સ દ્વારા મેળવો રિયલ-ટાઇમ એલર્ટ, જાણો શું છે હવામાન વિભાગની લેટેસ્ટ ચેતવણી.
ટ્રમ્પની 10 દિવસની નવી ડેડલાઇન
રાષ્ટ્રપતિ ડોનાલ્ડ ટ્રમ્પ પણ આ જંગને વહેલી તકે ખતમ કરવાના સંકેત આપી રહ્યા છે. તેમણે ઈરાનને સ્ટ્રેટ ઓફ હોર્મુઝ ખોલવા માટે 10 દિવસની નવી ડેડલાઇન આપી છે, અન્યથા ઈરાનના ઉર્જા માળખા પર હુમલાની ચેતવણી આપી છે. ટ્રમ્પ પ્રશાસને પાકિસ્તાન મારફતે ઈરાનને 15 મુદ્દાનો પ્રસ્તાવ પણ મોકલ્યો છે, જેમાં યુરેનિયમ સંવર્ધન રોકવા જેવી શરતો સામેલ છે.
ઈરાનની મિસાઈલ ક્ષમતા હજુ અકબંધ
બ્રિટિશ ન્યૂઝ એજન્સી ના અહેવાલ મુજબ, અમેરિકી ગુપ્તચર સંસ્થાઓ માને છે કે અત્યાર સુધી ઈરાનની માત્ર એક તૃતીયાંશ (1/3) મિસાઈલ ક્ષમતા જ નષ્ટ થઈ શકી છે. એટલે કે ઈરાન પાસે હજુ પણ વળતો હુમલો કરવાની મોટી તાકાત મોજૂદ છે. આ જ કારણ છે કે જંગ જલ્દી ખતમ થવાના દાવા છતાં જમીની સ્તરે અચોક્કસતા અને ભયનો માહોલ છે.
