News Continuous Bureau | Mumbai
Maharashtra Election 2024 : મહારાષ્ટ્રમાં વિધાનસભા ચૂંટણીનું કાઉન્ટડાઉન શરૂ થઈ ગયું છે. આવતા સપ્તાહે ચૂંટણી યોજાવાની છે. આ વખતે રાજ્યમાં મહાયુતિ અને મહાવિકાસ આઘાડી વચ્ચે સીધો મુકાબલો થશે. આવી સ્થિતિમાં મુંબઈમાં વિધાનસભાની 36 બેઠકો ખૂબ જ મહત્વપૂર્ણ છે, કારણ કે આ 36માંથી 25 બેઠકો પર રાજ ઠાકરેની મહારાષ્ટ્ર નવનિર્માણ સેનાની મજબૂત પકડ છે.
મનસે એ 2024ની લોકસભા ચૂંટણીમાં મહાગઠબંધનને બિનશરતી સમર્થન આપ્યું હતું. પરંતુ વિધાનસભાની ચૂંટણીમાં મનસેના વડા રાજ ઠાકરેએ ‘એકલા ચલો રે’ની નીતિ અપનાવી છે. મનસે એ રાજ્યમાં 150 થી વધુ વિધાનસભા મતવિસ્તારો પર ઉમેદવારો ઉભા રાખ્યા છે. જેમાં મનસે એ મુંબઈમાં વિધાનસભાની 36માંથી 25 સીટો માટે ઉમેદવારોની જાહેરાત કરી છે. તેથી, એવી સંભાવના છે કે મનસે ઉમેદવારને મેદાનમાં ઉતારવાથી મુંબઈમાં મહાયુતિનો ખેલ બગડશે. જણાવી દઈએ કે મુંબઈમાં ભાજપ 17 અને શિવસેના 16 સીટો પર ચૂંટણી લડી રહી છે.
Maharashtra Election 2024 : શિંદે સામે મનસે ના 12 ઉમેદવારો, ભાજપ સામે 10 ઉમેદવારો-
રાજ ઠાકરેની પાર્ટીએ એકનાથ શિંદેની આગેવાની હેઠળના શિંદે જૂથ સામે 12 બેઠકો પર અને ભાજપ સામે 10 બેઠકો પર ઉમેદવારો ઉભા રાખ્યા છે, જ્યારે મહાયુતિએ શિવડી મતવિસ્તારમાંથી તેના ઉમેદવાર ઉભા કર્યા નથી. મનસે ના વરિષ્ઠ નેતા બાલા નંદગાંવકર શિવડી બેઠક પરથી ચૂંટણી લડી રહ્યા છે. આ સિવાય મનસેએ અજિત જૂથ સામે અને આરપીઆઈ સામે એક-એક ઉમેદવાર ઉતાર્યો છે.
Maharashtra Election 2024 : મહાયુતિ અને મહાવિકાસ આઘાડીને આ રીતે અસર થશે-
MNSએ મુંબઈની અન્ય બેઠકો સહિત વર્લી, માહિમ, માગાથાણે, કુર્લા, ચાંદીવલી, ભાંડુપ અને વિક્રોલીમાં ઉમેદવારો ઉભા રાખ્યા છે. જો આ સીટો પર મરાઠી લોકોના વોટ રાજ ઠાકરેની પાર્ટીને જાય છે તો મહાયુતિ અને મહાવિકાસ આઘાડીને મોટું નુકસાન થઈ શકે છે.
આ સમાચાર પણ વાંચો : Maharashtra assembly election 2024: મુંબઈના આ એક કોર્પોરેટરે પાર્ટી બદલી અને તેની સાથે જ ચૂંટણી પહેલા એક સીટ પર ભાજપ મજબૂત થઈ ગયો…
Maharashtra Election 2024 : આ યાદીમાં જુઓ મુંબઈની કઈ સીટો પર મહાયુતિ અને MNS વચ્ચે થશે ટક્કર?
- કોલાબા-રાહુલ નાર્વેકર (ભાજપ) – MNSએ ઉમેદવાર ઉભા કર્યા નથી.
- મલબાર હિલ – મંગલ પ્રભાત લોઢા (ભાજપ) – MNS એ ઉમેદવાર ઉભા રાખ્યા નથી.
- મુંબાદેવી – શાઈના એનસી (શિંદે ગ્રુપ)
- ભાયખલા- યામિની જાધવ (શિંદે ગ્રુપ)
- વરલી- મિલિંદ દેવરા (શિંદે ગ્રુપ) – સંદીપ દેશપાંડે (MNS)
- શિવડી – બાલા નંદગાંવકરે (MNS) મહાયુતિ તરફથી ઉમેદવાર આપ્યો નથી.
- માહિમ – સદા સરવણકર (શિંદે ગ્રુપ) – અમિત ઠાકરે (MNS)
- વડાલા – કાલિદાસ કોલંબકર (ભાજપ) – સ્નેહલ જાધવ (મનસે)
- ધારાવી – રાજેશ ખંડેરે (શિંદે જૂથ) – MNSએ ઉમેદવાર ઉભા કર્યા નથી.
- કુર્લા – મંગેશ કુડાલકર (શિંદે ગ્રુપ) – પ્રદીપ વાઘમારે (MNS)
- બાંદ્રા પશ્ચિમ – આશિષ શેલક (ભાજપ) – MNS એ ઉમેદવાર ઉભા રાખ્યા નથી.
- બાંદ્રા ઈસ્ટ – જીશાન સિદ્દીકી (અજિત પવાર ગ્રુપ) – તૃપ્તિ સાવંત (MNS)
- ચાંદીવલી – દિલીપ લાંડે (શિંદે ગ્રુપ) – મહેન્દ્ર ભાનુશાલી (MNS)
- ચેમ્બુર – તુકારામ કાઠે (શિંદે ગ્રુપ) – મૌલી થોરવે (MNS)
- અનુશક્તિ નગર – સના મલિક (અજિત પવાર જૂથ) – MNS એ ઉમેદવાર ઉભા કર્યા નથી.
- વિલે પાર્લે – પરાગ અલવાણી (ભાજપ) – જુલી શેંડે (MNS)
- અંધેરી વેસ્ટ – અમિત સાટમ (ભાજપ) – MNSએ ઉમેદવાર ઉભા કર્યા નથી.
- વર્સોવા – ભારતી લવકર (BJP) – સંદેશ દેસાઈ (MNS)
- ગોરેગાંવ – વિદ્યા ઠાકુર (ભાજપ) – વીરેન્દ્ર જાધવ (MNS)
- કાંદિવલી પૂર્વ – અતુલ ભાટખાલકર (ભાજપ) – મહેશ ફરકાસે (MNS)
- દિંડોશી – સંજય નિરુપમ (શિંદે ગ્રુપ) – ભાસ્કર પરબ (MNS)
- જોગેશ્વરી પૂર્વ – મનીષા વાયકર (શિંદે ગ્રુપ) – ભાલચંદ્ર અંબુરે (MNS)
- ચારકોપ – યોગેશ સાગર (BJP) – દિનેશ સાલ્વી (MNS)
- મલાડ પશ્ચિમ – વિનોદ શેલાર (ભાજપ) – MNS એ ઉમેદવાર ઉભા કર્યા નથી.
- બોરીવલી – સંજય ઉપાધ્યાય (BJP) – કુણાલ મેનકર (MNS)
- દહિસર- મનીષા ચૌધરી (ભાજપ)- રાજેશ યેરુનકર
- મુલુંડ- મિહિર કોટેચા (BJP)- MNSએ ઉમેદવાર ઉભા કર્યા નથી.
- ભાંડુપ પશ્ચિમ – અશોક પાટીલ (શિંદે ગ્રુપ) – શિરીષ સાવંત (MNS)
- વિક્રોલી – સુવર્ણા કરંજે (શિંદે ગ્રુપ) – વિશ્વજીત ડોલમ (MNS)
- કાલીના- અમરજીત સિંહ (RPI-BJP)- સંદીપ હુટગી (MNS)
- માનખુર્દ શિવાજી નગર – સુરેશ પાટીલ (શિંદે ગ્રુપ) – જગદીશ ખાંડેકર (MNS)
- ઘાટકોપર પશ્ચિમ – રામ કદમ (ભાજપ) – ગણેશ ચુકકલ (MNS)
- ઘાટકોપર પૂર્વ- પરાગ શાહ (ભાજપ) – સંદીપ કુલથે (MNS)
- અંધેરી પૂર્વ – મુરજી પટેલ (શિંદે જૂથ) – MNSએ ઉમેદવાર ઉભા કર્યા નથી.
- મગાથાણે – પ્રકાશ સુર્વે (શિંદે ગ્રુપ) – નયન કદમ (MNS)
- સાયન-તામિલ સેલ્વન (ભાજપ)- MNSએ ઉમેદવાર ઊભા કર્યા નથી.
