News Continuous Bureau | Mumbai

Kerala Story: કેરળની ( Kerala ) વિશેષ ફાસ્ટ ટ્રેક કોર્ટે (  Fast Track Special Courts ) સોમવારે (નવેમ્બર 27) એક મહિલાને પ્રોટેક્શન ઑફ ચિલ્ડ્રન ફ્રોમ સેક્સ્યુઅલ ઓફેન્સ એક્ટ ( POCSO ) કેસમાં 40 વર્ષની સખત કેદ અને 20,000 રૂપિયાના દંડની સજા ફટકારી છે. જજ આર. રેખાએ કહ્યું કે આરોપી માતૃત્વ માટે સંપૂર્ણ રીતે શરમજનક છે. તેણી માફી માટે પણ હકદાર નથી અને તેને મહત્તમ સજા આપવામાં આવી હતી.

ANIના અહેવાલ મુજબ, આ ઘટના માર્ચ 2018 થી સપ્ટેમ્બર 2019 વચ્ચે બની હતી. જ્યારે આ મહિલા (બીજો આરોપી) તેના માનસિક બીમાર પતિને છોડીને તેના શિશુપાલન (પ્રથમ આરોપી) નામના પ્રેમી સાથે રહેવા લાગી હતી. આ સમયગાળા દરમિયાન શિશુપાલે મહિલાની પુત્રી ( daughter ) પર ઘણી વખત બળાત્કાર ( Rape ) કર્યો હતો. બળાત્કાર દરમિયાન પ્રાઈવેટ પાર્ટમાં પણ ઈજા થઈ હતી. બાળકીએ આ વાત તેની માતાને ( mother ) ઘણી વખત કહી, પરંતુ તેણે તેની અવગણના કરી. તે બાળકને વારંવાર તેના ઘરે લઈ જતી હતી અને શિશુપાલ મહિલાની હાજરીમાં જ બાળક સાથે આ બધું કરતો હતો.

 11 વર્ષની મોટી બહેન આવ્યા બાદ થયો ખુલાસો….

જ્યારે છોકરીની 11 વર્ષની બહેન તેના ઘરે આવી ત્યારે બાળકીએ તેણી સાથે થયેલા અત્યાચારની જાણ કરી. જે બાદ શિશુપાલે એ મોટી છોકરી સાથે પણ આવું જ કર્યું. આ પછી શિશુપાલે બંનેને ધમકાવીને ચૂપ રહેવા કહ્યું. એક દિવસ તક મળતાં મોટી બહેન નાની બહેનને લઈને ઘરેથી ભાગી અને દાદીના ઘરે પહોંચી. ત્યાં જઈને તેણે દાદીને બધી વાત કહી. આ પછી દાદી બંને છોકરીઓને ચિલ્ડ્રન હોમમાં લઈ ગઈ હતી. ત્યાં યોજાયેલા કાઉન્સેલિંગ દરમિયાન યુવતીઓએ સંપૂર્ણ માહિતી આપી હતી. અહીથી પોલીસને માહિતી આપવામાં આવી હતી.

આ સમાચાર પણ વાંચોઃ  Sikandar Raza : ઝિમ્બાબ્વેના સિકંદર રઝાએ T20 માં રચ્યો ઈતિહાસ, વિરાટ કોહલીના આ રેકોર્ડની કરી બરાબરી.. જુઓ અહીં..

વિશેષ સરકારી વકીલ આરએસ વિજય મોહને ANIને જણાવ્યું હતું કે, “આ ગુના માટે માતાને 40 વર્ષની જેલ અને 20,000 રૂપિયાના દંડની સજા ફટકારવામાં આવી છે. મુખ્ય આરોપી શિશુપાલન મહિલાનો પ્રેમી હતો અને તેણે મહિલાની સામે બાળકીઓ પર દુષ્કર્મ આચર્યું હતું. આરોપીએ પ્રથમ બાળકી પર સૌપ્રથમ યૌન શોષણ કર્યું જ્યારે તે સાત વર્ષની હતી અને પહેલા ધોરણમાં અભ્યાસ કરતી હતી. નાની બાળકીએ તેની માતાને આ બધું કહ્યું હતું, પરંતુ તેણે આ બાબતે કંઈ કર્યું ન હતું. ઉલટું તેણે આગળ વધીને તેના પ્રેમીને આ કામમાં મદદ કરી હતી..” કેસની સુનાવણી દરમિયાન, પ્રથમ આરોપી શિશુપાલને આત્મહત્યા કરી લીધી હતી. તેથી, કેસ માત્ર માતા વિરુદ્ધ દાખલ કરવામાં આવ્યો હતો. બાળકો હાલમાં ચિલ્ડ્રન હોમમાં રહે છે.”