News Continuous Bureau | Mumbai
Russia Ukraine War : રશિયા-યુક્રેન વચ્ચે હજુ પણ ચાલુ છે. ફેબ્રુઆરી 2022 માં, રશિયાએ યુક્રેન પર આક્રમણ કર્યું અને દેશનો વધુ ભાગ કબજે કરવાનું શરૂ કર્યું. દરમિયાન જાપાન રશિયા-યુક્રેન યુદ્ધમાં કૂદી પડ્યું છે. જાપાને રશિયા સામે એક મહત્વપૂર્ણ પગલું ભર્યું છે. શુક્રવારે, યુક્રેન સામેના યુદ્ધને લઈને અમેરિકાએ રશિયા સામે વધારાના પ્રતિબંધોને મંજૂરી આપી દીધી છે. જેમાં 10 થી વધુ વ્યક્તિઓ અને જૂથોની મિલકતો ફ્રીઝ કરવાનો સમાવેશ થાય છે. આ સાથે, રશિયા અને અન્ય ઘણા દેશોમાં ડઝનબંધ સંસ્થાઓને નિકાસ પર પણ પ્રતિબંધો લાદવામાં આવ્યા છે. આ પ્રતિબંધો એવા લોકો પર લાદવામાં આવ્યા છે જેઓ રશિયાને આંતરરાષ્ટ્રીય પ્રતિબંધોથી બચવામાં મદદ કરે છે.
Russia Ukraine War : યુક્રેન પર આક્રમણ બદલ રશિયા સામે પ્રતિબંધો
મીડિયા રિપોર્ટ મુજબ મુખ્ય કેબિનેટ સચિવ યોશિમાસા હયાશીએ આજે કેબિનેટને જણાવ્યું હતું કે વધારાના પ્રતિબંધો યુક્રેન પર આક્રમણ બદલ રશિયા સામે પ્રતિબંધોને મજબૂત બનાવવાના G-7 પ્રયાસ પ્રત્યે જાપાનની પ્રતિબદ્ધતા દર્શાવે છે. જાપાને અગાઉ પણ ઘણી વખત પ્રતિબંધો લાદ્યા છે અને ડિસેમ્બરના મધ્યમાં G-7 ઓનલાઈન સમિટમાં વડા પ્રધાન શિગેરુ ઈશિબાએ દેશની નીતિને પુનઃપુષ્ટિ આપ્યાના એક મહિના પછી આ તાજેતરનું પગલું લેવામાં આવ્યું છે.
Russia Ukraine War : આંતરરાષ્ટ્રીય પ્રયાસના ભાગ રૂપે આ જાપાનનું યોગદાન
હયાશીએ કહ્યું કે વૈશ્વિક શાંતિ પ્રાપ્ત કરવા અને રશિયન આક્રમણને કારણે યુક્રેનની સમસ્યાઓના ઉકેલ માટે આંતરરાષ્ટ્રીય પ્રયાસના ભાગ રૂપે આ જાપાનનું યોગદાન છે. જાપાને એવી વ્યક્તિઓ, સંસ્થાઓ અને બેંકોની યાદી તૈયાર કરી છે જેમની સંપત્તિ સ્થગિત કરવામાં આવશે. આ યાદીમાં ૧૧ વ્યક્તિઓ, ૨૯ સંસ્થાઓ અને ત્રણ રશિયન બેંકોનો સમાવેશ થાય છે.
આ સમાચાર પણ વાંચો : Ukraine Russia War: યુક્રેનના ઝાપોરિઝિયામાં રશિયાએ મિસાઇલ છોડી, આટલા લોકોના મોત; જુઓ વિડીયો..
Russia Ukraine War : રશિયાને મદદ કરનારાઓ પણ દબાણ હેઠળ
આ ઉપરાંત, ઉત્તર કોરિયા અને જ્યોર્જિયાની એક-એક બેંક પણ આ યાદીમાં સામેલ છે, જેના પર રશિયાને પ્રતિબંધોથી બચવામાં મદદ કરવાનો આરોપ છે. કેબિનેટે 22 રશિયન લશ્કરી-સંબંધિત સંગઠનો પર સંપૂર્ણ નિકાસ પ્રતિબંધને મંજૂરી આપી, જેમાં ટેકનોલોજી અને મશીનરી ઉત્પાદકોનો સમાવેશ થાય છે. વેપાર અને ઉદ્યોગ મંત્રાલયના જણાવ્યા અનુસાર, જાપાને 23 જાન્યુઆરીથી રશિયામાં નિકાસ ન કરી શકાય તેવી 335 વસ્તુઓની યાદીને પણ મંજૂરી આપી છે.
