News Continuous Bureau | Mumbai 

GST Council Meeting: GST કાઉન્સિલની 56મી બેઠકમાં કેટલાક મોટા નિર્ણયો લેવામાં આવ્યા છે, જેનાથી સામાન્ય નાગરિકો, નાના વેપારીઓ અને ખેડૂતોને મોટી રાહત મળી છે. સરકારે દિવાળી પહેલા દેશના લોકોને ભેટ આપી છે, જેમાં GST (ગુડ્સ એન્ડ સર્વિસ ટેક્સ) સ્લેબની સંખ્યા ઘટાડીને માત્ર બે – 5% અને 18% – કરવાની મંજૂરી આપવામાં આવી છે. આ બેઠકમાં કેટલીક આવશ્યક ચીજવસ્તુઓને પણ ટેક્સ (tax) ફ્રી (free) જાહેર કરવામાં આવી છે, જેમાં રોટલી, પનીર અને દૂધ જેવી વસ્તુઓનો સમાવેશ થાય છે.

રોજિંદા જીવનની ચીજવસ્તુઓ પર હવે GST લાગશે નહીં

કેન્દ્રીય નાણામંત્રી નિર્મલા સીતારમણે બુધવારે બેઠક બાદ GSTમાં થયેલા ફેરફારો અંગે માહિતી આપી. તેમણે કહ્યું કે, રોજિંદા વપરાશની વસ્તુઓ ઉપરાંત દવાઓ અને શિક્ષણ સંબંધિત સામાનને પણ ટેક્સ ફ્રી કરવામાં આવ્યો છે. આ ઉપરાંત, ઘણી ચીજવસ્તુઓ પર GST ઘટાડવામાં આવ્યો છે. ઉદાહરણ તરીકે, ટ્રેક્ટરના અમુક પાર્ટ્સ પર GST 18% થી ઘટાડીને 5% કરવામાં આવ્યો છે. અગાઉ ટ્રેક્ટર પર 12% ટેક્સ લાગતો હતો, જે હવે ઘટાડીને 5% કરી દેવાયો છે.

આ સમાચાર પણ વાંચો : Yeh Rishta Kya Kehlata Hai: ‘યે રિશ્તા ક્યા કહલાતા હૈ’માં આવશે 15 વર્ષનો લિપ!અભિરા-અરમાન ની કહાની લેશે મોટો વળાંક, આના પર નેટિઝન્સ એ આપી આવી પ્રતિક્રિયા

 ખાદ્ય પદાર્થોની આ યાદી પર GST લાગશે નહીં

નાણાં મંત્રી નિર્મલા સીતારમણે ટેક્સ સ્લેબમાં ફેરફારની માહિતી આપતા એવા સામાનની યાદી આપી જેના પર હવે GST લાગશે નહીં. આ વસ્તુઓ પર અગાઉ 5% થી 18% સુધીનો GST લાગતો હતો, પરંતુ હવે તે ઝીરો GST હેઠળ આવી ગઈ છે.
રેડી-ટુ-ઈટ (ready to eat) રોટલી
રેડી-ટુ-ઈટ (ready to eat) પરાઠા
તમામ પ્રકાર ના બ્રેડ (bread)
પિઝા (pizza)
પનીર
UHT દૂધ
માવો

શિક્ષણ અને સ્વાસ્થ્ય સંબંધી વસ્તુઓ પર પણ ટેક્સ હટાવવામાં આવ્યો

સરકારે વિદ્યાર્થીઓને મોટી રાહત આપતા શિક્ષણ સંબંધિત સામાનને ટેક્સ ફ્રી કર્યો છે. પેન્સિલ, રબર અને કટર જેવી વસ્તુઓ પર અગાઉ ટેક્સ લાગતો હતો, જે હવે GSTના દાયરામાંથી બહાર છે.
પેન્સિલ (pencil)
રબર (rubber)
કટર (cutter)
નોટબુક (notebook)
ગ્લોબ (globe)
નકશા (maps)
પ્રેક્ટિસ બુક (practice book)
ગ્રાફ બુક (graph book)
સામાન્ય લોકોને મોટી રાહત આપતા સરકારે ઘણી દવાઓને પણ ટેક્સ ફ્રી કરી છે. આ સાથે, હેલ્થ અને લાઇફ પોલિસીને પણ GSTના દાયરામાંથી બહાર રાખવામાં આવી છે. કાઉન્સિલની બેઠકમાં 33 જીવનરક્ષક દવાઓ પરથી GST સંપૂર્ણપણે ખતમ કરી દેવામાં આવ્યો છે, જેના પર અગાઉ 12% ટેક્સ લાગતો હતો.
નોંધનીય છે કે, ટૂથ પાઉડર, દૂધની બોટલો, રસોડાના વાસણો, છત્રી, સાયકલ, વાંસના ફર્નિચર અને કાંસકો જેવી ચીજવસ્તુઓ પરનો ટેક્સ રેટ 12% થી ઘટાડીને 5% કરવામાં આવ્યો છે. આ ઉપરાંત, શેમ્પૂ, ટેલ્કમ પાવડર, ટૂથપેસ્ટ, ટૂથબ્રશ, ફેસ પાઉડર, સાબુ અને હેર ઓઇલ પરના ટેક્સ રેટ 18% થી ઘટાડીને 5% કરવામાં આવ્યા છે.