News Continuous Bureau | Mumbai
Arijit Singh: સિંગર અરિજીત સિંહે સોશિયલ મીડિયા પર પ્લેબેક સિંગિંગ (ફિલ્મી ગીતો) છોડવાની જાહેરાત કરી છે. તેમણે લખ્યું કે, “વર્ષો સુધી મને આટલો પ્રેમ આપવા બદલ આભાર. હું હવે પ્લેબેક સિંગર તરીકે કોઈ નવા અસાઇનમેન્ટ લેવાનો નથી. હું આ સફરને અહીં જ પૂર્ણ કરી રહ્યો છું.”
આ સમાચાર પણ વાંચો : Varun Dhawan Metro Controversy: વરુણ ધવનની શિસ્તભંગની હરકત પર મુંબઈ મેટ્રો ની લાલ આંખ! વીડિયો વાયરલ થતા જ કાયદાનું ભાન કરાવ્યું; જાણો શું છે આખો વિવાદ
કેમ લીધો આ મોટો નિર્ણય?
અરિજીત સિંહે નિવૃત્તિ પાછળના અનેક કારણો આપતા જણાવ્યું કે, તેઓ એકના એક પ્રકારના ગીતો અને અરેન્જમેન્ટથી કંટાળી ગયા છે. જીવંત રહેવા માટે તેમને કંઈક નવું સંગીત કરવાની જરૂર છે. અરિજીત હવે ભારતીય શાસ્ત્રીય સંગીત (Indian Classical Music) માં ઊંડા ઉતરવા માંગે છે. તેઓ સંગીત બનાવવાનું ચાલુ રાખશે પરંતુ સ્વતંત્ર રીતે.તેઓ ઈચ્છે છે કે હવે કોઈ નવો અવાજ તેમને પ્રેરણા આપે અને ઇન્ડસ્ટ્રીમાં આગળ આવે.
View this post on Instagram
અરિજીતની આ પોસ્ટ પર આખું બોલિવૂડ ભાવુક થયું છે. રેપર બાદશાહે લખ્યું – “સદીઓમાં એક”, જ્યારે મ્યુઝિક કમ્પોઝર અમાલ મલિકે કહ્યું કે, “તમારા વગર ફિલ્મ મ્યુઝિક ક્યારેય પહેલા જેવું નહીં રહે.” ચાહકો પણ આ સમાચાર માનવા તૈયાર નથી, ઘણાએ તેને ‘પ્રૅન્ક’ ગણાવ્યું છે તો કેટલાકે તેમના આ નિર્ણયને માન આપીને નવા ઇન્ડિપેન્ડન્ટ મ્યુઝિક એરાની રાહ જોવાની વાત કરી છે.૨૦૦૫માં રિયાલિટી શો ‘ફેમ ગુરુકુલ’ થી પોતાની સફર શરૂ કરનાર અરિજીતે ૨૦૧૧માં ‘મર્ડર ૨’ થી ડેબ્યૂ કર્યું હતું. ‘તુમ હી હો’, ‘કેસરિયા’ અને ‘બિંતે દિલ’ જેવા હજારો હિટ ગીતો આપનાર અરિજીતે ૨ નેશનલ એવોર્ડ જીત્યા છે. ૨૦૨૫માં તેમને પદ્મશ્રી થી સન્માનિત કરવામાં આવ્યા હતા. જોકે, તેમણે સ્પષ્ટ કર્યું છે કે તેમના જૂના કમિટમેન્ટ્સ મુજબ આ વર્ષે તેમના કેટલાક ગીતો હજુ રિલીઝ થશે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
