News Continuous Bureau | Mumbai
TRP Rating: નવા વર્ષના ત્રીજા અઠવાડિયાના ટીવી રેટિંગ્સ સામે આવ્યા છે, જે દર્શાવે છે કે દર્શકોની પસંદગી હવે બદલાઈ રહી છે. લાંબા સમય સુધી ટોપ પર રહેલી સિરિયલ ‘અનુપમા’ આ વખતે ત્રીજા સ્થાને ફેંકાઈ છે, જ્યારે એકતા કપૂરની સુપરનેચરલ સીરીઝ ‘નાગિન 7’ એ પ્રથમ સ્થાન મેળવ્યું છે.સીરિયલ ‘નાગિન 7’ એ આ અઠવાડિયે 2.4 ના રેટિંગ સાથે ટોપનું સ્થાન હાંસલ કર્યું છે. બીજા અઠવાડિયે આ શો 2.1 રેટિંગ સાથે ત્રીજા સ્થાને હતો, પરંતુ પ્રિયંકા ચાહર ચૌધરીના લીડ રોલ અને વાર્તામાં આવેલા ટ્વિસ્ટને કારણે તેની લોકપ્રિયતામાં જોરદાર ઉછાળો આવ્યો છે.
આ સમાચાર પણ વાંચો : Rubina Dilaik Surprises Fans: રુબીના દિલૈકે શેર કર્યા ગુડ ન્યૂઝ! જોડિયા પુત્રીઓ બાદ અભિનેત્રીએ ત્રીજી પ્રેગ્નન્સીની કરી જાહેરાત? જાણો વીડિયો પાછળનું સત્ય
ટોપ-3 માં કોનો દબદબો?
વર્ષ 2026ના ત્રીજા અઠવાડિયાના TRP ચાર્ટમાં ચોંકાવનારા ફેરફાર જોવા મળ્યા છે, જેમાં ‘નાગિન 7’ 2.4 ના મજબૂત રેટિંગ સાથે નંબર-1 ના સ્થાને બિરાજમાન થઈ છે. વર્ષો સુધી TRP પર રાજ કરનાર રૂપાલી ગાંગુલીની સિરિયલ ‘અનુપમા’ માટે આ અઠવાડિયું નિરાશાજનક રહ્યું છે, જે 2.2 ના રેટિંગ સાથે લિસ્ટમાં નીચે સરકીને ત્રીજા સ્થાને પહોંચી ગઈ છે. બીજી તરફ, સ્મૃતિ ઈરાનીનો કમબેક શો ‘ક્યોકી સાસ ભી કભી બહૂ થી 2’ 2.2 ના રેટિંગ સાથે બીજા સ્થાને રહ્યો છે, જોકે ગત અઠવાડિયાના 2.3 ના રેટિંગની સરખામણીએ આ વખતે તેમાં આંશિક ઘટાડો નોંધાયો છે.ટોપ-5 માં નવી સિરિયલોએ પણ જોરદાર એન્ટ્રી કરી છે. ‘તુમ સે તુમ તક’ અને ‘વસુધા’ બંને સિરિયલો 1.9 ના સમાન રેટિંગ સાથે અનુક્રમે ચોથા અને પાંચમા સ્થાને રહી છે, જે દર્શાવે છે કે દર્શકો હવે નવા વિષયો તરફ વળી રહ્યા છે.
View this post on Instagram
ટીવી એક્સપર્ટ્સનું માનવું છે કે ‘નાગિન’ જેવી થ્રિલર અને સુપરનેચરલ વાર્તાઓને કારણે ફેમિલી ડ્રામા કરતા દર્શકો વધુ આકર્ષાઈ રહ્યા છે. ખાસ કરીને યુવા પ્રેક્ષકોમાં ‘નાગિન 7’ નો ક્રેઝ ઘણો જોવા મળી રહ્યો છે. બીજી તરફ, સ્મૃતિ ઈરાનીની સિરિયલમાં આવતા નવા વળાંકો તેને બીજા ક્રમે ટકાવી રાખવામાં સફળ રહ્યા છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
