News Continuous Bureau | Mumbai
Reel vs Real| બોલિવૂડ ફિલ્મોમાં ઘણીવાર એવા સીન્સ બતાવવામાં આવે છે જેમાં કલાકારો દારૂ પીતા જોવા મળે છે. વિલનથી લઈને હીરોહીરોઈન સુધીના પાત્રો ગ્લાસ પકડીને બેઠા હોય ત્યારે જોનારને લાગે છે કે તેઓ ખરેખર દારૂ પી રહ્યા છે. પરંતુ શું ફિલ્મી પડદા પર દેખાતું આ દ્રશ્ય અસલી હોય છે? જવાબ છે ના. મોટાભાગના કિસ્સાઓમાં એક્ટર્સ નોનઆલ્કોહોલિક ડ્રિંક્સ પીતા હોય છે, જોકે કેટલાક કિસ્સાઓમાં કલાકારોએ પાત્રમાં ડૂબવા માટે સાચો નશો પણ કર્યો છે.
દારૂ નથી હોતો તો ગ્લાસમાં શું હોય છે?
શૂટિંગ દરમિયાન દારૂના વિકલ્પ તરીકે વિવિધ રંગના પીણાંનો ઉપયોગ કરવામાં આવે છે. જો સીનમાં વ્હિસ્કી કે રમ બતાવવાની હોય, તો ગ્લાસમાં ‘આઈસ્ડ ટી’ (Iced Tea) ભરવામાં આવે છે, જેનો રંગ હૂબહૂ વ્હિસ્કી જેવો લાગે છે. બીયર બતાવવા માટે નોન-આલ્કોહોલિક બીયર અથવા ‘જીંજર એલે’ (Ginger Ale) વપરાય છે. વોડકા કે જીનની જગ્યાએ સાદું પાણી હોય છે અને રેડ વાઈનની જગ્યાએ કાળી દ્રાક્ષ અથવા બ્લેકકરન્ટનો જ્યુસ આપવામાં આવે છે.
સાચો દારૂ કેમ ટાળવામાં આવે છે?
ફિલ્મ મેકિંગમાં એક જ સીન માટે અલગ-અલગ એંગલથી ઘણા ટેક્સ લેવા પડે છે. જો એક્ટર સાચો દારૂ પીવે, તો વારંવારના ટેક્સને કારણે તે નશામાં આવી શકે છે. એક્ટ્રેસ કે એક્ટર નશામાં હોય તો ફોકસ ગુમાવે છે અથવા ડાયલોગ ભૂલી જાય છે, જેનાથી શૂટિંગમાં મુશ્કેલી પડે છે. આથી ડાયરેક્ટર્સ હંમેશા ‘પ્રોપ્સ’ (નકલી પીણાં) નો જ આગ્રહ રાખે છે.
જ્યારે એક્ટર્સે સાચે જ ડ્રિંક કર્યું!
ઘણીવાર ‘મેથડ એક્ટિંગ’ માટે કલાકારો સાચો દારૂ પણ પીવે છે. ફિલ્મ ‘થ્રી ઈડિયટ્સ’માં સીડી પર બેસીને દારૂ પીવાના સીન માટે આમિર ખાન, શર્મન જોશી અને આર. માધવને સાચે જ ડ્રિંક કર્યું હતું જેથી સીન ઓરિજિનલ લાગે. તેવી જ રીતે ‘દેવદાસ’માં શાહરૂખ ખાને અને ‘સિટી લાઈટ્સ’માં રાજકુમાર રાવે પણ પરફેક્ટ શોટ આપવા માટે અસલી દારૂનો સહારો લીધો હોવાના અહેવાલો છે. રણવીર સિંહે પણ ‘રામલીલા’ના એક ઈમોશનલ સીન માટે આવું જ કર્યું હતું.
👉 આ સમાચાર વાચો:
Tejasswi Prakash Karan Kundrra Wedding| તેજસ્વીકરણના સિક્રેટ મેરેજ? અભિષેક કુમારે મીડિયા સામે કર્યો મોટો ખુલાસો
