News Continuous Bureau | Mumbai

Ranveer Singh Box Office Records 2026| બોલિવૂડ સુપરસ્ટાર રણવીર સિંહ માટે ‘ધુરંધર’ ફ્રેન્ચાઇઝી ગેમચેન્જર સાબિત થઈ છે. કોવિડ૧૯ પછીના કપરા સમય બાદ રણવીરે બોક્સ ઓફિસ પર એવો ધમાકો કર્યો છે કે તેણે બોલિવૂડના કિંગ શાહરૂખ ખાન અને સાઉથના સુપરસ્ટાર પ્રભાસને પણ પાછળ છોડી દીધા છે. રણવીર સિંહ હવે કોવિડ પછીના યુગમાં વિશ્વભરમાં 3700 કરોડથી વધુની કમાણી કરનારો પહેલો ભારતીય મેલ સ્ટાર બની ગયો છે.

‘ધુરંધર ૨’ એ બોક્સ ઓફિસ પર મચાવી તબાહી

મીડિયા ના આંકડા મુજબ, રણવીર સિંહની ફિલ્મ ‘ધુરંધર ૨’ છેલ્લા ૫૫ દિવસથી સિનેમાઘરોમાં ધૂમ મચાવી રહી છે. આ ફિલ્મે વિશ્વભરમાં અત્યાર સુધીમાં 1833.56 કરોડની પ્રચંડ કમાણી કરી છે. આ પહેલા ૨૦૨૫માં આવેલી ‘ધુરંધર’ના પહેલા ભાગે પણ 1354.84 કરોડનું કલેક્શન કર્યું હતું. આ બે ફિલ્મોએ રણવીરને ગ્લોબલ લેવલ પર એક નવો મુકામ આપ્યો છે.

શાહરૂખ ખાન અને પ્રભાસને મોટા અંતરથી પછાડ્યા

કોવિડ પછીના ગાળામાં રિલીઝ થયેલી ફિલ્મોની કુલ કમાણી પર નજર કરીએ તો રણવીર સિંહ સૌથી આગળ નીકળી ગયો છે. રણવીરની કુલ કમાણી 3785.35 કરોડ પર પહોંચી ગઈ છે. તેની સરખામણીમાં શાહરૂખ ખાનની ફિલ્મોની કુલ કમાણી 2704.07 કરોડ છે, જ્યારે પ્રભાસની ફિલ્મોએ 2393.29 કરોડની કમાણી કરી છે. રણવીરે આ બંને દિગ્ગજોને મોટા માર્જિનથી હરાવીને નવો ઈતિહાસ રચ્યો છે.

રણવીરની સફર: ‘૮૩’ થી ‘ધુરંધર ૨’ સુધી

રણવીરની આ યાત્રામાં ઉતાર-ચઢાવ પણ જોવા મળ્યા હતા. કોવિડ બાદ તેની ફિલ્મ ‘૮૩’ એ 184.36 કરોડ, ‘જયેશભાઈ જોરદાર’ એ 24.1 કરોડ અને ‘સર્કસ’ એ 39.6 કરોડની કમાણી કરી હતી. જોકે, ‘રોકી ઔર રાની કી પ્રેમ કહાની’ એ 348.89 કરોડ સાથે સારી શરૂઆત અપાવી હતી, પરંતુ અસલી કમાલ ‘ધુરંધર’ સિરીઝે કરી બતાવી. હવે રણવીરની નજર આગામી ફિલ્મ સાથે 4000 કરોડનો આંકડો પાર કરવા પર છે.

👉 આ સમાચાર વાચો:
Alia Bhatt Cannes 2026।કાન્સમાં આલિયા ભટ્ટે હેટર્સની બોલતી બંધ કરી ટ્રોલિંગ બાદ લેવેન્ડર લુકમાં આપ્યો ગ્લેમરસ જવાબ